بنت زايد
14-05-2002, 01:27 PM
مساكم الله بالخير
اكيد مستغربين من العنوان .. وتقولون هاذي شو عندها شردت من البيت ؟؟ !!! ...ههههههههه بس لا تخافون تراني بعدني عاقله والحمدلله .. وسالفة الهروب هاذي كانت وانا صغيرة وهبله ..
من كم يوم كنت اكلم وحدة من صديقاتي وسالفة ورى سالفة انا تذكرت سالفتي يوم اشرد من البيت .. وقعدت طول اليوم اضحك على عمري .. وفكرت اني احط هالسالفة لكم .... يمكن تونسكم ..
هذا الله يسلمكم انا كان عمري تقريبا 11 أو12 سنة تقريبا .. وبصراحة كانت امي تعتمد علي في اشياء كثيرة ..
وفي يوم من الايام .. قالتلي امي : يا.... انتبهي حق درام الماي(خزان ) الظهر .. اذا انترس من الماي .. اسقي الزراعة .. وانا بروح احط راسي شويه لين العصر ..
طبعا الماي كان يوصلنا يوم ويوم لا .. واذا وصلنا يادوب نترس الدرام ونسقي الزرع ..
قلتلها: انشاالله امايه ( امي ) .. وانا في خاطري اقول شو هالبلشة .. يعني لازم يحرموني من شوفة الرسوم ؟؟!!
وقعدت انا ياحليلي .. تحت التلفزيون .. متسدحة وماخذه راحتي اتطالع الرسوم .. (takenoff) ونسيت سالفة الماي ..
ومرّ الوقت .. وقامت الوالدة من النوم .. وشافتني عند التلفزيون ..
وبدون كلام .. راحت تشوف درام الماي .. هل انا سويت اللي وصتني عليه ولاّ لا .. وشافت الدرام متروس والماي مغدّر تحته :eek: ..
وراح الماي على الفاضي .. والزرع ما حصّل نصيبه .... وكل هذا بسببي .. :confused:
عاد امي ما لقت توصي إلاّ أنا .. مدمنه الرسوم ؟
ونادتني باعلى صوتها: يا................... !!!! .. :mad:
وسمعت الصوت :eek: وفزيت وانتفضت وزين ما يتني سكته قلبية هاذيج الساعة .. لاني عرفت سبب صراخها ..
ورحت لها ومن بعيد وقفت من الخوف .. هاه امايه ششششششششوووووووه ؟؟... :confused:
الوالدة : ويييييين اللي موصيتنج عليه ..هااااااااااه ؟؟ :mad:
أنا : والله نسيت يا امايه .. :confused:
الوالدة : نسيتي ؟؟.. والحين شو اسوي بنسيانج هذا ؟.. وشوي الا ماسكه امي العسو ( عذج النخل اليابس ) وهجوم بربري علي انا الفقيرة .. (cry) وهاتيا ظرب فيني .. بس الحق ينقال .. ياحليلها ما ظربتني وايد بس كم ظربة عشان اتأدب .. وانا والله استاهل الظرب .. بس عاد انا كنت صغيرة ومب متعودة اني انظرب وخاصة من الوالدة لاني كنت من النوع الهادي والمسالم وما قد سويت شي يزعلهم ..
المهم عاد انا حطيت في خاطري بصراحة .. وتملكني شعور باني كائن غير مرغوب فيه بالبيت وما حد يحبني ..(cry) ( عاد انتوا اظني تعرفون في هالسن كيف البنت تكون حساسة زيادة عن اللزوم )
وقررت اني اطلع من البيت .. ومن غير ما اخذ شي معاي .. طلعت من البيت .. والكل يظن اني رايحه العب في الفريج عند صديقاتي .. واخترت ابعد بيت في الفريج وكان لصديقتي ..... ورحتلها وقعدت اشكي لها عن حالي وعن حياتي البائسة واصيح واصيح (cry) .. والمسكينة مصدقه كل اللي اقوله وقعدت تصيح وياي (cry) قد ما تأثرت بكلامي .. وقلتلها اني قررت اني اعتمد على نفسي خلاص واطلع من البيت ومب راجعه البيت ابدا ..
<-------- متأثرة بالرسوم وايد ..
فقررنا ان انا وهيه نبني بيت صغير حقي او بالاحرى كوخ صغير .. ومنيه ومناك قعدنا انا وصديقتي نلف الفريج ندور على الواح من عند صناديق الزبالة ..
<-------- من يومها قرف ..
الحصيلة كانت .. اربع الواح بس كل واحد له قياس مختلف .. وكم طابوقه عشان اثبت به البيت قصدي الكوخ ..
وبنينا الكوخ وخلينا صوب واحد من غير شي .. يقولون ان اسمه باب .. خخخخخخخ
<-------- والله ما ادري اي عقل كان عليها ..
وعاد الله لا يراويكم الكوخ ..والالواح كل واحد بلون .. هههه ينقاله ديكور حديث.. يا دوب يكفيني انا بس .. يعني صديقتي اقولها مع السلامة .. ويزاج الله خير على المساعدة .. ههههههههه
لا وازيدكم من الشعر بيت .. قلت حق صديقتي روحي هاتيلي من مطبخكم من كل شي شويه على قدي عشان اطبخ لنفسي ..( يا زين الاعتماد على النفس بس )
<-------- اللي يسمع بالطبخ يطيح واقف ..
وراحت الهبلة صديقتي .. ويابتلي المسكينة من كل شي شويه .. بس ما ادري كيف مرت على امها وما قالت لها شي ..
عاد انا ما كنت اعرف اطبخ شي غير العيش الابيض حاف ( يعني رز مسلوق ) .. وبس .. :p
شو اسوي !! لازم ارضى بالمقسوم
ويبت انا الحطب الصغار ووريت الظو ( اشعلت النار ) .. في طرف الكوخ .. وفعلا طبخت العيش بس عاد انذبحت من الدخان .. كان الدخان كله في ويهي .. وبغيت اختنق .. واموت واروح فيها فداءً للحرية .. :(
<------- يلعن ابو الفكر اللي عليج .. (kh)
بس الحمدلله جت سليمة ..تلاحقت عمري وطلعت من الكوخ لين ما خف الدخان منه ..
المهم .. هذا العشا وخلصنا منه وجهزناه .. اممممممم وش بقى .؟؟؟ .. ايوه تذكرت ..
ترى هاذي السالفة صارت قبل العيد بكم يوم .. وقلت حق صديقتي .. روحي مرسال لاهلي ..
وقوليلهم ان بنتكم خلاص ما هي راجعة البيت .. وهاتوا ثياب العيد .. عشان تعيد بهن لانها بعدها ما اشتغلت عشان تعتمد على نفسها وتييبلها ثياب ... (joke)
<------- هههههه قويه والله .. شاردة وتبى ثياب العيد بعد .. (takenoff)
والهبلة صديقتي راحت وبلغتهم رسالتي .. وما لقت غير الضحك والتطنيز عليها .. ورجعت لي بخفي حنين .. :confused:
وقالت وهي مكسورة الخاطر من اللي ياها .. يقولولج .. ارجعي احسن لج ..
وكبرت براسي اكثر السالفة .. انا ارجع بعد ما انظربت ؟؟ حشى علي ولا ارجع عناد فيهم ...
اوه نسيت اقولكم شي .. ترى هالسالفة كلها صارت خلال ثلاث او اربع ساعات بس .. لا تتحسبون اني هربت كم يوم ..
المهم الوالد من عادته اذا تأخرنا على البيت المغرب يمر علينا وعلى اخواني في الفريج يجمعنا في البيك اب ماله ويودينا البيت ..
وحزة المغرب اشوف البيك اب مال ابوي ياي مغبّر من بعيد ..
اوووه شو هالورطة وين انخش الحين ؟؟ (amazed)
وانخشيت في الكوخ الصغير مالي مثل القطوة .. وابوي شاف ربيعتي وسألها عني ..
والمسكينه تلخبطت وما قدرت تكذب من الخوف .. وقالت له وهي تأشر على الكوخ .. ههههههننننننننيييييييه ..
وزعق علي ابوي بطول حسّه : يا.......................!!!! :mad:
وطلعت له وأنا جذيه ------ :confused: ..
وقلت : هاااااااه ابوي .. شششوووو تبى ؟؟ :confused:
الوالد : يالله .. اركبي .. ( الوالد ترى ما يكثر من الكلام .. شديد )
أنا : اركب شوو ؟.. انا ما ابى اروح البيت وياكم ..
<------ ما ادري من وين يابت هالشجاعة
الوالد : اقولج اركبي .. ولا ترى انزلّج !! :mad:
أنا : ابويه أأأنا ما ابى اروح البيت ..
ونزل الوالد .. ونزّل العقال من راسه .. وهاتيه ظرب فيني .. لاحظوا هاذي ثاني مرة انظرب فيها ذاك اليوم
يعني بصراحة قمة الظلم وقام الوالد وشلني مثل العنز وانتوا بكرامة .. ورماني بالكريل ( دبة السيارة ) ..
ورجعنا البيت .. وانا مكسورة الجناج مثل مايقولون .. وسويت لهم اظراب لمدة يوم واحد بس ..
ما كلمت حد فيهم بالمرة .. وشوي شوي رجعت المياة لمجاريها .. بس والله رضيت بروحي ومحد راضاني ولا حد سوالي سالفة ..
بس تصدقون .. الاعتماد على النفس من الصغر حلو .. خخخخخخخ .. وسلامتكم ..
اكيد مستغربين من العنوان .. وتقولون هاذي شو عندها شردت من البيت ؟؟ !!! ...ههههههههه بس لا تخافون تراني بعدني عاقله والحمدلله .. وسالفة الهروب هاذي كانت وانا صغيرة وهبله ..
من كم يوم كنت اكلم وحدة من صديقاتي وسالفة ورى سالفة انا تذكرت سالفتي يوم اشرد من البيت .. وقعدت طول اليوم اضحك على عمري .. وفكرت اني احط هالسالفة لكم .... يمكن تونسكم ..
هذا الله يسلمكم انا كان عمري تقريبا 11 أو12 سنة تقريبا .. وبصراحة كانت امي تعتمد علي في اشياء كثيرة ..
وفي يوم من الايام .. قالتلي امي : يا.... انتبهي حق درام الماي(خزان ) الظهر .. اذا انترس من الماي .. اسقي الزراعة .. وانا بروح احط راسي شويه لين العصر ..
طبعا الماي كان يوصلنا يوم ويوم لا .. واذا وصلنا يادوب نترس الدرام ونسقي الزرع ..
قلتلها: انشاالله امايه ( امي ) .. وانا في خاطري اقول شو هالبلشة .. يعني لازم يحرموني من شوفة الرسوم ؟؟!!
وقعدت انا ياحليلي .. تحت التلفزيون .. متسدحة وماخذه راحتي اتطالع الرسوم .. (takenoff) ونسيت سالفة الماي ..
ومرّ الوقت .. وقامت الوالدة من النوم .. وشافتني عند التلفزيون ..
وبدون كلام .. راحت تشوف درام الماي .. هل انا سويت اللي وصتني عليه ولاّ لا .. وشافت الدرام متروس والماي مغدّر تحته :eek: ..
وراح الماي على الفاضي .. والزرع ما حصّل نصيبه .... وكل هذا بسببي .. :confused:
عاد امي ما لقت توصي إلاّ أنا .. مدمنه الرسوم ؟
ونادتني باعلى صوتها: يا................... !!!! .. :mad:
وسمعت الصوت :eek: وفزيت وانتفضت وزين ما يتني سكته قلبية هاذيج الساعة .. لاني عرفت سبب صراخها ..
ورحت لها ومن بعيد وقفت من الخوف .. هاه امايه ششششششششوووووووه ؟؟... :confused:
الوالدة : ويييييين اللي موصيتنج عليه ..هااااااااااه ؟؟ :mad:
أنا : والله نسيت يا امايه .. :confused:
الوالدة : نسيتي ؟؟.. والحين شو اسوي بنسيانج هذا ؟.. وشوي الا ماسكه امي العسو ( عذج النخل اليابس ) وهجوم بربري علي انا الفقيرة .. (cry) وهاتيا ظرب فيني .. بس الحق ينقال .. ياحليلها ما ظربتني وايد بس كم ظربة عشان اتأدب .. وانا والله استاهل الظرب .. بس عاد انا كنت صغيرة ومب متعودة اني انظرب وخاصة من الوالدة لاني كنت من النوع الهادي والمسالم وما قد سويت شي يزعلهم ..
المهم عاد انا حطيت في خاطري بصراحة .. وتملكني شعور باني كائن غير مرغوب فيه بالبيت وما حد يحبني ..(cry) ( عاد انتوا اظني تعرفون في هالسن كيف البنت تكون حساسة زيادة عن اللزوم )
وقررت اني اطلع من البيت .. ومن غير ما اخذ شي معاي .. طلعت من البيت .. والكل يظن اني رايحه العب في الفريج عند صديقاتي .. واخترت ابعد بيت في الفريج وكان لصديقتي ..... ورحتلها وقعدت اشكي لها عن حالي وعن حياتي البائسة واصيح واصيح (cry) .. والمسكينة مصدقه كل اللي اقوله وقعدت تصيح وياي (cry) قد ما تأثرت بكلامي .. وقلتلها اني قررت اني اعتمد على نفسي خلاص واطلع من البيت ومب راجعه البيت ابدا ..
<-------- متأثرة بالرسوم وايد ..
فقررنا ان انا وهيه نبني بيت صغير حقي او بالاحرى كوخ صغير .. ومنيه ومناك قعدنا انا وصديقتي نلف الفريج ندور على الواح من عند صناديق الزبالة ..
<-------- من يومها قرف ..
الحصيلة كانت .. اربع الواح بس كل واحد له قياس مختلف .. وكم طابوقه عشان اثبت به البيت قصدي الكوخ ..
وبنينا الكوخ وخلينا صوب واحد من غير شي .. يقولون ان اسمه باب .. خخخخخخخ
<-------- والله ما ادري اي عقل كان عليها ..
وعاد الله لا يراويكم الكوخ ..والالواح كل واحد بلون .. هههه ينقاله ديكور حديث.. يا دوب يكفيني انا بس .. يعني صديقتي اقولها مع السلامة .. ويزاج الله خير على المساعدة .. ههههههههه
لا وازيدكم من الشعر بيت .. قلت حق صديقتي روحي هاتيلي من مطبخكم من كل شي شويه على قدي عشان اطبخ لنفسي ..( يا زين الاعتماد على النفس بس )
<-------- اللي يسمع بالطبخ يطيح واقف ..
وراحت الهبلة صديقتي .. ويابتلي المسكينة من كل شي شويه .. بس ما ادري كيف مرت على امها وما قالت لها شي ..
عاد انا ما كنت اعرف اطبخ شي غير العيش الابيض حاف ( يعني رز مسلوق ) .. وبس .. :p
شو اسوي !! لازم ارضى بالمقسوم
ويبت انا الحطب الصغار ووريت الظو ( اشعلت النار ) .. في طرف الكوخ .. وفعلا طبخت العيش بس عاد انذبحت من الدخان .. كان الدخان كله في ويهي .. وبغيت اختنق .. واموت واروح فيها فداءً للحرية .. :(
<------- يلعن ابو الفكر اللي عليج .. (kh)
بس الحمدلله جت سليمة ..تلاحقت عمري وطلعت من الكوخ لين ما خف الدخان منه ..
المهم .. هذا العشا وخلصنا منه وجهزناه .. اممممممم وش بقى .؟؟؟ .. ايوه تذكرت ..
ترى هاذي السالفة صارت قبل العيد بكم يوم .. وقلت حق صديقتي .. روحي مرسال لاهلي ..
وقوليلهم ان بنتكم خلاص ما هي راجعة البيت .. وهاتوا ثياب العيد .. عشان تعيد بهن لانها بعدها ما اشتغلت عشان تعتمد على نفسها وتييبلها ثياب ... (joke)
<------- هههههه قويه والله .. شاردة وتبى ثياب العيد بعد .. (takenoff)
والهبلة صديقتي راحت وبلغتهم رسالتي .. وما لقت غير الضحك والتطنيز عليها .. ورجعت لي بخفي حنين .. :confused:
وقالت وهي مكسورة الخاطر من اللي ياها .. يقولولج .. ارجعي احسن لج ..
وكبرت براسي اكثر السالفة .. انا ارجع بعد ما انظربت ؟؟ حشى علي ولا ارجع عناد فيهم ...
اوه نسيت اقولكم شي .. ترى هالسالفة كلها صارت خلال ثلاث او اربع ساعات بس .. لا تتحسبون اني هربت كم يوم ..
المهم الوالد من عادته اذا تأخرنا على البيت المغرب يمر علينا وعلى اخواني في الفريج يجمعنا في البيك اب ماله ويودينا البيت ..
وحزة المغرب اشوف البيك اب مال ابوي ياي مغبّر من بعيد ..
اوووه شو هالورطة وين انخش الحين ؟؟ (amazed)
وانخشيت في الكوخ الصغير مالي مثل القطوة .. وابوي شاف ربيعتي وسألها عني ..
والمسكينه تلخبطت وما قدرت تكذب من الخوف .. وقالت له وهي تأشر على الكوخ .. ههههههننننننننيييييييه ..
وزعق علي ابوي بطول حسّه : يا.......................!!!! :mad:
وطلعت له وأنا جذيه ------ :confused: ..
وقلت : هاااااااه ابوي .. شششوووو تبى ؟؟ :confused:
الوالد : يالله .. اركبي .. ( الوالد ترى ما يكثر من الكلام .. شديد )
أنا : اركب شوو ؟.. انا ما ابى اروح البيت وياكم ..
<------ ما ادري من وين يابت هالشجاعة
الوالد : اقولج اركبي .. ولا ترى انزلّج !! :mad:
أنا : ابويه أأأنا ما ابى اروح البيت ..
ونزل الوالد .. ونزّل العقال من راسه .. وهاتيه ظرب فيني .. لاحظوا هاذي ثاني مرة انظرب فيها ذاك اليوم
يعني بصراحة قمة الظلم وقام الوالد وشلني مثل العنز وانتوا بكرامة .. ورماني بالكريل ( دبة السيارة ) ..
ورجعنا البيت .. وانا مكسورة الجناج مثل مايقولون .. وسويت لهم اظراب لمدة يوم واحد بس ..
ما كلمت حد فيهم بالمرة .. وشوي شوي رجعت المياة لمجاريها .. بس والله رضيت بروحي ومحد راضاني ولا حد سوالي سالفة ..
بس تصدقون .. الاعتماد على النفس من الصغر حلو .. خخخخخخخ .. وسلامتكم ..