شين الحلايا
24-06-2002, 05:43 PM
القصه ومافيها هذي البنت انا ابيها..قصدي هذاك اليوم يوم انا بثالث متوسط يعني الشنب توه بادي يطلع وكل يوم صبح نمطط فيه ونحكحكه ونكده وصراويل السنة منشقه من عند الركب وحالتنا حالة نجي من المدرسة نتغدا رز ودجاج ولبن وبعدين ندبغها نومة الى العصر ونقوم ونرقعها مع عيال الحارة لعب كوورة وترجيم هنود وتنسيم كفرات سيارات ولف ورق الشجر ونولعه وندخن فيه (يقالك زحفان) وحوسة مابعدها حوسة نرجع الساعة 9 لبيوتنا ورجلينا سوداااء وطواقينا وصخة واذا صار هذااك الوقت فيه حفريات لاحارة ملابسنا ويدينا ورجلينا وخششنا كلها قااار..
كان الواحد رادن باهله ومصدق انه رجال وانه اطلق شنب نرووح للبقالات ونشلح عسكريم ابو ريالين(اكبر طموحنا نذوقه) نشلح عصا مكنسة ونكسرها(الله من اللعانه بس) كل الجيران متأذين منا ويجي امام الحارة او المذن ويقول سجلوا بالتحفيظ ونجي نسجل اذا صار فيه رحلة وبعدها مانشوفهم(الوقت اللي كنا نسبح فيه بالرحلة) .
هذي حياتنا بس..
بعدها يوم دخلنا الثانوية بدينا نتفتح شوي وبدأ كل واحد ينقطع عن الثاني واللي صار له اخويا بالثانوية يمرونه ويطلع معهم ويتعربج ويسوي لي فيها تراي عندي شلة ..
وصلنا الانترنت بدينا ندخل ونطقطق فيه بدينا نتثقف شوي ونتعلم بدينا نعرف الدنيا صرنا ماتنشق صراويلنا من عند الركبة صاروا اهلنا يعتمدون علينا نوديهم ونجيبهم ويروحون ابائنا نخلص اشغالهم عنهم ..
الحين تطورنا مررة صرنا نحب ونقرأ شعر الحب والغزل ونشخص قدام البنات مهوب مثل اول نقعد نعيرهن..
وهذي قصتي من يوم بديت أحب ..الين يومكم هذ..
هذا وأنا عمري 17 سنة(الشنب توه بادي يشخط)
قمت هذاك اليوم الخميس مستانس بعطله الاسبوع غسلت وجهي وفرشت اسناني(افلقني) وكديت شعري(اذبحني بهذي) وغيرتملابس النوم ولبست ملابس البيت(تراك زودتها لانصب) ورحت افطرت كورن فلكس طبعا وأنا أفطر حسيت بوجع في ضرس العقل والوجع زاد عن حده قلت ياولد الكورن فلكس لاحقين عليه واطمر والبس واروح المستوصف (تراه اهلي) وقلت لهم ابدخل على الدكتور قالوا زحمة عنده تبي الدكتورة تدخل عندها مايخالف ماقدامك سرا واجد سألتهم وش جنسيتها قالوا سعودية توه بادية تشتغل قلت دخلوني عليه مع اني ماودي (ايه هين) ورحت ادخل لقيت مصري جايب بزره الصغير وجلست احتريه الين قضى وطلعوا وانا اللي ادخل ..
عاد صادفت سبحان الله اني امس منعم ومظبط نفسي ومحورف بشوشتي دخلت عليها وكانت بيضاااااء وكانت فاتشه يوم شافتني وتتغطى بسررعة وهي تقول سعودي سعودي..نعلبوا دارتس للمصري ماتغطيتي وانا اللي من ديرتس تغطيتي عني انا من الحياء صديت وتغطت ودخلت عندها قالت وش فيك ماحتسيت انا فتحت اثمي واشرت على ضرسي قلت يوجعني قالت من متى انا انلخمت قلت من شفتك ياعمري..بالغلط قلتها واحتريها تقول لي انقلع برررررا ياقليل الدسم بس تصدقون وش قالت لي..؟
قالت جعلي اموت قبل لا اوجعك..
ياووووووووووووووووووووويليه
عاد بنت وقالت لي كذا وش توقعون رده الفعل مني..؟
اطلع جوالي واقعد العب بلعبه الدودة(بالقروي السناك)..قالت تبي تدق على أحد..؟ خذ جوالي ودق
قلت لا لا بس واصلتني رسالة جديدة وجالس اقراها قالت وشي؟ ارسلها لي اذا هي حلووة
قلت من عيوووووني كم رقمك بس.؟
وعطتني رقمها وانا اللي اطمر وادور رسايل لجوالي المشكلة كلها نكت وجرات واستهبال مالقيت شيء يواجه..
لكن لقيت وحده وارسلتها لها
كانت تقول الرسالة..
تحبني.؟
تغليني.؟
تشيلني بعينك.؟
بشر امك طيب..!
خابر أنها ماصلة بس وش اسوي هذا اكثر شيء يواجه عندي
والله وهي اللي تفطس ضحك ويطيح اللثام(لو اني داري من زمان ارسلت) وتركته مارفعته (سنايدي) قالت حلوووووووه الرسالة ابرسلها لصديقاتي وافق خشتي انا يقالك شبكتها هالحين..
قالت رقمك حلو ابخزنه عندي علشان اوريه زميلاتي(انا ماصدقت خبر) قلت خوذي راحتك الرقم وراعيه يفدونك والله وهي اللي تخق (ماقد شافت كلام حلو من سعودي)
على فكره عمرها تقريبا 24 وانا 17 فرق كبير بس ولو عرفت لها
قامت وقالت ايوه وين ضرسك اللي يوجعك خلني اعالجك حبيبي تصدقون اني نسيت الوجع ولاعاد صرت احس فيه..!؟
قلت لا خلاص طبت يوم شفتك قالت لالالا لازم اشيك عليك يمكن فيك وجع والا شيء قلت لا يابنت الحلال مافيني شيء خلاص
قامت وشالتني(الله من المحيقرية بس)وقالت الا غصب اعالجك قلت براسك طيب..
وتشيك وتحوس لقت كل ضروسي محورفة اللي طايح واللي يتدودل واللي يلمح تراي ابطيح وهلم مجرا(<---وتقولون عندنا ضعف بالفصحى..)
ظبط لي ضروسي وزينتهن وخدرتني علشان مايوجعني شيء اثرها خدرت كل جسمي تصدقون يوم قمت لقيت في خدودي صبغة حمراء من وين مدري..!
شكرتها وقالت لاتحاسب ترا علاجك مجاني ..قلت لا يابنت الحلال مايصير مايحتاج ولزمت علي واحرجتني..
وقالت اقعد خل نسولف
بصراحه استحيت انا اقعد مع وحده غريبة وقلت لها وش رايك نطلع اذا خلصتي من الدوام وبس..
<-----------------خبيث
قال أكيد نبي نطلع بس لازم هالحين اقعد معك ابقول لك شيء..
قلت بهواتس نقعد نقعد وش ورانا
قعدنا قالت ابقول لك كلمتين وبس ..
قلت قولي
قالت بس استحي منك(كل ذا وتستحين)..!
قلت لاعادي مابينا شيء اصلا(ذبيت الميانةانا)
قالت(بالفم المليان): أنــــا أحبـــك
عاد انا الله من الصحاحه فيني قلت احبك الله الذي احببتني فيه..
هي تبي ترقع لي قالت انا اموت فيك وانت عمري
قلت تصدقين ياهيفاء(مكتوب على كرت معلق بالبالطو)
تصدقين ان قلبي هو اللي خلاني احي لهالمستوصف وخلاني ادخل عليك هنا واختارك لعلاجي لأن قلبي حبك ومن شفتك وانا كارهه الدنيا اللي كنت عايشه فيها بالبعد عنك..
قالت لا ان شاء الله نلب نبقى طول العمر ان شاء الله وتبي تبقى حبيبي أنت ومايفرق بينا حاسد(من جد شكل البنت حبتني)..
وطلعت من عندها عقب ماوعدتها بزيارة ثانية لها
رحت لبيتنا وانا اسوق ولا ادري وين الله حاطني فيه مسبه بس ماغير اهوجس فيها وافكر فيها كل وقتي(شكلي صدق حبيتها)
وانا راجع بالطريق مريت المكتبة وشريت ثلاث ارباع دوااين قصايد الغزل اللي فيها وكل المجلات اللي تعجبك شريتهن بعد
وارجع واقعد اقرا(الفراغ يسوي ازود)..
صرت امشي بالبيت وانا اغني
اقول اللي يبي القمره وهو في حبها مولع
اما هي تنزل له والا هو لها يطلع
انا ادري مالها دخل بس كانت هي الاغنيه اللي حافظها هكالوقت..
رحت للمستوصف من بكره ولا لقيت البنت قالوا انها استقالت..دقيت على جوالها لقيته مفصول..يمين يسار فوق تحت..
ناوي امر فيها قدام عيال حارتنا اشخص..
لكن جلست مده على هالحال لا خبر ولا شيء عنها واخرتها رن جوالي بعد مرور 9 شهور وكلمتني وحده وقالت لي..
انت كررريٌم..؟
قلت ايه ..!
قالت انا هيفاء
وييييييييييييييييييييييييييييييييييييييييييييييييي
ييييي
هيفااااااااااااااااااااااااااااااااااااااااااااااا
اااااااااء
ويننننننننننننننننننك ياعمررررررررررررررررررررررري
قالت بلا خرابيط بس انتم متى تعقلون ياعيال وتتركون هالخرابيط عنكم وماتصدقون تشوفون بنت الا وكأنه ثعالب لقوا دجاج.؟
قلت لاتشرهين يابنت الحلال..
ماعمرنا شفنا نعمة وبعدين
من زين لبسكم هالزين أجل متلثمة وتقول لي ياعمري وياحبيبي ولاتبيني اسوي شيء..؟
وتناقرنا وقفلت وقفلت انا وانا العن فيها
ولا كان فيه واحد يسمعنا باين عليه شايب الا شوي
ناداني وقال لي ياابن الحلال هذولي بناتكم وخواتك عيب تضايقونهم كذا استحوا على وجيهكم خوفوا ربكم فيهم..
قلت ياعم وش تبينا نسوي أجل
قال:
سافروا مثلنا للخارج ووسعوا صدوركم
(مااردى من الحمار الا ولده)
كان الواحد رادن باهله ومصدق انه رجال وانه اطلق شنب نرووح للبقالات ونشلح عسكريم ابو ريالين(اكبر طموحنا نذوقه) نشلح عصا مكنسة ونكسرها(الله من اللعانه بس) كل الجيران متأذين منا ويجي امام الحارة او المذن ويقول سجلوا بالتحفيظ ونجي نسجل اذا صار فيه رحلة وبعدها مانشوفهم(الوقت اللي كنا نسبح فيه بالرحلة) .
هذي حياتنا بس..
بعدها يوم دخلنا الثانوية بدينا نتفتح شوي وبدأ كل واحد ينقطع عن الثاني واللي صار له اخويا بالثانوية يمرونه ويطلع معهم ويتعربج ويسوي لي فيها تراي عندي شلة ..
وصلنا الانترنت بدينا ندخل ونطقطق فيه بدينا نتثقف شوي ونتعلم بدينا نعرف الدنيا صرنا ماتنشق صراويلنا من عند الركبة صاروا اهلنا يعتمدون علينا نوديهم ونجيبهم ويروحون ابائنا نخلص اشغالهم عنهم ..
الحين تطورنا مررة صرنا نحب ونقرأ شعر الحب والغزل ونشخص قدام البنات مهوب مثل اول نقعد نعيرهن..
وهذي قصتي من يوم بديت أحب ..الين يومكم هذ..
هذا وأنا عمري 17 سنة(الشنب توه بادي يشخط)
قمت هذاك اليوم الخميس مستانس بعطله الاسبوع غسلت وجهي وفرشت اسناني(افلقني) وكديت شعري(اذبحني بهذي) وغيرتملابس النوم ولبست ملابس البيت(تراك زودتها لانصب) ورحت افطرت كورن فلكس طبعا وأنا أفطر حسيت بوجع في ضرس العقل والوجع زاد عن حده قلت ياولد الكورن فلكس لاحقين عليه واطمر والبس واروح المستوصف (تراه اهلي) وقلت لهم ابدخل على الدكتور قالوا زحمة عنده تبي الدكتورة تدخل عندها مايخالف ماقدامك سرا واجد سألتهم وش جنسيتها قالوا سعودية توه بادية تشتغل قلت دخلوني عليه مع اني ماودي (ايه هين) ورحت ادخل لقيت مصري جايب بزره الصغير وجلست احتريه الين قضى وطلعوا وانا اللي ادخل ..
عاد صادفت سبحان الله اني امس منعم ومظبط نفسي ومحورف بشوشتي دخلت عليها وكانت بيضاااااء وكانت فاتشه يوم شافتني وتتغطى بسررعة وهي تقول سعودي سعودي..نعلبوا دارتس للمصري ماتغطيتي وانا اللي من ديرتس تغطيتي عني انا من الحياء صديت وتغطت ودخلت عندها قالت وش فيك ماحتسيت انا فتحت اثمي واشرت على ضرسي قلت يوجعني قالت من متى انا انلخمت قلت من شفتك ياعمري..بالغلط قلتها واحتريها تقول لي انقلع برررررا ياقليل الدسم بس تصدقون وش قالت لي..؟
قالت جعلي اموت قبل لا اوجعك..
ياووووووووووووووووووووويليه
عاد بنت وقالت لي كذا وش توقعون رده الفعل مني..؟
اطلع جوالي واقعد العب بلعبه الدودة(بالقروي السناك)..قالت تبي تدق على أحد..؟ خذ جوالي ودق
قلت لا لا بس واصلتني رسالة جديدة وجالس اقراها قالت وشي؟ ارسلها لي اذا هي حلووة
قلت من عيوووووني كم رقمك بس.؟
وعطتني رقمها وانا اللي اطمر وادور رسايل لجوالي المشكلة كلها نكت وجرات واستهبال مالقيت شيء يواجه..
لكن لقيت وحده وارسلتها لها
كانت تقول الرسالة..
تحبني.؟
تغليني.؟
تشيلني بعينك.؟
بشر امك طيب..!
خابر أنها ماصلة بس وش اسوي هذا اكثر شيء يواجه عندي
والله وهي اللي تفطس ضحك ويطيح اللثام(لو اني داري من زمان ارسلت) وتركته مارفعته (سنايدي) قالت حلوووووووه الرسالة ابرسلها لصديقاتي وافق خشتي انا يقالك شبكتها هالحين..
قالت رقمك حلو ابخزنه عندي علشان اوريه زميلاتي(انا ماصدقت خبر) قلت خوذي راحتك الرقم وراعيه يفدونك والله وهي اللي تخق (ماقد شافت كلام حلو من سعودي)
على فكره عمرها تقريبا 24 وانا 17 فرق كبير بس ولو عرفت لها
قامت وقالت ايوه وين ضرسك اللي يوجعك خلني اعالجك حبيبي تصدقون اني نسيت الوجع ولاعاد صرت احس فيه..!؟
قلت لا خلاص طبت يوم شفتك قالت لالالا لازم اشيك عليك يمكن فيك وجع والا شيء قلت لا يابنت الحلال مافيني شيء خلاص
قامت وشالتني(الله من المحيقرية بس)وقالت الا غصب اعالجك قلت براسك طيب..
وتشيك وتحوس لقت كل ضروسي محورفة اللي طايح واللي يتدودل واللي يلمح تراي ابطيح وهلم مجرا(<---وتقولون عندنا ضعف بالفصحى..)
ظبط لي ضروسي وزينتهن وخدرتني علشان مايوجعني شيء اثرها خدرت كل جسمي تصدقون يوم قمت لقيت في خدودي صبغة حمراء من وين مدري..!
شكرتها وقالت لاتحاسب ترا علاجك مجاني ..قلت لا يابنت الحلال مايصير مايحتاج ولزمت علي واحرجتني..
وقالت اقعد خل نسولف
بصراحه استحيت انا اقعد مع وحده غريبة وقلت لها وش رايك نطلع اذا خلصتي من الدوام وبس..
<-----------------خبيث
قال أكيد نبي نطلع بس لازم هالحين اقعد معك ابقول لك شيء..
قلت بهواتس نقعد نقعد وش ورانا
قعدنا قالت ابقول لك كلمتين وبس ..
قلت قولي
قالت بس استحي منك(كل ذا وتستحين)..!
قلت لاعادي مابينا شيء اصلا(ذبيت الميانةانا)
قالت(بالفم المليان): أنــــا أحبـــك
عاد انا الله من الصحاحه فيني قلت احبك الله الذي احببتني فيه..
هي تبي ترقع لي قالت انا اموت فيك وانت عمري
قلت تصدقين ياهيفاء(مكتوب على كرت معلق بالبالطو)
تصدقين ان قلبي هو اللي خلاني احي لهالمستوصف وخلاني ادخل عليك هنا واختارك لعلاجي لأن قلبي حبك ومن شفتك وانا كارهه الدنيا اللي كنت عايشه فيها بالبعد عنك..
قالت لا ان شاء الله نلب نبقى طول العمر ان شاء الله وتبي تبقى حبيبي أنت ومايفرق بينا حاسد(من جد شكل البنت حبتني)..
وطلعت من عندها عقب ماوعدتها بزيارة ثانية لها
رحت لبيتنا وانا اسوق ولا ادري وين الله حاطني فيه مسبه بس ماغير اهوجس فيها وافكر فيها كل وقتي(شكلي صدق حبيتها)
وانا راجع بالطريق مريت المكتبة وشريت ثلاث ارباع دوااين قصايد الغزل اللي فيها وكل المجلات اللي تعجبك شريتهن بعد
وارجع واقعد اقرا(الفراغ يسوي ازود)..
صرت امشي بالبيت وانا اغني
اقول اللي يبي القمره وهو في حبها مولع
اما هي تنزل له والا هو لها يطلع
انا ادري مالها دخل بس كانت هي الاغنيه اللي حافظها هكالوقت..
رحت للمستوصف من بكره ولا لقيت البنت قالوا انها استقالت..دقيت على جوالها لقيته مفصول..يمين يسار فوق تحت..
ناوي امر فيها قدام عيال حارتنا اشخص..
لكن جلست مده على هالحال لا خبر ولا شيء عنها واخرتها رن جوالي بعد مرور 9 شهور وكلمتني وحده وقالت لي..
انت كررريٌم..؟
قلت ايه ..!
قالت انا هيفاء
وييييييييييييييييييييييييييييييييييييييييييييييييي
ييييي
هيفااااااااااااااااااااااااااااااااااااااااااااااا
اااااااااء
ويننننننننننننننننننك ياعمررررررررررررررررررررررري
قالت بلا خرابيط بس انتم متى تعقلون ياعيال وتتركون هالخرابيط عنكم وماتصدقون تشوفون بنت الا وكأنه ثعالب لقوا دجاج.؟
قلت لاتشرهين يابنت الحلال..
ماعمرنا شفنا نعمة وبعدين
من زين لبسكم هالزين أجل متلثمة وتقول لي ياعمري وياحبيبي ولاتبيني اسوي شيء..؟
وتناقرنا وقفلت وقفلت انا وانا العن فيها
ولا كان فيه واحد يسمعنا باين عليه شايب الا شوي
ناداني وقال لي ياابن الحلال هذولي بناتكم وخواتك عيب تضايقونهم كذا استحوا على وجيهكم خوفوا ربكم فيهم..
قلت ياعم وش تبينا نسوي أجل
قال:
سافروا مثلنا للخارج ووسعوا صدوركم
(مااردى من الحمار الا ولده)