شميط حلّي
17-02-2002, 03:25 AM
لاحول ولا قوة الا بالله ...
انا لله من هالمفحطين والحراميه ...
وحده من حلقات السرقات الجديده حصلت قبل فتر ه قريبه جدا في الرياض بعد...(بحي النسيم اللي يدخله يطلع منه نديم )
لا وبفكره جديده غير اللي عرفتها عنهم ...
واحد ماشي في امان الله بسيارته الكامري (جديده يعني فك وكاله) ...وطبعا هذي السياره المفضله للمفحطين السرابيت ...عفوا على الكلمه... المهم ...الادمي نزل من سيارته لمركز تجاري وقفل الابواب وكل شي ...ولما دخل للمركز وهذا الكلام على لسان الشاهد اللي يقص لي القصه يقول ...ان اشكالهم وملابسهم وسخه وحالتهم غريبه وواحد منهم رامي الشماغ على كتفه ...قربوا لسيارة الرجال لما دخل للمحل...والظاهر انهم كانوا مراقبين الرجال من مسافه والله اعلم ...فكوا الطاسه الاماميه (اليمنى)...اليمنى ليش ؟؟؟
استغربت لحظتها (والكلام لي ) منهم ليش يفكون الطاسه ويبعدون عن السياره بدل مايفكون الباب بسرعه باحدى طرقهم اللي صارت قديمه على ما اظن ويشغلونها اذا هم مستعجلين...على انهم قدام الخلق ...بس انا قلت كذا لاني مالقيت تفسير لحظتها ...مادريت ان الوضع تطور لحاجه العن من كذا ...
الزبده ...بعد ما خلص الرجال من التسوق...رجع لسيارته و لسوء حظه مالاحظ الطاسه اللي انفكت ...ركب وانتظره واحد من الاثنين اللي فكو الطاسه الى ان يشغل السياره!!!!!!!!!!!!!!!
شغل الرجال ولحظتها...( يقول صاحبي اللي بدى يزيد شكه وهو بوسط سيارته يناظرهم قريبين منه ...واللي كان ينتظر واحد من زملائه معاه نزله لنفس المركز )...بعد ماشغل السياره طلع له اللي كان قريب من السياره و أشر له للكفر وقال له (الطاسه طايحه)...
وطبعا اكيييييييييد دامه توه مشغل السياره ماراح يطفيها ...او ممكن يتعاجز الواحد ...وحتى مافيه خوف على السياره لانه موجود!!!!!!!
نزل يصلح الطاسه اللي كانت مرميه جنب الكفر ...وبنفس اللحظه ركب الشاب الاول السياره ...........وهات يا فورمولا ون ...وعينك ماتشوف الشمس ...والرجال صاحب السياره كاد يدعس ...وطبعا ماانتبه على سيارته لانه كان منحني يركب الطاسه ...لا واي طاسه ... البعيده عن السواق ...اليمنى....(devel)
صاحبي في هاللحظه توه صحى من غيبوبته ...ونزل من سيارته ...وبسرعه تصرف وركب هو والرجال المسروق لسيارة صاحبي علشان يلحقون السياره ...
لحسن الحظ ان الطريق زحمه ...وقدروا يلحقونه ولو من بعيد والاثنين ماشين بسرعه عاليه ويقطعون الاشارات ...وكان لحظتها فيه بالموقع شرطه عسكريه ...اظن قال انها تابعه للحرس الوطني ...
وصارت الدعوه فلم هندي ...سيارتين تتطارد والشرطه وراهم ...
بعد فتره من الملاحقه ...قدروا بفضل الله انهم يوقفون السياره المسروقه بس بدون الحرامي و خويه اللي كان ينتظره بمكان متفقين عليه على مانظن بعدمافكوا الطاسه ...
هدا الوضع وانشرح الموقف للشرطه ...والسياره رجعت بس مصدومه ومتهالكه ...والحيوان اللي سرقها ...حط رجله ولا صادوه ... (amazed) (amazed)
----------------------
سألت صاحبي ليش ما تحركت يوم شفتهم يفكون الطاسه وهم مشبوهين ...بس الظاهر انه خواف ولا يحب اللقافه ...
------------------------
يعني ياشباب يانااااااااااس انتبهوا وضع البشر تغير وخاصه بالرياض ...انتبهو لسياراتكم ...ولعل القصه هذي تكون عبره انشاء الله ...ووالله ان همي يوم اكتبها اني احذركم وخوفا على حقوقنا ...قبل كل شي ...وش ذنب هالمسكين ينسرق ...الله يعينه ...
وخاصة اني اعامل سيارتي كأنها ((حرمتي)) ... مملوكه لي انا بس ... وماهي لغيري ...ومعليش على الوصف...
والدعوه ماهي مزح.....:eek: :eek: :eek:
وتحياتي لكم ياشباب ((المقهى العربي)) ...
(bye) (bye) (bye)
انا لله من هالمفحطين والحراميه ...
وحده من حلقات السرقات الجديده حصلت قبل فتر ه قريبه جدا في الرياض بعد...(بحي النسيم اللي يدخله يطلع منه نديم )
لا وبفكره جديده غير اللي عرفتها عنهم ...
واحد ماشي في امان الله بسيارته الكامري (جديده يعني فك وكاله) ...وطبعا هذي السياره المفضله للمفحطين السرابيت ...عفوا على الكلمه... المهم ...الادمي نزل من سيارته لمركز تجاري وقفل الابواب وكل شي ...ولما دخل للمركز وهذا الكلام على لسان الشاهد اللي يقص لي القصه يقول ...ان اشكالهم وملابسهم وسخه وحالتهم غريبه وواحد منهم رامي الشماغ على كتفه ...قربوا لسيارة الرجال لما دخل للمحل...والظاهر انهم كانوا مراقبين الرجال من مسافه والله اعلم ...فكوا الطاسه الاماميه (اليمنى)...اليمنى ليش ؟؟؟
استغربت لحظتها (والكلام لي ) منهم ليش يفكون الطاسه ويبعدون عن السياره بدل مايفكون الباب بسرعه باحدى طرقهم اللي صارت قديمه على ما اظن ويشغلونها اذا هم مستعجلين...على انهم قدام الخلق ...بس انا قلت كذا لاني مالقيت تفسير لحظتها ...مادريت ان الوضع تطور لحاجه العن من كذا ...
الزبده ...بعد ما خلص الرجال من التسوق...رجع لسيارته و لسوء حظه مالاحظ الطاسه اللي انفكت ...ركب وانتظره واحد من الاثنين اللي فكو الطاسه الى ان يشغل السياره!!!!!!!!!!!!!!!
شغل الرجال ولحظتها...( يقول صاحبي اللي بدى يزيد شكه وهو بوسط سيارته يناظرهم قريبين منه ...واللي كان ينتظر واحد من زملائه معاه نزله لنفس المركز )...بعد ماشغل السياره طلع له اللي كان قريب من السياره و أشر له للكفر وقال له (الطاسه طايحه)...
وطبعا اكيييييييييد دامه توه مشغل السياره ماراح يطفيها ...او ممكن يتعاجز الواحد ...وحتى مافيه خوف على السياره لانه موجود!!!!!!!
نزل يصلح الطاسه اللي كانت مرميه جنب الكفر ...وبنفس اللحظه ركب الشاب الاول السياره ...........وهات يا فورمولا ون ...وعينك ماتشوف الشمس ...والرجال صاحب السياره كاد يدعس ...وطبعا ماانتبه على سيارته لانه كان منحني يركب الطاسه ...لا واي طاسه ... البعيده عن السواق ...اليمنى....(devel)
صاحبي في هاللحظه توه صحى من غيبوبته ...ونزل من سيارته ...وبسرعه تصرف وركب هو والرجال المسروق لسيارة صاحبي علشان يلحقون السياره ...
لحسن الحظ ان الطريق زحمه ...وقدروا يلحقونه ولو من بعيد والاثنين ماشين بسرعه عاليه ويقطعون الاشارات ...وكان لحظتها فيه بالموقع شرطه عسكريه ...اظن قال انها تابعه للحرس الوطني ...
وصارت الدعوه فلم هندي ...سيارتين تتطارد والشرطه وراهم ...
بعد فتره من الملاحقه ...قدروا بفضل الله انهم يوقفون السياره المسروقه بس بدون الحرامي و خويه اللي كان ينتظره بمكان متفقين عليه على مانظن بعدمافكوا الطاسه ...
هدا الوضع وانشرح الموقف للشرطه ...والسياره رجعت بس مصدومه ومتهالكه ...والحيوان اللي سرقها ...حط رجله ولا صادوه ... (amazed) (amazed)
----------------------
سألت صاحبي ليش ما تحركت يوم شفتهم يفكون الطاسه وهم مشبوهين ...بس الظاهر انه خواف ولا يحب اللقافه ...
------------------------
يعني ياشباب يانااااااااااس انتبهوا وضع البشر تغير وخاصه بالرياض ...انتبهو لسياراتكم ...ولعل القصه هذي تكون عبره انشاء الله ...ووالله ان همي يوم اكتبها اني احذركم وخوفا على حقوقنا ...قبل كل شي ...وش ذنب هالمسكين ينسرق ...الله يعينه ...
وخاصة اني اعامل سيارتي كأنها ((حرمتي)) ... مملوكه لي انا بس ... وماهي لغيري ...ومعليش على الوصف...
والدعوه ماهي مزح.....:eek: :eek: :eek:
وتحياتي لكم ياشباب ((المقهى العربي)) ...
(bye) (bye) (bye)