هاكونا ماتاتا و هواجيس باسكال مشعلاني !! ( كل الاعضاء ردو :) )

[جني]

هواجيس ليليه بحديقة الثقبه الدوليه طن ططن /
في ذلك الصباح الباكر عقب ما خلص الشفت حق القمر ذهب القمر لكي يقوم الشمس من النوم وقال لها : بلا نوم زايد يلا قومي .. فقامت الشمس من النوم و اشرقت بنورها اللي يحرق بشرتي يا ربييييه .. وقفت عند ذلك المنزل الكبير اللي يوم شفته حسبته سلسلة جبال السروات !! .. رحت عند الباب و جلست اناظر فيه من فوق لتحت و قلت "هذا باب والا door" ( لا تشرهون تراني تنكه باللغه الانجليزيه ) .. لقيت مطرقه قلت ابفتح الباب فيها بس تذكرت ان ذا مهوب بيتنا لان باب بيتنا يبيله عشرين مطرقه عشان ينفتح !! .. قطيت المطرقه على الارض و مسكت كيلون الباب و نزلته على تحت و فتحت الباب و دخلت ولقيت قدامي نافوره تقطٌر ماي فنظرت اليها و قلت "بيت و فيه بحر؟ و لا احد يسبح فيه؟ والله حرام مخلينه كذا!! اسراف فلوس زايد قسم بالله!!" .. فخذتني روح الفزعه على هالبحر المسيكين .. فوضعت يدي على عقالي المرعز و أخذته و نظرت اليه نظرات حقد و رميته .. و فصخت شماغي الذي يسمى بشماغ العقل و رميته .. ومن ثم أخذت الطاقيه و رميتها بكل عنف و حقد .. ومن ثم وضعت يدي على زرة الثوب الأصيل و فتحت الزره و فصخت الثوب و رميته بكل قوه .. وعقبها فصخت الفنيله النصراويه و ترى هي مهيب عليها شعار النصر بس من زود الصفار اللي فيها صارو يسمونها اعيال الحاره فنيلة النصر و أكثر من مره يطلبونها مني نادي النصر لكن انا عندي عزة نفس ولا أعطي أحد شي أملكه !! .. عقب ما فصخت الفنيله رميتها بكل قوه و ضغط شديد عليها و عقبها جلست اناظر بصروالي الذي اخذته وفي روايه شلحته من بسطة زيدي عقب صلاة المغرب و كملت النظر فيه و فصخته ورميته بكل عنف و قوه .. ومن بعدها بقى علي صروالي السنه اللي قاصه من صروال كامل عشان يصير صروال قصير و جلست اناظر بصروالي السنه بنظرات حقد وجيت افصخه لكن تذكرت انه ما عاد بيبقى شي علي .. وبعدها ذهبت الى ملابسي و نظرت لها بنظرات حقد .. ( عمركم شفتو واحد يحقد على ملابسه ) .. و أخذت نفس عمييييق مثل اندرتيكر لا سوا حركته بالمصارعه .. وعقب هذا النفس العميق ذهبت لكي اناظر في البحر المسيكين ( مصر على دلاخته وعلى ان اسمه بحر مسيكين مهوب نافوره ) .. بعد ان شبعت من النظر في البحر المسيكين تسبحت به تقريبا ساعه الا نص أو نص ساعه بصراحه ما اذكر كم جلست اسبح في هالبحر المسيكين .. عقب الانتهاء من السباحه ذهبت أتطلٌع في هذا الحوش الكبير اللي أكبر من حوش بيتنا بشوي ( هين ) .. وجلست أطامر و أناقز بهالحوش و أمشي بسرررعه و أسوي بريك عشان تزلق زبيريتي و جلست أسوي من هالحركات الثقباويه .. وبينما انا ألعب و أطامر شممت رائحه جميله و جلست أتتبع تلك الرائحه الين ما وصلت عند ورده صغيره فجلست أناظرها و أهوجس و أقول "حبيبي يا أقرب لي من الثالول .. ارجع لي ترى القلب وجعان" .. و رحت عن هالورده قليلة الخاتمه و رأيت تلك الشجره الكبير مقاسها 4×6سم ( و يقولون الرياضيات ما فادنا بشي ) .. جلست عند الشجره و قلت "يا لكي من شجره ضخمه و كبيره و جميله في آنٍ واحد" .. قالت الشجره وش تبي يالقروي ؟؟ .. قلت لها لا يكثر بس عندس كنار والا لا ؟؟ .. وشاتتني الشجره بركبتها السوده اللي طيرتني وخلتني منبطح و مرتكز بزاويه و بآخر الحوش و جلست منبطح و أناظر ذيك القطوه و اقول "وينس يا قطاوة الثقبه تشوفين هالنعيم اللي عايشته هالقطوه" .. وقمت من الزاويه و يوم حطيت يدي على جسمي عشان أنفظ الغبار لقيت اني ما لبست ملابسي من عقب السباحه ولا علي الا صروال سنه .. وجلست اركض الين ما وصلت عند البحر المسيكين لقيت فار جالس ياكل بالفنيله ولا بقى الا الكم و الطاقيه و الشماغ و الصروال قضى عليهم و يوم خلص من كم الفنيله قال الفار : يا زين طعم ملابسك كثر منها لا هنت يا حبيبي ( <---- فار مصلحجي ) وراح الفار .. وانا الحين منتكب بدون هالملابس المقطنه .. وشلون ابطلع من هالبيت .. انا دلخ وش مدخلني فيه اصلا !! .. وبعد مده من التفكير و التمحيص ارتسمت البسمه على برطمي و قلت : يا رجال جات على ملابس أطقع ما تشوف الملابس .. و جلست أتمشى بهالحوش ( صار حديقه مهوب حوش ) .. لقيت ببغاء من النوع اللي يردد الكلام .. قلت له : السلام عليكم .. قال : السلام عليكم .. قلت له : وش فيك انت .. قال : وش فيك انت .. قلت له : سكران الاخ ؟ .. قال : سكران الاخ ؟ .. جلست أفكر و أدوٌر كلمه يرددها و بنفس الوقت يسب نفسه بهالكلمه .. قلت له : انا كلب بزعمي انه بيعيدها .. قال : انت الكلب .. سمعت صوت باب البيت ينفتح وانا مرتبك منيب عارف وش اسوي و المشكله ما علي الا صروال سنه !! .. رحت عند شجرة الكنار اللي مقاسها 4×6سم وجلست وراها عشان ما يشوفني اللي دخل البيت !!

جلست أطل من ورى الشجره و لقيت ان اللي داخل هي المغنيه باسكال !! .. وجلست أناظر فيها و أقول وش جابها ذي بعد ؟؟ الا أنا أبي أعرف وشلون جيت هالبيت .. الله لا يعيدها من لقافه !! .. و جاني الببغاء و قال : أعلٌم باسكال انك هنا ورى الشجره ؟؟ .. قلت له : وش بتسوي باسكال يعني ؟؟ .. قال : مهيب مسويه شي انت خويها اصلا .. قلت له : ايا الدلخ وشلون اصير خويها !! .. قال : من هو الدلخ ؟؟ .. قلت له : انت يعني مين .. قال : اجل ابروح أعلٌم باسكال انك هنا .. وجلس الببغاء يحوس جنب باسكال و جالس يغمز لي يعني أعلٌم والا لا .. أشرت له بيدي عشان يجيني .. وجاني هالببغاء الصايع و قلت له : تكفى لا تعلم .. قال : بشرط .. قلت له : وش هو الشرط طيب ؟؟ .. قال : ابسالك سوال و ابيك تجاوبني بكلمة صح وان جاوبتني بكلمة لا ابعلٌم !! .. قلت له : اسال .. قال : أنا عمك صح والا لا ؟؟ .. قلت له : تخسي انت و أشكالك تصير عمي يلا اذلف علمها واللي بتسويه تسويه ( الدعوى خربانه ) .. وراح الببغاء عند باسكال و قال لها : ترى رامي ورى الشجره .. قالت باسكال : يلعن خيره ولا يقول لي انه بيجي ‍‍ .. و انا اقول بنفسي من هو رامي ذا ؟؟ أكيد انه يتشبه فيني و يبي يصير زي وسامتي الخارقه ( ابره ماعادهيب وسامه ) .. و جاتني باسكال تركض و قالت لي : حبيت أسلٌم عليك و آخذ أخبارك و أذكرك بالغرام اللي تناسيته يالقاطع

في هذه اللحظه انتهت هذه الهواجيس التي كانت تحكي قصة عشقي مع باسكال
GAME OVER THIS HAWAJEES

قسم بالله ان فيه رجاجيل واللي يخسون نعدهم رجاجيل يتعلقون بالفنانه أكثر من تعلقهم ببيتهم و هذا ان دل فيدل على التربيه المنتازه و الجيده من الأهل

@@@@@@@

[جني]

في ليلة ظلماء و السماء سوداء و القمر مغطيته الغيوم و على اصوات الرعد القويه التي من قوتها قمت ارتعد بمكاني .. ( والله لو ان هالرعد رعد موسكو ) .. و البرق ثانيه يولع و ساعه يطفي .. الظاهر انه ما يبي يولع خايف من فاتورة الكهرب اللي تجلد الواحد جلد قوي كنه المدير لا جا يضرب الطلاب فلكه .. و كانت الصراصير تتطاير من حوالي و الظواطير تاره تتمشى على خشمي و تاره على جبهتي .. كنت في هذه الفجريه جالس بحديقة الثقبه الدوليه طن ططن .. الحالي اهوجس مره اطق بنت البكار و مره اطق كوبرا بدون عقال و اجلس اتخيل اني رايح الراشد و اغازل بنت و عقبها تصفقني بكعب على عيني و تاره تصقعه بجبهتي و تاره على خشمي و تاره تصقع اللي جنبي من زود ربشتها ( لا والله مهوب من الربشه الا من الكحل اللي مغطي عينها ولاهوب مخليها تشوف ) .. حاولت ارقد بالحديقه لكني لم استطيع .. لماذا لم استطيع النوم بالحديقه ؟؟ .. جـ/ لأنها تروٌع بصراحه يعني حديقه بالثقبه كل العابها مكسره و رايحه بخرايط امها .. حتى ذيك المره تكرونيه جايه تلعب بنتها جاهم قطو خال محشش و الزقاره بفمه (حشيش طبعا) و قال لهم / اقول انقلعوا من الحديقه ترى مافيه العاب زي الناس هنا !!! .. جلست هاكزا بالحديقه كني ابو الهول منيب عارف وش اسوي .. قلت يا ولد خلني اطلع من الحديقه اشم هوا .. و طلعت من الحديقه عن طريق السور ( الى الحين متأثر بايام الورعنه ) .. رحت عند سيارة دحيٌم و نسمت كفراته وجلست اشم الهوا حق كفراته بس ما عجبني .. ورحت عند سيارة سعيد غراب و نسمت كفراته و يوم جيت اشم الهوا اللي يطلع من التنسيم طلع لي من مكان التنسيم جوتي اديداس وصقع بخشمي ( هذي جزاة اللي ينسم كفرات اللاعبين ) .. و يوم جيت انسم كفر السياره الثالثه طلع لي من مكان التنسيم ريحه جميله كأنها رائحه مستوردها من عبدالصمد القرشي بيت العود و العنبر و العطور اصل له جذور .. ان هذه الرائحه تذكرني بدهن العود و الجوري ( درينا ان عندك ثقافه ) .. و يوم قمت اشوف وش هالسياره اللي يطلع منها هالريحه الحلوه طلعت انها سيارتي .. اثرني من الدلاخه قمت و نسمت كفرات سيارتي و على قولة القايل "من نسٌم كفر جيرانه سينسم كفرات سيارته بيده" !!

جلست على عتبة باب بيتنا وكان هذا شي طبيعي خصوصا في ظل اقتحام مكتب الرئيس ياسر عرفات و المحوٌط بستين الف دبابه من النوع SS .. ولكن هناك الحرس الخاص بياسر عرفات و كان ياسر عرفات جالس داخل المكتب و متروٌع و براطمه تهتز كنها زلزال من زود روعة هالمسكين .. و الحكماء العرب على طول اتصال على ماما امريكا و لكن امريكا تتدعي ان هذا دفاعا عن النفس و ليس ارهاب

<----- يحفظ الاخبار بسرعه ,, والله العالم انه مستورد له ذاكره مصريه تساعده على الحفظ

رحت اصوٌت على سعيدان عشان يقوم من النوم .. جلست اصوٌت حوالي اربع ساعات الا ثلاث ساعات و نص .. بس ما نفع معه و الظاهر انه جالس يحلم بباسكال زيي و خاش جو مع الحلم .. عاد باسكال الحين وش تبي فيه يومها جاته بالحلم ؟؟ .. والله لو تشوفه انها ما عاد تطلع من بيتها .. جلست افكر بطريقه عشان يقوم من النوم .. رحت خذت حصاه و حذفتها على المكيف حق غرفته و خذت حصاه ثانيه و حذفتها على المكيف مرتن اخرى بس ما فاد معه .. قمت وخذت حصاه و حذفتها على دريشة الغرفه ولا فاد معه .. قلت لالا سعيدان اكيد انه بعز الحلم بباسكال و يمكن الحين دخلت عليه نوال الزغبي بالحلم و جالسين يتهاوشون على سعيدان وكل وحده تقول سعيدان صديقي مهوب صديقس .. خذت حصاه من نوع F15 و حذفتها على الدريشه و صار بالدريشه فتحه كنها فتحة خشم أحلام .. بس المشكله ما فاد معه ‍‍!!! .. و خذت حصاه ثانيه و حذفتها و دخلت من الفتحه اللي سويتها بالدريشه .. طبعا هذي الحركه ما يسويها الا خبيرين كرة السله امثالي ( جوردن على غفله ) .. عقب ما دخلت الحصاه من الدريشه .. جا سعيدان و فتح الدريشه و جبهته فيها صعرور كنه ماوس كمبيوتر منكب عليه شطه .. و قال اصبر الحين بجيك انت و وجهك اللي كنه وجهي

جلست انتظر سعيدان على أحد هالكراسي اللتي لا باس علاها من حيث القوه .. خذت زقاره و جلست اولعها بس ما شربتها .. قمت اذبح فيها اي نمله تمر من قدامي .. يوم جيت اذبح احد هالنمل .. قامت وحده منهم صرخت : لالالالا تذبحني انا كائن حي مثلي مثلك .. انا : انتي نمله ؟؟؟؟ .. النمله : لا صرصور هههههه .. انا : الحين انتي وشلون تتكلمين .. النمله : ما سمعت عن حقوق الحيوان .. انا : اهااا منشان هيك تتكلمي .. النمله : ابي اعرف الحين ليه تعذبون الحيوانات .. انا : وش دراني انا عني ما اذبح حيوانات الا الظواطير عشان اتدرب على السباحه ( تفكير منتاز ) .. النمله : ههههههههه انا اشهد ان تفكيرك محشش .. انا : الحين انتو ليه تاكلون سكر .. قامت النمله ولعت زقاره و حطت رجل على رجل و قالت : والله مثل ما تاكلون بهالكبسه حنا ناكل بهالسكر .. انا : طيب الحين انتي انثى والا ذكر ؟؟ .. النمله : انا انثى حتى شوف ذا .. انا : احم احم تغطي يا بنت .. النمله : طيب .. انا : الحين انتي ليه تدخنين .. النمله : الظروف .. انا : الظروف والا الرسايل .. النمله : اسمع يخوي انت مصاب بلعنة المصاله و اللي تجي للواحد من الهرم الموزمبيقي الموجود باللفه الثانيه بشركة الماصله السعوديه .. انا : اسمعي انا مصاب بلعنة المصاله لذلك قررت اني ما اكلمس ولا تكلميني .. النمله : ابركها من ساعه يا الداشر يالصايع .. فما كان مني الا اني اخذت زقارتي و طفيتها على جسد النمله لتلفظ انفاسها الاخيره !!!

جلست على الكرسي افكر بكلام النمله التي توفت منذ دقائق -الله لا يرحمها- .. هل انا صايع ؟؟ .. و داشر ؟؟ .. لماذا كل هذا العدوان المسلح علي ؟؟ .. انا وش سويت ؟؟ .. قسم بالله انكم ظالمين .. حسبي الله على من كان السبب .. جعلكم السلال اللي يسلكم سل و يخليكم ما تعرفون الشارع من ماوس الكمبيوتر .. و في قمة هواجيسي .. لقيت شي يصقع راسي !!! .. فقمت اتلفت و اقول : من هازا ؟ .. فلم يرد علي الصوت .. فرفعت رأسي إلى أعلى فلقيت جسم انسان بوجه حمار .. انا ابد ما طقتني ام الركب ولا تروعت .. اللهم اني سويتها بصروالي بس .. و جلست أكلمه و أقول له : انت مين ؟؟ .. فقال : أنا حمار اللي يحيٌر ولا يحتار .. قلت : طيب وش تبي انت و وجهك اللي كنه وجه حمار فيه عنقز .. فقام و صفقني بقس ادى الى ميلان أنفي قليلا عن موقعه الأصلي و قال : يا بزر لا تلعب على أكبر منك .. انا بلعتها و كتمت الصيحه و خليتها ناشبه بحلقي .. قال الحمار : الحين وش مجلسك بهالمنطقه بالليل ؟؟ .. فقمت اتلعثم و اقول : انننا جججييت امس و اليوم ابجججي زززيي اممممسس و بككككره يمكن أططططير للسما .. قال الحمار : الحين انت تنكت والا العنقز قاب فيك .. قلت له و انا ابلع ريقي : العنقز قاب فيني زي ما قب فيك يالحمار .. فقام و عطاني بقس ادى إلى رجوع خشمي إلى موقعه الأصلي
( و هنا نقف دقيقة صمت على رجوع خشم ولد الجن إلى موقعه الأصلي )
1
2
3
4
5
6
7
8
9
10
إلى 60
<--- شارب لبن سوداني
انتهت دقيقة الصمت

قلت له : يا اخي ليه الحين جيتني و لا اخترت الا انا .. قال : لأنك انسان خلوق و منتاز و وسيم .. قلت : مشكله انتم يالشيون ههههههه .. فرفع الحمار يده و ضربها على وجهي معلنه عن رجوع خشمي إلى الميلان .. و في هازه اللحزه تفجر البكاء الذي كنت بالعه و أخرجت الدموع التي تكفي لمكينة تريله يسوقها هندي ما عنده رخصه عموميه و اذا كلمته يخز فيك و يقول : ايس فيه .. رحت عند الحمار و جلست أتوسل عنده كما يتوسل التيس خويته إلى الخروج معها الى الزريبه الكبرى .. و كنت أتوسل عنده انه يتركني و يخليني بحالي .. جلس الحمار يناظرني بنص عين و ثلاثة ارباع عينه مسكرها عشان يوفر فلوس ( الله من الدلاخه بهالحمار ).. لف الحمار راسه و عطاني ظهره و خلال برهه من الزمن عطاني وجهه فاذا به سعيدان !!!! يقول : قسم بالله انك خوااااااف و لعبت عليك بهالقناع هههههههه .. جلست أناظر فيه نظرات تحمل من الحقد الشي الكبير جدا جدا .. و قربت من عنده و هو يبعد و اقرب و هو يبعد و يقول : لا يا ولد الجن ما كنت أقصد .. وانا مكمل نظراتي بحقد أقوى من ذي قبل .. وهو يقول : قسم بالله ما كنت أقصد .. و تفجر حقدي و لكمته بقسا قويا أدى إلى تكسر ضرسه الأمامي و تحول اسمه من سعيدان إلى ثعيدان كخخخخخخ .. مرت ساعه من الزمن ولا لك من البال طاري .. وكل واحد ما يعطي الثاني وجه و جالسين بالشارع .. وكل واحد ما يكلم الثاني .. و فجأه جاني سعيدان و قال : آثف يا ثديقي العذيذ قثم بالله اني اثتاهل اللي جاني .. قلت له : ما عليه انت حبيبي .. و كل واحد ضم الثاني في مشهد رومنسي خطير لو شافه المسؤول عن جائزة الأوسكار بينطرم و بتحيه سكته قلبيه و بيموت بسرعه فائقه

جلست انا و سعيدان بالشارع و الساعه حوالي اربع و نص الفجر .. جلسنا كل واحد يناظر بالثاني و يبتسم .. بس ياخي ابتسامة سعيدان تقهرني خصوصا عقب ما كسرت ضرسه .. كنا نتبسم و واحد يقول ليه تبتسمون و الثاني يقول ليه تبتسمون و الثالث يقول ليه تبتسمون و الرابع يقول انطم خلاص يكفي .. طبعا لأننا محنب عارفين وش نسوي قام كل واحد يتبسم .. و في اثنا ابتساماتنا قال سعيدان (و اعوذ بالله من كلمة سعيدان) : وث رايك تجي معي ملحق بيتنا .. قلت له و انا مستغرب : و جدك مهوب جالس فيه ؟؟ .. قال وهو فاطس من الضحك : ههههههههه جدي راح لبانكوك ( يا قدمي ) .. قمت انا تبطحت بالشارع و اضحك و كل شوي اسكت لكن الضحكه تزيد هههههههه عاد ما فيه الا جدك هاللي كنه كفر ددسن يروح لبانكوك ههههههه يا بطني تكفي جيب دختور يعالجني ههههه الله يرج جدك إلى المميزه ههههههه والا اقول الى الماصله و بقوه ههههههه ياخي متى جدك بيسوي شي مميز هههههه جعله السلال .. جلس سعيدان يناظر فيني و يبتسم ابتسامه وايد وايد خايسه <---- اررررركد يا ولد النيفيا .. قلت لسعيدان : وش فيك تبتسم ابتسامه وايد وايد خايسه ؟؟ .. قال : خلاث ما اعرف ابتثم لأنك كثرت ضرثي (كسرت ضرسي) .. قلت له : طيب يلا خلنا نروح ملحق الماصل قصدي جدك هههه .. قال : يلا خلك قدامي تراني شكاك .. و رحنا لقينا باب بيت سعيدان مفتوح و لكن الدلاخه تخلينا نطب من السور غصب .. دخلنا الملحق و قام سعيدان شغل التلفزيون و حطينا على قناة الحوطه الدوليه و المعتدمه من قبل وزارة الاعلام و هذا هو الختم "طخ" يعتمد .. و فرينا حطينا على قناة بانكوك الغير معتمده من قبل وزارة الاعلام و هذا هو مهوب الختم "طخيخ" لا يعتمد .. و جلسنا نناظر بقناة بانكوك .. قال سعيدان : هذاك ما كنه جدي ؟؟ .. قلت : الا والله انه جدك من قدك يا سعيدان جدك طلع بالتلفزيون .. سعيدان قام يناظرني نظرات بنص عين و قال : يعلم الله اني منيب مفتخر بجدي انه رايح لبانكوك لكن الظروف حدت جدي و انقلب .. قلت : هيه هيه شف جدك بيسوون معه مقابله !! .. قال سعيدان : اسمع انا مفتخر بجدي انه رايح بانكوك وترى الظروف ما حدته و لاخلته ينقلب .. .. قلت : اقول خل نشوف المقابله بس مع جدك



المقدم : هلو جد سعيدان آر يو سبيك انقلش
جد سعيدان : انني لا اتكلم باللغه الانجليزيه ولا اتقنها لأن ثقافتي فرنسيه
المقدم : آي دونت معلوم فرنسي
جد سعيدان : مشكله ياخي طيب تعرف تتكلم سعودي
المقدم : افااا عليك اعرف و نص اصلا انا سعودي و قاط ببانكوك
جد سعيدان : يا هلا و الله بفلذة كبدي ويلا اسال اسال الله دمك اربن اربن
المقدم : ما هي أهم الأغراض التي احضرتها معك إلى مدينة بانكوك ؟
جد سعيدان : صورة سميره توفيق
المقدم : وهل نسيت اغراض هامه في المنزل ؟
جد سعيدان : نعم نعم و انا أقول لسعيدان كانه يناظرني الحين ان فتحت الشنطه اللي بالملحق ابلعن جدك اللي هو ابو امك
المقدم : ههههههههه و ما هي كلمتك الأخيره للجمهور ؟؟
جد سعيدان : كلمتي الاخيره هي / ما أجمل حريم بانكوك
المقدم : الله يخلف على شيبانا بس .. يلا مع السلامه .. و نذكركم اننا سنعرض أمس برنامج "شيبان بانكوك"
طووط طوووط <--- عمركم شفتو برنامج يطلع صوت طووط طوووط والله طلع تلفون سلكي ذا ههههههههه
<------- بطل مصاله

[جني]

سعيدان راح سكر التلفزيون و جلس يناظرني بكل شراسه و يقول : وش فيها هالثنطه اللي ما يبيني جدي اثوفها ؟؟ .. قلت : خل نفتحها بسرعه .. قال : يمكن فيها ثي .. قلت : افتحها و بس .. قال : يلا ابخربها و افتحها .. و راح جاب الشنطه وخلاها قدامي وهو و هو صار مقابلني و الشنطه صارت في المنتصف بالكمال و التمام .. قلت : يلا افتحها جعلها تنفتح بوجهك .. قال : انت افتحها .. قمت انا و فتحتها بكل قوه .. لقينا البوم صور فتحناه لقينا جد سعيدان مصور مع سميره توفيق .. و صوره وهو جالس معها في الملحق ( والله داشر هالشايب ) .. ولقينا ورقه مغبره كلها نكت قديمه ( 1- ثلاث سودانيين ضاعو بسوق الفحم ,, 2- ثلاث سودانيين تصاقعوا صاروا كتكات .... الخ ) .. ولقينا مفتاح الوانيت حقه .. ولقينا كتاب اسمه "البحث عن الكنز" ( الله يذكر فلم كرتون جزيرة الكنز بالخير ) .. قمت اناظر بسعيدان و اقول له : تهقى فيه كنز ؟؟ .. قال : يمكن !! .. فتحنا الكتاب لقينا مكتوب فيه :-

الكنز هو كنوز الدنيا و الكنز الذي سوف تجدونه كنز جدير بالاهتمام ( اللغه خربانه ) .. اللي يبي الكنز هذا ما عليه الا انه يطبق هالشروط
1
يمسك خط الصبيخه قبل الساعه سبع الصباح لأنه عقب سبع ينتهي الدوام
2
ان كبس لك واحد خال و شايب وله لحيه بيضه وقف له وعلى فكره تراه هو عنتر بن شداد
3
لا وقفت له قول له كلمة "سطووووف" وهو بيرد عليك و بيقول كلمة"هاكونا ماتاتا"
4
قول له يوديك البيت اللي يخبره
5
بتلقى بالبيت أول ما تدخل صوره كبيره كبر راسك و الصوره هي صورة الوسيم مبروك زايد
6
وقف عند الصوره الين ما تسألك الصوره سوال ان جاوبت عليه بتنزل لك ورقه و اقرى اللي فيها و طبقه
7
انشالله تلقى الكنز

و نحب نذكركم ان هالكنز ما احد فاز فيه الى الحين لكن انتوا حالوا مع اني داري ما وراكم الا الدجه و ما شابهها من هذه الصفات الجميله

تحياتي / الكتاب


جلست انا فاتح فمي و سعابيلي تتقاطر و سعيدان سعابيله تطلع بغزاره لأن ضرسه مكسور و صاير فيه تهريب سعابيل .. كانت هذه السعابيل هي حدث التاريخ اذ انها عبئت نصف الكتاب و قد سميت هذه السنه "سنة السعابيل" ( فيه ارنب مر من هنا ) .. قلت لسعيدان و سعابيلي تتقاطر : الحين نقدر ناخذ كنز وفيه ذهب و حركات هيه انت وش فيك شطحت تراه كنز كنز كنز .. قال سعيدان : كنذ كبير لاذم نروح الحين ناخذه و نكون حنا أول من خذه .. قلت : طيب لا تطشر سعابيل على وجهي و يلا خل ناخذ وانيت جدك و نمسك خط الصبيخه قبل الساعه سبع .. قال : طيب الحين كم الثاعه ؟؟ .. قلت : الحين الثاعه ثت ( حسبي الله عليك يا سعيدان كانك عاديتني يالاثرم ) ..

راح سعيدان داخل البيت و جاب خمس غرشات ماي و جاني الملحق و قال يلا امث نروح الثياره .. قمت انا و ركبت السياره و جلست قدام ( أحلىىىىىى من قدي حبتييييين ) .. دق سعيدان السلف و سميت هذه السنه باسم "سنة دقة السلف لسعيدان" ( فيه مليون ارنب مرو من هنا ) .. بالطريق كل واحد يفكر بالكنز .. بيني و بينكم انا جلست افكر اني لا فزنا بالكنز آخذه لي و العن خير سعيدان و اكسر ضرسه الثاني عشان يصير اثرم اصلي Made In Japan .. نزلنا عند محطة بنزين و خذنا حب و بكت دخان و نيفيا عشان البشره .. عقبها مسكنا خط الصبيخه و جلسنا نقشم حب و نقط القشور مع الدريشه و انا اقط القشور بالسيت اللي ورى عشان ينتكب سعيدان مع جده .. و حنا بالطريق شفنا واحد يكبس لنا من ورى .. قلت لسعيدان : الحين تحقق الشرط الثاني .. قال : طيب يلا خل ننذل له (ننزل له) .. نزلنا له ولقينا واحد شايب و لحيته بيضا مغسلها بتايد ابو ريال .. قال الشايب : من انتم و ماذا تريدون في خط الصبيخه الأكبر ؟؟ .. قال سعيدان : اننا نريد ريال هل عندك ؟؟ .. قال الشايب : كه كه كه ليس عندي ريال صرف ولكن عندي هللات هل تريدها ايها الاثرم ؟؟ .. هنا جاني سعيدان و قال لي باذني : حسبي الله عليك خلاص الحين بتصير عيارتي هي الأثرم :cwm14: .. قال الشايب : ما بكم تتكلمون بالسر يقول الرسول فيما معنى الحديث انه لا يسمح لاثنين يتكلمون بالر و يتركون الثالث .. قلت : آسفين يا حلو .. قال الشايب : هل انا حلو ؟؟ لقد بدأت أشك بنفسي اذن سأبتعد عن الدشير و انا اقول ما هو سبب ملاحقة ذلك الداشر لي ليلة البارحه .. قال سعيدان : لا تثدق نفسك .. قال الشايب : لن اثدق نفثي .. قال سعيدان : تنكت مع وجهك ؟؟ .. قال الشايب : وييييحك انني لا انكت مع وجهي انني انكت مع اوذوني كه كه كه كه .. قال سعيدان : طيب لا تثرفها ترانا نعرف انت مين .. قام الشايب يحك راسه و قال : دقيقه ابروح ورى سيارتي عندي شغل مع الشخه .. و يوم راح على طول قلت لسعيدان : يا اخي قول له الكلمه السريه لا منه جا .. قال سعيدان : ما اقدر بتطلع خربانه لأني اثرم .. قلت : طيب خلاص انا بقول .. وفي خلال دقيقتين الا دقيقه و ثلاثة ارباع أي ما يعادل الربع دقيقه و على المناطق المجاوره مراعاة فارق التوقيت .. جا الشايب و هو جالس يعدل سرواله و جا عند سعيدان و قال له : انظر للسماء .. قام سعيدان و رفع راسه فوق .. و الشايب شات بلعوم سعيدان باصبعه و قال : انني امزح معك يا حبيب ألبي .. قلت انا : اقول يا شايب عندي لك كلمه .. قال الشايب : وش هي ؟؟ .. قلت له : سطووووف .. قال الشايب و هو مستغرب : هاكونا ماتاتا راجع كلام الكتاب الشرط الثالث .. قلت له : يلا ودنا البيت اللي خبرك .. قال الشايب : الم يبقى سوى انتم اعلموا ان ما ورائكم سوى الدجه و لن تستطيعو الفوز بالكنز انني انا عنتر بن شداد لم استطع الفوز به .. قال سعيدان : تكفى يالمثري (المصري) .. قال عنتر (اللي هو الشايب) : و لماذا تستهزء بي انني اتيت لك من قبري لكي اوديكم لهذا البيت اعلم هداك الله ان احترام الكبير واجب و ان لم تقدر هذه الشيبات فماذا تقدر يا وجه التيس .. قلت انا : حقك علينا يا ابو شداد و الحين نبيك تودينا البيت اللي فيه الكنز .. قال عنتر(واعوذ بالله من كلمة بن شداد) : تذكر انك اذا دخلت البيت ستجد صورة الوسيم مبروك زايد و قف عندها حتى تسألك الصوره سوال و ان جاوبت عليه فستطلع لك ورقه صغيره و نفذ ما هو مكتوب فيها .. قال سعيدان : قديمه قريناها بالكتاب .. قال عنتر : لا مانع سوف نجددها يا السبهه .. قلت لعنتر (و اعوذ بالله من كلمة الشايب) : يلا ودنا البيت عجل .. قال عنتر : انتظر لحزه (طلع العرق المصري) .. قام عنتر يتكلم كلمات غير مفهومه من ناحيه ولا نستطيع فهمها من ناحيه اخرى .. و فجأه طلع قدامنا بيت كبير كبر كبري السلومي .. وقال عنتر (واعوذ بالله من كلمة سعيدان) : هيا ادخلوا و اتمنى لكم بالهزيمه و انصحكم تنزلون الواكد بالشوط الاول هههههههه .. قلت له وانا اتجاهل مصالته : الحين بدخل بس ياليت فيه سور عشان ادخل منه .. قال عنتر : يتضح انك قروي وهذا ليس له حل عندي ادخل مع الباب هداك الله يا ابني الغير عزيز :cwm20: .. رحت انا وسعيدان فتحنا الباب و دخلنا البيت و سكر سعيدان الباب

قمنا نناظر بهالبيت الكبير و سعابيلنا مره تطلع من فمي و مره تطلع من خشمي من زود البهر بهذا البيت القميل .. هالبيت يذكرني ببيتنا :cwm10: .. بس بيتنا أكبر منه بشوي :cwm10: .. و و خشم حالي يقول (واعوذ بالله من كلمة لسان حالي) : اما لو ان هالبيت بيتنا قسم بالله لا اسوي الهوايل .. و عقب مرور دقيقتين من تهريب السعابيل قال سعيدان : الحين وين صورة مبروك زايد عشان نروح لها و يسألنا على قولة هالكتاب .. قلت : شفها هناك .. قال : ايه صح هذي هي .. قلت له : يالخبل يالثور وين رايح يمين شفها قدامك :cwm23: .. قال : آثف .. رحنا عند الصوره و جلسنا قدامها و سعيدان جالس يرقمها ( سعيدان يحسب ان كلمة "صوره" اسم بنت عشان كذا جالس يرقم )

انتظرنا الين ما تحركت براطم مبروك زايد اللي بالصوره و قال "الحين بتبدأ رحلة الكنز مع هالسؤال الخفيف / شي له رجل وثلاث عيون وش هو ؟" .. قام سعيدان يحك خشمه وانا قمت أحك اذني وكل واحد جالس يفكر بالجواب .. نطق سعيدان و قال : الجواب هو الماصوره :cwm40: .. قال مبروك زايد : خطأ الجواب .. قمت انا بعد تفكير و تمحيص قلت : اشارة المرور .. قام مبروك زايد وطق اصبعه و قال و هو يهز كتوفه : جاوب صحيح , انتظر الورقه اللي بتنزل لك .. قام سعيدان و عطاني كف و قال : والله انك ذكي .. وماهي الا عدة ثواني حتى نزلت ورقه لا أدري من أين نزلت لعلها ورقه نزلت من السقف .. مكتوب بهالورقه "رح سيده و ادخل يمين وبتلقى تمثال يشبه عمرو موسى و هو بيسألك"

رحنا الين ما وصلنا عند تمثال عمرو موسى و لفيت راسي يمين ولا لقيت سعيدان .. رحت أدوره الا لقيته بزاويه جالس يشخ :cwm10: .. هالولد متى بيعقل دايم يفشلني قدامكم ( عاد الحين من زينكم عشان اتفشل قدامكم هععععع ) .. رحت و سحبت سعيدان و جبته عند تمثال عمرو موسى .. قال سعيدان لتمثال عمرو موسى : الحين انت متى بتثدر قرارات زي الناث .. تجاهل تمثال عمرو موسى سؤال سعيدان و قال "شي لما تعطيه فلوس يخق" .. قمت افكر و افكر و افكر و افكر و افكر و افكر و يا ليل مقصرك ههههههه و قمت افكر و افكر و افكر و افكر و ياليل ما اشينك هههههه و قمت افكر و افكر و يا ولد الجن ما امصلك ههههههه .. قلت لسعيدان جب أي شي يساعدنا نفكر .. قال سعيدان هذا يبيله تفكير ؟؟ وصرخ سعيدان ناطقا بالجواب و قال : المصري هو الذي يخق اذا عطيته فلوس .. قال تمثال عمرو موسى : صحيح , وانتظر الورقه .. قمت و رحت عند سعيدان و تفلت عليه و قلت : من وين شاري مخك يا ذكي انت .. وماهي الا عدة ثواني حتى نزلت ورقه لا أدري من أين نزلت لعلها ورقه نزلت من السقف .. فتحنا الورقه و قرينا المكتوب و هو "رح المطبخ وهو أول باب بيقابلك باللفه اليمين ورح عند القدر اللي بجنب الثلاجه و افتحه و بتلقى راس هتلر و بيسألك"

[جني]

رحنا المطبخ و فتحنا القدر و على طول هتلر قال "شي محبوس لو يركبون له يد بيلعن خير الموجودين" .. قال سعيدان : مفيش خيارات :cwm11: .. قال راس هتلر : آآآآه لو يدي موجوده كان ذبحتك انت و شارون و بخلي ولد الجن مساعد لي هعععع .. جلست انا افكر و اقول بنفسي : شي محبوس يعني حابسينه ولو يهدونه الظاهر يعني كلب أو شي هايج و بيلعن خير الموجودين يعني اللي هو انا و سعيدان .. قالت نفسي : يالدلخ الجواب هتلر .. قلت لنفسي : تهقين هو هتلر ؟؟ .. قالت نفسي : ايا الدلخ مهوب توه يقول لسعيدان لو لي يدين بذبح سعيدان و شارون .. قلت لنفسي : ايه والله يا حبي لس يا نفسي .. وقمت و رفعت رأسي و نطقت بالجواب قائلا : الجواب هو هتلر .. قال راس هتلر : صدقت ولو اني داري ان نفسك مغششتك :cwm12: بس نمشيها , وانتظروا الورقه .. جاني سعيدان و حبني على جبهتي و قال : يا حبي لك يا صديقي العزيز <-تناسب هالخشه؟ -> تناسب و بقوه <-تلعب علي؟ -> لا والله <-طيب انطم -> انشالله .. وماهي الا عدة ثواني حتى نزلت ورقه لا أدري من أين نزلت لعلها ورقه نزلت من السقف .. مكتوب فيها "رح للثلاجه اللي وراك و افتحها و بتلقى طماطه جالسه تتن يعني تدخن و اسالها"

فتحت الثلاجه و لقيت الطماطه جالسه مع جزر بالزاويه قمت و تنحنحت :cwm10: .. جاتني الطماطه وهي تعدل ملابسها هععععععع و ولعت زقاره و قامت تدخن و قالت "شي لو يحطونه ماوس يكون أحسن" .. قال لي سعيدان : سوال سهل بس وش معنى ماوس :cwm13: .. قلت له : هذا اللي ينحط جنب الكمبيوتر و يحطون يدهم عليه و يحركون فيه المعلومات و الصور الشنيعه ( الله من زين الشرح :cwm35: ) .. قال سعيدان : اهااا فهمت بس وش معنى ماوس :cwm13: :cwm13: .. قمت و خذت قدر هتلر و صفقته براسه و جلست افكر بالجواب الين ما خطر على بالي جواب و قلت للطماطه : الجواب هو الزبيريه :cwm40: .. قالت الطماطه وهي تحاول اغرائي بمفاتنها : خطأ يا حلو .. قلت بنفسي : أستغفر الله أستغفر الله يا جعل هالطماطه تغص بالزقاره و تموت :cwm3: .. وجاني سعيدان و قال : اهااا فهمت وش هو ماوس ( بدري :cwm28: ) .. قلت له : طيب عرفت الجواب ؟؟ .. قال : ايه .. و صرخ سعيدان ناطقا بالجواب قائلا : خشم رشدي اباظه هو اللي يثتاهل يصير ماوس .. فقالت الطماطه : جواب سليم , انتظرو الورقه .. فقمت خذت القدر و صفقته براس سعيدان مره ثانيه لتعلن عن نبوت مدري وش بجانب اخوانه اللي مدري وش .. وماهي الا عدة ثواني حتى نزلت ورقه لا أدري من أين نزلت لعلها ورقه نزلت من السقف .. فتحنا الورقه و لقينا مكتوب فيها "باقي لك ثلاث اساله و تاخذ الكنز و الحين رح للمجلس اللي بابه بجنب المطبخ ( من هو اللي مصمم البيت ؟؟ :cwm23: ) بصدر المجلس بتلقى صورة الموناليزا رح هناك و بتسألك"

رحنا عند المجلس و جلس سعيدان يناظر في انحاء المجلس و سعابيله كالعاده تتقاطر و قال : أكبر من ملحقنا بشوي تصدق يا ولد الجن ؟ .. قلت : ايه والله صادق :cwm11: ( <--- دلوخ يلعبون على نفسهم ) .. جلسنا قدام صورة الموناليزا الين ما قالت الموناليزا "من هو الارهابي ؟" .. قال سعيدان : قبل يومين سمعت بوش يقول ان الفلسطينيين هم الارهابيين صح والا لا يا موناليزا ؟؟ .. قالت موناليزا : لالا غلط 200% و العكس صحيح .. قلت انا بنفسي : اكيد انها تقصد شي يومها تقول العكس صحيح يمكن تقصد ريكي مارتن لأنه هو عكس فلسطينيين ( تفكير لا يعلى علاه الا وين طريق شهار ) .. و جلست أحك راسي و الفلف براسي و قلبت براسي الين ما صارت جبهتي تحت و براطمي فوق و اعتدل راسي عقب ما صقعته بالجدار و جلست افكر و بينما انا في أوج تفكيري جات ذبانه و جلست على خشمي و قطعت حبل افكاري :cwm23: .. فما كان مني الا اني مسكت الذبانه و علقتها بالمروحه و ذبحتها و عندما اتيت لتعليقها على المروحه نطق سعيدان قائلا لموناليزا : الجواب هو شارون .. قالت موناليزا : جواب صحيح مليون بالميه الا وش هو مليون الا مليارات بالميه , انتظر الورقه .. قمت انا و اطلقت صراح الذبانه وعدلت عن قرار ذبحها لأن سعيدان جاوب صح .. وماهي الا عدة ثواني حتى نزلت ورقه لا أدري من أين نزلت لعلها ورقه نزلت من السقف .. مكتوب بهالورقه "اطلع من المجلس و لف يمين و عقبها لف يسار و عقبها لف يمين و عقبها لف يسار و عقبها لف يمين و عقبها لف يسار و عقبها يجي واحد و يقول وصف زين انت و وجهك هههههه ورح لغرفة الطعام و بالزاويه 90 بالجدار عنكبوت مسوي له شبكه رح عنده و بيسالك"

رحت لغرفة الطعام و تحديدا بزاوية 90 بالجدار لقيت عنكبوت حاجر له نمله و جالس يقول لها : بوسه وحده بس :cwm20: .. رحت عند العنكبوت و قلت له وانا نافخ صدري : هيه انت يا ابو الشباب ترانا موجودين .. قال العنكبوت : ياخي ما جيت الا بوقت الاحراج :cwm35: .. قلت له : طيب يلا اسالنا ! .. قال العنكبوت : "شي يقدر يطير لكن ما عنده مساعده" .. قال سعيدان : هذا ثهل (سهل) .. قلت لسعيدان : وش هو الجواب ؟!!!! .. قال سعيدان : دقيقه ابفكر :cwm10: .. جلست افكر بنفسي : الحين شي يطير يعني له جنحان أو يمكن يقصد تشبيه و لكن ما عنده مساعده يعني مهوب يعينونه .. جلست اكمل تفكير الين ما جا على بالي جواب و بينما انا ابقول الجواب قام سعيدان و قال للعنكبوت : الجواب هو الدجاجه :cwm40: .. قال العنكبوت : والله ما الدجاجه الا انت و الجواب خطأ .. قمت انا و نقزت من مكاني الين ما صقعت بالسقف و رجعت على تحت و قلت للعنكبوت : الجواب هو الشعب الفلسطيني .. قال العنكبوت : صحيح 999% .. قمت انا اهز كتوفي و جلست انظف شعري من القشره حفاظا على صانسيلك :cwm29: .. و سعيدان جالس يغني لا تخافي لا تخافي نحن ابطال المطافي :cwm3: .. و انقلبت عرضة زيود .. وماهي الا عدة ثواني حتى نزلت ورقه لا أدري من أين نزلت لعلها ورقه نزلت من السقف .. مكتوب بهالورقه "الحين تروح للصاله و بتلقى هناك القائد صدام حسين رح عنده وبيسألك ولا تنسى ان هالسوال هو سؤال المليون قصدي الكنز يعني السؤال الاخير"

رحنا الصاله و لقينا صدام ماسك واحد لابس بدلة شرطه وجالس يتدرب عليه بالتبقيس .. سعيدان طقته ام الركب :cwm31: و انا قطتني النفاضه :cwm31: .. ام صدام فيه ام العبيد و الحمد لله انه طلع ام العبيد في هالشرطي اللي جنبه .. جانا صدام و قال : وش تبون و ليخسأ الخاسئون .. قلت له : نبي سؤال الكنز .. قال صدام : ايه تذكرت وليخسأ الخاسئون .. قلت له : يلا .. قال صدام شي ولا شي .. وش هو ؟؟ .. قمت اقول بنفسي : وش هالسؤال انواع التعقيد يا صدام بوريك شغلك على الهده :cwm20: .. قام سعيدان و نقز من مكانه و يسوي لي فيها ذكي و قال لصدام : هالسؤال ما له حل :cwm40: .. قال صدام : الا له حل و ليخسأ الخاسئون .. جلست افسر السوال بمخي : شي يعني شي له وجود اما ولا شي يعني ما له وجود و الحين السوال يبي شي يجمع بين الوجود و الغير وجود .. جلست افكر وش هو اللي يجمع بين الوجود و الغير وجود و استنتجت انه السراب .. و نقزت من مكاني و رحت لصدام و قلت له : الجواب هو السراب صح والا لا ؟؟ .. قال صدام : صح ميه بالميه وليخسأ الخاسئون .. قامت سعابيلي تتقاطر و سعيدان بغى يغمى عليه .. قلت لصدام : وين الكنز ؟؟ .. قال صدام : امسك هالمفتاح و رح شوف صندوق الكنز بالزاويه و ليخسأ الخاسئون :cwm23:

رحت انا و سعيدان وكل واحد يلهث على الكنز تقول كلب توه طالع من الحمام ( الله من زين التشبيهات :cwm29: ) .. فتحت الصندوق بالمفتاح .. و لقينا الكنز .. طلع الكنز ورقه مكتوب عليها
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-

قال الرسول - صلى الله عليه و سلم - : "كلمتان خفيفتان على اللسان , ثقيلتان في الميزان , حبيبتان إلى الرحمن : سبحان الله و بحمده سبحان الله العظيم"

[فتى الجزيرة]

جايكم في الطريق :)

[الكابرس]

بس احجز الرد الثاني

انت ووجهك هذا موضوع ينكتب؟؟

تبي تخسرني فواتير؟؟

ابفصل النت وابكلمك بعدين

<---قعيطي!!

[قرموش]

هيه يا ابو تراني حاجزَ بعد هالثنين اللي فوق صحيح ولكن انا بدفع اكثر منهم
<<----------- يحسبه قصر افراح بخخخخخخخخخخ :p

[فلان بن علان]

انا حاجز الرد الرابع
هههههه

[ابن الفهد]

وأنا حاجز بعد --------> ( ما يدري وش السالفة )

[شرااااااااااره]

خيبه هالطول موضوع ؟؟

<< مووول ما تحسد :D

[MoTaYaM]

هههههههههههههههههههههه(takenoff) (topcry)

والله بغبسسسسسه :)

تبي تعذبنا :) انت :)

اسمع ابرسل فاتورة التلفون على الايميل .. وتراك بتشتري لي حبر طابعه C ?

=================================
ههههه تصدقون شباب .. انا طبعت الموضوع .., ومسيت به قرايه الين الشرقيه .. بس قضت الشرقيه والقصه ما قضت ( <== وش يسوون لك ) قلت يا ولد دز للبحرين عل وعسى انها تقضى هناك .. والحمد لله عدت الامور على سنع ..

+++++++++++++++++++++++++++++++++
فيه واحد اسمه شين الخلاقين ( <==مايقصد شين الحلايا ) وراه ما يعظ على شحم .. ترانا مشرفين مثله :) (cry)

=====================================

بس الصراحه القصه روعه روعه .. وهواجيس اروع

وماهي الا عدة ثواني حتى نزلت ورقه لا أدري من أين نزلت لعلها ورقه نزلت من السقف .. مكتوب فيها



جني ====> مميز ونفر نمبــــــ1(good1)ــــر

[BamBoWiNds]

يااااا بوووويييييي كل هذا موضوع وأنا أقول مواضيعي طويله من هذا المينو إلي بيقرااااااااااه جننتنى والله

[شين الحلايا]

هلالالالالا وغلالالالالالالالالا بك
وين الغيبات ياخبل
ههههههههههههههههههه اجل تزلق بالزبيريات ههههههههههههه
ههههههههههههههههههههه
شايب يضحك كذا كه كه كه راااااااااحت الضحكات وانا اخوووووووك

الى المميزه بجداااااااااااااااااااااااااااااااااااااارة اذا امتلت الردود


------------------------------الاخوان اللي ردوا------------------------------
اللي ردوا برا الموضوع يعني حجزوا اذا ماردوا على الموضوع نفسه راح احذف ردودهم وبعدين بصراحه لايفوتكم الموضوع ترااااه حلووو مررررره
خاااصه انه من حلو :)

[جني]

الله يسلمكم واحد تلو الاخر :D
<--------- فيه ناس ما ودك انهم يكتبون لغه عربيه :D

و اللي يحجز قسم بالله لا احجزه بغرفه مدوره و اقول له اجلس بالزاويه :D
<---------- عذابه حنين :)

و تسلم يا شين الحلايا على هيك شوته للمميزه :)

[راعي البل]

هاهاهاهاهاهاهاا(takenoff)

تعجبني ياولد الجن على هيك موضوع راااائع يستحق المميزة وبجدارة (good1)

* قريته حبه حبه والله العظيم رغم طوله (happy) .. واعجبتني فيه بعض الحركات مع عمر موسى والشله (smile2)

تستاهل علاه صميل مليان حليب نوق (good1) :D (smooker)


(bye2)

[~ مســـــيو ~]

ههههههههههههههههههههههههههه

ههههههههههههههههههههههههههه

مميـــــــــــــــــــــــــــــــــــــــــــــــ ــــــز ياواد ياحلو :p