قصيدة اعجبتني

[رعشة هدب]

الشاعر علي السباع شاعر متميز ... عجبتني جدا قصيدته
وحبيتكم تقروها معاي ..

خالص محبتي
مصيبة صاير ماادري انا وشلون اعاملها......
اذا مااقدر أواصلها ولااقدر اجافيها..
ولاادري صدق انا اهواها او اني بس اجاملها...
انا اكرهها ولااكرهها وابيها بس ماابيها...
الا من غابت اتمنى ولوفي الحلم اقابلها ...
وجمرة لهفة اشواقي ثواني الوصل تطفيها...
تقول اشتقت لايدينك ونفس الشي ابادلها...
ولامن شفتها تبرد يديني داخل ايديها.....
اقاطعها واقضي الليل اقلب في رسايلها ..
اهيم بكل شي منها وانا اكره كل شي فيها...
تسولف لي عن الفرقا وانا اتعمد تجاهلها...
واسولف ليلة الفرقا لصورتها واناجيها...
الا جيت اطلب ظلال تلقتني قوايلها....
ولاقلت الفجر وينه تطاول بي لياليها....
احس بلذة النظرة لعينيها واغافلها....
اخاف تشوف بعيوني انا وش كثر مغليها...
اسوي كل مايمكن من اجل اني ازعلها...
واطوع مستحيل الكون لاجل اني اراضيها..
اخاف عنادها الصامد واخاف اكثر تساهلها...
واخاف وضوح حاضرها واخاف غموض ماضيها...
محال اقبل تكبرها ولاارضى عن تنازلها....
ولاادري ويش ابى منها غلاها او تغليها....
يعذبني غلاها لي ويدهشني تحملها.....
واموت واعرف ايامي وياها ويش تاليها....
__________________

[بنت زايد]

ابدعتي اختي رعشة هدب في اختيار هذه القصيدة ..
اعجبني التناقض في القصيدة ..
فعلا قصيدة راااااااااااااااااائعة ..
تحياااااااااااااتي لج .. (bye)

[بطيخه]

:) قصيدة روعه:)

[الموسيقار]

قصيده حلو

مشكوره رعشة هدب(good1)

[رعشة هدب]

هلا وغلا ملايييين هلا بالطش والرش هلا بنت زايد
مشكورة الغالية كله من ذوقج اقول شو هالواسطات مشرفه ها ههههه

نورة اهلين فيج مشكورة الغالية وتسلمين

الموسيقار هلا فيك وتسلم كلك ذوق

[صالح]

بسم الله ..

إختيار جدا موفق ورائع اختي رعشة هدب .. أحيي فيك هالذذوق الجميل جدا .. تمنياتي لك بدوام التوفيق .








صالـــح

[ابونايف]

اختي رعشة هدب مشكوره

واختيار في غاية الروووووعه

اختايراتك انشاءالله تكون في غاية الروعه

ونبي قصيده لكي انتي انشاءالله تجيبينها لنا

ونتمنى المزيد والجميل منكي

وامنى لك التوفيق

[_الأمــيـــــــر]

القصيده كلماتها ووزنها تمااااااااااااااااام

بس عندي ملاحظه على القافيه .. :D :D

[القهوجي]

والله القصيده حلوه واجد

(heart) (heart) انت كذا (good1) (good1)