المساعد الشخصي الرقمي

مشاهدة النسخة كاملة : مدرسة السفراء ترحب بكم

أمير الليل
14-12-2002, 11:31 PM
ارجو من اللي مذكورين بالقصة ما يزعلون لأنه مجرد مزح وترفيه ....

وارجو من اللي ما ذكرتهم بالقصة ما يزعلون وبتطلعون بقصة ثانية انشاء الله

===========

هذي قصة شفتها و اعجتبني مرة ...

..... بسم الله نبدأ :

....................................

(( مدرسة السفراء على كيف كيفك النموذجية... ))

طلاب فصل 9/ ج ....

الــحــصــة ......... الأولى ........ :

دخل المدرس الرشيق الطويل..ذو الخشة المستديرة..وصاحب اللكنه النجدية..ذات التغه لبنانية..متعدد الوظائف.. السيد هاوي ابداع ..مدرس مادة التاريخ..

هاوي ابداع : يالله ياطلاب...قيام اشوف...وانت يا حلاوه مصاص قم اشوف..ورني طولك..

قاموا كل الطلاب..قال احلاهم لمتنثر وهو نصه نوم : قم الله ياخذك لا توهقنا..

حلاوه: ياربييييييييه وش تبي انت والله ماقوم..ابلشتونا طابور الصباح..ماغير اقوم واقعد ( متأخر عن الطابور)

هاوي : ماتسمع الكلام انت ؟ يالله قوم اشوف..لا أطلّعك برا الفصل..

وتمتم بعدت كلمات : .....ياخذك.....ياعنز...ياجعلك تكرفس...... وينفقش راسك ...ياجعل يصدمك قلابي بمخرج عشرة..

هاوي : ايش ايش...ماني سامع ايش قاعد تقول..

صديقة القمر : يقولك اليوم مطر يا استاذ..

حلاوه : ياتسذبك...انتي لا عمرك تلقفين لا اقوم العب في كرشتك ثم احوس شوشتك ..

رعبوب : هيه انت ريكي ..ترى خشمك مايل على جنب..لا تخليني اجي اعدله لك..

هاوي : بس انتي وياه...ايش المسخره هذي...شوفوا الولد المؤدب السفير ...قاعد يذاكر الدرس اللي راح ناخذه..مو كذا ياسفير ؟

السفير : ايوه ايوه ..كذا يا استاذ...بس تراي ناسي الكتاب...وذا كتاب الفقه وقاعد انقل الواجب..
(السفير يتمتع بالصراحة المطلقه )

هاوي : آووووه لا خلاص مو قادر اتحمل..ايش هالفصل..اللي يجيب الهم..كأنناقاعدين بمبارة الهلال..

قيقز : احم احم..

المطنوخ ..كان يناظره بطرف عين...ووده يذب عليه..
بس السفير ماقصر حيث قال : قيقز مشكلتك مسوي فيها شخصية..وانت والله لا شفتك احسبك الحلاق حقنا..

ملك السفراء : ياعمي اي حلاق...ياخي تشوف ذاك ابوخشه اللي بكتاب الإنجليزي تقلبه يطلع وجه ثاني ...ياخي يذكرني فيه..

هاوي : عماااااااااا انتا وياه...

قيقز : استاذ ايش هذا....ذا القراوى قاعدين يقولون كلام مدري ايش..

جنون الوله : خليك منهم ياعسل انت.. ( وبعد هذه الجملة أغمي على قيقز ...)

السفير : ياشيخ اتحول فلافل....اغدي كشنه...اصير علبة هندسة مع هالكلام

هاوي : عمااااااااا انت وياه .. السفير قم قدام السبوره ورفع يدك

السفير : معصب...وانا السفير ابن ابوي ....مابقى الا ذي..

همسه : ياعمي قم بس لا يستاثم فيك هذا..تراه هو اللي يسقي نخل حوشهم..يعني لو يلزخك مع جبهتك والله ان تدوخ..

دانه : هيه همسه ..وانتي وشدراك انه يسقي حوشهم ..هاه ؟؟( همسه ..تمارس هواية الويقان على حوش الجيران )

همسه : كح كح...يالخبله..معي علك ابوجني..تبين اعطيك ؟ ( تلعب عليها )

السفير الاسباني!! رافع يده...للأستاذ : أستاذ هاوي ...يالله ابدي الحصة..تراي متحمس ودي اعرف وش صار على صلاح الدين..بعد المعركه..

المتميز : ايه صحيح وش صار علية ؟؟

رعبوب : متنثر ..ياخي شف ذا الدلخ..انت هيه..صلاح الدين..يتقاطع مع شارع خريص..وش معركته لا اقوم اكب العصير حق الفسحه..عليك..

صديقة القمر : ياحرامي سارق فسحتي ..

هاوي : انتي سماره..اهجدي شاطره..ايوه ..الحين راح نكمل.... السفير..قوم سمع لي الدرس اللي راح..

السفير : حاضر يا استاذي العزيز <<-------- دافور الفصل
لما انتهى ..من الدرس اللي راح..

هاوي : ممتاز يالطالب النجيب..ياليت كل الطلاب مثلك..

جنون الوله : وش الي ممتاز...والله لو هو جدتي اذا قامت من النوم..

حلاوه : استاذ ...الحين..صلاح الدين..كم كان عمره..يوم يموت..؟

متنثر : وانت وش عليك..يامال الي مانيب..قايل..

رعبوب : اقول يا استاذ.. الحين ذا الصتيمتين اللي مرتزين بوسط الفصل..وشوله جايين ؟ ( يقصد القعقاع و مواده سهيل )

عزوز : اي والله تقول ماسكين الفصل لايطيح .. اهبببب ياذا الطول هههههههههههههه

احلاهم : انت يا دب ..علامك ماتعض لك على شحمه وتاكل لك تراب لا امسك بالطلعة والفعك..

عزوز : انشالله..تامرين امر..انتي ياقمر..( لا ابد مهوب يخاف )

السفير : اقوووووووول هييه انت يا عزوز ..ترى بتجيك علبة الهندسه مع جبهتك..لا تنفخ على عيال حارتنا.. (طمّاع ما يحب أحد يلفّع دبدوب معه ..)

هاوي : بسسسسسسسسسسسسسس خلاص..لا اشوف احد يتكلم......وانت يا متنثر ...وش قاعد تكتب..ورني..

متنثر : لا منيب..موريك..

رعبوب : وره وره وخلنا نشوف ..

هاوي : طيب.....( واخذ منه الدفتر بالغصب...وولقاه قاعد يرسم حلاوه )

هاوي : متنثر ...اذا جت حصة الرسم اقعد ارسم..بعدين اذا بغيت ترسم ارسم شي حلو ويستاهل..مو ترسم..اشياء مرعبة..

هاوي : يالله اليوم انتهينا من الدرس..

السفير :أستاذ...وش رايك تعطينا واجب..نختبر مذاكرتنا فيه .؟؟؟؟؟؟؟؟؟؟؟؟؟؟؟؟

همسه : ياجعلك تطيح بحفرة كبييييييييييييييييييرة ونفتك منك انشالله..

حلاوه : ياشينه ذا الدافور هذا ..ودك تمسكه وتعلقه بالمروحه..

رعبوب : اهئ اهئ ..شلون ابحل الواجب...اليوم بنروح لعزيمة..

قيقز : اقول انتي همسه ..بكرا تجين حاله واجبين...واحد لي وواحد لك..والا والله مايرجع لك شريط الدوري الياباني حق السوني..

حلاوه : متنثر ..اختار...تبي ماصورة والا خشبة ؟ ( ناوي يجلده في الطلعه )

هاوي : شاطر ياولدي الطالب النجيب...يالله حلو كل الأسئلة اللي بنهاية الدرس...يالله اشوفكم بكرا..

القعقاع : استاذ هاوي ...لو سمحت..

هاوي : ايوه ؟

القعقاع : ممكن توقيعك ؟

موادع : والله لو انه برتني الزغبي ولا ديانا نجار !!!!!!

وترررررررررررررررررررررررررررررررررررررن
ترررررررررررررررررررررررررررررررررررررن


ترررررررررررررررررررررررررررررررررررررن
ترررررررررررررررررررررررررررررررررررررن



انتهت الحصه
حلاوه مصاص
15-12-2002, 01:02 AM
خخخخخخخ

خخخخخخخخخخخ

والله من اليوم اتفلت واحذف موضوعك ويرجعه الملك

وارجع واحذفه ويرجعه هاوي>== مقهور عشان مو هو المدرس ,,

بصرااااحه موضوع حلووو

بغيت افطس من الضحك بس ربك ستر

القعقاع : ممكن توقيعك ؟

موادع : والله لو انه برتني الزغبي ولا ديانا نجار !!!!!!
خخخخخخخخخخخخخخخخخخخ

الله يرجك
أمير الليل
15-12-2002, 01:12 AM
مشكووور اخوي الغالي حلاوه مصاص على مرورك الرائع

اجل اعجبتك حقت برتني الزغبي ولا ديانا النجار

وتحياتي لك يالغالي
حلاوه مصاص
15-12-2002, 01:17 AM
لا اخوي

اصلا ماعجبني شي بالموضوع كله بس قلت مشرف عام وحاط موضوع

لازم نرفعبه شوي >== ناااوي يخربها مع الاداره ,,,

لالالالالالالالالالالا

امززززززززح والله العظيم امزح الموضوع كلها روووووعه

بس هذا اعجبتني اكثر حبتين :nope:

اكرر شكري على الموضوع

وتسلم اناملك سفيروووه ,,

سلملم
همسه
15-12-2002, 03:32 PM
كركركركركركرككركركركركرككركر

خياااااااااااااااااااااااااااااااااال...

تجنن...وين الحركااااااات هذي ليه تونا نشوفها.....

ننتظر الجزء الثاني
أمير الليل
15-12-2002, 05:04 PM
حلاوه مصاص

اشكرك مره ثانيه على مرورك

ومشكووووووور يالغالي على المجامله

همسه

والله الحركات هذي تطلع مني احيانا

بس انتظرو الجزء الثاني

يبي يجننكم اكثر من كذا
الموت
15-12-2002, 06:45 PM
هههههههه الله يقطع شيطانك يالسفير اجل انت الدافور هههههههههههههههه بس انا ساكت صراحة يعني مؤدب ههههههههههههههههههه اما يوم يقول قيقز احم احم عشان الهلال شي حلوة بس الله ستر ماقامت خنقه مشكور السفير وننتظر الجزء الثاني بشوق
الرادع
15-12-2002, 08:12 PM
هآآآآآآآآآآآآآآآيهآآآآآييييآآآآآآه

كاكوكا كاكوكا كاكوكا اااههااههااههااههااههااهه

مو طبيعيه

بس الرادع ماله رب في الفصل


اكيد انه في فصل ثاني اول خ م ن ت ل بي
ترى مدري وشي الظاهر انه شفرة المنتدى

لالا امزح يمكن موقف عند المدير ولا المشرف الطلابي




وين باقي الاعضاء
أمير الليل
15-12-2002, 09:05 PM
المتميز

اشكرك على مرورك الكريم

وانتظر الجزء الثاني

الرادع

اسمك راح ينزل بالجزء الثاني

بس انت انتظر شوي
عاشقة الماضي
15-12-2002, 09:25 PM
http://arabcafe.jeeran.com/11.gif http://arabcafe.jeeran.com/11.gif



الله يرجك ياالسفير .. والله ساعة وأنا أضحك .. شو هالفصل التحفة

بس حركة جنون وقيقز ..:p :p روعة .. بس لسى قيقز مغمى عليه

بس الموضوع روووووووووعة ويستاهل المميزة :c: :c:

بس لا تتاخر بالجزء الثاني .. ترانا على نار :&:

تحياتي لك
موادع§سهيل
15-12-2002, 09:42 PM
ههههههههههههههههههههههههه

احسن مافي القصه اني انا والقعقاع طلعنا كمبارس مالنا اي دور بس هي كلمة قالها هو وانا رديت عليه

والله مالك داعي قلت بأكون من ابطال القصة طلعت كمبارس هاااااااااه يصير خير يا وجه علبة الهندسه
أمير الليل
15-12-2002, 09:55 PM
صديقة القمر

اشكرك على مجاملتك اللطيفه

واشكرك ايضا على مرورك على موضوعي

موادع

ابشر يالغالي

مالك الا من يحطك بدور رئيسي بالجزء الثاني

انت والعقاع بعد
م-ت-ن-ث-ر
15-12-2002, 11:43 PM
هاااااااااااااااااي


الله يرجك يابو مقبل


ههههههههه


والله فطست ظحك


انا اليوم غير طبيعي


ههههههههههههههه


اجل حلاوه يقول ميدي تبي ماصوره ولا خشبه هااااااااي



الله يمتحنك انت وياه


ولا همس المرجوجه ؟؟؟؟؟؟؟؟؟ ههههه



ولاتهون رعبوب هع هع هع هع هع هع


ولا يهونو الربع والجماعه

ههههههههه


والله الموضوع شي هباااااااااااال


الله يرجك هذا بيتسجل بالتاريخ

يا حلاوه سجل الموضوع بدفتر الشخابيط

المجلد بتجليده خشبيه


هههههههههههه


سلامي عليكم
أمير الليل
15-12-2002, 11:50 PM
هههههههههههههههه

الله يرجك متنثر

ردك اضفى <<<<< يمديكم على اضفى

على موضوعي الفكاهه

ومشكووور على مرورك على الموضوع

وشهادتك هذي اعتبرها وسام والله الموضوع شي هباااااااااااال


الله يرجك هذا بيتسجل بالتاريخ

يا حلاوه سجل الموضوع بدفتر الشخابيط

المجلد بتجليده خشبيه

اشكرك بعنف اخوي

سلملم
م-ت-ن-ث-ر
16-12-2002, 12:17 AM
ترى احرقني القيد


لا تحرقني انت بعد

ههههههههههه


سلامات سلامات
أمير الليل
16-12-2002, 04:03 AM
بسم الله الرحمن الرحيم

هذا الجزء الثاني من مدرسة السفراء

يدخل الاستاذ هاوي (( طبعا مافيه مدرس غيره ))

هاوي : سلام عليكم

الجميع : وعليكم السلام

هاوي : وش عندكم اليوم

موادع : كبده - فلافل - شكشوكه << يستلكع

هاوي : موادع نكلم زين

حلاوه : يا استاذ اتركه عنك هو مايدري وش اسمه تساله وش عندكم خله هو بلشان بالبوفيه حقتهم الجديده

العجيب : عندنا حصة رياضه <<<< يموت بشي اسمه كوره

دانه : يكذب عندنا اشغال

السفير : يا استاذ انت مالقيت الا هذولا تسالهم

الرادع يرسل علبة الهندسه تمشي طبلونها ((( طررررراااااااخ )))

هو ناويها بجبهة السفير

لكنها بالخطا توجهت للسلطان

فتعم الفوضى في الفصل

حلاوه استغل الفرصه اخذ الكرسي على باله بيضرب واحد

ويفكه على هاوي <<<<< بيفتك منه

لكن جت المصيبه

دخلت المديره

تدرون منهي

بنت النور

بس مرت سليمه من جنبها والمشكله شافت حلاوه وهو يطلق الكرسي

بنت النور : حلاوه تعال انت ووجهك اللي كنه مسطرة مدرس رياضيات

حلاوه : وش تقولين انتي ورجلينك اللي كنها فرجار

السفير الاسباني : هههههههههههههه

هاوي يقوم السفير الاسباني يوقفه جنب الباب ويرفع رجله

السفير الاسباني راح ياقف وهو منزل راسه (( طايح وجهه بقووووه ))

وهاوي يقوم يطلع نع المديره

بعد برهه من الزمن يعم الصمت على الفصل

ويسال هاوي مره اخرى وش عندكم اليوم

يرد السفير (( مثل ماقلنا امس دافور الفصل )) : عندنا انقليزي

القعقاع( مايحب شي اسمه انقليزي ) : يا استاذ ماعندك غيرها

قيقز : ليه وينا فيه بحراج الغنم

متنثر : لا بحراج ابن قاسم

<<<<<<< ماكمل كلمته الا وهاوي يوقفه جنب الاسباني ويخليه يرفع رجله بعد

طق طق طق <<< الباب فيه واحد يطقه

سماره جايه متاخره

هاوي وين كنت يالدواجه

سماره : والله كنت اطبخ الغدا

هاوي : من الحين تطبخين والساعه 8

هتون الشرقيه : تكذب يا استاذ انا شايفها تدوج بالسيب قبل شوي

هاوي : يالله وقفي جنب الشباب اللي واقفين

متنثر وقفت جنبه سماره طاح على طول <<<<< اول مره تاقف جنبه بنت

موادع : اقول القعقاع

القعقاع : هلا حبي

موادع (( وجهه صار احمر من اخجل )) : حليت الواجب

القعقاع : من قالك ان عندنا واجب اثرك داج

قيقز : اصلا الواجبات ملغينها

سماره من عند الباب تلتفت : مابفى الا هي واجبات بعد تذكرونا بايام الابتدائيه

متنثر من جنبها وهو منسدح : الا اقول عزوز ليش غايب اليوم

همسه : انا شايفته امس وهو يفحط ومسكته الدوريات

صديقة القمر : عزوز يفحط اصلا هو مامعه سياره

رعبوب : الا هو كان يفحط بس على سيارتي سارقها مني

القعقاع : ايه انا اللي معطيه المفتاح سارقه من رعبوب بالفسحه

دانه : لالالالالالا عزوز عاقل مايسويها

هتون الشرقيه : ههههههه اما عزوز عاقل كثري منها

صديقة القمر : من قالكم انه عاقل انا دايم اشوفه وهو يفحط

الرادع : اقول بس

موادع : قل ولا يكثر

الرادع : كم باقي وتنتهي الحصه

هاوي : صح على طاري الحصه يالله بنبدا

القعقاع : يرسل لكمه خطافيه للرادع بعد ماذكر الاستاذ الدرس

هاوي : القعقاع قم قل حروف الانقليز

القعقاع : abcdhrtvwyz

هاوي : والباقي

القعقاع : والله هذا اللي اعرفه يرضيك زين مايرضيك الباب يوسع جمل

همسه : ههههههههه مايعرف

هاوي : همسه على شحم

همسه (( بعد ان طاح وجهها )) طيب استاذ

ترررررررررررررررررررررررررن

ترررررررررررررررررررررررررن

ترررررررررررررررررررررررررن

انتهت الحصه الثانيه

نلتقي على خير في الحصه الثالثه
عاشقة الماضي
16-12-2002, 08:45 PM
الله يرجك يا شيخ :p :p

والله تقطعت من الضحك :$# :$# بس ما شاء الله عليك يالسفير

ما في مثلك كامل مكمل ... ودافور كمان .. أقول تراك زودتها :#: :#:

المهم خلي موادع يعملي ساندويش فلافل :eel: مع علبة بيبسي

تراني أجوع كثير هالايام :o :o

تحياتي لك السفير .. وبأنتظار الحصة الثالثة :p
أمير الليل
16-12-2002, 09:18 PM
صديقة القمر

اكيد اني دافور

مو انا اللي مسوي الموضوع

لازم امدح نفسي شوي

موادع

رح سو سندويش فلافل لصديقة القمر

ولا اقولك

خله اثنين

انا ابي واحد
همسه
16-12-2002, 09:56 PM
الله يرج شيطانك...

كركركركركركركركركركركركركر

والله عندك خيااااااااااااااااااااال راااااااااااااااااائع

وخفة دم...ياسلااااااااام عليك
أمير الليل
16-12-2002, 09:59 PM
كركركركركركركر

هههههههههههههه

الله يرجك همسه علىضحكتي

ضحكتك كفايه عن المواضيع كلها

ومشكوووووووووره على مرورك
جنون الوله
16-12-2002, 10:00 PM
السفير مو معقووووول


فعلا روعه

:$#


وبعدين انا أقول لــقيقز عسل:@ ليه انهبلت أنا


:@ مو كفايه لاطش ريالي حق الفسحه


وكاسر قلمى الرصاص


قيقز ابي ريااااااااااااااااااااااليhttp://smilies.sofrayt.com/%5E/e/gunsfiring.gifhttp://smilies.sofrayt.com/%5E/e/rambo.gif

من جد انت رااااااااااااائع اخوى السفير
أمير الليل
16-12-2002, 10:04 PM
جنون الوله

اشكرك على مرورك

وبعدين قيقز يبي يرجع رياااااااااااااالك غصب عنه

اما قلمك الرصاص ما اوعدك فيه
حلاوه مصاص
17-12-2002, 07:52 AM
خخخخخخخ

خخخخخخخخخخخ

الله يرجك يالسفير من جد رووووعه ,,

بس تعااااال


انا وجهي كنه مسطرة رياضيات :#:

احسن من وجهك >== بدا يخربه تهور ابو مصاص

انت وجهك ..... كنه فار مضيع بلنتي <== وش دخل الفار ,,

هع هع هع هع

بس ابي اطلب منك طلبي ياسفيروووه

ابي اكمل جزء الفسحه تكفى <=== ناويهم كلهم ,,

يا لله سلملم

ياااا

فااار مضيع بلنتي ,,,<== يحاول يستخف دمه ,,

:$# :$# :$#
:$# :$#
:$#
الرادع
17-12-2002, 01:25 PM
هآآآآآآآآآآيهآآآآآآآآآيهآآآآآآآيييييييييآآآآهآآآآي ييييي


جبنتي اسمي اخيرا

ياويلي من السلطان يبي دبجني دبجا لم ارى مثل في الوجود---->> متاثر بالافلام


بس ما تشوف اني ذكرت هاوي بالدرس وزعلت القعقاع


وليش انت دافور تاخذ حصص خصوصيه يالدفور


ياويلك اذا متغششني يوم الختبار

والل للرسل عليك المتميز يدبجك



يسلموووووو
أمير الليل
17-12-2002, 05:26 PM
حلاوه

ههههههههه

الله يرجك

ردك يموووووت من الضحك من دون الموضوع

مشكووووور على مرورك يالغالي

الرادع

لازم اصير دافووووور

اكيد اخذ دروس خصوصيه

على العموم

اشكرك على مرورك

وتحياتي لك
الموت
17-12-2002, 06:53 PM
السفير: ههههههههههههههه الله يرجك اجل همسه تفشلت وطاح وجها ههههههههههههههههههههههه طيب ويني عن هذا الجزء؟ اتمنى اكون حاضر بالجزء الثالث اتوقع ان الحصة الثانية طلعت وهربت من المدرسة هههههههههههههههه:$# يعطيك العافيه اخوي السفير قصص حلوة ننتظر الجزء الثالث
أمير الليل
17-12-2002, 09:48 PM
ايه نسيت

انت وينك يالمتميز

تراك كنت مهرب الحصه الثانيه

مشكوور على مرورك يالغالي
ابو الافكار
18-12-2002, 04:05 AM
انا وين اسمي :nope:

كاني ما ادرس معكم

لالالالالالالالالالالالا

لازم ادرس معكم

اخوي السفير

سجلني اول الحاظرين في الحصه الثالثه

بس لاتخليني بليد

خلني مثلك دااااااااافور
أمير الليل
18-12-2002, 07:08 PM
هلا بك اخوي ابو الافكار

ابشر بسعدك

مالك الا من يدخلك بالحصه الثالثه

وماتبي بليد

ليش ماتبي بليد وانت غايب حصتين

معك عذر ولا لا
أمير الليل
19-12-2002, 01:21 AM
بسم الله

هذي الحصه الثالثه من مدرسة السفراء

وكالعاده يدخل الاستاذ هاوي

مافيه سلام اليوم <<<<< قافله معه طاردته المدام البارح :$#

السفير ينقز يبي يقول وش عندهم

يمسكه حلاوه (( عربجي الفصل )) ويسد فمه

يحاول المتميز يفك السفير لانه كاتم نفسه

بس ماش حلاوه يده كانها مرزبه (( عجره يعني ))

همسه : يا استاذ هاوي شف حلاوه بيموت السفير

هاوي (( خايف من حلاوه )) : خليهم يتفاهمون مع بعض

السفير (( من تحت الانقاض )) : ياناس فكوني منه

الرادع : خلاص حبيبي حلاوه فكه

حلاوه : مافيه امل

صديقة القمر : طيب علشاني

حلاوه (( وهو دايخ من كلامها )) : ابشري

ويفك السفير وعيونه ناقزه

ابو الافكار (( طالب مستجد )) : استاذ هاوي انا طالب جديد

هاوي : طيب وش تبيني اسويلك :nope:

ابو الافكار : انا مدري وش عندنا

مملوح السفراء : ياخبل انا قايلك البارح وش عندنا

جنون الوله : الا على طاري البارح متى مباراة المنتخب

متنثر : ايه خلص الغداء <<< همه في بطنه

قيقز : انتم وش تكلمون عنه <<<<< كان نايم الاخ

رعبوب : اقول كمل نومك ولا يكثر بس

ملك السفراء : ياناس حنا جايين هنا ندرس مو نلعب

القعقاع : اذا بتدرس ادرس في بيت اهلك ماتدرس عندي هنا

موادع : هههههههه والله قوي يالقعقاع

القعقاع : ايه امس مصفق 20 واحد <<<<< انواع النصب

دانه : اخص يالقوي

السفير الاسباني : والله من الارانب عندك ياخوك

عزوز : الا من حظر التفحيط امس

هاوي : اقول اسكتو خلونا ندرس اليوم عندكم جغرافيا يالله يا موادع قم

موادع : سم <<<< الولد محترم

هاوي : اين تقع ايطاليا

موادع : على الكره الارضيه

حلاوه : لا مو على الكره الارضيه

همسه : اجل وين

حلاوه : في العالم ههههههههه

القعقاع : لا مو على الكره الارضيه على الارض <<<< على باله ينكت

هاوي : اقول رد ياموادع زين ولا ابطردك

موادع (( مايدري وين الله حاطه فيه )) : مادري والله :nope:

هاوي : ايطاليا تقع في اوروبا

السفير : والله انا عارف بس انت قلتها قبلي

صديقة القمر : ايطاليا تقع في اوروبا <<< على بالها جايبه شي جديد

همسه : حنا كنا عارفين بس بنختبر معلوماتك

هاوي : طيب يالمتميز وش الدول اللي جنبها

متنثر (( نقز قبل المتميز )) : الدول كلها اوروبيه

هاوي : متنثر قم اوقف عند الباب وارفع رجلك اليمنى

قيقز : وش سوى استاذ ماسوى شي

هاوي : قيقز قم اوقف جنبه وسو مثله

قيقز (( هذا وجهه يوم وقفه الاستاذ :( :o ))

ترررررررررررررررررررررررررن

ترررررررررررررررررررررررررن

ترررررررررررررررررررررررررن

انتهت الحصه الثالثه

نلتقي على خير في الفسحه
الأسير
19-12-2002, 01:32 AM
أجل أنا نصاب


وعلى بالي أنكت

موادع ودانه

وش قصدكم تطنزون

مالها داعي كذا



بس أوريكم بالفسحة
موادع§سهيل
19-12-2002, 01:54 AM
هههههههههههههههههههههههههههه

اما صرت عامل بوفيه على آخر الزمن

وعندك واحد شكشوووووووووووووووكه وملحووووووووووا وشطه زياااااااااده

ههههههههههههههههههههههههههههههههههه

الله يرج شيطان يا السفير رجاً مبرحاً حتى تتقطع أحشاءه من وسط جوفه والله انك قمة الصرقعه والهستره


يالقعقاع الله يكفينا شرك يكفي العشرين اللي امس طاقهم ههههههههههههههههههههههه

ولك تحياتي

يلا

تشاااااااااااااااااااااوووووووووو
حلاوه مصاص
19-12-2002, 04:18 AM
خخخخخخخخخخخخخخخخخخخخخ

خخخخخخخخخخخخخخخخخخخ

خخخخخخخخخخخخخخ

الله يرجك ياشيخ بغيت اتقطع ضحك <= مستانس على شخصيته:$#

من جد روووووووووووووووووووعه تصدق حبيت الدراااسه << صدق ,,

تسلم ياخبل انت

نستنى الفسحه على احرررر من الجمررررر:rolleyes:

تحياتي لك يامصرقع


بااااي
أمير الليل
19-12-2002, 04:23 AM
القعقاع

اعذرني وانا اخوك

بس هذي الدنيا يوم لك ويوم عليك

وتحياتي

موادع سهيل

اشكرك اخوي على مرورك

والله لايحرمنا من طلتك يالغالي

حلاوه

هههههههههههههه

تسلم يالغالي

وهذا وسام على صدري

ومشكووور على مرورك يالغالي
عاشقة الماضي
19-12-2002, 04:37 AM
الله يرجك يا السفير :p وتستاهل اللي عمله معك حلاوة يالدافور :p

والله أنك رهيب ياالسفير .. وخطير كمان ;)

بس تعرفون ليه حلاوة مصاص صار يحب الدراسة :nope:

... عشان البنات :$# :$#

الله يرجك حلاوة متى راح تخلص من هالحركات :rolleyes:

مشكور يالسفير .. وبأنتظار الفسحة :c:

تحياتي لك
حلاوه مصاص
19-12-2002, 04:46 AM
ابطل هاااي الحركااااات:$# :$#

هع هع هع

اكيد تمزحين


لا تمزحين


متاكد تمزحين


اصلا كل البنات الي بالفصل جايات من محو الاميه ,,,,

يعني مافي امل اتلصق فيكم :cool:

تدرين ليش حبيت الدرااااسه :p

عشان انا حبوب وطيب واحب اساعد المسنين >== هع هع هع

صديقة القمر :p قولي يا الله حسن الخاااتمه بس

هع هع هع هع هع هع هع

انا في مقام ولدك الصغير ,,:$# :$# :$#


بااااي جدتي تبين اجيبلك علاجك قبل ماروح ,,,

هع هع هع هع
أمير الليل
19-12-2002, 05:08 AM
صديقة القمر

اشكرك على مجاملتك في ردك

وهذا وسام اخر اضعه على صدري <<<< ركزو على وسام:$#

حلاوه

والله بديت اشك في وضعك

وليش تحب المدرسه

على العموم

مشكووووور على مرورك مره ثانيه ولك تحياتي
موادع§سهيل
19-12-2002, 12:18 PM
صديقة القمر طلبك جاهز بس هاوي يقول ممنوع الأكل بالفصل لفيه بورق جرايد <<< مثل أخواننا المصاريه
وحطيه بالشنطة بين كتاب (( السفير للشغب )) و كتاب (( حلاوة للهستره ))


اشكرك يالسفير على شرحك المفصل للفصول الدراسيه اللي نمر فيها يومياً بالمنتدى بس انا اكتشفت شيء ما احد عرفه قبلي <<< على بالي ذكي

ان هاوي طلع مدرس بالتزوير سارق شهادة التخرج
هههههههههههههههههههههه

يلا يلا

تشاااااااااااااااااووووووووووووو
هاوي ابداع
19-12-2002, 09:06 PM
روووووووووووووووووعه



وربي روعه قصتك يا سفيرنا


من جد روعه




اعجبتني كثير



<---- اقاله جايب شي جديد




اقول يا تلميذي الدافووو



تراني عطيتك خمس من خمس في المشاركه


وعلشان كذا ابي انقلها للميزه بعد اكمل باقي الحلقات





وبعدين ابيك تودي حولاه مصاص للوكيل




وقل للوكيل


الاستاذ هاوي



يسلم عليك ويقول



هذا الطالب لازم ابوه يجي




اوه نسيت بعد




خذ معك بالطريق متثنر




و القعقاع



اوكي



لاتتاخر علينا بعد الفسحه ابي اشوفهم عن باب الوكيل
طهر الماء
20-12-2002, 02:27 PM
السفير رهيب انت


خلاص بنسويها مسلسل


هات الشله وانا مخرج وانت المنتج


صراحة اسلوبك روعه

:)
أمير الليل
20-12-2002, 06:39 PM
موادع سهيل

والله انك صادق اخذها بالتزوير

هاوي ابداع

انتظر الفرصه وابشر باللي تشوفهم واقفين بس انتظر

طهر الماء

بس اصير انا بطل الفلم :$#

مشكوووورين على ردودك وعلى دعمكم لي

وان شاء الله ماتشوفون مني الا كل جديد
أمير الليل
22-12-2002, 02:36 AM
بسم الله الرحمن الرحيم

جت الفسحه عاد

وجاء وقت الضحك والوناسه

طبعا الفسحه مافيها اي اختلاط بين الشباب والبنات

يعني حركات كذا كذا مافيه

طبعا البنات في جهه والشباب في جهه

اللي يبيع في المقصف للشباب موادع (( هو اللي ماسك المقصف :p ))

واللي يبيع للبنات حلوة المبسم

نبدا بالشباب نشوف وش يسوون

القعقاع : اقول ياموادع عطنا بالله فلافل والسكر برا

موادع : :eel: وش تقول ؟؟

القعقاع : انت ماتسمع

الرادع : الا يسمع بس يستلكع

ابو الافكار : ياموادع خله عنك ولا يهمك يستعبط

القعقاع يرسل خطافيه لابو الافكار :&

ابو الافكار :tw: <<<< هذا زجهه بعد الضربه

متنثر : ليش كذا يالقعقاع

القعقاع (( ناوي يرسل وحده لمتنثر )) بس قيقز مسكه

موادع : الحين انتم بتشترون ولا وبتهاوشون

البرنس : لا حنا نبي ننكت

المتميز : ياشين السرج على .........

الرادع : اقول ياموادع عطني طلبي

موادع : ايه هذي الزباين ولا بلاش

القعقاع : وش تقصد انت زجبهتك اللي كنها مرايه

موادع : ولا شي يابو اذان كنها مغارف فول :$#

متنثر (( جوعااان )) : ياموادع الله يخليك لنا عطنا جبن ومربى

موادع : بخبز ولا بدون

متنثر : لاحطا بكاس احسن :#:

------------------------------------

نجي عاد للبنات

اللي يبيع قلنا حلوة المبسم

همسه : هالوووو حلوه

حلوة المبسم : خير <<<< قافله معها

صديقة القمر : وش فيك ياحلوه

حلوه (( ترد تحسبنهم يمدحونها )) : مافيه شي ياشيون

طهر الماء : مين الشين يا ام رجلين كنها ملقاط

حلوه : انا رجليني كنها ملقاط ياللي شعرك كنه مكنسة هنود

صديقة القمر : خلاص بنات مانبي نتهاوش علشان حاجه تافهه

همسه : انتي ياصديقة القمر حبوبه وطيبه وعلى نياتك

صديقة القمر : المهم حلوه عطيني بيض

همسه : بيض وععععععععععععع

طهر الماء : البيض عليه ريحه اشمها وانا بالشرقيه

حلوه : اصلا البيض ممنوع عندنا لانه يسبب روائح كريهه

همسه : خليها منك بس عطيني شكشوكه <<< على بالها مو بيض

حلوه : :nope: :nope: :nope: همسه منين تفهمين انتي

همسه : مع رجلي

طهر الماء : خلاص خلاص فكونا عاد

حلوه : يالله تبغون شي ولا اقفل

صديقة القمر : اذا قفلتي فيه غيرك الف

همسه : الف ولا باء

طهر الماء : باء ولا ماااء

حلوه : هههه على بالكم تنكتون ماء ولا عصير

المهم

الشباب والبنات كلهم اشتر اللي يبون

طبعا الشباب عارفن انتم اذا شافو البنيه وش يسوون

خاصة متنثر <<<< مع انها مو راكبه بس يالله

طبعا كلكم تسألون وين السفير اليوم

انا اقولكم

السفير خكري زياده عن اللزوم

ومايحب الزحمات

يخاف يتمخش (( ياااااااااااااااي ))

علشان كذا

هو محتاط وجايب له من البيت فطور يحبه قلبك

اما هاوي

فهو اكيد في غرفة المدرسين (( اصلا مافيه الا هو بس يتغلى ))

ترررررررررررررررررررررررررررررررررررررررررن

ترررررررررررررررررررررررررررررررررررررررررن

ترررررررررررررررررررررررررررررررررررررررررن

انتهت الفسحه

ولكم خالص تحياتي

واقابلكم في حفل التخرج في الجزء القادم

ولكم جزيل الشكر
طهر الماء
22-12-2002, 03:30 AM
اثاريني رهيبه كدا
أمير الليل
22-12-2002, 05:09 AM
هلا بك طهر الماء

اكيد انتي رهيبه

ولا كان ماعطيتك الدور هذا <<< سوى فيها مخرج اخينا

وتحياتي لك
همسه
22-12-2002, 12:22 PM
كركركركر

اعجبتي الف وإلا باء باء وإلا ماء..خخخخخخخخخ

من جد انت خياااااااااااااااااااااااااااااااااااااال

اعجبني شكل ابو الأفكار مملوح..
أمير الليل
22-12-2002, 07:04 PM
همسه

اشكرك على مجاملتك اللطيفه

اما ابو الافكار الله يستر منه

لايزعل علينا بس :nope:
الرادع
22-12-2002, 08:23 PM
هآآآآآآآهآآآيهآآآآييييهآآآآآي


الله يحوس الجرس ليش دق



مخلصت السندويشه بتعتي



ولا امدنيرانا وابو الافكار نويق ( نطل )على البنات

بس روعه
أمير الليل
22-12-2002, 08:29 PM
ههههههههههههههههه

الله يرجك يالرادع

البنيات موجودات معكم بالفصل

وتروح تطلطل عليهن بالفسحه

مو مشكله

خلصت الفسحه وانت ماكملت

عادي يارجال

تحمل

كلها ساعتين وتروح للبيت وتدقها غدوه محترمه

ومشكوووووووور اخوي على مرورك

وتحياتي لك
الرادع
22-12-2002, 08:34 PM
اخوي السفير

انا البنات اللي بر الفصل

وترى قصدي شريف ابي اخذمنهم الدروس اللي مخذنها
أمير الليل
23-12-2002, 03:54 AM
اها

يعني كذا

انا مافهمت قصدك اول شي

مو مشكله نعديها لك

وتحياتي لك الرادع
طهر الماء
23-12-2002, 07:53 AM
زوؤة نؤءةخبنمهلاهلقخحسمكينرمكبتلانلت
أمير الليل
23-12-2002, 06:56 PM
طهر الماء

زوؤة نؤءةخبنمهلاهلقخحسمكينرمكبتلانلت

:nope: :nope: :nope:

مافهمت منك ولا حرف
طهر الماء
23-12-2002, 11:35 PM
سفيرنا يعني انا معصبه


كلامكم ما عجبني خلوا البنات في فصل والعيال في فصل
أمير الليل
23-12-2002, 11:45 PM
هههههه

الله يرجك

<<<<<<< ر تشرهين عليه احيانا يتنح :$#

مو مشكله

السنه الجايه نفصلكم عن بعض
همسه
25-12-2002, 08:46 AM
انا احتج مانبغى فصل...وانا مع الإختلاط...:$# :$# :$# :$#
أمير الليل
25-12-2002, 09:27 AM
ههههههههههههه

الله يرجك همسووووووه

اجل تبين اختلاط

ولا يهمك

السنه الجايه

احط البنات بفصل

والشباب بفصل

وانتي احطك مع الشباب

مشكووره على مرورك

وتحياتي لك
طهر الماء
25-12-2002, 09:51 AM
هههههههههه شمتانه في هموسه اتخيل شكلها وسطكم
همسه
25-12-2002, 12:46 PM
ياحظي لحالي معهم...شوكرن يالسفير..عز الطلب..

وموتي قهر ياطهر..!#!
طهر الماء
25-12-2002, 12:51 PM
لا ما اموت......... لاني بطالع عليكم من فوق السور


بعدين انت ووجهك مرتزه بينهم بسيطه اوصيهم عليك

وانت تحملي هههههههههه
همسه
25-12-2002, 12:57 PM
اصدقائي ماراح يسون لي شيء...انا اللي بوصيهم ينتفون لك شوشتك..

موووووووووووووتي قهر!#!
الرادع
25-12-2002, 11:10 PM
لالالالالالا

ارجوك يالسفير

لا تسمع كلام طهر وتعزلنا عنهم

خلنا معهم عشان نكفخهم

ونسرق الواجبات والاكلات كمان

بعدين ترى طهر خايفه من كذا افهم ياخيووووو
>>>>>> يتلزق
أمير الليل
26-12-2002, 01:25 AM
طهر

همسه

اشوفكم قلبتوها شات

المهم

القرار انا اتخذته

خلاص

البنات في فصل والشباب في فصل

وهمسه مع الشباب

خلاص يالرادع

انتى الموضوع

الا اذا طهر تراجعت
همسه
26-12-2002, 09:13 AM
طهوره مااااااااااااالتس حق قلبتيه شات..خلاص انتهى الموضوع انا بفاسل البنات واروح مع العيال..

الرادع بتكفخني اكفخك وتسرق واجباتي بشقق تفاترك..

عيال اخر زمن..السفير متى الحلقه الجايه
أمير الليل
26-12-2002, 09:26 AM
هههههههه

الله يرجك همسووووه

اجل بتشققين تفاتر الرادع

ياويل الشباب منك

بتعذبينهم

المهم

الحلقه الجايه

ان شاء الله قريب

بس لين اخلص الشغل اللي بيدي وافضي لها
طهر الماء
26-12-2002, 09:33 AM
السفير لا تقلبها شات
همسه
26-12-2002, 09:42 AM
خخخخخخخخ

خخخخخخخخخ

ايه لاتقلبها شات
طهر الماء
26-12-2002, 09:45 AM
اموت انا يا همسه على النذاله ههههههه

هموسه كيفك خلينا نرفع ضغطه
همسه
26-12-2002, 09:54 AM
تسمح يالسفير نسولف....

ابد الحمد لله وشلونتس انت وشخبارتس.وش اخبار من يعز عليتس..

سلميلي على غنمكم اللي بالحوش..ولاتنسين الدجاج
طهر الماء
26-12-2002, 09:57 AM
ابشري والقطاوه عندنا بعد تسلم عليك


همسه اما حكايه نتبطح في المتصلووون فالى الحين

مموتتني من الضحك هههههههههههه
أمير الليل
28-12-2002, 05:35 AM
طيب ياطهوووووووووره

بتقهريني

انا اوريك الحين بحفل التخرج
أمير الليل
28-12-2002, 05:55 AM
بسم الله الرحمن الرحيم

اليوم لن نقول نروي لكم حصه من الحصص

بل سننقل لكم وعلى الهواء مباشرة مباراة كرة <<<< وين رايح يابو الشباب مضيع شكلك

اعذروني متعلق مررررررررررره بالكوره :nope:

المهم

اليوم راح اكتب لكم حفل التخرج للطلاب

بدري امس بس يدرسون واليوم يتخرجون

وينها المدرسه هذي

طبعا الطلاب واقفين صف واحد البنات في جهه والشباب في جهه

طبعا الاستاذ هاوي <<<< مثل ماقلنا مافي غيره

جالس قدامهم <<<< هو جالس والطلاب واقفين :nope:

وينصحهم اذا تخرجو وين يروحون

يعلمهم وش افضل الكليات واحسنها

طبعا هو يتكلم

حلاوه مصاص يرفع يده : استاذ هاوي

هاوي : وش تبي يالمزعج

حلاوه : ماتشوف انك زودتها حبتين

رعبوب : حبتين قبل الاكل وبعدها

متنثر : لا حبتين بنص الاكل

همسه : كر كر كر كر <<< ضحكتها المعتاده

السفير : همسه

همسه : وش تبي يالدافور <<<< حاقدين عليه

السفير : ضحكتك هذي بكم شاريتها

القعقاع : هذي لاقيتها طايحه عند باب المدرسه

موادع : لا حرام عليك يالقعقاع انا شايفتها وهي تشتريها من البقاله

طهر الماء : اجل صارو يبيعون الضحكات بعد

صديقة القمر : لا وبالتقسيط كمان

الرادع : هههههههههه راحت فيها همسه

همسه : انتم منقهرين مني علشان ضحكتي احسن شي

عزوز : من قالك يالكركوره <<< يعيرها بكركرتها

طهر الماء : ههههههههه اسكتي بس يالكركروه

همسه : اقول كلكم اسكتو

هاوي : خلاص عاد تراكم زودتوها شوي

حلاوه : ليش ماقلت حبتين

هاوي : علشان ماتعلقون عليها

متنثر : ليش هي حبل ننشر عليه

قيقز : الا على طاري ننشر متلاى مباراة الهلال والنصر

السفير : وش تبي فيها اهلال فايز فايز

صديقة القمر : فايز ولا سعيد

طهر الماء : سعيد ولا حزين

السفير : هه تنكتون انتم ووجيهكم

متنثر : من يقول انهم ينكتون

حلاوه : ياناس خلونا نسمع النتايج استاذ هاوي شوفو كيف صار وجهه من العصبيه كأنه طماطم

همسه : ههههههههههه خلاص يا استاذ طماطم اقصد هاوي

طهر : والله مالكم داعي تعلقون على استاذنا بالطريقه هذي

متنثر : يا استاذ هاوي كم سعر الطماطم بالسوق

جنون الوله : ترا بيطردكم الحين ويرسبكم اسكتو

حلاوه : من اللي يرسبنا الطماطم هذا

موادع : لا الخيار هذاك

القعقاع : الا على طاري الخيار كم الساعه

صديقة القمر : وش دخل الخيار بالساعه :confused:

متنثر : مو الخيار ....... <<<< جلس يتفلسف

صديقة القمر : ايه خلاص خلاص <<< تبغى تسكته

هاوي : اااااااااااااااااااااااااااااااااااااااه خلااااااااااااااااااص اسكتو ..... اذهبو فأنتم الطلقاء

طبعا وش صار

هاوي نجح كل الطلاب اللي عنده وخرجهم من الثانويه

مو حب فيهم

بس علشان مايرفعون ضغطه في السنه القادمه

ارجو انه محد يزعل مني

اذا كنت جبت احد بكلمه كذا ولا كذا

ارجو انه يسامحني

لان الدعوه كلها ضحك ووناسه

ولكم جزيل الشكر على كتابعتكم للمدرسه

وتقبلو تحياتي

اخوكم

السفير
الرادع
28-12-2002, 07:24 AM
هآآآآآآآآآآآيهآآآآآآآآيآآآآآآهآآآآي



هآآآآآآآآآآآآآآآآآآآآآآآآآآآآآآآآآآآآآآآآآي


تسلم اخوي السفير

من جد رووووووعه المدرسه معنا بنات


ليش ماخليتنا نعيد سنه



مانبي نتخرج



بس تصدق همسه راحت فيها من التقطيع من الشباب وطهر مبسوطه


>>>>>>>>>>>>>الكركوره
حلاوه مصاص
28-12-2002, 11:06 AM
همسوه

الوعد الطلعه >>> يبي يكفخهاااا


:$# :$# :$#
:$# :$#
:$#
طهر الماء
28-12-2002, 12:01 PM
وناااسه


سفيروه انت ووجهك خلني اطلع الاول على الفصل
همسه
28-12-2002, 12:25 PM
كركركركركركركركركركركرك



خخخخخخخخخخخخخ


الحلاوه ..والله لتمردغك...اهب هو ووجهه توه جاي ومستشر علي...

قطع..
أمير الليل
28-12-2002, 07:52 PM
الرادع

خلاص راحت عليكم تخرجتو :c:

حلاوه مصاص

رجعت وناوي مشاكل :#:

طهر الماء

انتي راسبه بس نجحتك بالواسطه :$#

همسه

خلاص حلاوه ماراح يسوي فيك شي ;)
ابو ولـيد
29-12-2002, 01:54 AM
هههههههههههههه
ههههههههه
هههههههههه
هههههههههه


الله يريجك يا السفير


وين الروووووائع

هذي منذو مبطي





بس مدرسه روعه وربي



خلينا نكمله جامعه:df:



بس من الدكتور المره هذي:pp:





او الدكتوره احسن :df:



ونحوسه




ونرفع ظغطه


مليووووون(@)




بس وربي


مخ روعه
أمير الليل
29-12-2002, 03:46 AM
رعبوب

تبوني اكملكم الدراسه الجامعيه

والله ان تبطون

تعبتوني وانا اردد فيكم بالثانويه

عاد من يمسكم بالجامعه

:p

مشكوووووووور رعبوب على مرورك

وابشرو بالمزيد ان شاء الله

وتحياتي لكم
همسه
29-12-2002, 11:23 AM
لا ياشيخ كمل والله وناسه

ومو ضرور ي دراسه حطها اي شيء بس كمل

خل المواهب تطلع
أمير الليل
29-12-2002, 11:47 AM
اشوفكم استانستو مع مواهبي

<<<<<<<< صدق نفسه

والله الحركات هذي طلعت مني مدري كيف

بس يالله

اهم شي انها طلعت

احاول اكمل

بس ما اظن اقدر ابدع مثل اول <<< احلى يالمبدع :$#

انتم ورونا قدراتكم وابداعاتكم
جنون الوله
29-12-2002, 06:14 PM
السفير

فعلا انت وبلا منازع مؤلف ولا اروع

لك خيااال واسع ورحب

ونحن بأنتظار المزيد


وللمساعده هذى صورنا لما كنا بالروضه:$#

علشان تعطيك حافز للتأليف

http://yawwar.net/attachment.php?s=&postid=27576



وهذى لما كنا سنه اولي إبتدائي:$#


http://yawwar.net/attachment.php?s=&postid=27602
جنون الوله
29-12-2002, 06:17 PM
الصور ليش ماطلعت

http://yawwar.net/attachment.php?s=&postid=27576

http://yawwar.net/attachment.php?s=&postid=27602

على الله تطلع
الأسير
29-12-2002, 08:18 PM
جنون


الصور تطلع عندي


بس للمعلومية

همسووووووووووووووووووووووووووووووووووووه

هي أول وحدة يمين تحت بالصورة الثانية


السفير



تكمل يعني تكمل



مهب بالرضى هي


مايصلح تعلقنا كذا



مع تحياتي لكم


قع قع
السفيرsheetoon
29-12-2002, 09:28 PM
انا ما بدش المدرسه بس اب اطلع الاول










الاول الاول





لا اشتكي انته مدرس فاااااااااشل


اليييين ما طلعت الاول




ابوي بصيح
السفيرsheetoon
29-12-2002, 09:29 PM
ترى بقولهم



تقابل مدرسعه الاجتماعيات




بعد المدرسه في صفنا



انا جايفنك
السفير الاسباني
29-12-2002, 10:50 PM
ههههههههههههههههههههههه

الله يرجك يالسفير على هيك موضوع

اجل هاوي استاذ تاريخ

عز الله انقلبت الخريطه فوق تحت




مشكور اخوي السفير على الحصه الاولى وعقبال مانشوف الحصه الثانيه

الله يستر
هاوي ابداع
30-12-2002, 12:21 AM
*
**
***
****
*****
**
**
**
**
الاخ مضيع الظاهر


الناس تخرجو وانت تسال عن الحصه الثانيه




==============



السفير وربي قصه في منتهى الورعه والابداع



تسلم سفيرنا



=====

تنقل نسخه من هذا الموضوع للمميزه

=====

تحياتي


هاوي
أمير الليل
30-12-2002, 01:52 AM
جنون الوله

هههههههههههههههه

الله يرجك

ليش طلعتي صورنا

انواع الفضايح

ولك تحياتي

القعقاع

اشكرك حبيبي على مرورك

وابشوف الوضع يمكن نكمل الدراسه الجامعيه مع بعضنا

ولك تحياتي

السفيرsheetoon

خلاص حبيب البي اخليك الاول

بس لا تصيح علينا :$#

ولك تحياتي

السفير الاسباني

:*& :*& :*& :*&

شكلك مضيع يالاخو

ولا شارب لبن منتهي تاريخه

راجع حساباتك وانا اخوك يمكن تكون غلطان <<<< خير ان شاء الله

ولك تحياتي

هاوي ابداع

شهاده اعتز بها

ونقلك للمميزه دليل على حضورك الدائم

ولك تحياتي
عادل العقل
31-12-2002, 04:56 PM
بسمالله الرحمن الرحيم

اخوي السفير موضوع جميل

وبصراحه عيني عليك بارده

مخيله وااااااسعه

مدرسه جميله

اجل الاستاذ هاوي ابداع سلملي على المدرس الي كذا

ما يعرف يسكت الطلالالاب

ما قلت لنا كم نسبهم نبي نعرف انت كم ماخذ يالدافوووووووووور

تحياتي وشكرا على هذا الموضوع الي يستحق المميزه

عديم احساس
أمير الليل
31-12-2002, 07:45 PM
اشكرك اخوي عديم احساس

واشكرك على المجامله

وانا ان شاء الله راح انزل موضوع

احط فيه الطريقه الكامله للتعامل مع المدرسين

بس بعدين