عقم التدريس النظري البحت

[_الأمــيـــــــر]

اعضاء المقهى الاحبه ومرتاديه ..


خلونا نطرح اسلوب الدراسه العقيم اللي بالفعل نشوفه في دول الخليج

والدول العربيه كذلك ...

يعني لما تشوف المناهج الموجوده عندنا واللي تدرس للطلاب

تحس بالفعل انه قيمه .. ومكثفه

لكن يوم تشوف النتيجه .. للاسف تنصدم

يعني مايطلع الطالب من الثانوي ولاحتى ب 50% اذا مو اقل

حنا عندنا يا جماعه تكديس غير مقبول وحشو مكثف للمعلومات

في عقل الطالب ... ينتج عنه احد شيئين

يا اما انه يترك كل شي وما يذاكر ..

او انه يذاكر ومايرسخ بمخه من كثر المعلومات

انا اعتقد ان هالسبب هو الاعتماد بشكل كبير ان لم يكن بشكل تام على التلقين النظري

وتجاهل الشرح العملي والتطبيقي بشكل كبير ..

ابي تعليق كل واحد منكم الله لايهينكم

ولحد يقول ان هذا مو تخصصه ...

لان هالشي اصلا مب تخصصي ..
:D :D :D :D ;)

[wawa]

المنهج صح طويل في السعودية
بس اسهلا من غيره في بلاد عربية اخر



يعني لو تشوفون المناهج في لبنان مثلا يبي عشرين سنة للواحد ينجح



بس مشكلة المناهج انها معضمها ما ينفع الواحد بعد ما يخلص دراسته




بس مجرد انه يدرسها للختبار وبعدين خلاص


كل شي ينساه:D

[الموسيقار]

موضوع رائع اخوي الامير


واتمنى من الاعضاء المشاركه والمناقشه بالمواضيع الجديه


اعتقد ان المشكله
مشتركه بين المناهج وطريقة التدريس


يعني المفروض تكون المساله تخصصيه اكثر من ماهي عليه

يعني الطالب في اول ثانوي ياخذ 17 ماده تقريبا اعتقد انه خطاء كبير

كيف شخص يقدر يركز على 17 ماده في وقت واحد

حتى بعد التخصص يعني علمي /ادبي/اداري

يكون فيه مواد كثيره

ما يستفيد منها الطالب


يعني المفروض التخصص يكون من اول ثانوي ويكون بتركيز اكثر

علشان الطالب ما يتعب في الجامعه ويكون عنده خلفيه عن مايدرس







يجي واحد يقول الطالب توه طغير مايقدر يحدد وش يبي؟؟؟؟؟؟؟؟؟




اقول كلام سليم بس لو كان عندنا من المتوسط والابتدائي ما يسمى برعاية المواهب كان ما واجهنا المشكله ذي

يعني معقوله كل الطلاب السعوديين عندهم نفس الميل لنفس المواد لنفس التخصصات؟

مو معقول

هذا معناه انه المفروض يكون فيه مراعاة لموهبة الطالب من الصغر وتنميتها بتكثيف الدروس في مجالها


اوضح كلامي بمثال


لو واحد يحب الرسم مثلا ووالمدرس اكتش الشيء هذا المفروض يكون للطالب هذا دروس مكثفه في الرسم على مدى دراسته مع دراسته للمواد الاساسيه فقط لاغير



لو واحد مثلا متفوق في الرياضيات مثلا المفروض ييكون له تكثيف في دروس الرياضيات مع المواد الاساسيه فقط




بالطريقه هذي هي اللى راح تخرج لنا علماء ومفكرين


رعاية الموهبه من الصغر هي الاساس







كثير من الطلاب للاسف الشديد يتخرج من الثانوي ولا يدري وين يروح


يعني ماحدد دربه طب او هندسهاو حاسب او عسكريه

هذي الخيارات المطلوبه فقط



والشيء هذا اعتقد انه مو معقول؟







ادري اني قاعد اخربط بس تحملوني:)

اسف اني طولت عليكم


بس مشكور الامير:)

[الجنتل]

بالعكس

اخوي الموسيقار كفيت ووفيت وماخليت لنا شي بعدك

بس احب ازيد نقطه على موضوع الأمير الشيق

ان هالكلام مطبق اصلا في امريكا بحيث ان الطالب

اول مايصل للمرحله الثانويه يكون مخير اي مجال

يحب(ركزوا في كلمة يحب) واذا كان على سبيل المثال

يحب القسم العلمي يخير ايضا اي ماده يحب يدرس

وبكذا تكون دراسته مكثفه في هالماه واكيد بيكون

عالم في مجاله.
وبكذا يكون يؤدي عمله بأخلاص لأنها اصلا هوايته

قبل ماتكون وظيفته;)

[الموسيقار]

الجنتل(good1) (good1) مبدع


قلت اللى انا ابي اقوله باسلوب(good1) (good1)

تسلم يالغالي

[طويله هبيله]

هااااااااااااااااي كل ابوكم (bye)

طبعا كلكم تقولون وش هل الهبيله الي تتلزق وش عندها :D

بس الموضوووووع جدا جدا راااااااائع وخطييييييييييييير (good1) (good1) (good1) ويعطيط الف الف عافيه

بس انا بقول نقطه وحده بس مناهجنا الي في السعوديه تجووون تشوووفون المنهج تلقون اسلوب الكتابه والشرح كله دش في دش ومن الصفحه تلقي سطرين هم المهمين وهذا يضيع وقت الطالب في تلخيص الدروس

مع العلم ان مناهجنا اسهل مناهج لو نسوي مقارنه بين مناجه السعويد ومصر مثلا تلقي الطالب السعودي في الثانويه العامه ياخذ مواضيه طالب في المتوسط في مصر وهذا الشي مو من فراااغ اتكلم فيه انا شايفه المنهجين


انا الان ادرس في الاردن دراستهم جدا صعبه بس ليه النتائج ممتازه لان كتب الدراسه رائعه مختصره عباره عن نقاط واساله واجوبه يعني كنز بين يدينك ما عليك الا ان تحط راسك بكتابك وراح تنجح

اما الطالب السعودي لازم يلخص ويستنتج من الموضوع المضمون وللاسف ان المدرسين والمدرسات تلخيصهم ماله داعي وهذا الكلام علي البعض مو الكل بس في التلخيص يستخدمون كلمه ((((((((انظر الكتاب )))))))))))))
وهذا غلط المفروض انت يا مدرس تلخص للطااالب عشان يستغني عن الكتاب

وتشااااااااااااااااااوز ذكرتوني بما مضي (joke)


اسفه للاطالع

[صالح]

بسم الله ..

للأسف عندنا غبااااااااء مستفحل في التدريس والمواد والمدرسين ذاتهم !! للأسف !!!

ياخي عندنا مواد مادري وش تبي ؟؟ غبيه بشكل ؟ وعندنا مواد صح انها مهمة لكن مكثفة المادة على 300 صفحة أو 200 صفحة وييييييييين والله العظيم لو أني ذا الجهاز اللي اطقطق فيه ماحفظت .. أعطيك مثال مادة الاحياء صح انها مهمة جدا لكن فيها حشو معلومات غير طبيعي وصفحاااااات واجد ومواضيع غالبها غير مهم وأكل عليه الدهر وشرب !! لكن للأسف !!!!!!

مثال آخر : مادة الرياضيات . لا أنكر أهميتها في تنمية المواهب والفكر العقلاني الكبير . لكن حشوووووووو كبير جدا من المعادلات والعبارات الرياضية التي لا يطيقها العقل !! تخيلوا نحن هنا في الخليج في المرحلة الثانوية مثلا 250- 300 صفحة لمادة الرياضيات .. ونخرج منها بشقّ الأنفس ومالنتيجة ؟؟ دلووووووووخ ؟؟ للأسف !! اليابان كمثال للدول المتقدمة في مجال التعليم .. كتب الحساب عندهم 60-70 صفحة ولكن يخرجون بفائدة تتركز في الحياة اليومية والمستقبليو فتجدهم يستطيعون أن يتعاملوا معها بأسلوب جدا راقي وحضاري ..,

مثال آخر : المدرسين عندنا يعتقدون أن الطلاب لا يدرسون الا مادته فيكرفهم كرف الحمير وصكّ واجبات وشرح مكثف وحفظ ومشاركة و .,. و .. الخ .. الا يعلم هذا المدرس أن الطالب المسكين لديه 14 أو 15 مادة غيرها ؟؟؟؟؟؟؟؟؟؟؟

مثال آخر : عدم التجديد في مناهجنا أفقد المعلومات اللتي فيها قيمتها فهناك مواد تحتاج تجديد فالزمان يتطور والمعومات تتزايد ويخرج ماهو اهم من السابق أعطيك مثال مادة الحاسب يدرسون لغات البرمجة في الصف الثالث الثانوي مما لا يستخدم الا ندرة في هذا المجال للأسف أشياااااااء لن ولم يستفيد منها الطالب ولكن وضعوها للتقليل من درجات الطالب فهم لا يريدونك بتقدير ممتاز :(

مادة الجغرافيا : عدد السكان يتزايد .. وللدراسات الجوية مثلا الجغرافية فإن عدد المطارات يتزايد فأين التغيير . فواقعنا يقول شيئا ومناهجنا تقول شيئا !!!!! للأسف !!!!! واضرب أمثلة أكثر وأكثرررررررر .. والحديث في هالموضوع يطول ويطول .. ولكن للأسف .






صالــــــــح

[areana]

جميعكم كفى ووفى

ولو دققتوا فيها بتلقون أغلبية المناهج

مكرره بس ياليت ينفعنا

الحمدلله من ناحية أستفاده نستفيد

بس بعد تخطي المرحله الثانويه كل شئ تبخر

مثل الماء بعد ان يتم تسخينه<<<أرعابة بأسئلة الرئاسه والشد والجد(devel)

تبخر ليصبح لاشئ>>>> بعد اتمام ظهور النتيجه (bored)

[الساهر]

(good1)

أوا فقكم في كل ماذكرتموه ....وأركز على ان الطالب يجب ان يحدد
تخصصه

او على الاقل يسمي موهبته لنفسه ...... :)

وهذه كما انها مسؤلية الطالب ...... فهي في نفس الوقت مسؤلية الاهل
للاهتمام بالابناء واكتشاف اهتماماتهم من سن مبكرة ..... وبالتالي زرع روح
العمل لنيل الهدف في نفوس أبنائهم ...... منذ الصغر ...... فسنجد الطالب

في المرحلة الابتدائية يقول امي تقول اني رسام ...... وأخر يقول ابي معجب بخطي

وثالث يشعر بان الناس ينادونه بالذكي ...... و .... و .....

وعاشر ..... يغبط زملاءه على مواهبهم فتتولد لديه روح التحدى مع نفسه

لاثبات ذاته ...... وبالتأكيد سينجح ......

** واذا تركنا واجب الاهل والطالب نفسه ...... سنجد دور الوزارات
المعنية بالقضية .... في وضع المناهج التي لاتناسب بشكل مبدئي جميع الطلاب

...... يستحيل ان تكون جميع المواد تناسب جميع الطلاب ........
...... يستحيل ان يستفيد جميع الطلاب من جميع ما تعلموا ............
...... يستحيل ان نجد اهتمام جميع المدرسين بالامانة الملقاه على عواتقهم ......
...... يستحيل ان يجد جميع الطلاب درجاتهم كما تمنوها ..........
...... يستحيل ان يهتم جميع اولياء الامور بابنائهم ...................

اذاً ما دامت هذه النقاط موجودة ..... فهذا دليل على ان هناك شيء ما خاطئ
ويجب اعادة النظر ....... في الموضوع من قبل الجهات المعنية ...

** وهناك موضوع آخر .... وهو موضوع السعودة ..... المفيدة (شكلياً)
ولكن عندما تعلمون ان الوزارات ( تطرد )الخبرات التي عاصرت خطط التعليم عشرات السنين

وتحضر خريجين ( كانوا طلابا قبل شهر او شهرين) وتزج بهم ليتعلموا التدريس
ويجنوا الخبرة ..... على حساب من ؟؟؟؟

ما ذنب اخي واخيك ان يصادف وقت تدريبهم على حساب سنواته الدراسية !!!! (topcry)

** آآآآآآآآآآآآآآآآآآآ سف على الاطالة :rolleyes:

[الموسيقار]

الساهر عيني عليك بارده(good1)


كلام سليم وصحيح


واعتقد ان الحل يجب ان يبداء من وزارة المعارف ويحتاج لوقت لتطبيقه












موضوع يستحق النقاش وانا احب المواضيع هذى :)
اتمنى من الجميع المشاركه وابداء ارائهم:)

[بدون اسم]

انا أقول والله ما قصرت شباب ..

وقبل أبدا في رايي .. وأنا أرعف أنه موب في محله ..
( في المنتدى |)
يا ليت يكون .. فيه منتدى خاص الأشياء التربويه .. والتعليميه .. وتتحدث عن أهم الأشياء الي تواجها .. من أيجابيات .. وسلبيات ..
,,,
تحدثتو .. شباب عن موضوع لو كتبنى .. كتبنى ..ما نفيه حقه ..
الموضوع أنا اقول لذا شجون .. وكاكم وفيتو .. وتكلمتو .. عن المناهج ..

أنا أوافقكم الراي أن المناهج لها دور أساسي لأنه الماده العلميه التي يعتمد عليها المعلم .. والطالب ..بس أنا أقول ..
الحين المناهج طويله .. صح .. فيها مواضيع .. ماتسمن ولا تغني من جوع .. وتكلمو التربوين والمدرسين على طوله المناهج .. وعلى أشياء كثيره .. بس ماعندك أحد ..
:mad: وكل سنه السنه الثانيه ..

بس هنى أنا أقول يجب على المدرسين أن لا يتوقف عن الماده العلميه التي يلقنها لطلبه .. نعم يأخذ المفيد .. ويعطي بجرعات من عنده .. ليبني لنا أجيال المستقبل .. كذا الطالب .. يجب أن يكون عارف ومطلع ويرغب بالمزيد ....
أما أذا وقف كل واحد مى ويلقي بالوم على واحد الطالب علىاالمدرس .. والمدرس على الوزاره ..
والوزراه تقول .. اليابان .. ونريد ونفعل .. وو وو و .. طيب مدراس اليابان مجهزه .. يوجد من مدارسنى .. مباني مستأجره ..كيف تريد أن تجعل أكثر م 600 طالب في فلتين .. وهو لا يستوعب أكثر من 20 شخص:confused:

أبدأ بالأساسيات .. المدرارس مجهز .. المناهج مناسبه ..المرقبين ..متابعين وللآسف المراقب .. يحتاجله مراقب .. المهم المدرسين أكفاء .. تحفيز لطلبه .. شعــــــــــــب قوي .. ناجح ..
في لنهايه ..
قم للمعلمي وأوفه التبجيلا .. كـــــــــــــد المعلم أن يكونا رسولا

أقول أين ... ذالك المعلم ..

[_الأمــيـــــــر]

احيي جميع الاخوان والاخوات اللي ردوا

وتفاعلوا مع الموضوع

لانه بالفعل يشمل جميع شرائح المجتمع بلا استثناء

ويتأثر به الجميع دون تحديد :cool: