samara
24-02-2003, 09:55 AM
هلا.......
كيف الحال......
اهليين شبيبه وشبيبات .......
وش اخباركم وش مسوين ......
بقول لكم قصة رحلتي الى مطار المانيا... بعد هزيمة المنتخب......
وهذي القصه صايره لي صدق....وابيكم تشاركوني احداثها المرعبه خخخخخ.....
كنت اول مره اروح المانيا وفيه هناك عمي وعياله ........
<<<<<وش دخلنا فيك انت وعمك....
ايه كانت الساعه 11...حدعش....واروح اسلم على امي وهي شوي وتصيح اللي يشوفني يقول ذا بيروح سنين... واروح اسلم على جدي وجدتي....
<<<<< يا كثر حكيك قل القصه ....,لا تكثر كلام.........
واروح للمطار وانا في الطريق انفقع الكفر علينا وفاتتني الطياره.....ههههه
امزح لا ما انفقع......
وصلنا للمطار .....واقعد في التنفيذي مسوي مهم كل شوي شاهي قهوه غثوني......ما عندهم شي يوكل.....
<<<<<اللحين اللي يشوفك انت ووجهك يقول ياله تدخل من الباب يا العصل.......
ايه واركب الطياره على اللفت هانزا......والا كلهم المان .....المضيفات يلقون ....(لا تصدقون تراني ما ناظرتهم غضيت النظر).....
<<<<<<ايه صدقتك........
وقعدت كان الساعه 2 الاقلاع.....
ونطير واقعد ابي انوم اتقلب يمين يسار (الحمدالله ماكان جنبي احد)......ولا جاني نوم (تعرفون هذا من اسباب الحب)
<<<<<<اقول اسكت انت ووجهك.....
.....والا اناظر قدامي......الا وحده مع بناتها ............ واسوي نفسي ما شفتهم.......
هذولي مخليهم لوقت الحاجه(بعدين تعرفون ليه لاني ما لقيت غيرهم )
وتوني مغمض عيني الا تفتح ذيك العجوز الشباك اللي مقابلني ...الله ياخذ عمرها (عاد انا من النوع اللي ياله ينوم)...وكان ودي اقوم وازنطها.....بس خفت يقولون ذا يبي يخطف الطياره.......
المهم والا يطير النوم من عيني.....وقعدت اغني سرقت النوم من داخل عيوني
بس حرفتها شوي خليتها ......سرقت النوم من داخل عيوني وخليت الشرر فيها يتأجج(مدري من وين جت يتأجج)......
بعدين شوي يجي وقت الاكل ......يعطونا ساندويت جبن(بس المشكله انه مر مدري ليه) بس كلتها والله كنت جايع.......
والا يجون يقدمون المشروب ....وطلبت ....ترى والله طلبت مويه......
خايف اقول كولا يجيبون لي شي ما له داعي زي اللي قاعدين يشربونه ذا اللي في الكرسي اللي في الووسط.....
وبعدين معاد صرت اشوف ابي انوم بس تعرفون ان النوم طار....
وكنت ابي اروح لدورة المياه (وانتم بكرامه) الا اروح وجنب الباب مضيفه جالسه والا اوقف احسبها قاعده تنتظر احديطله من الحمام(وانتم بكرامه)شفتها طولت قلت ادخل ما علي منها والا اجي ادخل تقول لي لا.....هييه ويين ابي والا افتح عيني زين الا هذا يودي للاخر الطياره جوا يمكن عند المخازن او مدري ايش .....قلت اوووه سوري.....ضحكت.....قالت ذيس دور...ورحت ......
وارجع لمكاني واقعد ......والا انسدح وامدد سيقاني ....كنها مساويك......وتطلع في الممر.....وتسوي لهم زحمه......
وبعدين شوي يقولون اربطوا الاحزمه ......قلت الحمدالله....بدينا نوصل.......
وشوي الا تنزل الطياره .......ونقعد شوي يلبقها السواق......(وين لموزين ما طلعت طياره)ونجي ننزل والا يخلوننا ننزل ماع الدرج واوقف عند بوابة الطياره .....واللوح بيدي الكريمه والناس يصفقون واللي يدوخوون......
<<<<<<اقول وييين انت تحلم قل الصدق يوم بغيت تصيح.....
هااااه ايييه ......جيت بنزل قعد واحد تبع الطياره قام يقول كلام بالالماني.....وبعد جهد وتفيرات عرفت وش يبي.....كان يبي التذكره والجواز......واعطيه الجواز .....وتوني بعطيه التذكره ما اللقاها.....وانا شوي واصيح .....واقعد ادورها في الشنطه.....وكانت مليانه مجلات يمكن عشر .....كلها فواصل وطقتها......واطلع لك اللي في الشنطه ودموعي شوي وتنزل.....اللقاها واقعد اتنفس الصعداء.....(ماتعجبني ذا الكلمه بس قلت اقولها مثل الناس).......واعطيه وقال خلاص رح الله يزدي لك ...وانا انزل واركب الباص ....ونوصل للمطار واحفظ اشكال اللي معي عشان اللحقهم واشوف وين يروحون......واللحقهم .....تذكرون البنات اللي مع امهم اللي قلت لكم عنهم...(جا وقتهم انا مخليهم لذا الوقت عشان ما لقيت احد عربي غيرهم......الا ادورهم واللقاهم قدامي في الصف......قلت الحمدالله هذولي ان ضعت بيدلوني(بس كنت احس اني ما لي داعي كبر بليس وضايع)ووصل دوري واعطيه الجواز....ويقول ضف وجهك من هناك.......وادخل واللقا الوجيه اللي حفظتها وناخذ لفه على المطار لين لقيت مكان الشنط.....واوقف مسوي فاهم اني ادل وهم جو وراي ....وانتظر الشنط ما طلعت والا اشوفهم يروحون .......
سويت نفسي اناظر التذكره واروح للمكان اللي راحوا له.....واللقا شنطتي وقلت خلاص انتهت مهمتهم بروح انا ....واقعد ادور المخرج .......وكان كلي نوم ويالله افتح عيوني.......واللقى ثنين يشتغلون في المطار......واسالهم بانجليزي .......
<<<<<من زين الانجليزي اللي تعرفه .....
اقول لهم وين المخرج وهو كان قدامي وقعد ويقولون وشتقول ما كانوا يعرفون انجليزي الا شوي......قالوا ليه قلت ابي اطلع قال....يو هش هش ....يعني محشش قل لا اصلا انا ما ادخن....وشلون احشش......
قال هات جوازك ....انا وقف ت اتذكر امي وابوي واخواني .....قلت شكلهم بيمسكوني يقولون ذا مهرب وانا والله ما كان معي الا شنطتي فيها ملابسي....
قال ار يو سأودي ...معناها انت سعودي...رفعت راسي بشموخ ....بس تذكرت الهزيمه ....منهم...
بس قلت ما علي ......ويضل راسي مرفوع....ويقول يو بلي سوكر....
للي ما يعرفون معناها ....انت تلعب كوره .....قلت نونو قلت يمكن اللحين يمسكوني عليها يقولون هذا مشوه كرة القدم.....نونو يعني لا لا
والا شافني شوي واصيح .....قال خذ جوازك......يوم قال جيرمني اخت....
موب اخت يعني سستر لا يعني ثمانيه بالالماني....سأودي زيرو.....والا اللي وراي يضحكون.....
ويقول الخروج من ذاك الباب اللي قدام خشتك ...والا احط رجلي ابي الفكه.....
والا اللقا ولد عمي والسواق حقهم وشوي واطب عليه......ونركب السياره ونمشي......وبس......
ادري كلامي كثير ....
يلله عاد بروح انوم .....والله تعبت وانا اكتب ......
samara
كيف الحال......
اهليين شبيبه وشبيبات .......
وش اخباركم وش مسوين ......
بقول لكم قصة رحلتي الى مطار المانيا... بعد هزيمة المنتخب......
وهذي القصه صايره لي صدق....وابيكم تشاركوني احداثها المرعبه خخخخخ.....
كنت اول مره اروح المانيا وفيه هناك عمي وعياله ........
<<<<<وش دخلنا فيك انت وعمك....
ايه كانت الساعه 11...حدعش....واروح اسلم على امي وهي شوي وتصيح اللي يشوفني يقول ذا بيروح سنين... واروح اسلم على جدي وجدتي....
<<<<< يا كثر حكيك قل القصه ....,لا تكثر كلام.........
واروح للمطار وانا في الطريق انفقع الكفر علينا وفاتتني الطياره.....ههههه
امزح لا ما انفقع......
وصلنا للمطار .....واقعد في التنفيذي مسوي مهم كل شوي شاهي قهوه غثوني......ما عندهم شي يوكل.....
<<<<<اللحين اللي يشوفك انت ووجهك يقول ياله تدخل من الباب يا العصل.......
ايه واركب الطياره على اللفت هانزا......والا كلهم المان .....المضيفات يلقون ....(لا تصدقون تراني ما ناظرتهم غضيت النظر).....
<<<<<<ايه صدقتك........
وقعدت كان الساعه 2 الاقلاع.....
ونطير واقعد ابي انوم اتقلب يمين يسار (الحمدالله ماكان جنبي احد)......ولا جاني نوم (تعرفون هذا من اسباب الحب)
<<<<<<اقول اسكت انت ووجهك.....
.....والا اناظر قدامي......الا وحده مع بناتها ............ واسوي نفسي ما شفتهم.......
هذولي مخليهم لوقت الحاجه(بعدين تعرفون ليه لاني ما لقيت غيرهم )
وتوني مغمض عيني الا تفتح ذيك العجوز الشباك اللي مقابلني ...الله ياخذ عمرها (عاد انا من النوع اللي ياله ينوم)...وكان ودي اقوم وازنطها.....بس خفت يقولون ذا يبي يخطف الطياره.......
المهم والا يطير النوم من عيني.....وقعدت اغني سرقت النوم من داخل عيوني
بس حرفتها شوي خليتها ......سرقت النوم من داخل عيوني وخليت الشرر فيها يتأجج(مدري من وين جت يتأجج)......
بعدين شوي يجي وقت الاكل ......يعطونا ساندويت جبن(بس المشكله انه مر مدري ليه) بس كلتها والله كنت جايع.......
والا يجون يقدمون المشروب ....وطلبت ....ترى والله طلبت مويه......
خايف اقول كولا يجيبون لي شي ما له داعي زي اللي قاعدين يشربونه ذا اللي في الكرسي اللي في الووسط.....
وبعدين معاد صرت اشوف ابي انوم بس تعرفون ان النوم طار....
وكنت ابي اروح لدورة المياه (وانتم بكرامه) الا اروح وجنب الباب مضيفه جالسه والا اوقف احسبها قاعده تنتظر احديطله من الحمام(وانتم بكرامه)شفتها طولت قلت ادخل ما علي منها والا اجي ادخل تقول لي لا.....هييه ويين ابي والا افتح عيني زين الا هذا يودي للاخر الطياره جوا يمكن عند المخازن او مدري ايش .....قلت اوووه سوري.....ضحكت.....قالت ذيس دور...ورحت ......
وارجع لمكاني واقعد ......والا انسدح وامدد سيقاني ....كنها مساويك......وتطلع في الممر.....وتسوي لهم زحمه......
وبعدين شوي يقولون اربطوا الاحزمه ......قلت الحمدالله....بدينا نوصل.......
وشوي الا تنزل الطياره .......ونقعد شوي يلبقها السواق......(وين لموزين ما طلعت طياره)ونجي ننزل والا يخلوننا ننزل ماع الدرج واوقف عند بوابة الطياره .....واللوح بيدي الكريمه والناس يصفقون واللي يدوخوون......
<<<<<<اقول وييين انت تحلم قل الصدق يوم بغيت تصيح.....
هااااه ايييه ......جيت بنزل قعد واحد تبع الطياره قام يقول كلام بالالماني.....وبعد جهد وتفيرات عرفت وش يبي.....كان يبي التذكره والجواز......واعطيه الجواز .....وتوني بعطيه التذكره ما اللقاها.....وانا شوي واصيح .....واقعد ادورها في الشنطه.....وكانت مليانه مجلات يمكن عشر .....كلها فواصل وطقتها......واطلع لك اللي في الشنطه ودموعي شوي وتنزل.....اللقاها واقعد اتنفس الصعداء.....(ماتعجبني ذا الكلمه بس قلت اقولها مثل الناس).......واعطيه وقال خلاص رح الله يزدي لك ...وانا انزل واركب الباص ....ونوصل للمطار واحفظ اشكال اللي معي عشان اللحقهم واشوف وين يروحون......واللحقهم .....تذكرون البنات اللي مع امهم اللي قلت لكم عنهم...(جا وقتهم انا مخليهم لذا الوقت عشان ما لقيت احد عربي غيرهم......الا ادورهم واللقاهم قدامي في الصف......قلت الحمدالله هذولي ان ضعت بيدلوني(بس كنت احس اني ما لي داعي كبر بليس وضايع)ووصل دوري واعطيه الجواز....ويقول ضف وجهك من هناك.......وادخل واللقا الوجيه اللي حفظتها وناخذ لفه على المطار لين لقيت مكان الشنط.....واوقف مسوي فاهم اني ادل وهم جو وراي ....وانتظر الشنط ما طلعت والا اشوفهم يروحون .......
سويت نفسي اناظر التذكره واروح للمكان اللي راحوا له.....واللقا شنطتي وقلت خلاص انتهت مهمتهم بروح انا ....واقعد ادور المخرج .......وكان كلي نوم ويالله افتح عيوني.......واللقى ثنين يشتغلون في المطار......واسالهم بانجليزي .......
<<<<<من زين الانجليزي اللي تعرفه .....
اقول لهم وين المخرج وهو كان قدامي وقعد ويقولون وشتقول ما كانوا يعرفون انجليزي الا شوي......قالوا ليه قلت ابي اطلع قال....يو هش هش ....يعني محشش قل لا اصلا انا ما ادخن....وشلون احشش......
قال هات جوازك ....انا وقف ت اتذكر امي وابوي واخواني .....قلت شكلهم بيمسكوني يقولون ذا مهرب وانا والله ما كان معي الا شنطتي فيها ملابسي....
قال ار يو سأودي ...معناها انت سعودي...رفعت راسي بشموخ ....بس تذكرت الهزيمه ....منهم...
بس قلت ما علي ......ويضل راسي مرفوع....ويقول يو بلي سوكر....
للي ما يعرفون معناها ....انت تلعب كوره .....قلت نونو قلت يمكن اللحين يمسكوني عليها يقولون هذا مشوه كرة القدم.....نونو يعني لا لا
والا شافني شوي واصيح .....قال خذ جوازك......يوم قال جيرمني اخت....
موب اخت يعني سستر لا يعني ثمانيه بالالماني....سأودي زيرو.....والا اللي وراي يضحكون.....
ويقول الخروج من ذاك الباب اللي قدام خشتك ...والا احط رجلي ابي الفكه.....
والا اللقا ولد عمي والسواق حقهم وشوي واطب عليه......ونركب السياره ونمشي......وبس......
ادري كلامي كثير ....
يلله عاد بروح انوم .....والله تعبت وانا اكتب ......
samara