نصيحه لوجه الله (أقطعوا الإشارة)

[الرهيب]

عند الإشارة ،، وذيك الليلة تمنيت أني قاطعها .. قهر:2: ( < -- سكران )

أيه المهم ؟ وش تبي ؟ بس

أسمعوا هذه القصة .. أول شي سكر اللمبه ياسديق ( < - ناوي شر:#: )

عند الإشارة .. وأنا قاعد ألحس عسكريم توني شاريه من عجوز تسوي توت وتحطه في كيس وتثلجه ويطلع عسكريم .. بس مو أي عسكريم لا تقعد تقول وولز ولا خرابيطك هالعجوز لو تسوي شركة ماتلقى مصنع:he:
وأنا قاعد أناظر الإشارة ومعفس الوجه ومفسر الكموم وشكلي تقل أحد أعضاء عصابة المقهى العربي:@": وأناظر الإشارة وأقول يارب تفتح يارب تفتح وبعدين وانا أردد نزلت راسي ( أخبر اللي يدعي يرفع راسه مو ينزله بس مادري وشوله نزلته ثم شفت وليتي عمى شفت فرس قاعدة في فان هونداي .. (!) بس مو أي فرس عيون المها على قولت خالد الفيصل ( قل الله يذكره بالخير ) بنت شي ( العيال أبخص بالشكل;) واللي مايعرف يسأل متيم:rolleyes: )
يوم شفتها فقدت الوعي دقيقتين ونص .. إلا أربع أجزاء من الثانية
لو أموت عادي .. ياخي شكل ولا الكيت وينسلت في زمانها ( < - وحنا في أي زمان مدري:sad: ) المهم بس ماعلينا
وأنا أردد يارب تفتح الإشارة يوم شفتها بديت أقول يارب ماتنفتح الإشارة يوم أنفتحت ياخي حظي يرشحني اني أسابق في من سيربح المليون أكيييييييييد المهم بس
تمشي السيارات وانا واقف وطوط وألتفت ورا وأرمي العسكريم على المرتبة الوراوية يابن القراش دقرش .. سم
وأمشي وراهم وراهم لازق فيهم ماخليت ولا سيارة تسقط ولا سيارة تمر ولا سيارة تحاول هع هع هع < - تكفى
وتجي الإشارة الثانية .. وأنا عيوني تقول هف شع تن فييييييي
تناقز العدسات والمساحات تلعلع ( < -- صار موقع )
وأوقف جنبهم وأقعد أطل لقيتها سكرت القزازه
والقزازه مظلله ... الله لا يوفق اللي مخترع التظليله عن يومه حاقد علي:mad:
وأقعد أناظر ماأشوف إلا راس وحثاريب (<-- وده يشوف باللي هوبه:vb: )
يارب تفتح القزازه .. أففففففففففففففففففف
وأكشر وأعفس ثانية يوم شفتها ألتفتت لي ياولد وأفتح الخشة 12 شبرررررررررر ( < -- يوزع إبتسامات:p ... البيع بالدرزن ياخال:2: )
وأطلع الجوال ( عنيد بس وش نسوي داجين)
وأقعد ألعب فيه وأسوي ثقيل
وطاااااااااااطططططططططططططط ( < -- فتحت الإشارة )
وأناظر المرتبة الوراوية وأتفل يؤ الله يعزكم
وأمشي وراهم وراهم وراهم وراهم هلا هلا
وهي تمتختر .. على قولة راشد ( مغرورة يابخت الغرور )
وتجي إشارة أبوك يالإشارة
امممممممممممممه لك ياحبيبتي ..
وأوقف جنبهم نياااااااااااااااااهههههههههههه وألتفت على الجنب الثاني
صديقي يؤ يؤ :wf: عز الله رحنا صك
يازين اللي مظلل ( الله يجزاك خير ياللي مخترع التظيليه أنا أشهد انك سنافي ) بس وين التظليله:nope:
يوووووووووه
وصديقي يصوت ...
- إبراهيم إبراهيم ياهووووووووووه
- نعم
- الحين انا رايح لإستراحة الشباب طالعين هناك تخاويني
- لا انا الحين رايح للبيت أبروح بإمي للسوق
- يابن الحلال ممدين على السوق أمش ترى العشاء مو قطة العشاء على حساب علي
- يابن الحلال أمي ألزم علي منكم .. خلها وقت ثاني
- دايم أمك تبيك وانت تصرفها ليش اليوم متغير؟
- يابن الحلال عقلنا هونا على الهبال
بينما صديقي يكلمني عند الإشارة شاف البنت
وفجأه وحنا نتكلم ... وش هالجمال
غزال وانا أشهد .. يازينك زيناه
ياهوه شايفنا بغابه .. وخر انت ضف وجهك رح لأمك تبيك
هيييييييييييه
وصديقي يتقدم بسيارته ويصير قدامهم وقف بنص الشارع وبدا يحلقهم
وانا الله ياخذه الله يموته .. صديق هذا ياشين الإختيار بعد:(

وصديقي بدا يفحط قدامهم ويتمختر والبنت تناظره معجبه
وانا .. منذبح بس ماأقدر أسوي شي
سيارتي غاليه علي ( < -- غاليه عليك ولا خايف تدخل في ماصورة)
الولد رقمها وانا قاعد أتحسف ..

بعد مارقمها وأخذت الرقم

راح صديقي على طريق الإستراحة
وانا وراه .. وأضرب له بوري
وقلت وقف ياهوه
وقف هو مستغرب ..
- ! وين ؟
- أبروح معك للإستراحة
- والوالدة ؟
- أي والدة الله يهديك أكذب عليك
- إذا صدقتك ثاني مره أحلق شنبي
- مشكلة
- المهم أركب بس
ونركب السيارة وفي نص الطريق

- خلف
- وش تبي ؟ بس هاه لا تكذب ثانية
- وشدعوى ماتثق بي ..
- طيب قل
- تبيع علي رقم جوالك
- ضف وجهك إلا هالرقم تبي رقم أخوي مميز أحسن من رقمي
- لا مو عاجبني رقم أخوك عاجبني رقمك والله حلو رقمك يهبل
- لا مستحيل أبيعه
- ليش؟
- غزال تبي تكلم علي الليلة وبكرا وبعده وإلى الأبد تبيني أبيعه لك
- مصدق انت تبي تدق عليك
- أيه مصدق يالكذاب هي أخذت الرقم
- أخذت الرقم تبي تعلم عليك الهيئة
- يؤ .. الله لا يعوق
- صدقني أحسن لك بيعه علي
- طيب انت تبي تمسك الهيئة إذا شريته
- انا عندي واسطة ...
- طيب انت تتوسط لي
- لا
- وشدعوى
- أكذب ماعندي واسطة
- لا عندك
- والله ماعندي مره جالديني 80 جلدة تعقدت عقبها ( أنواع التوليف:O: )
- خلاص يعني كلنا بالهوى سوى
- مستعد أدفع لك 1000 ريال عالرقم هاه وش قلت؟
- أف من وين لك الـ 1000 ؟
- انت وش علاقتك أدبرها من أي عاير بس انت هات الرقم
- لو بمليون مابعته
- تكفى خلف
- لا يعني لا
- كذا يعني
- أقول يازينك ساكت .. يالله أنزل

طلعنا من الإستراحة
وركبت مع خلف عشان يوديني لسيارتي
- خلف
- نعمممم أشغلتنا تراك
- خلنا نسهر اليوم سوا
- لا اليوم مو فاضيلك
- ليش؟
- بس مشغول ( مشغول ولا متيم )
- تكفى خلنا نسهر
وبعد الخيطي والميطي وافق خلف انه يسهر معي

وفي الليل قبل الصلاة بشوي بـ 5 دقايق
صديقي يقول بأروح أتوضى للصلاة
ويروح للحمام
وفي الهدوء الساكن قعدت أفكر بال... ( عذاب الحب:11: )
دتدريتدريا درق دتريرق ( حاط نغمة ياحبيبي لراشد )
- ألو ( اففففففففففففففف يالصوت مره ياخذ العقل )
- هلا
- كيفك
- بخير
- المهم انتي
- بخير الله يسلمك تمام
- أسعمي
- هلا
- أنا أحبتس
- يؤ علطول
- أيييه علطول من أول نظره
- هذا مو حب
- حب مو حب أحسبيها مثل ماتحسبيها المهم متعذب عشانك
- شلني من راسك
- ليش؟
- لأني من الآن عدوتك
- يؤ
- والمكالمة هذه عند الهيئة
-لالالالالالا لا تصيرين نذله
-لا تحاول
-تكفين أطلبي آمري
-باي يافالح
- أنا أسمي إبراهيم
-حسافة الإسم عليك
-يؤ ليش زعلانه
- ضف وجهك

وفي تلك الليلة
أشوف وجه خلف .. وأقول وش سويت ياولد
بكرا أو بعده يصير خلف في الهيئة
وأسمعه وااااااااو طيييييييخ طعععععععع ناااااااايييييييييييعععععععععتفففففففففف
الله يعنييك ياخلف ..
والله يانا صديق بعد
كذاب خاين حسبي الله ونعم الوكيل
يلعن أبوكم بنات:win:
هالحين عشان بنت أخون صديق عزيز
بس والله حلوه:2:

وبعد كم يوم
لا هيئة ولا يحزنون
الحمد لله طلعت البنت تمزح
بس والله تأدبت ونعم التأديب
الله يجزاها خير ... والله يسامحني بعد
وخلف يوم قلتله القصة لفعني وعطاني كم شوته
بس والله أرتحت عقب الجلد .. راح الهم والغم
وبكذا نعيش انا وخلف أصدقاء سعداء (<-- ننتظر الخيانه الجايه:#: )

ملاحظه : حبل القصة أنقطع..قولوا ليش؟
الكذب حبله قصير
خخخخخخخخخخخخخخخخخخخخخخخخخ
بس وش رايكم في القصة
تراها من توليفي
وش رايكم أسوي كتاب عشانها؟

خويكم
الرهيب
بس خويكم كذاب وخاين:he:

[wawa]

ههههههههههههه


حلوا تعقد


بس وش فيهم عصابة المنتدى اقول عن الغلط بس:vb: :vb: :vb:

[MoTaYaM]

ههههههههههههههههههه


الله يرجوك .. رجا مبرحا <= حساوي

ضحتاني الين مت :2:<== سيديراوي

والله ياهي فله :)


بس اقول .. """" تراك فضحتنا عند الله وخلقه """ :po: ;)

ماااااا ابيهم يدرون عن شئ ...

يحلفون الهيئه حفظوا خشتي ... <== تبيهم يلحقوني هنا :)


ابببببببببووووووك يالسمردقي ..



===============================

خلاصة الحتسي ..

قصتك .. ارشحها للمسابقه :2: لانك "" انت البتل يا بتل ""


باااااااااااااااااااااااي ولي رحعه ..

[nedawi]

لا حلوه بس تمنيت تكون صدق
علاشان تبطل مغامرلت والتلفت عند الاشاره

خيالك واسع والله يستر وش النهايه

[الرهيب]

MR.XX
أتسذب
ماقلت شي..

< - يسلمو:2:

متيمنا
أقول وراه ماتسكت .. ياكثر قرقك:he:
بس أسمع ... عاد فضحتك وخلصت
ولابد الكل يعرف
حتى ينتقمون .. جت روووووز أسكت :confused: :po:

روز
انتم يالبنات تقرون كلام العيال
وتزعلون..عشاننا ...;)
والله ثم والله انه مزح
وأشكرك لحضورك

تحياتي...:rt:

[MoTaYaM]

\/
||
||
||
||
ابوووووووها من لقافه فيييييييييييييييييييييه ذا الادمي :2:


وش لقفك في توقيعي ...



والله انحلست ... احسب انا اللي كاتب الموضوع :) <== لا تشرهون سهران :2:


باي يا درج الكمدينه

[الرهيب]

ناااااااااااههههههههههههعععععععععععععع
إذا أطلقت توقيعك .. وش تسوي فيني
إن بغيت أعزمك على مفطح .. :cool:

أقول توقيعك خلاص تم السيطرة عليه ( على باله أخترق موقع:GY: )

بس وش رايك بالسرقة
رهيبه صح

والله العظيم اني أنقهرت
مالي توقيع وكل العالم تواقيعم تدهر تحت مواضيعم
وانا وش حيتي .. وش معنى:mad:
ماحد يسولي .. :(
خلاص أبغير أسمي
وخليه متيم بالعربي:#: :@":
يالله بس مالك شي عندي:2:

[طويلــة العمــر]

لوووووووووووووووووووووول
حلوة القصة بس مادري ليش أحسك ما تكذب :#:

[طويلــة العمــر]

و على فكرة متيم أنا بعد ما عندي توقيع خلاص نتشارك بتوقيعك

<<<< نشبة

[الرهيب]

nouf
من ذوقك والله

بس وقفي ياهوه
شككتيني في نفسي
قاعد أسترجع المومروري كارد:11:
< --- على باله سوني مخه:O:

وبالنسبه لتوقيع متيم
لا صار لي
قريباً أبكتب عليه ( ا :::: ل ::: ر ::: ه ::: ي ::: ب ::: )
عشان اللي مثلك وشرواك مايقربوا لمه:#:

تحياتي المشقلبه:wink: