مشكلات السياره نقاش وحلول

[أبو نواف]

بسم الله الرحمن الرحيم ..

الموضوع واضح من أسمه ..

بإختصار .. لديك مشكلة في سيارتك .. يوجد عطل في سيارتك لا تعرفه .. مشكلة في الحرارة .. مشكلة في محركة السيارة ... الخ

أطرح مشكلتك هنا : فسوف نجيب عليها بإذن الواحد الأحد ..

ملاحظة : سيساعدكم أخوكم ( بدون اسم ) في حل بعض هذه المشكلات أو جميعها ..


تحياتي : أبو نواف .
للمراسله : abu_nawaf20@arabscafe.com

;)

[reema]

الله يعطيك الف عافية على الموضوع وهاذي الخدمة الـ 5 نجوم ;) :D



سؤالي:

- لما ارجع للوراء (ريوس) .. السيارة تطلع صوت مثل الاهتزاز ... مع العلم بأن سيارتي جير عادي ;)

ثانكيووووووووووو

[بدون اسم]

مشكور أخوي أبونواف على الموضوع هذا
:
وأنشاء الله أكون عند حسن ضنكم ..
:
بس ما ننسى أن حنى بشر نصيب ونخطي ..
:
والي عنده خبره في المجال هذا يا اليت يساعدنا أنا ولأخ أبو نواف ..
:
أهلين ريما مشاء الله دايم سباقه .. ممكن نعرف وش نوع السياره ..
:
أتوقع الصوت الي يطلع .. أنه من (الصـــــــليب) .. الي في عامود الكردان
:
وكلما كان السؤال دقيق الجابه تكون أدق أنشاء الله ..
:
ودمتم ,,

[BL2]

هلا مشكووووورين على الموضوع الحلو...
وتسلم عليه يا (ابو نواف)......

وبدون اسم انا عندي مشكله في الفورد صحن طبعاً موديل 2001...
اذا مشيت وظغط فرامل يطلع صوت؟؟؟
(اعرف انها من الفحمات بس بتأكد)

)()()()()()()();) ;) ;) ;) ;)

[بدون اسم]

مشاء الله عليك
:
عارف أنها الفحمات طيب غيرها
:
قبل ما تروح تخرط الهوب ..
:
كويس لقينى واحد خبير
:D

[reema]

سيارتي ايكوووووووووو 2000

(sleep) (sleep)

[أبو نواف]

كيفكم .. هاه كيف الورشه معكم ..

أشوف ما شاء الله فيه سيارتين ( إيكو ، وفورد ) ..
=-=-> يقصد ريما .. و BL2

أنا أتوقع يا ريما .. إنك إذا بغيتي تمشين - ريوس - لا زم تضغطين ( الكلتش ) ؟ بقووه .. إلى الأخر .

لإن هذي الحالة حصلت معي كذا مرة وبعدين سويت الحركه .. وضبطت معي .. :)

أنتي جربي وقولي لنا .. :rolleyes:


تحياتي : أبو نواف .
للمراسله : abu_nawaf20@hotmail.com

http://www.plauder-smilies.com/thinkerg.gif

[reema]

:f: ok


thanx very much ya zalameh (joke)

[قرموش]

هلااااااا اخوي
والله فكره حلوه لنشوف وش بلا مواترنا يا ابو

المهم ..

انا موتري صني (نيسان) 98 قير عادي

مدري وش فيها (تصرف بنزين) بشكل غير طبيعي

مع العلم اني اروح فيها يومياً تقريباً مشوار 70 كيلو (رايح جاي للجامعة)

فماااااااداري وش السبب؟؟

:wf: انقذني ياحليب السعودية والله اكلتني اكلت هالسياره :nope: :win:

[شميط حلّي]

سلاام شباب ... ابو نواف .. والشعب كله ....

الظاهر هذي اول مشاركه لي بالهوايات ...

انا مقصر كثييييييييير بهالقسم ...

موضوعك جدا رائع ... وجاي بوقت مناسب ... في الاجازات الواحد يبدأ يشيك على سيارته ويلاحظها وبغيره ... اشكل ...

المهم ... ابي اطرح مشكله تزداد بالصيف وخاصة بهالايام دام الحراره ... فرن ...

المهم .. اهم شيء بالسيارات وصيانتها الماكينه طبعا ... ومن مشاكل الماكينه ... نظام التبريد وفاعليته ....
احيانا الواحد يتفاجأ بالحراره عاليه بالسياره ...والسبب لمثل هالمشكله من عدة اوجه :

1- ممكن يكون مستوى سائل التبريد ناقص وهذا الامر الشائع بين السيارات والسبب قلة العناية بالسياره .

2-ممكن يكون من سيور الحركه ... ممكن يكون السير غير مشدود (مرتخي)... او سبب يتعلق بالسير نفسه .

3-عيب في ابرة الاشاره اللي بالطبلون ... ممكن تكون الابرة عطلانه وتخدع السائق بأن الحراره عاليه.


4-ممكن يكون خلل في بلوف السياره ... وبالنسبه لهالسبب ما ادري عنه اي شيء لانه يبيله خبير يتكلم عنه او واحد فاهم شغلة البلوف تماما .

5-وهذا اهم شيء عندي ... لأنها صارت لي ولا كنت اتوقع هالشيء...وهو انسداد فتحات الاديتر ... وعدم مرور الماء الساخن القادم من الماكينه واتمام دورة التبريد بشكل جيد... والحل .. بعمليه (جراحيه) للسياره ... تسمى ... التسييخ ... وهالمصطلح اول مره اسمع فيه قبل اسبوعين تقريبا ... وماكنت اتوقع فيه غير هالعيوب الاربعة اللي ذكرتها حسب علمي...
الزبده ان الفني يقوم بفك الاديتر وبعد كذا يعمل على ادخال سيخ حديدي في مواسير التبريد عشان ينظف الفتحات من الاوساخ والاتربه المتصلبه واللي تمنع مرور الماء بشكل كامل وبعدين يرجع الاديتر ... وتصير الحراره عندك طبيعيه انشاءالله

=========

اااااسفين على الاطاله .. واللي عنده زياده لايبخل .. ترى منكم نستفيد .

[MoTaYaM]

ههههههههههههههههههه جابكم الله يا شباب


الموضوع قمه في الروعه :)


وانا ما تحمست الا لاني ودي ارد على ريما ... وودي اشارك بخبرتي .. وودي اطرح مشكله .. خارج خبرتي :) :2:


نبدا بريما ..

قلتي سيارتك ... اهي ايكو 2000 ؟؟

احب اقولك ان المشكله هذي ماهي في سيارتك لحالك .. اهي في جميييييع السيارات ... اللي هي من النوع الصغير في تويوتا ..

اقصد "" ايكووو .. كورولا .... تيرسل ""

والمشكله تكمن .. انك اذا عشقتي بالقير ريوس يطلع صوت احتكاك بالتروس .. وطقه عنيفه .. احيانا تسبب هزه في السياره ..

اطماني .. هذا عيب مصنعي من عندهم .. ولما راجعت الشركه .. اعتذروا لي .. وقالوا هذي المشكله ممتده من عام .. 1998 والى الان عجزنا نلقا لها عندنا "" يقصدون بالسعوديه ""

قلت الحل .. قالوا .. اذا خرب القير راح نغيره لك بالكامل "" القصد "" ارقد وآمن :)

الحل من وجهه نظري .. مثل ما قال ابو نواف .. اضغط على الكلتش كاااااااامل .. وشئ ثاني اذا امكنك .. تعطينه نمره 1 قبل الريوس وشئ ثالث .. عشقي بشووووووويييييييييييييييييييش .. ولا تخرشينه خرش :)

تراه حساس

..................................................

اما بالنسبه للنصيحه .. فيا شباب .. انصحكم بعده نصايح

1- لا تغسل سيارتك في الشمس ابدا ابدا ابدا
2- امسح سيارتك بقطعه قماش قطنيه وليست نايلون او سيلكون .
3- حافظ على مستوى الزيت .. بتغييره كل 1500 ولا تكثر عن 2500
4- يفضل تغيير السيفون كل تغييرتين او 5000 الى 6000 واذا كان مع تغيير الزيت يكون افضل
5- لازم تعطيه N قبل ما تمسك البريك اذا كانت سيارتك من النوع الاتوماتيك ...
6- حافظ على مستوى مويه الرديتر ..

اتمنى انها فاتدكم

-------------------------------------
اما بالنسبه للمشكله .. فاهي باختصار شديد

انه .. لما حصل لي .. حادث بسيط .. والحمد لله .. خرجت منه سالم ..

في جهه الرفرف الايمن .. وبعد التصليح والسمكره .. مع العلم ان جميع القطع جديده واصليه

صارت مشكله صغيره .. وهي صوت قرقعه في نفس جهه الحادث .. وتطلع القرقعه .. عند المطبات الصغيره .. او اذا كان الشارع محفر شوي ..


ولما رحت الى ورشه قالوا لي احتمال انه فضاوه في المساعد ؟؟


والوكاله ... تعبت معهم في الوعود .. "" ووقتي ما يسمح باني اتركها عندهم اكثر من يومين "


بالله شوفو الحل بسرعه .. "" واللي عنده ورشه ممتازه .. يقول لي .. عشان اروح لها .. ""

والامر في غاية الجديه



ريمااااااااااااااااا

تباااااااااااااادلييييييييييييييييييييييييييييين


:@": :wink: :S: http://motayam999.jeeran.com/images/car2.jpg

[reema]

يسلمووووو على اهتمامكم :11:

وخلاص بغير السيارة عن قريب انشاء الله
:2:


شو رايكم :he: لوميناااااااا :11:

[صالح]

سم الله ..

بصراحة موضووووووووووووووع قممممممممه يا ابو نواف :)

متيم : عزّ الله أنك ذيب :) معلومات ذهب :) وتستاهل الغورلاّ , قصدي الكورلاّ :)

ريما : نصيحتي لك اذا كنتي تقدرين تدفين مبلغ اللومينا .. فأنا انصحك بسيارة أوبل أوميغا .. جداااااااا رااااااائعة بصراحة .. وجهة نظر لا غير .


تمنياتي للجميع بسيارة مثالية :)




صالـــح

[reema]

والله اخي
هي المفضلة عندي (اللومينا)
وفعلا سيارة حلوة كتير
وخاصة اذا كانت بجناح
فشكلها يكون افضل

يسلموو على النصيحة

[أبو نواف]

هلا ريما : بالنسبة لإقتراح أخونا صــالح .. فهو من وجهة نظري أنا هو الصحيح ..

لأن اللومينا .. أولاً : ( أمريكية ) ضعيها في أو الحسبان ؟!

ثانياً : من ناحية شكل ( السبور ) فشكل اللوميناً أنا معاك شكلها سبور وكشخه بعد .. لاكن من ناحية المواصفات والتقنيات .. والديكورات .. فـ الأوبل طبعاً .. بدون تعليقا .. لأنها أفضل بكثير ..

أما من نحاية الأعطال : فبصراحة ليست عندي الخبرة الكافية من كلا السيارتين ..

تحياتي : أبو نواف .
للمراسله : البريد الخاص .


:rt:

[reema]

ابو نواف
صح اول شيء لأنها امريكية
لازم الواحد يعيد حساباته
شكرا على الشرح

[مشفر]

هلا :)

مشكورين على الموضوع :)

و انا يا شباب عندي كم نصيحه :)

تراني تبهذلت مع سيارتي :)

لا تنسون مويه الرديتر تنقص .. بعدين ترتفع حراره الماكينة .. و يمكن تنشطب .. و يدخل المويه على الزيت .. بعدين تخبط .. بعدين تصلحا ب 7 او 6 الاف :(

فكل واحد قبل يسافر .. او يمس له خط .. يشيك على المويه :)

تحياتي .. مشفر :)

[بدون اسم]

والله خبره الشباب ... ماعاد نقدر نقول شي ...:po:

[الجنــرال]

يعطيكم العافية شباب..

الا ابسألكم ايهم احسن الماكسيما30GV ولا الكامري كراندي؟

تقبلوا تحياتي...

[أبو نواف]

مشكورييييييييييين شباب على هذا التفاعل الجم ..

أتمنى أي واحد يمر على الموضوع أنه ياخذ حسابه لقراءة نصائح ( متيـــم ) لأنه بصراحة .. نصائحة قووية جداً وفيها الخير والبركة للي يطبقها ..

ونفس الشيء نصيحة أخونا ( مــ ش ف ــر ) اللي هي الإنتباه إلى السوائل في محركات السيارة ..

بدون اسم .. اقول اعقل وترى حتى أنت عندك خبرة .. بس ماودك تقولنا تخاف ننظلك في ==> :wf: عين خخخخ

اما بالنسبة لسؤالك أخي ( الجنـــــرال ) عن ايهما أحسن .. المكسيما GV30 أو الكامري Grandy ..

فودي الله يخليك .. تبين السؤال أكثر .. يعني .. سؤالك هنا هل هو أحسن من ناحية ( الأداء ) ( سعر قطع الغيار والتصليحات ) ( الشكل ) ... الخ .

انتظرك ..


محبك / أبو نواف .
للمراسله / abu_nawaf20@hotmail.com


:D$:

[AzOz]

قرينا نصايح متيم طيب انا قالت لى الوكاله لا تغير زيت الا كل 7500 كيلو

وهى من نوع فلكس واجن واذا غيرت زيت برا الوكاله راح الضمااااان .


وش نسوى ما على منهم ولا ايش السالفه ............