شميط حلّي
28-04-2002, 09:36 AM
ما ادري كيف ابدأ شرح لعبه مثل هاللعبه العملاقه ...لكن ممكن ألخّصها واشرحها بإسلوبي .... وبحكم تجربتي الطويييله مع هاللعبه ... واللي مازالت دايمه لأكثر من 3 سنوات ... تخيلوا ... 3 سنوات ومازلت العبها ... ولو انه احيانا تكون بشكل متقطع ... على ان هاللعبه قديمه ونزلت اصدارات احدث لكن مازلت احس اني ما اكتفيت من الاصدار الاول عشان ادور على الجديد !!!!
الزبده انك لو حبيت هاللعبه ... راح تدمن عليها ... حتى لو انك منت من الناس اللي يهتمون بالألعاب خير شر!!! فما بالك اذا انت تقدر الألعاب ... ولا مو أي العاب !!! ألعاب الpc ... ولعبة ( THE SIMS ) بالذات !!!
وبعد هالمقدمه نجي للمهم !!! ومثل ماقلت ... راح اكتب شرح اللعبه بطريقتي عشان اقدر اعبر عنها تمام ...
------------------------------------------
اسم اللعبه :
(ذا سيمز) ...(THE SIMS) .
------------------------------------------
الشركة المنتجة :
الكترونيك ارتس –
-------------------------------------------
وصف اللعبه ( الشرح ) :
لعبة تصميم ... جرافكس قوي ...صوت ورسم ثلاثي ابعاد تدخلك بجو اللعبه صح!!! ... تتكلم عن شخصية تختارها في اللعبه ... او تصممها بنفسك ... وظيفتك في هاللعبه انك تعيش حياة طبيعيه وتتخيل نفسك الشخصيه هذي ...بحيث انك تعيش في بيت خاص فيك ويكون لك وظيفه ومستقبلا زوجه وعيال ( ياعيني) العزاب بينبسطون !!!... وتسمي هالشخصية بأسمك اذا بغيت ...لا وبعد تحدد شكلك اللي تحبه يكون في اللعبه ( يعني لو انك شييييين على الطبيعه ) تقدر تطلع نفسك حلو ووسيييييييم في هاللعبه.... وبعد توزع حسب نقاط معينه نشاطك في اللعبه اذا انت نشيط جدا وتحب الحركه او عادي او كسول .... وشخصيتك هل هي مرحه بزياده او عاديه او ثقيل طينه ... وبعد اناقتك ولبسك ومظهرك الخارجي اذا تحب تكشخ او عادي او ماتهتم للمظهر الخارجي ... وغيره وغيره وغيره ... كله حسب توزيعك للنقاط في كل خانه من هالخانات !!!... يعني مثلا معاك 100 نقطه ومطلوب انك توزعها على خمس صفات اساسيه في كل شخصيه مثلا ( المظهر الخارجي – النشاط- المرح والفكاهه في شخصيتك اللي تصممها- الخ الخ الخ ...) اوكيه ؟؟؟
هذا شيء قبل بداية اللعبه ... وباختصار !!!
بعد ماتكون شخصيتك اللي تبي تلعب فيها ... او تختار شخصيات جاهزة ... او حتى نسيت اقول انه ممكن تكون لك عايله كامله اذا بغيت ... او تختار عايله جاهزة وبعيالها ...بس لازم تعرف انك انت المسؤول عن تحريك كل الشخصيات واذا كنت مبتدئ صعب جدا تمشي باللعبه ... عشان كذا اقترح انك تختار شخصية وحده بالبدايه .
قلت بعد ماتختار الشخصيه او العايله كامله راح يكون معاك كبدايه ... 20 الف دولار ...ممكن تشتري فيها ارض فاضيه وتعمر عليها بيت المستقبل على شوي شوي ... وقلت تبني البيت بكل شيء فيه من ادوار وابواب وشبابيك وتصميم لبيتك اللي تبيه ... كم غرفه وكم صاله وكم حمام وكم مطبخ والخ الخ الخ ... او تشتري بيت صغير على قد فلوسك !!!!
مثلا اذا اخترت انك تاخذ بيت جاهز ونقول راح يكلفك 10 الاف دولار بس ... وطبعا راح يكون موقعه مو لهالدرجه لكن ماعليه !!! لانك ( بتمد رجلك على قد لحافك ) !!! بتاخذ البيت وراح يكون فيه نقص كبير من العفش والادوات الضروريه للبيت ... مثل ( الثلاجه – الفرن – حوض غسيل – مرايا – زينه – وبويه جديده اذا تبي – ورخام اذا بتغيره – وشبابيك شكل ثاني اذا مو عاجبك شكلها اللي شايفه عليها – والبيبان مثله – والاضاءه – والتليفون – وجرس انذار عشان الحمايه من السرقه – وغيره كثيييييييير والله وماله داعي اكتب كل شيء )
بعد ماتجهز البيت اللي صممته بنفسك او اشتريته جاهز ... واضفت كل الادوات الضروريه... تبدأ تدور لك على وظيفة ... اما عن طريق الجرايد وهذا اللي يكون في بداية اللعبه ... او عن طريق الانترنت اذا طقيت الكومبيوتر في بيتك !!! (بس انسى انك تشتريه من بدري لانه مكلف ) ...بعد ماتتوظف ... راح تبدأ دوامك يوميا بشكل روتيني ... مثلا من الساعه 7 صباحا الى 2 ظهرا ... وترجع بالراتب اليومي ... والشيء الحلو باللعبه ان الشخصيه اللي تلعب بها تحس وتجوع وتنام وتتكلم وتتعب واشياء كثيره ... يعني كأنك تعامل كائن حي !!!
مثلا اذا انت ما اكلت وانت جوعان تلقى الشخصيه تعلمك وتلمح لك انك جوعان وتحتاج للأكل ... وقس على ذلك الراحه اذا كنت تعبان من الشغل او الكرف !!! وبعد اذا كان طفشان ماراح يلبي لك اوامرك احيانا لانه طفشان ومهو رايق لك !!!هههههه ... علشان كذا لازم تفرفشه بانك تطالع التليفزيون تشوف لك فيلم او تسمع موسيقى او تشرب لك بارد ... او او او !!!!اساليب كثيره اذا لعبت اللعبه بتعرفها وهذا مو مجال حصرها ...
راح تلاحظ انه فيه خط لكل شيء من اللي ذكرته .. مثل الجوع ... اذا جاع ينقص الخط ...
واذا احتاج للنوم او كان تعبان من العمل وقلة النوم تلقى الخط يبين هذا الشيء ....
وبعد النظافه الشخصية والاستحمام !!!
والراحه ...
والحاله النفسيه ( مبسوط او طفشان ) !!!
وخط برضه للعلاقات مع اصدقائك ... يعني ماتعيش وحيد ولازم ماتنقطع عن الناس والجيران !!!
وخط اخر يمثل نظامك وترتيبك للبيت واعتنائك فيه ... وغيره كثييييييييييير.
مهمتك انك ماتخلي احتياجاتك تنقص ... وكذا على طول ... وبكذا تعيش جو اللعبه .. خصوصا انك اذا بغيت الراتب يزيد لازم تطور من مهارتك ... مثل الدراسه ... تروح تقرأ كتب عن الهندسه اذا تعمل كمهندس ... او انك تتدرب وتزيد من لياقتك البدنيه اذا كنت تشتغل مدرس رياضه بدنيه ... وقس على ذلك ...الوظايف الثانيه .. مثل الدكتور والعامل وغيره وغيره ...!!!
صراحه ماعاد فيني حيل اكمل ... لأن اللعبه عملاقه ... ولكن ودي اذكركم بأنكم تقدرون تغيرون الاثاث والوظيفه اذا مهي عاجبتكم ... او انكم تسوون حفلات في البيت وتعزمون الجيران ... وتبني لك مسبح مثلا او ملحق بجنب البيت ... وغيره وغيره ....
-----------------------------------------
اصدارات اللعبة :
اللي تكلمت عنه ... هو الاصدار الاول .
واللعبه الحين لها اصدارات كثيره ... وهذا من النجاحات اللي حققته هاللعبه ...
من بعض الاصدارات:
1- VACATION
2- HOT DATE
3- HOUSE PARTY
4- LIVIN LARG
-------------------------------------------
عمر اللعبه :
طويييييييييييييييييييييييييييييييييييييييل .... ويمكن تقدر تقول مالها نهايه قريبه ... وهذا اللي يجعلها ممتعه مررررررررره ...
-------------------------------------------
بعض الصور من اللعبه :
هذي صور لحفلات يتجمع فيها الاصحاب والاصدقاء والشعب كله !!!
http://shmeee6.jeeran.com/haflh.gif
http://shmeee6.jeeran.com/haflah-2.gif
وهذي صوره لتصميم شاطيء في اصدار حديث للعبه :
http://shmeee6.jeeran.com/beach.gif
وهذي صور لبعض الاجهزة والادوات اللي تشتريها بفلوسك من الوظيفه اللي انت فيها !!!
http://shmeee6.jeeran.com/adawat.gif
http://shmeee6.jeeran.com/adawat--pc.gif
-------------------------------------------
موقع اللعبه على صفحة الشركة المنتجه (http://thesims.ea.com/us/?frame_src_*******=%2Fregistration%2Fstart.php%3Fa ction%3Dinstaller_reg)
موقع اللعبه العام (http://thesims.ea.com/)
الزبده انك لو حبيت هاللعبه ... راح تدمن عليها ... حتى لو انك منت من الناس اللي يهتمون بالألعاب خير شر!!! فما بالك اذا انت تقدر الألعاب ... ولا مو أي العاب !!! ألعاب الpc ... ولعبة ( THE SIMS ) بالذات !!!
وبعد هالمقدمه نجي للمهم !!! ومثل ماقلت ... راح اكتب شرح اللعبه بطريقتي عشان اقدر اعبر عنها تمام ...
------------------------------------------
اسم اللعبه :
(ذا سيمز) ...(THE SIMS) .
------------------------------------------
الشركة المنتجة :
الكترونيك ارتس –
-------------------------------------------
وصف اللعبه ( الشرح ) :
لعبة تصميم ... جرافكس قوي ...صوت ورسم ثلاثي ابعاد تدخلك بجو اللعبه صح!!! ... تتكلم عن شخصية تختارها في اللعبه ... او تصممها بنفسك ... وظيفتك في هاللعبه انك تعيش حياة طبيعيه وتتخيل نفسك الشخصيه هذي ...بحيث انك تعيش في بيت خاص فيك ويكون لك وظيفه ومستقبلا زوجه وعيال ( ياعيني) العزاب بينبسطون !!!... وتسمي هالشخصية بأسمك اذا بغيت ...لا وبعد تحدد شكلك اللي تحبه يكون في اللعبه ( يعني لو انك شييييين على الطبيعه ) تقدر تطلع نفسك حلو ووسيييييييم في هاللعبه.... وبعد توزع حسب نقاط معينه نشاطك في اللعبه اذا انت نشيط جدا وتحب الحركه او عادي او كسول .... وشخصيتك هل هي مرحه بزياده او عاديه او ثقيل طينه ... وبعد اناقتك ولبسك ومظهرك الخارجي اذا تحب تكشخ او عادي او ماتهتم للمظهر الخارجي ... وغيره وغيره وغيره ... كله حسب توزيعك للنقاط في كل خانه من هالخانات !!!... يعني مثلا معاك 100 نقطه ومطلوب انك توزعها على خمس صفات اساسيه في كل شخصيه مثلا ( المظهر الخارجي – النشاط- المرح والفكاهه في شخصيتك اللي تصممها- الخ الخ الخ ...) اوكيه ؟؟؟
هذا شيء قبل بداية اللعبه ... وباختصار !!!
بعد ماتكون شخصيتك اللي تبي تلعب فيها ... او تختار شخصيات جاهزة ... او حتى نسيت اقول انه ممكن تكون لك عايله كامله اذا بغيت ... او تختار عايله جاهزة وبعيالها ...بس لازم تعرف انك انت المسؤول عن تحريك كل الشخصيات واذا كنت مبتدئ صعب جدا تمشي باللعبه ... عشان كذا اقترح انك تختار شخصية وحده بالبدايه .
قلت بعد ماتختار الشخصيه او العايله كامله راح يكون معاك كبدايه ... 20 الف دولار ...ممكن تشتري فيها ارض فاضيه وتعمر عليها بيت المستقبل على شوي شوي ... وقلت تبني البيت بكل شيء فيه من ادوار وابواب وشبابيك وتصميم لبيتك اللي تبيه ... كم غرفه وكم صاله وكم حمام وكم مطبخ والخ الخ الخ ... او تشتري بيت صغير على قد فلوسك !!!!
مثلا اذا اخترت انك تاخذ بيت جاهز ونقول راح يكلفك 10 الاف دولار بس ... وطبعا راح يكون موقعه مو لهالدرجه لكن ماعليه !!! لانك ( بتمد رجلك على قد لحافك ) !!! بتاخذ البيت وراح يكون فيه نقص كبير من العفش والادوات الضروريه للبيت ... مثل ( الثلاجه – الفرن – حوض غسيل – مرايا – زينه – وبويه جديده اذا تبي – ورخام اذا بتغيره – وشبابيك شكل ثاني اذا مو عاجبك شكلها اللي شايفه عليها – والبيبان مثله – والاضاءه – والتليفون – وجرس انذار عشان الحمايه من السرقه – وغيره كثيييييييير والله وماله داعي اكتب كل شيء )
بعد ماتجهز البيت اللي صممته بنفسك او اشتريته جاهز ... واضفت كل الادوات الضروريه... تبدأ تدور لك على وظيفة ... اما عن طريق الجرايد وهذا اللي يكون في بداية اللعبه ... او عن طريق الانترنت اذا طقيت الكومبيوتر في بيتك !!! (بس انسى انك تشتريه من بدري لانه مكلف ) ...بعد ماتتوظف ... راح تبدأ دوامك يوميا بشكل روتيني ... مثلا من الساعه 7 صباحا الى 2 ظهرا ... وترجع بالراتب اليومي ... والشيء الحلو باللعبه ان الشخصيه اللي تلعب بها تحس وتجوع وتنام وتتكلم وتتعب واشياء كثيره ... يعني كأنك تعامل كائن حي !!!
مثلا اذا انت ما اكلت وانت جوعان تلقى الشخصيه تعلمك وتلمح لك انك جوعان وتحتاج للأكل ... وقس على ذلك الراحه اذا كنت تعبان من الشغل او الكرف !!! وبعد اذا كان طفشان ماراح يلبي لك اوامرك احيانا لانه طفشان ومهو رايق لك !!!هههههه ... علشان كذا لازم تفرفشه بانك تطالع التليفزيون تشوف لك فيلم او تسمع موسيقى او تشرب لك بارد ... او او او !!!!اساليب كثيره اذا لعبت اللعبه بتعرفها وهذا مو مجال حصرها ...
راح تلاحظ انه فيه خط لكل شيء من اللي ذكرته .. مثل الجوع ... اذا جاع ينقص الخط ...
واذا احتاج للنوم او كان تعبان من العمل وقلة النوم تلقى الخط يبين هذا الشيء ....
وبعد النظافه الشخصية والاستحمام !!!
والراحه ...
والحاله النفسيه ( مبسوط او طفشان ) !!!
وخط برضه للعلاقات مع اصدقائك ... يعني ماتعيش وحيد ولازم ماتنقطع عن الناس والجيران !!!
وخط اخر يمثل نظامك وترتيبك للبيت واعتنائك فيه ... وغيره كثييييييييييير.
مهمتك انك ماتخلي احتياجاتك تنقص ... وكذا على طول ... وبكذا تعيش جو اللعبه .. خصوصا انك اذا بغيت الراتب يزيد لازم تطور من مهارتك ... مثل الدراسه ... تروح تقرأ كتب عن الهندسه اذا تعمل كمهندس ... او انك تتدرب وتزيد من لياقتك البدنيه اذا كنت تشتغل مدرس رياضه بدنيه ... وقس على ذلك ...الوظايف الثانيه .. مثل الدكتور والعامل وغيره وغيره ...!!!
صراحه ماعاد فيني حيل اكمل ... لأن اللعبه عملاقه ... ولكن ودي اذكركم بأنكم تقدرون تغيرون الاثاث والوظيفه اذا مهي عاجبتكم ... او انكم تسوون حفلات في البيت وتعزمون الجيران ... وتبني لك مسبح مثلا او ملحق بجنب البيت ... وغيره وغيره ....
-----------------------------------------
اصدارات اللعبة :
اللي تكلمت عنه ... هو الاصدار الاول .
واللعبه الحين لها اصدارات كثيره ... وهذا من النجاحات اللي حققته هاللعبه ...
من بعض الاصدارات:
1- VACATION
2- HOT DATE
3- HOUSE PARTY
4- LIVIN LARG
-------------------------------------------
عمر اللعبه :
طويييييييييييييييييييييييييييييييييييييييل .... ويمكن تقدر تقول مالها نهايه قريبه ... وهذا اللي يجعلها ممتعه مررررررررره ...
-------------------------------------------
بعض الصور من اللعبه :
هذي صور لحفلات يتجمع فيها الاصحاب والاصدقاء والشعب كله !!!
http://shmeee6.jeeran.com/haflh.gif
http://shmeee6.jeeran.com/haflah-2.gif
وهذي صوره لتصميم شاطيء في اصدار حديث للعبه :
http://shmeee6.jeeran.com/beach.gif
وهذي صور لبعض الاجهزة والادوات اللي تشتريها بفلوسك من الوظيفه اللي انت فيها !!!
http://shmeee6.jeeran.com/adawat.gif
http://shmeee6.jeeran.com/adawat--pc.gif
-------------------------------------------
موقع اللعبه على صفحة الشركة المنتجه (http://thesims.ea.com/us/?frame_src_*******=%2Fregistration%2Fstart.php%3Fa ction%3Dinstaller_reg)
موقع اللعبه العام (http://thesims.ea.com/)