أخبار الأقلاع ... للفاضين بس

[جـــوولان]

السلام عليكم ..

أنتظر شوي حتى وتفتح الصفحه كامل ويقول لك تم ..... أوكي

ألحين أقطع الأتصال ...

وقم روح المطبخ جهز لك أبريق شاهي ... ولااتنسى الفصفص (فصفص = حَبّ مو حُب)

طيب ..

خلاص ..

جهزت كل شئ

يالله ... ونبدأ الجوله الأخباريه ... مع ساحة الأقلاع

-- - - - - - - - - - -- - - - - - - - - - -- - - - - -- - - - - - - - - - -- - - -

عرفات يوصف عملية فدائية مات فيها 3 يهود بـ '' الارهابية '' http://www.plauder-smilies.com/pfohnmacht.gif

فطس البارح ثلاثة يهود وتكسمر أكثر من 30 واحد في عمليةٍ فدائية نفذها
فلسطيني في بلدة ريشون لتسيون اللي تبعد عن تل ابيب 15 كيلو وعشان أوضح أكثر يعني تقدر تقول إن المسافه
بينهن مثل المسافة بين شقراء و أشيقر ( لاياشيخ فهموا )
وأرسلنا مراسلنا عزيّز الصتيمه عشان يشوف وش الطبخة ويعلمنا :
مساؤكم ورد ( أقول انهج وخل الفلسفه ) طيّب : .. والله بصراحة اليهود هنا مختبّين وضايعةٍ طاستهم مرة لأن العملية جت في مكان مليان أوادم وأسواق وحدايق ودنيا
ويخافون يجي عملية ثانية ..

http://www.al-jazeera.com/mritems/images/2002/5/23/1_97196_1_6.jpg
أبرك وأسعد .. يهودية ولابسةٍ لبس النصر :)

وقالت كتائب شهداء الاقصى ان انحن اللي مسوين العملية ولا عندنا فاحد وسويناها انتقام لمقتل جهاد جبريل في بيروت ولإغتيال اربعة فلسطينيين
في نابلس ولكل اللي استشهدوا
وقالوا بعد ان انحن ريّضين في هالسملق وان عندنا ناسٍ بايعينها ببصله ومستعدين يضحون بانفسهم عشان يردون على سياسة شارون الارهابية ،
ونتقت فرنسا وأدانت العملية وقالت ان المسؤولين يبون منع أي فرصه للسلام وان اللي نفذوها يبي يعكرفون لعملية السلام .
وقام عرفات يزبد ويرعد ويهوش وأدان العملية واستنكرها وقال انها "ارهابية "وانها تبي تجي علثة ٍ لشارون عشان يحوقنا ،

http://www.al-jazeera.com/mritems/images/2002/5/23/1_97191_1_20.jpg
لا كذا ماتنرحم مرّة ..
سدّ خشمك بعد عشان يجي شكلك مؤثر أكثر

وأما شارون فهو كان وقت التفجير كاشت ٍ في مزرعته .

ياعزيّز : وش كانت حالته وقتها ؟ ـــ والله مدري هو قاعدٍ يلقّح له نخله والا
يهزّ العبريه .. أقول انطم بس الشرهه على اللي يروّحك ومايحتاج تعلمنا أكيد يبي يصير مطنقر و يملطها في عرفات ورح ناد أبوك يحلل لنا الموقف بس

http://www.al-jazeera.com/mritems/images/2002/5/23/1_97192_1_17.jpg
اللهم أخلف .. في صدره شق ٍ كبر جحرالضبّ ويناظر هو حيّ والا ميّت

أبو عزيّز عطناتحليلك ونظرتك للعملية وماتبعها من تداعيات ..
والله اني عجل أبروح لسوق الغنم هالحين ..
طيب باختصار وش تقول لذولا ..
اللي فجّر عمره
ـ كفو والله وانا اشهد انه ينشدّ به الظهر ورجال ٍ من ظهررجال والله يقبله
اللي ماتوا
ــ أبرك وأسعد
اللي تعوّروا
ـ سادّ
ياسر عرفات :
أقول له بدينا بالخققي وعزّ الله اني مدري وش يبون بك ربعك وانت " تتن وقلّ صلاة " وشين وقويّ عين ولا ايزاك انك ماتفزع معهم تروح تفزع ضدهم يالخسيس وقال قه قال قهقه ، فيك خير لا تجيود على ربعك وتدين وتندد اللي يسوونه رح تجيود على شارون اللي ممشيّك على الجادة
شارون :
ياحلالات من يجدعك في دزليب مطقك . والا يدربيك في منحاته
فرنسا :
أقول تبكّرت بشيص وايه توّكم تنتقون وتدينون والا يوم مجازر جينين مسبطين يالسلق .



شارون يكرش اربعة من وزراه

أصدر البربيخ المنتفخ شارون قرار باقالة أربعة وزراء من حزب " شاس " الديني المتطرّف مما ينذر ببداية أزمه سياسية في الحكومة الاسرائيلية
و( اللهم حط حيلهم بينهم )وفي الحقيقه ان شارون (جحش و دبشة ولا يعرف في السياسة شي والا كان قال تم اقالتهم بناءً على طلبهم ولا جاء أزمات ولا شي :)

http://news.bbc.co.uk/olmedia/1790000/images/_1791311_sharon150.jpg
شارون هاضلة ٍ عنزه

وغريبه ماملطلها في عرفات وقال انه هو اللي مشيّشهم وغاسل ٍ روسهم
وزعل رفيق لهم خامس واستقال وسبب اقالتهم ان شارون سوّى له خطة اقتصادية طارئة وحط مشروع للميزانية ولا جاز لحركة شاس وصوتوا ضده وأقالهم ( ويقولون مهوب ديمقراطي )
المهم ان تصويت نواب شاس سبّب هزيمة لحكومة شارون في الكنيست لأن البرلمان رفض خطته بالاغلبية وصوتوا 47 عضو على ان خطة شارون زيّ وجهه ولا لها سنع ، و 44 عضو قالوا انها حليوه ، و عضو ٍ واحد قال قلعتكم سووا اللي تبون ولاصوّت

http://news.bbc.co.uk/olmedia/1970000/images/_1974133_sharon150.jpg
كنه ظاطور محنّط ٍ في غرشة

وعرض شارون خطته الاقتصادية اللي تجي قيمتها 13 مليار شيكل ( الله من زين العمله ولوهم مسمّينها سيكل كان أزين ) يعني بالدولا ر2,7 مليار دولار عشان يغطّي عجز الميزانية اللي تضخّم بسبب الانتفاضة الفلسطينية لأنهم كثّروا الصرف على العسكر وما العسكر حقهم وكان ناوي يخفّض من الدراهم اللي مخصصينها للرعاية الاجتماعية ويزود الضرايب على شان يغطي نفقاته ومصاريفه العسكرية عقب هجومه الاخير على الضفه الغربية وقال شلومو بنيزري وهو واحد من قادة حركة شاس اللي لشطهم شارون بسعفه : نرحّب بقراره ونتمنى له التوفيق كانه يقدر يروح للإنتخابات بدون شاس والاحزاب الاصولية الثانية ويالله ياشارون ورّنا مشيك في الصروال .
وأما زعيم شاس السياسي إيلي يشاي فقال : ( ماشلت هم الاقاله ولا جبت خبرها وأفزع مع الضعوف والفقراء ولا أفزع مع القبّون شارون جعله مايربْح )




تيمورالشرقية تعلن استقلالها

أعلن كوفي عنان هو وسكسوكة اللي كنها وجهه ( تف عليها حامضه ) اليوم الاحد إستقلال دولة ( تيمور الشرقية )

رسمياً عن اندونيسيا في حفل ٍ حضره أكثر من 200 الف تيموري وناس من 90 دولة عقب سيطرة ٍ اجنبية استمرت حول 450 سنه وكانت منول مستعمره برتغاليه ثم خضعت لحكم أندونيسا حول 24 سنه ومات في هالاحتلال الاندونيسي حول 200 الف آدمي ، الين صوتوا بالاستقال عام 1999 وفزعت معهم الامم المتحدة

وقال عنان : ( انها لحظات فخر وتحرر وهي ملك لشعب تيمور الشرقية اللي حصلوا على الاستقلال بتكاليف عاليه )

( بشّر أمك <<= الغيره تسوي أكثر )

http://news.bbc.co.uk/olmedia/1995000/images/_1996673_timor_flag300afp.jpg
شكل كوفي عنان مشارك في اختيار الوان العلم لأن ذوق التكارنه بيّن فيه

المهم انهم قضّبوا طارة الدولة لواحد ٍ يقال له شانانا جوسماو وهو أول رئيس لتيمور الشرقية المستقلة

وحضر الحفل بيل كلينتون وتعذر عن بوش وقال انه مشغول شويّ ولا قدر يجي وانا أسد مسدّه ،

وحضرت بعد رئيسة إندونيسيا ميجاواتي سوكارنوبوتري

وأشوى انها مهيب شغالتنا كان أعجز أحفظ اسمها ،

(وتخيلوا أمي تقول يا ميجاواتي سوكارنوبوتري جيبي السماط ثم تقول يا ميجاواتي سوكارنوبوتري تعالي شيلي السماط نذر ٍ بالله ان ينفقم حنتس الوالده في يومين )

http://www.al-jazeera.com/mritems/images/2002/5/19/1_96644_1_11.jpg
بيّن انها جايه من غير نفس

المهم انها حضرت عشان ترزز عندهم و ترانا يعني ربع ولا بيننا الا الزين وملا العين وجت للعزيمة على ان بعض ربعها قالوا لها يابنت الحلال لا تروحين وقالت لهم الا ابروح وراحت معها بست سفن حربية وتشرّه عليهم رئيس تيمور الشرقية وقال وش جاب هالسفن قالوا لازم نحرس رئيستنا لا يجيها شي والا شي قال ابد ماعليها الا العافيه من زينها يجيها شي والله لوها يارا صبري وقاموا وأبعدوا سفنهم عن الساحل وقالوا خلاص أبعدناهن لاتصجونا

http://news.bbc.co.uk/olmedia/1995000/images/_1996673_gusmaoclintonap150.jpg
كلينتون ماوفّر رئيس تيمورالشرقية .. وفكّ الله رئيسة اندونيسيا ماجاها الدور

ومن جهة ثانية قام القس كارلوس بيلو واللي قد خذ جائزة نوبل

وقال ( يالله شباب يالله نصلي) تمسّحوا وانتم عجلين واللي مايلقى له ماء يطبل العفور وتعالوا نروكع شوي عشان تضبط أمور الحكومه الجديده .

وهالمسحيين على الريحه هم وصلاتهم كل ماطق عودٍ عود صلوا .




البابا مصيخين و يمكن يقدم استقالته

قال كردينال هندوراسي للصحفيين في روما ان الباب يوحنا بولس الثاني
يمكن يتقاعد ويطس عن كرسي البابوية
وهذا اذا تدهورت حالته الصحية واندمرت والا مهوب متحلحل الين يفطس



البابا مع الاخويا حقينه

ويقولون ان البابا يبي يفصخ الواحد وثمانين ويدخل الثنين وثمانين السبت الجاي
ويذكرون انه مصيخين ٍشويّ وفيه نفافيض وشلل رعاشي ( شكل أم العييل قد جته يومه صغير ) وركيباته يعوّرنه شويّ ومفاصله لكم عليهن
وأصقه وشوفه شجر ّ ..ولو يودّونه للتشليح كان أريح مافيه شي ٍ زين أبد .

وتقول مراسلتنا الزعيمة : ان كل هالحتسي تخرصة والا البابا حاضر له اجتماع في الفاتيكان ولا أطرا شي ..
لا وهاللصقه قال للحضور بعد ياليت كل واحد منكم يصلي له كم تسليمه عشان أبتل على كرسيي وأستمر في شغلي .

http://news.bbc.co.uk/olmedia/680000/images/_684373_mountnebo300.jpg
قاعد ٍ يخيّل في القبلة

واليوم نبي نستضيف شايبنا الثاني أبو دحيّم الاشهب الخبير في أمور هالمسيحيين ومن كثر خبرته عرضوا عليه انه يجي مطران وعيّا ( ياويلي على التعصب ) ويبي يعطينا رايه في هالخبر ..
هاه وش عندك أبو دحيّم : أول شي ترى هالشايب يتسذب ويعقب عمره مهوب 82 لأنه وليدٍ لي ومولود انا وياه في سنة الصخونة
واني يوم أنحن صغار أحمر ٍ أعطر مثله بس لعب في حسبتي هالجدري وخلا وجهي كنه كربة ٍ ماكلتها الارضه وكان دارس معنا في ثالث ابتدائي والامارية هالطاقية اللي عليه من يوم انحن في ثالث وهو يلبسها ولا غيّرها الى ساعتكم

وقاعد يخف بهالمسيحيين وبس .. كل ماصنقرت معه وبغى شي قال يالله تجددوا و صلوا لكم كم ركعة

http://news.bbc.co.uk/olmedia/685000/images/_686809_popearafat300.jpg
البابا يقول لعرفات : تراي مصلي عشان ماتبوسني الله يرحم والديك لا تفشّلني

ودامه حيّ ويقوى يحترتس وياصل الحمام فلاهوب مطلق ٍ كرسيّه أبد لو يجرّونه بشاص ماقووا ..والا قد شفتوا مسؤول يقول لربعه دوّروا غيري انا معاد أقوى أشتغل !!
أقول يابو دحيّم في أمان الله .

[جـــوولان]

نظام جديد للعقوبات اللي مفروضة ٍ على العراق

صوتوا كل البشكه اللي في مجلس الامن بالاجماع على نظام ٍ جديد للعقوبات
المفروضه على العراق وهالنظام يقول نبي نشدّد الحظر العسكري على
نظام صدام حتى لو يستورد له أم صتمه والا نباطة منحنب طايعينه يدخّلها ونبي نسهل دخول
البضايع الاستهلاكيه من جنس الشاهي والقهوه و الرز والسكر وباقي الارزاق ولو يبغي خليناه يدخل له مية قطمة في الدقيقه
وقررت سوريا وهي العضو العربي الوحيد في مجلس الامن واللي عدده 15 دولة انها
تصوّت لصالح القرار في الوقت بدل الضايع ( والله مادروا عنها هي وتصويتها ) لأنها منتقدةٍ القرار ولا جاز لها الحظر اللي مسوينه
على العراق وقالت لهم فكوا الحظر أحسن لكم والاترى نبي نخلي صدام يحذفكم من المسينجر مرّة
وهالتصويت أجلوه ليوم الاثنين عشان سوريا قالت لهم اصبروا شوي نبي نروح نشاور بشّار ( الا هو لقى امه والا الى هالحين ) عشان ما يهاوشنا واقترحت سوريا بعض التعديلات
بس جحدوا مندوبها .. ولا عبّروها

http://arabic.cnn.com/2002/middle_east/5/14/un.sanction/story.security.council.ap.jpg.jpg
أثنين رافعين يديهم لكوفي عنان ..
يبي يروحون يطيّرون الشراب


ويقولون ناس ٍ باخصين في المنظمه الدوليه ان أمريكا مهيب جايزة ٍ لها هالتعديلات وانها تبي تعيي تقبلهن ويمكن ترفض سوريا التصويت عشان هالشي
بس انها صوتت وطاحت وجيه ذولا وأزين عشان مايقعدون يتفلسفون مرة ثانيه
وكانو ناوين يتبنون القرار ويزرفون سوريا واللي ماتملك حق النقض الفيتو من جنس أمريكا وروسيا وبريطانيا والصين وبنجلاديش اخخخخ ( ايه يجيب الله مطر )
وهم حطوا هالنظام عشان يطبّقون نظام عطونا النفط ونعطيكم الاكل والا ترى والله ماتشمّونه ونبي نخليكم تفطسون جوع وخلوا نفطكم يسرّكم ( حقت أبو الاسم ) .. وعشان بعد
يسكّرون على صدام ولا يقعد يتذيهن وبقول ان هالعقوبات تضرّ بالشعب العراقي .

http://news.bbc.co.uk/olmedia/1045000/images/_1047472_annan150ap.jpg
أبو خنفرة جريئة

ويسرنا هالحين نستضيف الخبير السياسي في الشرق الاوسط أبو عزيّز والشهير بعيارة "الداشر " لأنه كان منوّل يسمع اذاعة لندن دايم :
وش رايك يابو عزيّز في الخبر .. والله بصراحه أشوف ان أبو خنفره وده يرجّع الهيبه لربعه وانهم يقدرون يامرون وينهون
عقب ماكرشه شارون وخسخس له قبل أسبوعين وقالوا مالنا الا أبو عديّ متعود على بثارتنا و نمون عليه ونبي نستعرض عليه عضلاتنا ولاهوب قادرٍ يعيي ،
منها ان انحن نسوي فيها حنونين على العراقيين وأطفالهم ونبيّن لهم ان صحتهم هامتنا و ان ودنا انهم يربّعون شويّ .. ومنها ان حنا نضمن ان صدام مايزيّن له أسلحه
عشان مايروّع الضعيّف شارون وربعه .. أقول توكل على الله بس يالداشر ماعندك سالفه .



احمدوا ربكم .. ان منتمب ارجنتينيين

تقول السلطات الأرجنتينية ان نصف سكان الارجنتين داقهم الفقر وان أمورنا الاقتصادية هالايام داجةٍ بلحيل
ويقول رئيس مكتب الاحصاءات ان سبب كثرة هالطفارى هو ان عملتنا اللي هي البيزو مدحدرة هاليومين وان العاطلين عندنا واجد ( عندنا وعندكم خير ) .. وأقول له لازم تقتدون بنا وتهتمون بسعودة القطاع الخاص <<= مهوب يسمع بها أبد
لأن هذي الطريقه الوحيده الناجعة للقضاء على البطالة ..

يعني وش فيها اذا اشتغل ارجنتيني بنشري والا سبّاك والا مليّص

أعتقد ان مافيها شي

http://news.bbc.co.uk/olmedia/1980000/images/_1981054_fruit300.jpg
لو يسوون مثلنا ويسعودون سوق الخضرة قضوا على مشكلة البطالة :)

ولازم بعد تستثمرون لاعبينكم يعني لو تعطونا مثلاً اورتيجا وباتستوتا ونعطيكم محمد نور وعلي يزيد ونزودكم مليونين ونعطيكم بعد ناصر الحلوي رجاحه يعني تبي تحسّنون اقتصادكم وتمزمزون بهالدراهم
وتحسنون شكل منتخبكم لأن حبات الخال تجمّل الشكل شويّ

http://news.bbc.co.uk/olmedia/1970000/images/_1970198_soupkitchen_ap150.jpg
مسوي لي فيها حنون قدّام الكاميره

وشكله من يوم يطفي الفلاش يبي يتلّ صحنه



ويضيف رفيقنا بعد ان المواد الغذائية أسعارها عندنا نار موقده ( ياشين اللي يحتكون )
ويقول مراسلنا ان فيه شلقة أرجنتينيين مترمطين مرمطه ينامون في الحدايق ويتجمّعون عند المطاعم يبون كود أحدٍ يرحمهم ويباشر عليهم

ويوايقون في الزبايل يدوّرون شيٍ ياكلونه

وما ادري الا صاروا يسوون كذا وش تبي تسوّي القطاوه عندهم


واللهم لك الحمد والشكر على النعمة اللي انحن فيها ويالله لا تغيّر علينا ولا تعاقبنا ..
واحمدوا ربّكم أنتم بعد ياللي تنعفقون
تلقون كرشة الواحد ناطة نصّ متر فوق ( الربدزه )

من النْعَم .. ويشتكي من الفقر .



نيويورك يبي يحطون لهم مهرجان سينما يحيون به اقتصادهم

افتتح بل كلينتون ونيلسون مانديلا ( والله مدري وشلون اجتمعوا ) افتتحوا
مهرجان تريبيكا للفيلم في نيويورك اللي ينظمه روبرت دي نيرو
في منطقة مندمره عقب ما انهد مركز التجاره وهي مانهاتن و يقولون نبي نحييها بهالمهرجان وأقول لهم مايحتاج تتعبون أنفسكم بمهرجانات و أفلام وتعب وخساير ..
أبد حطوا فيها سماد ورشاشّ ثمانية ابراج وتحيا ..

http://news.bbc.co.uk/olmedia/1975000/images/_1977078_trib_300.jpg
مانيلا يضحّك مع زود النفاق يحسب الفيلم قد بدا

وعلى صعيد ٍ آخر يبي يرتز على منصة الحفل جنب دي نيروا وبعض السياسيين الممثلين هيو جرانت وووبي جولدبرج وكيفن سباسي وبصراحه مالهم حق مايدعون فايز المالكي بس أكيد مادعوه يخافون ياكل الجو عليهم
ويقالكم انهم يبي يسوون هالمهرجان عشان يحسّنون اقتصاد المنطقه ،
ويقول مانديلا ان السينما تقدر توصّل رسالة للعالم مضمونها مزيد من التفهم والتسامح ويارجال والله ماتحيط نصف أفلامهم ذب على التكارنه أمثال سعادتكم ..

http://news.bbc.co.uk/olmedia/1975000/images/_1977078_trib_150.jpg

كيفن سباسي يقول لكلينتون أخّر الله (****) أمك ..
مانيب مونيكا أسكت لك



ويمكن يحضر المهرجان خمسين الف واحد
ولا هوب عاد أكيد مرّة ان هالخمسين الف كلهم يبي يحضرون والله ماندري بالضبط عن ظروفهم يمكن ينشغل احد منهم والا يصدم في الخط والا ينام هه سبحان الله ويبي يعرضون في المهرجان أكثر من 150 فيلم والله يعين فيديوهم عزّ الله اللي يبي يكدّونه ويحللون جدّه ..وليت من يشارك بطاش ماطاش كان تفوز ( واحد ماخذ مقلب صدق ) ..



شارون يقول أبورّي الفلسطينيين شغلهم !!

تنكّدت روحة شارون لأمريكا وعزّم يقطعها ويرجع لاسرائيل ثانية عقب العملية الاستشهادية اللي
البارح واللي فطس فيها 16 جحش يهودي وتعور فوق الستين ، عشرينٍ منهم رايحين ٍ وطي .. واللي ماغطاها مراسلنا مخترش الجحور الله يهديه
لأنه كان نايم ويوم هاوشناه قال انا اعلم الغيب وش يدرّيني انهم يبي يفجّرون والا كان أسهر
وهالتفجير جاء في ديرة ريشون لتسيون حول تلّ أبيب وفي ملهى ليلي كانوا قاعدين يسكرون وينكرون فيه( وش ظنك أجل قاعدين يتروحون )

http://news.bbc.co.uk/olmedia/1970000/images/_1974133_injuredafp300.jpg
عزّ الله اللي يبي يحللون حقين الاسعاف رواتبهم عقب شيلة هالدبّ هو وكرشته

وأرسلنا مراسلتنا زعيمة العصابه لواشنطن عشان تحضر المؤتمر اللي سواه شارون قبل ما يذلف لديرته وتقول :
انه كان يزبد ويرعد في المؤتمر ومن حماسه تفاله واصلٍ آخر القاعه وقال توّ عملياتنا مابعد خلصت ونبي نورّي الفلسطينيين شغلهم ومنحنب مستسلمين للإبتزاز ونبي نقاتل الارهاب
الين ننتصر عليه وعقبها نبي نتناقش في موضوع السلام وماذا بشغلك يومك رايح ٍ تدربي كرشتك لبوش وتقول أبطرح خطّه للسلام وايه التقتيل
حلال ٍ لك وحرام على غيرك
ويقول بعد انه يفكّر في طردة عرفات من فلسطين مسوي لنا فيها ان عرفات صامد في وجهه وغاثه ومسبب له قلق عشان يتمسّكون فيه ويحبونه وعاد عرفات صدّق عمره في هالمقابلات وحسب روحه صلاح الدين وقام ينفخ وينازق على هالصحفيين في

http://www.al-jazeera.com/mritems/images/2002/5/8/1_94922_1_17.jpg
بوش يقول للصحفين ترى العرب يتسذبون ناظروا شارون
شاطر ومؤدب ووش حليله !!


وأما بوش فهو يقول انه : ( يشعر بالقرف من هالحادث ) ياااااااي
والله مالهم داعي هالفلسطينيين الارهابيين المجرمين القاسين خلوه يشعر بالقرف !! ووش دخّل القرف بالموضوع والله لو انك شايف ٍ شارون قاعدٍ يدوّر مفارخ ..
والشرهه مهيب عليه الشرهه على هالتنك اللي منتخبن لهم رئيس ٍ شين وخكري ورخمه و لا يعرف يحتسي !! وحلف ٍ أن ابو يعقوب يجمّع أكثر منه .



طياره مصرية تطيح في تونس

طاحت طيارة ركاب مصرية اليوم في تونس في منتزه ٍ عن مطار قرطاج مطلع شمس ويبعد عنه حول سته كيلو
ويقول مراسلنا ان 15 واحد ماتوا في الحادث وقلنا له كم في الطياره قال حول 56 واحد من جنسيات مختلفه غير طاقمها الثمانيه
قلنا له ايه أشوى انها مهيب من الطيارت أمهات 300 راكب قال : وراه تخافون يقضون المصاريه مهناب أكثر منهم قلنا لا والله نخاف تقضي دريهماتنا

http://news.bbc.co.uk/olmedia/1970000/images/_1973428_737.jpg
الطياره اللي طاحت من جنس ذي
وهذي اصبروا لها شويّ ويجيكم خبرها ( دام فريق الصيانه مصاريه )


ويقولون ان برج المراقبه التونسي انقطع الاتصال بينه وبين الطياره وأتلى العلم به انه يقول : ( افزعوا لي تراي متوهق )
ثم بزخت الطياره على طول ويقول مراسلنا انه هابط بها هبوط اضطراري
ووش هالهبوط الاضطراري اللي يموّت 15 أما ان السواق عليمي والا ان مراسلنا يتسذب وحدة ٍ منهن
وفيه رواية تقول ان الطياره خشّبت في تل جبلي لأن الجو دمار قبل ماتهبط بشويّ .. وأكيد كالعاده يبي يملطونها في الجو مهمب قايلين ان السواق غشيم
والطياره على فكره من طراز بوينغ 737 وعزّ الله اني أمين اللي كتبت الرقم صح لأني لو أخرط لي أي رقم والله ماتطّلعون .. والله يستر .. والله ان هالحوادث تروّع الطيارات كل شويٍ مسلفطٍ وحده والسيارت كل شوي صامخة وحدة في بعير
والقطارات كل يوم شابٍ واحد والسفن كل ليلة ٍ غردز ٍ وحده ..

يمدحون الرجلي بس .





شارون يقترح خطه للسلام .. اثره حبيّب مادرينا !!


الظاهر ان شارون صدّق عمره انه رجل سلام وشال شنطته اليوم وراح لواشنطن
عشان يجري محادثات مهمه على قوله مع الرخمه بوش ويقول ان معه خطه سلام
يبي يطرح فيها رايه وفكرته للسلام في المنطقه عقب ماحاس مرير الفلسطينيين ولعن خيّريهم
وذبّحهم وهدّ بيوتهم على روسهم (وذكرني بواحد معنا في الحاره كان يجلدنا الين تغني بطونا
ويلحّسنا التراب واذا شبع من طقّنا قال يالله ياشباب خلونا نتصالح ترى الصلح خير ) ،
ووصف شارون خطته بانها جادّه وهذا اعتراف منه بأن كل كلامه الاول عن السلام سباحين وخرطي ،

http://news.bbc.co.uk/olmedia/1965000/images/_1968002_sharon_afp150.jpg
يقالكم هالحين ( مبتسم ) للكاميره

ويقول مراسلنا ان شارون راح للدوره وودزت في شنطته وشفت بعض مقتراحه ( للسلام ) وهي :
انه يبي يحط له اتفاقيه تبقي على المستوطنات الاسرائيلية في فلسطين ولا فيه نيّة لوقف المستوطنات .. ويقول انه ماشرط تبديل عرفات بس ان ودّه بسلطه بديله بس تكون معتدله
ويبي يقترح تبديله .. يعني صبه احقنه ، والله من زين الاقتراحات بعد وزين ماقال انه يقترح طردة كل الفلسطينيين عن فلسطين وان القدس تكون عاصمة إسرائيل

و يالله هذي هي خطتي للسلام وافقوا عليها والا تراكم ارهابيين وضد السلام !!
ويقول رجل السلام شارون ان معه أدله تدل على ان عرفات ارهابي .. وانه متورط في كثير من الاعمال الارهابية و بصراحه معه حق يعني من جد مال عرفات حقّ ابد انه يرفع أصابعه ويسوي حركة النصر يوم يطلع من الحبس لأنه ( أرهب ) اليهود وأرعبهم ومات لحظتها 700 يهودي
وأغمي على 500 يهوديه و300 بزر منهم جاهم جلطه !! من الروعه
وشو ارهابية الله يرحم ضعفه و وش عرّف عرفات بالارهاب وهو ماعنده الا سلاح التبويس واللي مايستخدمه الا استخدامات سلميه


http://news.bbc.co.uk/olmedia/1960000/images/_1964265_vsign300ap.jpg
كنه البزر اللي اذا صيّحه واحد .. جاه ثانيه وقال اتحدّاك تصيّحني !!

والزبده ان هالاقتراح ( استخفاف ) بالمسلمين والعرب ووشلون يقترح اقتراح سلام ويديه لازالت تقاطر من دمّ الفلسطينيين ..
وثاني شي مابعد ذِكر ان أحد قد خرف له تمر برحي من فحال ، او قد قطف له خوخٍ من طلح ، أو قد حلب له ( لبات ) من سلقه ..
يعني وباختصار مامن ورى هالتفخ سلام ولا هم يحزنون .


http://goot22.jeeran.com/pic_00.jpg

- - - - -- - - - - - - - -- -- - - - - -- -- - -- - - - - - - -- - - - - -- -

تحياتي للجميع وإن شاء الله تكونو تونستو مع اخر الأخبار

[~ مســـــيو ~]

:confused:


طيب الاقلاع هذا يحدث اخباره دائما بهذه الطريقه ؟!

وهل هناك مجموعه مهتمه بهذا الاسلوب ؟!

[عشق ليل]

؟؟؟؟؟

صراحه


اسلوب في عرض الأخبار









غريب










رهيب










شيق خلاني اتابع الأخبار وانا ماعمري تابعتها









مشكوره بس استمري ولا تتعبين





باي

[جريح المحبه]

وييييييين وش هالاخبار (المعد هندي ) على وزنية افلامهم !!!!!!!!!!!
ولا تزعلين يعطيك العافيه 0

[قيــــــــــقز]

ماقهر ام امي الا الدلخ ياسر كفرات الله يكرمكم

ليش ماذبحوه وفكونا منه

جاب لي الصمرقع ابن .............


تسلمين قوت
:)

[™ABUSAIF]

http://www.plauder-smilies.com/pfohnmacht.gif


*****:S:<<==حفّار قبور :smile:

[الجنتل]

الله يرجك ابو سيف:)