منو يعرف مقادير التبوله !!!!

[بقايا انساااان]

اخواتي


بصراحه مشتهي تبوله وابغى منكم تعطوني المقادير الله يبارك فيكم000

بصراحه طالعين مخيم ومتحدي مع الربع اني اعرف اسوي تبوله000

تكفون يا اخواتي لاتخلوني تراني متوهق0000

مع خالص تحياتي000

[رسيل]

أبشر بكتب لك اللي اعرفه عن التبوله واللي اسويها به
مع اني مو شاطره بالطبخ ..

بقدونس
بصل اخصر اللي يكون طويل مو البصل العادي بس لاتكثر منه
نعناع
خس
برغل
طماطم بس شوي

( والكميه كله مفتووح على حسب رغبتك :) )

الطريقه :

تقطعهم صغير مره مرررره
بس قبل تنقع البرغل ( تحطه بمويه شوي )
وبعدين تخلطهم مع بعض وأضف عليهم الليمون والخل وزيت الزيتون اذا تحبه ..

بس مايبي لها شيء هذي هي ..

وبالعافيه على قلوبكم ..

[ورده بين الزهور]

هلابك خيووووو

مثل ماقالت لك رسيل

بس اول شي نقع زيت الزيتون والثووم مقطه صغير و اليمون شوي خل ابيض

والكميه حسب اللي بتحط من البقدووونس



وان شاءالله تضبط معاك

ومشكور

[اصايل]

هلا بغرربة


جبتلك طريقة دائما اسويها والتبولة دائما يكون لهاطريقة اذا حبكتها تحلف انها حقت مطاعم

المهم
المقادير:
*نصف كأس برغل وناعم((تغسله وتنقعه لمده ساعه))وتخليه على جنب.
*نصف حزمة بقدونس مفرومة.
*حبة واحدة فلفل اخضر مفرومة.
*بصل اخضر(طووويل مهب البصل الأبيض المدور)قطعه قطع صغيرة.
*ثلاث حبات طمام صغيرات تقطعها قطع صغيره.
*ملعقة نعناع مفروم.
*3ملاعق زيت زيتون.
*تحط في صحن(ملح+بيالة عصير ليمون+فص ثوم مدقوق)


الطريقة:
بعد مانقعت البرغل لمدة ساعة صفه من الماء جيدا
بعدين تخلط البرغل مع كل المقادير السابقة(البصل الأخضر والطماط والفلفل و(الصحن اللي محطوط فيه الملح والليمون والثوم)......) مع بعضها وتخلطها زين وقبل ماتقدمه تحط عليه نص ملعقة صغيرة ملح ...واذا تحبون تكون السلطة حامضة زيد عليها عصير ليمون قد ماتحب....



واتمنى تعجبكم ان شاء الله
واي طبخة تبيها او سؤال البنات كلهم حاضرين

وقوولنا وش سويت اوتسيه؟!

[بقايا انساااان]

اخواتي الغاليات

صراحه ماتوقعت راح تردون علي بهالسرعه00


انا فعلا اشكركم من صميم قلبي00 على الاستجابه الرائعه 00

انتن فعلا اخوات (سنافيات)00

انا اخذت المقادير (من كل سنافيه شئفه)

بكره ان شاء الله بجرب في الربع بالمخيم00(الله يستر)

لكن مني اجمل تحيه وتقدير00

[بقايا انساااان]

اخواتي الغاليات000

لقد كسبت الرهان مع ربعي 000 وكانت اروع تبوله000 كأنه مسويها شيف لبنيني000

الله لو تشوفوني وانا وأقبال الهندي وحنا نتعاون عليها بالمطبخ00


الف الف الف الف الف 00000 شكر ولاتكفي 0000


صحيح سنافيات0000


اجمل تحيه ل00 رسيل000 ايلاف00 اصايل000