صقر*
27-08-2002, 03:26 AM
السلام عليكم ورحمة الله وبركاته وبعد:
هذي قصة من الزمان القديم قريتها وقلت ودي أنشره للمنتدى علشان يشوفونها ويتمتعون بها يله اسمعوها:
كان ياماكان ....في قديم الزمان وسالف العصر والأوان رجل فقير حالته حاله... يوم من الأيام حصل له قريشات ماصدق هالمسيكين إلا وراح للقصاب وطلب منه شوية لحم ولا وطلب الراس والكبده والكرشه والكراع والريه ((الرئة))والكرش (( بزمنه مسيكين مافيه همبرجر ولا جامبو ولا ديلوكس ولا.............يحزنون))
فراح لبيته متشقق من الفرحه وقال لمرته: اطبخيها يامره، وطلع من البيت... مرته الخاينه وهي تطبخ كانت تهذري بهاللحم تهقون وش سوت؟؟!!
الريه كانت أول مانضج من هاللحم وطلعتها وكلتها من القدر هالمهستره جازت لها بالحيل وصبرت شوي بس شوي إلا ونضجت الكبده وكلتها ثمن نضجت الكرشه وكلتها هالمشفوحة وما بقى إلاالراس والكراع شوفوا وش سوت قامت وقالت في نفسها: الكراع والراس مهوب لحم ولا شحم ورى ماندفلجه مع الباقين وكلتها.
يوم شافت القدر بعدين مالفت ولا قطعه إلا المرق إلي طبختهم فيه وقالت: وش الدبره؟؟!!
وش أسوي....ياويلي ويلااااااااااااااااااااااااااااااه...قامت تفكر تدور فقشة تصرف بها زوجها...ولقت الفكره وانتظرت زوجها لين يجي.............
جاء الرجال يوم شاف الحرمه رابطه راسها وتلول وجهها مصفر قال وش فيس يا حصيصه؟؟
ردت عليه وقالت: ياعليان أنت جايب لي لحم متجنس(( انهبل ونط من مكانه)) وصفر وجهه -وهو من النوع اللي يصدق هالسوالف وهي عارفه هالمشفوحة-
وقالت له: ياعليان يوم طلعت من البيت سمعت الراس يقول بلسانه: أنا الراس الفراس، افتحي لي وإلا باكلك... فخفت وفتحت له وهج..
ثمن قال الكراع: أنا الكراع من شافني انراع افتحي ولا باكلك وخفت وتحت له وهج...
ثمن قالت الكرشه: أنا الكرشه بالقدر منفرشه افتحي لي ولا باكلك ةخفت وفتحت لها وهجت.....
ثمن قالت الكبده: أنا الكبده بالقدر منلبده افتحي لي ولا باكلك وخفت وفتحت لها وهجت........
ثمن قالت الريه: أنا الريه بالقدر منفريه افتحي ولا باكلك وفتحت لها وهجت...........
انشهد ياعليان ماصدقت انهم طلعوا قال عليان : الحمدلله على سلامتس يا حصيصه وأنا شاك من الراس أنه به شي من يوم انه عند القصاب...
انتهت الحتســـــــــــــوه
ملحوظة: هالقصة منقولة من عجيز
المعذره للعجايز كلهم اللي بالمنتدى.
هذي قصة من الزمان القديم قريتها وقلت ودي أنشره للمنتدى علشان يشوفونها ويتمتعون بها يله اسمعوها:
كان ياماكان ....في قديم الزمان وسالف العصر والأوان رجل فقير حالته حاله... يوم من الأيام حصل له قريشات ماصدق هالمسيكين إلا وراح للقصاب وطلب منه شوية لحم ولا وطلب الراس والكبده والكرشه والكراع والريه ((الرئة))والكرش (( بزمنه مسيكين مافيه همبرجر ولا جامبو ولا ديلوكس ولا.............يحزنون))
فراح لبيته متشقق من الفرحه وقال لمرته: اطبخيها يامره، وطلع من البيت... مرته الخاينه وهي تطبخ كانت تهذري بهاللحم تهقون وش سوت؟؟!!
الريه كانت أول مانضج من هاللحم وطلعتها وكلتها من القدر هالمهستره جازت لها بالحيل وصبرت شوي بس شوي إلا ونضجت الكبده وكلتها ثمن نضجت الكرشه وكلتها هالمشفوحة وما بقى إلاالراس والكراع شوفوا وش سوت قامت وقالت في نفسها: الكراع والراس مهوب لحم ولا شحم ورى ماندفلجه مع الباقين وكلتها.
يوم شافت القدر بعدين مالفت ولا قطعه إلا المرق إلي طبختهم فيه وقالت: وش الدبره؟؟!!
وش أسوي....ياويلي ويلااااااااااااااااااااااااااااااه...قامت تفكر تدور فقشة تصرف بها زوجها...ولقت الفكره وانتظرت زوجها لين يجي.............
جاء الرجال يوم شاف الحرمه رابطه راسها وتلول وجهها مصفر قال وش فيس يا حصيصه؟؟
ردت عليه وقالت: ياعليان أنت جايب لي لحم متجنس(( انهبل ونط من مكانه)) وصفر وجهه -وهو من النوع اللي يصدق هالسوالف وهي عارفه هالمشفوحة-
وقالت له: ياعليان يوم طلعت من البيت سمعت الراس يقول بلسانه: أنا الراس الفراس، افتحي لي وإلا باكلك... فخفت وفتحت له وهج..
ثمن قال الكراع: أنا الكراع من شافني انراع افتحي ولا باكلك وخفت وتحت له وهج...
ثمن قالت الكرشه: أنا الكرشه بالقدر منفرشه افتحي لي ولا باكلك ةخفت وفتحت لها وهجت.....
ثمن قالت الكبده: أنا الكبده بالقدر منلبده افتحي لي ولا باكلك وخفت وفتحت لها وهجت........
ثمن قالت الريه: أنا الريه بالقدر منفريه افتحي ولا باكلك وفتحت لها وهجت...........
انشهد ياعليان ماصدقت انهم طلعوا قال عليان : الحمدلله على سلامتس يا حصيصه وأنا شاك من الراس أنه به شي من يوم انه عند القصاب...
انتهت الحتســـــــــــــوه
ملحوظة: هالقصة منقولة من عجيز
المعذره للعجايز كلهم اللي بالمنتدى.