بلال بولند ::: زعــيــم الكشته

[صالح]

بسم الله الرحمن الرحيم .

السلام عليكم ورحمة الله وبركاته .



في قديم العصر والأوان .. كان يا ما كان << بكيفي جايبها مقلوبه



ولدت انا في قريه صغيره .. تقع شمال الرياض , وتبعد عنه تقريبا 220 كيلو << حشى خط كهرب

يعني قريبه تقريباً من خميس مشيط <<< حسيت ان اي واحد يدرس جغرافيا وده يشوّتني


المهم اني عشت هناك .. حياة بسيييطه .. ما فيها تكلف ولا فيها من حياة المدن اي شي

درست فيها المرحله الابتدائيه وياسلالالالالام .. ذكريات ما راح انساها أبد ..

نقوم على زقزقة الديوك في الصباح الباكر نصلي الفجر .. وللمزرعه نجلس عند الغنم والذيابه :)

نلعب ونستانس .. واذا جاء وقت المدرسه .. أخذت - سير - وربطت فيه كم دفتر ورحت للمدرسه

وأخذت لي غفوه بأول ثلاث حصص .. انتظر بلهفه الفسحه .. عشان أشتري سمبوسه << ما يشتريها الا الاغنياء اللي عندهم مزارع

المهم وعلى هالمنوال كل الابتدائيه ..

تخرجت وأخذت الشهاده الكبرى اللي أهم شي فيها ( نااااجح وينقل للمرحله المتوسطه )

والمرحله المتوسطه اخت الابتدائيه .. مهنا فرق

مزرعه .. سير وكم دفتر .. نوم .. فسحه .. خبزة زعتر ( منوّل سمبوسه )

واهم شي بالنهايه .. نااااجح وينقل للمرحله الثانويه


شفتوا شلون اختصرت لكم ست سنين بكم سطر

المهم .. قبل لا تبدا الدراسه بالمرحله الثانويه ..

يعني حنا الحين بالعطله الصيفيه

قرروا عيال الحاره يطلعون كشتة مقناص

طبعاً كلهم من 20 وفووووق الا انا ورع توني مخلص المتوسطه

المهم خبركم عارفين اني وحييييد وقمة السعاده انك تطلع معهم

- ايش هيّا قمة الكوره .. مارادونا ,, طيب ايش هيّا قمة السعاده , سكر الاسره .. غللللللط !!

قمة السعاده انك تطلع مع عيال حارتنا المهبل :)


المهم واروح لزعيم الحاره ( بلال بولند )

تكفى يابو حليمه .. طااااالبك .. ابروح معكم .. تكفى .. تكفىىىىى

وقتها مدري ليه عجزت اشوفه .. اثاريه تفل بوجهي :(

الا واشووووف اللي جاااااااي مشوووووت .. ويمزعني بووووز عرفت ان الله حق

اثاريه نائب الزعيم ( فرج مشعلاني )


ويجتمعون الشله .. وخذ يا طنازه فيني ..

- اقول رح غير حفاظتك يالورع ..

_ اقول رح اشرب حليب زنجبيل .. ونم ازين لك ..

المهم وانواع الاستهتار .. والضحككككك

وأنا ما رفع ضغطي الا ( عنبر حايك ) .. هو نفس عمري بس جسمه كبيرررر وشنبه خاطّ يوم انه بثالث ابتدائي

المهم اني قلت .. خلاص ما باليد حيله .. الله يلعن ام المذله .. خل اروح للمزرعه بس عند الغنم والذيابه ;)

يوم ظربت براسي فكره جهنميه

واروح للزعيم ( بلال بولند ) .. ابو حليمه .. ابو حليمه ..

- يااااااااااخخخخخخخخخخخي تراك ازعجتنا يا ورع ..

قلت ممكن اقولك شي ؟؟ << اقولها وانا اتنافض

قلت له وش رايك أجي معكم واجيب لكم غنم معي ؟؟؟ عندنا بمزرعتناااا واااااااجد

بلال ضربت براسه الفكره .. وبنفس الوقت بتقل قيمة القطه

قال ياخي لا تفهمنا غلط .. حنا ترى ودنا تروح معنا .. بس نخاف عليك يجيك شي والا شي

وانت توك صغير .. بعدين أنت ما تدخن , وحنا كلنا ندخن واخاف نكتم صدرك بالتتن وانا اخوك

انا : يؤ !! ابو حليمه يقول هالكلام !!

انا : حطيت يدي على كتفه << يمون , وقلت له أدخن لعيوووونك يالزعيم ..

وينادي الزعيم الشله عشان يقولهم اني بروح معهم ..


وانا انواع الضحك وتطليع اللساااان بوجيههم :) خاصه عنبر حايك هالبزر

المهم واروح للبيت .. واجيب الفراش معي وفرشاة الاسنان والحفايظ ( يؤ ) !

واروح لدكان ابوعثمان واشتري منه بكت احمر وولاعه :)

وسيييييدا للمزرعه اخذت لي راسين .. وللشله

اثرهم قاعدين يحتروني .. قلت عسى ما تأخرت عليكم بس ؟؟

قالوا لااا وش دعوا .. عسى بس ما ازعجناك يالغالي والا شي ؟؟

المهم واركب مع الربع بالددسن ..

راكب قدام طبعاً وأولع الزقاره .. يؤ ؟؟ وش فيهم ساكتين كلهم ؟؟

كلهم يناظروني ؟؟؟ تحسبونهم .. مستغربين لأني اول مره أدخن .. لاااااا

يبون يجربون الأحمر .. كل عمرهم ما يدخنون الا ( ابو بس ) حق الهنود اربع طعش الف زقاره بريالين .. وذا عشرين زقاره بخمسه ونص :)

واعطيهم كلهم الا الشين عنبر .. اللي رافعن ضغطي .. ولو يحصل لي انتف شنبه اللي طالع له من يوم انه بثالث

والله وخذ يا طرب بالطريق .. مشغلين مزعل وانواع التنكيت والهيصه << مزعل ووناسه؟؟ ما تجي !!

والله ونوصل .. ننزل العفش والغنم والخيمه ..

ونجتمع كلنا بالخيمه .. ويجي النائب ( فرج مشعلاني ) ويجيب المسجل .. ويرفع على فتى نجران

قام ابو حليمه استنزل .. وبلشنا به :) قمت انا طلعت الشريط وحطيت آه ونص :)

الربع يناظرون ؟؟؟ وش ذا ؟؟ من ويييييين لك هالشريط ؟؟

قلت من المزرعه ..

وخذ يا فله ورقص ووناسه .. مفيش حاقه تجي كدا .. اهدا حبيبي كدا وارجع زي زماااان .. يبني ( يبني والا يهدم ) يبني اسمعني .. الخ



المهم دخنا .. ونمناااا ونسينا النار شابه بالخيمه .. عادي تحسبوني انكتمت من الدخان اللي طلع منها .. لا عادي متعود من التتن

قمنا في الصباح الباكر على زقزقة الغنم << لعنبو الزقزقه اللي هي صوت كل شي

ويقوم الزعيم .. ويكلف ابو حايك يصلح الفطور

قشطه وفول سوداني وحركات حلوه .. طبعاً من المزرعه انا جايبها

افطرنا وطلعنا للقنص .. انا والزعيم بلال بولند طلعنا سوا ..

هو معه السلاح .. وانا معي كرتون موز فاضي أجمع فيه اللي يصيد :)

المهم لطعتنا الشمس ما صدنا شي .. قلت له ودي أجرب ؟؟

قال هماك أمس مجرب ؟؟

<< يحسبه تتن

قلت لا أبجرب السلاح ..

قال خذ ..

عطيته كرتون الموز واخذت السلاح ..

واشوف لي صيده .. بس ماش عط الخبز خبازه .. مهنااااش

قلت له هاه عساها طاحت ؟؟

قال لا والله بس حولها .. حتى شف ريشها طاح شوي منه .. والله انك قوي نتفتها نتف , بس ما طاحت :(

<< ياخي يلعن ام النفاااااق .. كل ذا عشاني جايب راسين ومعطيهم زقاره من الاحمر ..

اجل لو اجيب لهم المره الثانيه دجاج وش بيقول ؟؟؟

رجعنا للخيمه .. مطأطأين الرؤوس .. ما معنا شي

وعقب هالاحباط ذا .. قام الزعيم وطلب من عنبر حايك يذبح راس << ما تلاحظون اني مستقعد له :)

المهم تغدينا .. وشبعنا .. واروح اجيب لهم الفواكه << من المزرعه طبعاً

لعنبو ذا المزرعه كل شي فيها ..

والله توني اكتشف انهم مستفيدين مني

اجل لو أني ما طلعت معهم من البدايه .. وش بيتغدون ما دام انهم ما صادوا ؟؟ حصى ؟؟

والله اثري مهم :)


عقب الفاكهه .. جبت السوني << من المزرعه طبعاً :)

واشبكه .. واحط كوره .. تعليق عربي

واحط دوري , واحط عنبر بمواجهة الزعيم بلال .. وانا بمواجهة النائب فرج << ردي بالكوره

مبلش أم امنا .. يبي يلعب ( تكن ) مستقوي هالخال :)

ويفوز عنبر على بلال .. وافوز على السبيكه فرج .. واتقابل انا وعنبر على النهائي

عاد انا منذو مبطي وانا ما اطيقه هو وشنبه .. لاااا ومقابلني على النهائي ..

هو ودميجته ماخذ فنزويلا :) وخذ يالعب .. والله اثره يلعب هالشنب

المهم وتوصل بلنتيات .. وباقي لي شوته .. اجيبها افوز .. اضيعها اخسر << وشلون مدري

وبلال على اعصابه .. وده اني أنا افوز .. لأن عنبر هو اللي مطلعه :)

واشوتها بالعاااارضه .. ويقوم بلال يسحب الفيش .. وتلغى البطوله ..

ويقول بلال لعنبر رح غسل المواعين بندخل للديره :)

ياخي يلعن ام الفله :)

المهم .. وهو يغسل المواعين جاء عندنا للخيمه يقول يبي تايد

واجيب له تايد << من المزرعه طبعاً

المهم دخلنا للديره ..وحنا بطريق الرجعه .. طبعاً راكب ورا بالصندوق حق الددسن عند الراس الثاني :)



وبيني وبينكم .. كانت رحله حلوووه .. وكشته ما تنسى ..


--

تقبلوا خالص التحايا ..




صالــــح

[عذبة الصوت]

الله موضوعك مشووووووار ::??

بيله فصلت نت

اجل نعود لكم بعد افاصل hh-


سي يو

[مشعل السادس عشر]

وهذا وصرح مصدر مسؤول ان الشلة ضحكت على ابوحفاظة صالح

وهذا ما اكدّة بلسانة



الا اقول انت وش رايح تصيد بالسلاح ولا بكرتون الموز

اخاف انك رايح تصيد قردة يا حلو

بس تصدق انك فلة

ودي العب بالسوني اللي يشتغل بحجار


ايام وسنين عمري يجري منك

تحياتي
ميشو عجرم :S:

[شين الحلايا]

<---------------- يفكّر وش الديره اللي تبعد220 كيلو شمال الرياض
المجمعة .. 185
وبعدها على طول الغاط .. 235 ..
بالله وش الديره ذي؟؟؟
<----------------- فيه بلغه إلا بيعرف ..

[صالح]

بسم الله ..

عذبة الصوت .. انتظر عودتك :)

ميشو عجرم .. أول شي تبطي عظم :)

بعدين ياخي لا تحاول تدقق وااااجد :) سلّك .. حياك ربي ومشكور ..


شين .. ياخي لا تفكر واجد انا قايلك حول خميس مشيط ;)




صالـــح

[الجساس]

المهم وتوصل بلنتيات .. وباقي لي شوته .. اجيبها افوز .. اضيعها اخسر << وشلون مدري
هههههههههه هذا وانت مشرف الكورة

اهم شي مزرعتكم صايرة سوبر ماركت

ولا عنبر ياخي هههههههه
اصلا وش موديك معهم
اكيد قالت لك امك لاتماشي اكبر منك بس انت ماسمعة كلامها والي مايطيع يضيع

ههههههههه موضوع توحفة منك ياتوحفة
والي مزين الموضوع الي كاتبه هلالي
لوووووووول

تسلم حبيب البي صالح

[طويلــة العمــر]

الموضوع مكرر & منقوووول

>>>>>>> سلة المحذوفات دايركت >>>>>>>































خخخخخخخخخخخخخ

معليش بس من زمان ما حذفت ولا قفلت :((

.
.
.
ممكن سؤال ؟؟

ما لاحظوا اهلك إن في نقص في القطيع ؟؟؟ ( حلوة قطيع:) )

و شي ثاني

تراني استأجرت باص ... بنجي كلنا نشوف مزرعتكم

و لو كان فيها " خلاص " يا ويلك لو مو مكتوب تحته منقول wi- - لووول

يثبت ..

[عذبة الصوت]

صدق انك شهيتني اشوف هالمزرعه.... th-

اثرك كشخه ياولد ومنتب هين...

مزرعتكم هذي كلشي فيها...
:S:
حتى السوني<<<<بس ما قلت لي انتم زراعينه ولا حالبينه

<<< لا ياشيخه اقسمي عاد.... sh-:


بس سلملي على عنبر حايك اذا شفته مره ثانيه.... hh-

[الحزن]

صالح

الحين وأنا أضحك ما أقدر أرد

لي باااك


وتعليق على أحلى جنان

:up

See You :up

[الحزن]

صالح

غنم وذيابه والله ما تجي ، يعني نصَب بس بالمعقول ياشيخ أجل ذيابه :S:

بعدين يا بني أدم فيه أحد يفطر على سمبوسه ليش ما يبيعون عندكم كرواسان
أو حتى دونات سمبسوسه على الصبح

ههههههاي

أجل تطورت يوم جيت في المتوسط وصرت تفطر على ساندوش زعتر th-

يع يع يع تفل بوجهك الله يقرفه شكل ما عنده تفاهم أبد بلال بولند هذا مقرف بصراحه
ومنافق من الدرجه الأولى ..

بس المهم إنك رحت معهم لرحله وأنبسطت أجل سمعتهم آه ونص تلقاهم ما يدرون وش السالفه متعودين على الرجه ما يسمعون ألا فتى نجران hh-

أنا أقول أكشت بمزرعتكم أحسن لك وموكل مره تسلم الجره :S:

ـ ـ ـ ـ ـ ـ ـ ـ ـ ـ

صالح

وسع الله صدرك على هالموضوع إلي يجنن ::oh
وإن شاء الله نقرأ لك مواضيع أكثر يا بزر










7

7

7

المتحدثه باسم ( عنبر حايك ) hh-
رافع ضغطك يا حرااام

ـ ـ ـ ـ ـ ـ ـ ـ ـ ـ

تحيــاتي ،،

[صالح]

بسم الله ..

أشكرررررررر ردوووود الجمييييييع ..

أسعدني مروركم و ( جوازاتكم ) ولا تهون الاحوال :)


طويلة العمر .. مشكوره على التثبيت .. , اجل البتاع بتاع البتاع . منقول هههههههههههههههههههههههههههههههههههههه




صالــــــح