ضيف الاسبوع.... في (((((((دائرة الضوء)))))

[الموسيقار]

اعضاء المقهى العربي الكرام

في هذا الموضوع الذي سيكون اسبوعيا((تقريبا))

سنسلط الاضواء على احد شخصيات المنتدى من مشرفين واعضاء

نضعه تحت دائرة الضوء نحاصره بالاسئلة نكتشفه نقترب منه اكثر
فهي فرصة لمعرفة بعضنا البعض اكثر واكثر


======================================
ضيفنا لهذا الاسبوع الضيف الاول على دائرة الضوء هو:



الأمـــيــــر




سيكون الامير اول ضيوفنا


لكم ايه الاعضاء مطلق الحرية في القاء الاسئلة على ضيفنا والذي سيحاول بقدر استطاعته الاجابة عليها



نبداء مع الامير اول ضيف زاويتنااااااا
======================================

وسبداء باول سؤال


سؤال روتيني متداول

اذكر لنا بطاقتك الشخصيه ولكن
هذه المره البطاقه الشخصيه((((النتيه))))

وكم لك سنه تستخدم النت؟
وكم عدد المنتديات المشارك بها؟

وماذا يمثل لك المقهى العربي؟





تفضلوا باسئلتكم!!!!

[جـــوولان]

موضوووع حلو (good1)


الأمير ... . . .

شنو هوياتك ؟؟

ومتى تدخل النت اكثر ليل ولا نهار ؟؟

تخيل معي أمير إنهم قطعو النت نهائ (لا قدر الله) إيش راح تكون ردة فعلك ؟؟

شنو أكثر شئ إنت محترف فيه بالنت ؟؟





:)

[دايم الحزن]

فكرة حلوه!!
طيب انا عندي سؤال؟
وين ساكن(اين تقيم)؟

[مشفر]

حلوة منك يالموسيقار :)

طيب انا عندي سؤال :)

وش ميولك الرايضية .. و انت تحب الرياضة :)

وش سبب اخيارك لليوزر ( الأمير ) :)

تحياتي لك .. و ننتظر الرد من الأخ الأمير :)

مشفر :)

[فت فوته]

هلا الامير :cool:

شو أكثر الأشياء اللي تزعجك في المنتدى؟

شو الشي اللي يخليك تفقد اعصابك في حياتك الشخصيه؟

[شميط حلّي]

سؤال وااااااااااحد بس !!!!!!!!!!!!!!
هل تعتبر نفسك وسيييييييييييم ؟؟؟؟؟!!!!!!!!!

(devel) (devel) (devel)
==============
تحياتي للشباب كلهم وتحيه خاصه للموسيقار....
(good1)

[_الأمــيـــــــر]

:D :D :D :D

كان ارسلت لي مسج قلت لي انك منزل هالموضوع

بدال ماتخليني ارطع (اجعلهم ينتظرونني بفارغ الصبر) الاعضاء

(smooker) (smooker)

اول شي ... مشكور يامشرفنا الموسيقار

على اهتمامك بمقهى الاصدقاء ..
:)

ولا ننسى مساعدك الاخ مشفر

.......................

الموسيقار :

البطاقه النتيه :

الامير ... 23 سنه .... ذكر (kh) ....

لي 5 سنوات استخدم النت

شاركت بمنتديات كثيره ... اكثر من العشرين تقريبا

ولكن بغير انتظام

المقهى العربي ....

اصبح جزء من اولوياتي اليوميه

....................................

قوت :

هواياتي ... تكاد تكون مكرره عند الجميع

القراءه .. الانترنت .. كتابة الشعر .. الرحلات البريه ..

ادخل النت بالليل غالبا ..

اذا قطعوا النت نهائي .. اكيد راح القهى الشي اللي ابشغل وقتي فيه

وراح القى ايضا البديل عنه من ناحية الفائده ...

لان فترة اربع او خمس سنوات ... ماغيرت فيني شي الى الان

(اقصد فيها بداية استخدامي للنت)

اكثر شي محترف فيه بالنت .. ( التصفح ) :D :D :D

............................

دايم الحزن :

ساكن بالرياض

............................

مشفر :

كانت ميولي هلاليه قبل ثلاث سنوات

لكن من ثلاث سنوات لم اتابع ولا مباراه واحده

سبب اختياري ليوزر الامير (احتفظ به لنفسي )

...........................

فت فوته :

سؤالك عن اكثر الاشياء المزعجه بالمنتدى اعجبني :)

انا انزعج كثيرا اذا شفت ان عضو من الاعضاء يحاول يبرز نفسه من خلال
طرح اكبر كميه من المواضيع ..

او حتى الرد لمجرد الرد .. دون قراءة الموضوع

في حياتي الشخصيه لا احتمل الاهانه ... افقد اعصابي اذا حسيت ان احد اهانني
او اهان شخص عزيز امامي ...

الشي الثاني اللي يخليني من جد افقد اعصابي وبقوه ..

ولد اخوي عزوز ... بتصرفاته .. رغم ان عمره مايجي 4 سنين

لكن ملقوف بزود ..

....................................

شميط حللي :

نعم :p

[المسافر]

ههههههههه

فكره حلوه يالموسيقار

استلم يالامير:D

بحكم كثرة سفراتك ما هو افضل بلد زرته؟

كم عدد حوادث السير اللي حصلت لك وانت تسوق؟:D

كم وزنك؟(kh)

هل انت انسان زعول؟(bored)

هل تواضب على الرياضة؟(joke)

وش صار على الموضوع اللي كلمتني عنه؟عساهم وافقوا؟(smooker)

[بنت زايد]

هلا اخوي الموسيقار .. موضوع حلو بس خلك بعيد عني ..
ترى ان وهقتني وحطيتني تحت المجهر .. انا بوهقك وما برد على الاسئلة ..(kh)
<----- تهديد (smooker)
يا حيالله الامير والله ..
عيل مستلمينك بالاسئلة هاااااااه ..
امممممممممم ..
عندي كم سعال .. قصدي كم سؤال (takenoff)
من الاغلى عندك .. المقهى العربي ولاّ ساحة السامر .؟(kh)
شو اللي خلاّك تختار تخصص الطب في دراستك ؟
من اللي اختار ألوان المنتدى (takenoff) ؟؟

بسسسسسسسسسس .. خلصت (kh)
ادري الحين ودك تكفخني (bored)
خخخخخخخ

[شرااااااااااره]

سلاام مربع للمعلم (smooker)

انا انا انا عندي اسئله (smile2)
ياويلك (joke)

1) شو هيه اكلتك المفضله؟
2) اذا ييت بترد على موضوع او بتكتب موضوع .. شو تحط في بالك اووووول شي؟؟
3) شو كان اكثر شي مميز في ذكرى ميلادك الاخير؟؟
4) اي واحد من هالايقونات تحبه؟؟
(طالع عند الردود مافي مجال احطها هنيه (joke) )
5) شو هو البلد اللي ودك تسكن فيه اذا ما كان السعوديه؟
6) شورايك بهالصوره ؟
http://images.webshots.com/ProThumbs/31/831_wallpaper110.jpg

7) شو تحس وانت في قاعات التشريح؟(cry)

ووووووووبس
بعدين بفكر باسئله اكثر وبسال (smooker)

[الشاطر]

مشكور يالموسيقار على الموضوع الحلو :)

لو كانت لك سلطة على العالم ..

وش اول شيء تسويه ؟؟ :)

[_الأمــيـــــــر]

هلا والله بالبقيه :D :D :D

المسافر :

افضل بلد زرته ياطويل العمر هي Nomaan

الحوادث اللي حصلت لي وانا اسوق .. اكثر من العشر ;)

وزني 77

سؤالك انت زعول ............................. ايه :D

سؤالك عن الرياضه ..... اسمع بها :p

بالنسبه لموضوعك ... والله حولته على الرومنسي وان شاء الله

يرد لك خبر


.......................................

بنت زايد :

اكيد المقهى العربي ... :p :p

اكيد تبين تقولين ليش ؟؟؟

اقول لك لان كل حقين السامر هنا

لان جدتي الله يرحمها كانت طبيبه (smooker)

اللي اختار الوان المنتدى ... سلطان (takenoff)

......................................

شراره :

اكلتي المفضله : المرقوق بالطماطم البري

الشي اللي احطه ببالي قبل لا ارد ...

هو ان الاتصال ماينقطع قبل لا اكمل ردي

اكثر شي كان مميز بعيد ميلادي
ان كنت ناوي اعيّد قبلها باسبوعين
والسبب ان واحد قال لي ان بكره عيد ميلادك ... واثاري ابو الشباب كان ملخبط بالتقويم

<<<<< ماعرف وش معنى عيد ميلاد الا من سنتين :D :D

افضل ايقونه اعزها بصراحه هي هذي (kh)

البلد اللي اتمنى ازوره هو العريق :p

رأيي بالصوره : ياروحي بس يالقطوه اللي يسار

والله اني خقيت معها (heart) (heart)

احس بالمتعه صراحه وانا بقاعة التشريح :p احس اني اقطّع عيال عم شارون ومحد يقول لي لا :cool:

خذي راحتك اسألي من هنا للسنه الجايه ...

انا مسنتر هنا على قلوبكم :p :p

..............................................

الشاطر :

سلطه خضراء والا حاره :D :D

لو الي سلطه على العالم كان ضمّيت العالم للسعوديه

وسلمتها لابوفيصل الله يطول بعمره :)

................................................

[الجنتل]

هلا بالأمير
واحسنت الأختيار ياموسيقار(good1)

الامير ذكرت في اجاباتك انك زرت
كل من نومان والعريق:eek:
وماذا عن عكليات وصفو الم يكن لها نصيب من زيارراتك؟(kh)

والسؤال الثاني:

اذا كنت في احدى طلعاتك البريه
وفجأه صادفك ضب ولا يوجد معك سلاح
فماهو الشعور الذي ينتابك ساعتها؟
مع العلم ان اضب قريب من جحرره===>يعني مايمديك عليه:D

[_الأمــيـــــــر]

الجنتل :

عكليات يقولون فيها ارهابيين .. علشان كذا ماعندي نيّه اروح لها

اما صفو ... تخاوي الاسبوع الجاي ؟؟

سؤالك صعب يالجنتل .. لكن اعتقد اني ابروح له واغرّق عليه

لا تقول عاد مامعي مطّاره

(smile2) (smile2)

[شرااااااااااره]

الامــــــــير
يعني انت ما حصلت الا هالقطوه الشيفه؟؟ :rolleyes: هاذي الثانيه اللي مبطله ثمها معصبه تهببببببببببببببببل (takenoff)


any way هاذي الدفعه الثانيه (smooker) بكيفك عاد انت قلتلي :rolleyes:

1) منو من الشباب اللي في المقهى اقربلك من الباقي؟

2) اذا عندك درزن عيال شو بتسميهم ؟؟ (kh)

3) شو هيه الكلمه اللي دايم تقولها ومتميز فيها؟؟

4) اذا خيروك بين السيايير شو بتختار؟

5) اذا صادف في يوم من الايام اتصال خطأ من واحد من الشباب .. وانت قلتله انه غلطان في الرقم .. بس هالواحد هذا مصر انه يتصلك خصوصا وانت نايم في الليل (sleep) شو بتكون ردة فعلك؟

6) (devel) << بمنو يذكرك هذا؟

وووووووووووبس

بفكر ارجع بمجموعه يديده بعدين الحين بروح عندي امتحان (smile2)
ادعووووووولي .

شروره (heart)

[AzOz]

عندى سوااااااااااااال :
الشي الثاني اللي يخليك من جد تفقد اعصابك وبقوه ..

ولد اخوك عزوز ... بتصرفاته .. رغم ان عمره مايجي 4 سنين


ليييييييييييييييييييييييييييييييييش؟؟؟؟؟؟؟؟؟؟؟؟؟؟؟ ؟؟؟؟؟؟؟



سوال ثانى اكثر الواقع تتصفحها ؟؟؟؟؟؟؟؟؟

[رايق]

بالنسبه لك ... وش هو المستحيل ؟
وهل له وجود في حياتك ؟

[الكابرس]

طحت يالامير الله يعينك


هل تفرش اسنانك كل يوم ؟؟

ووشهو معجون الاسنان الي تستخدمه؟؟

وهل عندك كرشه؟؟

ووش اسم امك ههههههههه؟؟

[_الأمــيـــــــر]

شراااااروووه :mad: :mad: :mad:

حلا هي ... ؟؟؟ :confused:

1- اقرب واحد لي من الشباب اللي في المقهى
هو ( ابو نايف ) :D :D الله يذكره بالخير

2- اذا عندي درزن عيال .. يسميهم جدهم :)

3- الكلمه اللي دايم متميز فيها هي ( الو )

4- اذا خيروني بين السيارات ابختار لامبرقيني وابيعها

واشتري لي ددسن .. واتصرف بباقي الفلوس :D

5- اكيد راح يكون متعمدها ... علشان كذا راح استهبل عليه

6- هذا يذكرني بالموسيقار يوم يقول له ابو سعد شب الفحم

قال ما اعرف ... نعنبو دارك ماتعرف تشب الفحم ؟؟؟؟ :confused:

.........................................

عزوز :

انت فازع معه علشانه سميّك

هذا عزوز الله لايجيبك قدامه ... ملقوف وغثيث

ومع ذلك بعمري ماجيت اطلع برا البيت

الا وينقز لي مدري من وين يطلع .. ويقول ابروح معك

حتى لو انه بنص الليل ...

المواقع اللي اتصفحها بكثره ... هي المنتديات بشكل عام

......................................

الكابرس :

الله يكفي شرك


1- خبري بفرشاة الاسنان بعيد الضحيّه

2- معجون الاسنان سيقنال تو

3- وش الكرشه ؟؟؟ .. اللي يسوون فيها كمونيه ؟؟

4- اسم امي .. جوليا (smile2) (smile2)

[شميط حلّي]

وانا اقووووووووول ليش شعرك اشقر ... اثر اسم امك جوليا ياللبناني...(takenoff)

س ...سؤااااال.....هل حبيت قبل كذا ؟؟؟؟؟(يعني جربت الحب قبل كذا ولا لا ؟)....
============
رقم 2 ... استلم ....
اذا بنشر عليك كفر السيارة وش اول حاجه تسويها ...
1- تصيح ؟؟؟
2- تطلب مساعدة الجمهور ؟؟؟
3- تمشي وتخلي السيارة ياولد النعمه ؟؟؟(kh)

===========
السؤال الثالث ... بشق راسك فيه ...!!!!
شفت بنت بالسوق ... هل :
1- تلحقها وتعطيها الرقم ؟؟؟
2- تصد عنها وتسوي ثقييييييل ؟؟؟؟
3- مالك في هالسوالف ؟؟؟؟
وعلى فكرة هالسؤال بالذات ....لازم تجاوب بصدق لاني عارفك زييييييين فجاوب بالحق احسن لك ...!!!(kh)

===========
اخر سؤااااااااااااااااال ..... هل انت ذكي ؟؟؟؟
1- لا ...لا ... لا ....!!!!
2- ياليت والله !!!!
3- ماظنتي !!!
(devel) (devel) (devel)
===========
مع تحيااااات واحد بريييييييييييييييييييييء جدا (shy)

[رايق]

السوال الثاني ؟
انت تنسى كثير ؟

[جـــوولان]

إنت كذاااا (good1) يالأمير

شوف عاد الاسئله هاذي وأقعد تسلى عليهم (smooker)

شوف أخوي العزيز :

س1: وش رايك بقيادة المرأة السعوديه للسياره ؟؟ (وجهة نظرك الشخصيه)


س2: شنو الكلمه إلي سمعتها من والدك (الله يحفظه) وعلقتها حلقه بودانك ؟؟


س3: قرار أتخذته وندمت عليه بعدين ؟؟

بسسسسسسسسس مابي أكثر (bored)

:o

[شرااااااااااره]

(kh) الدفعه الثالثه :
1) شو اكثر شي يعحبك في السفر؟

2) شو احلى فلم شفته لين الحينه؟

3) شو احلى بيت كتبته؟

بس خلااص رحمتك خل الاخوان يستلمونك ابرك
(bored)

سي يا (kh)

[MoTaYaM]

اهئووووووووووووووووووووو ... يا حبيبي ...


الاميـــــــــــــــــــــــر هنا :) يا حبيبي يا حبيبي <=== تذكرني بمصيبه يونس شلبي لما حب .. سعاد حسني في مسرحيه العيال كبروا ( عليك كبروا ) :)

احم احم ... في البدايه .. احب اهنئ الجميع ..بمناسبه مدري وشو .. بس حبيت اهنيئ :) وشئ ثاني ..

سؤال يتماحط مع نفسه ...

1) اذا كنت تعسل (smooker) .. وش نوع المعسل اللي تاخذه :) (takenoff)

2) من وجهه نظرك .. مالفرق بين الكهوه العربيه .. والنص نص = كهوه تركيه مع مغربيه :)

3) اي احلى انا .. والا انت (joke)

4) وش رايك بثقاله دم البنات <=== من منااااصرين العنصريه ( عندكم مانع (joke) )

5) صلحت الصدمه اللي في الرفرف :) ؟؟ والا الى الحين مالقيت صدام ( وش جاب الصدام للرفرف ) :)


اعتقد ثقلت عليك :)


بااااااااااااااااااااااااااااااااااااااااااااااااا اااااااااااااااااااي

[سحر الشرق]

س/ وش اخبارك عساك طيب
س/ وش رايك في بن لادن ( لاتخاف ماني مباحث )
س/ ان قلت انك تحب البر اي بر تروح له بالعاده ؟؟


بس

width = 10 height = 2 :D

[_الأمــيـــــــر]

رايق :D

تصدق ما انتبهت لك على كبرك :o

العتب على النظر وانا اخوك (smooker)

المستحيل رايق هو محاولة استرجاع الماضي

بالنسبه لوجوده في حياتي ....... ياكثره (cry)

...................................

شميط حللي :

شكلك تمون يالاخو :mad:
هل حبيت قبل كذا ؟؟؟؟؟(يعني جربت الحب قبل كذا ولا لا ؟)....

لا:D :D

اذا بنشر عليك كفر السيارة وش اول حاجه تسويها

ابنشر الكفر بيدي :D :D

شفت بنت بالسوق ...

أرقمها :D :D

هل انت ذكي ؟؟؟؟

ايه انا ذكي :D :D

.................................

رايق مره ثانيه

ايه انسى كثيييير

والدليل اني نسيت ارد عليك بالبدايه :D

..................................

قـــوت :

شكرا على المدح :o

س1: وش رايك بقيادة المرأة السعوديه للسياره ؟؟ (وجهة نظرك الشخصيه)

انا استغرب صراحه ..السواقه الحين شي من اعمال الرجل خارج البيت

يعني لو يسوون الرجال مظاهره الحين .. ويقولون خلاص يالله نبي نشتغل بالمطبخ

ونهتم بشغل البيت ... بالله عليك هالشي مو يعتبر مخالف للفطره

هالشي طبقوه وبشكل مشابه للسواقه ....

بس انتم يالحريم الله يهديكم ... تبون تنافسون الرجال بكل شي

حتى لو هالشي خطأ لازم تسوونه ... يعني الله اكبر عاد من زين السواقه

انا اغث شي عندي اني اسوقق السياره

<<<<< خش جو :D :D :D

س2: شنو الكلمه إلي سمعتها من والدك (الله يحفظه) وعلقتها حلقه بودانك ؟؟

كلمة ( قم صلّ) :D

س3: قرار أتخذته وندمت عليه بعدين ؟؟

اني أخرت تحويلي من الجامعه بالشرقيه للرياض

.....................................

شراااااره :mad: :mad:

الله يعين عليك بس

1) شو اكثر شي يعحبك في السفر؟

اني اقشّم حب ( افصفص ) :D

2) شو احلى فلم شفته لين الحينه؟

انترابمنت ... اللي مثلت فيه كاثرين زيتا جونز (kh)


3) شو احلى بيت كتبته؟

ماني معنّا والعنى له معاني ..... انا المُعاني من تجاريح غيره

[_الأمــيـــــــر]

متـيـــم :D :D :D

عز الله صدق اللي سماك مخروش :cool:


1) اذا كنت تعسل .. وش نوع المعسل اللي تاخذه

تفاحتين


2) من وجهه نظرك .. مالفرق بين الكهوه العربيه .. والنص نص = كهوه تركيه مع مغربيه

ما اعرف الا القهوه اللي تبهر بالهيل ... والا الباقي كله مطااريس :D


3) اي احلى انا .. والا انت

لا انت طلقه بسم الله عليك :rolleyes:


4) وش رايك بثقاله دم البنات

انا ماقد صادقت مصريات (kh)

5) صلحت الصدمه اللي في الرفرف

ايه ابشرك طلعت تلقّ

.........................................

سحر الشرق :

ياخي تبرع لي بتوقيع من توقيعاتك .. ترا ما اقول لا
س/ وش اخبارك عساك طيب

بخير يامال الخير

س/ وش رايك في بن لادن

رجال:D

س/ ان قلت انك تحب البر اي بر تروح له بالعاده ؟؟

الصمّان

[أندلسية]

وش الصفة الي تتمنى تغيرها في نفسك ؟
و الصفة الي تتمنى تكتسبها ؟

:)

[سعيدان]

من ربك ؟؟؟؟؟؟؟؟؟؟؟




ما دينك ؟؟؟؟؟؟؟؟؟؟؟؟؟؟؟




من نبيك ؟؟؟؟؟؟؟؟؟؟؟؟؟؟؟؟؟؟





<============مطوع

[فاهم]

مساء الخير للكل
عموما ماأطول علاكم ;)
الأمير
لازم تجاوب على كل الأسئله
ليش منت راضي تعترف أنك دب ؟
ليش دايم تغار من رايق ؟
ويييييييييييييييين السبحه ؟ """" على بالك بأنسى " !
لو خيرت بين الشرقيه والرياض وش تختار ؟
______________________________________
كل واحد منا يعيش حياته بطريقه مختلفه ربما عندنا مشكله ومشكله كبيره من وجهة نظري أننا نخلط بين وقت الدراسه و وقت اللعب و وقت النت وأشياء ثانيه لا يتسع المجال لذكرها ...... هل هو عدم تنظيم أو محاوله للتغلب على ملل الدراسه أو أنها أشياء كلها تصنف ضمن الاساسيات أو هناك تجاهل في تنظيم الأولويات ؟؟؟؟؟ أدري طولتها بس مو بكيفك بتجاوب غصب

على فكره منظمة الخرش ترحب بدخول العضو الجديد لها
متيم
رومانس
الامير (smile2)

سؤال أخير
متى بتجي الشرقيه يالدب ؟
باي

[رايق]

كيف ماتبيه يغار مني ... ولا كيف تبيه يعترف انه دب وأنا موجود (kh)

[تـــــوته]

عنديلك بس بس سوألين أذا صعبين


مش لزم ترد عليه


1) أول ماتقوم من النوم وش تسوي؟؟؟؟؟؟ :confused: :confused:


أما السؤال الثاني هو:


انت أمير صدق:D ولا لقب


<<<<<<<<< تبي تعرف (kh) (kh)

[الفــــــوزان]

الامير جاوب وبكل صراحه/


ماذا يعني لك الرقم 83 ؟؟

[أبو نواف]

للعلم : قرأت كامل الموضوع .. وعرفت شخصيتك إنك ( إجتماعي ) وتحب الإجتماعات تقريباً ==> مجرد توقع ؟؟

المهم : سؤالاتي ==> ؟؟:confused:


(heart) هل تحب أكثر شيء لبس الثوب أو الترنق - البدله - ؟

(heart) ماهي سيارتك ؟ ===> يهتم بالموضوع لإنه مشرف الـ ... ؟


تحياتي :
أبو نوا ف.
للمراسله :
abu_nawaf20@hotmail.com


(joke)

[شموخ]

تشكرات افندم لموسيقار افندم .. على هالموضوع الحلو .. :):)
واحب اسال الامير .. ســؤال واحد لا غير

ماهو شعورك بعد ان كنت عضو عادي .. لتصبح صاحب احد المنتديات ؟!

شمـــــــ دنيا معكوسة .. تزرع بصل تطلع كوسة (smooker) ـــــــــــــوخ

[أندلسية]

متيم .. غير الأغنية ..
حفظتها ياخي :( ..

[MoTaYaM]

هههههههههههههههههههه منيب

[أندلسية]

بسكر السبيكر ..

[شرااااااااااره]

شكله الامير بيخليكم تعفنون لين ما يرد !!!

ارد انا بداله احسن؟ :D

[شميط حلّي]

ايييييييييييييييه .......الأمير الظاهر في غيبوبه الحين ....(sleep)
لأن كل سؤال من أسئلة الشباب كأنه حصاة وموجهة لراسه ...(takenoff)
يالمسكييييييييين أظن ان راسك مشقق من كل جهة يالأمير ....ههههه

ودك تدبغنا ....صح ولا لا؟؟؟؟؟؟؟؟(bored)
(joke)

[شرااااااااااره]

افااااااا
لالا الامير قدها وقدود بس مااظن انه يقدر يدخل النت الحين !!

اظن مااعرف :D

[الموسيقار]

اظن ان الموضوع صار له اسبوع:D

والامير انتهت ضيافته:D

بعد ما خلص كل القهوه اللى عندنا:p


المهم الموضوع يبي يتقفل

لين يجي الامير ويرد على الاسئله المطروحه:D



وبعدها انتظروا ضيف هذا الاسبوع قريبا:)

[_الأمــيـــــــر]

صدق ماتنعطون وجه :mad: :mad: :mad:

عطيتكم شوية وجه وأكلتوني

وبالنسبه لشراره وشميط حللي ترا اذا ماعقلتوا وخفيتوا

علي راح

ادعي عليكم :( (cry) (cry)

.......................................
اندلسيه :

تو الناس ... توك تسألين :mad:

الصفه اللي اتمنى اني اغيرها بنفسي .. هي سرعة الانفعال

الصفه اللي اتمنى اكسبها هي ( الكرم )

<<<<< مهوب بخيل أبد :D

......................................

سعيدان :

لا والله ماشفت ابو الهنا اليوم بالمسجد .... شفته انت ؟؟؟ :D

ربي الله

ديني الاسلام

نبيي محمد صلى الله عليه وسلم

...................................

فاهم :
ليش منت راضي تعترف أنك دب ؟

لان مفهوم الدببه عندك اشمل من الطبيعي وهذا شي بديهي اذا عرفنا انك
( مسوااااااك )


ليش دايم تغار من رايق ؟

أغار من رايق علشان سنونه متساويه وبيضاء مرررره

ويييييييييييييييين السبحه ؟ """" على بالك بأنسى " !

اسأل العنصر الرابع
(kh)

لو خيرت بين الشرقيه والرياض وش تختار ؟
الشرقيه

بالنسبه لسؤالك الطويل ........

اظن انه سوء تنظيم

بالنسبه لجيتي للشرقيه ...... اعزمني بس

ومايرد الكريم الا اللئيم

:D :D

[_الأمــيـــــــر]

تــوته :

1) أول ماتقوم من النوم وش تسوي؟؟؟؟؟؟

انظف الغمص اللي بعيوني :D :D


انت أمير صدق ولا لقب


جاوبت عليه من قبل


................................

الفوزان :

ماذا يعني لك الرقم 83 ؟؟

ابشرك ركّب اللزقه اللي يسار :D :D

.................................

ابو نواف :

للعلم : قرأت كامل الموضوع .. وعرفت شخصيتك إنك ( إجتماعي ) وتحب الإجتماعات تقريباً ==> مجرد توقع ؟؟

شكلنا نبي نحطك محلل نفسي مع اندلسيه

هل تحب أكثر شيء لبس الثوب أو الترنق - البدله - ؟

الثوب

ماهي سيارتك ؟

هوندا

............................

شموخ :

ماهو شعورك بعد ان كنت عضو عادي .. لتصبح صاحب احد المنتديات ؟!

شعوري شعور اي مواطن كان راكب كابرس 79 وفجأه اشترى له فياقرا ( مرسيدس)

...........................

الموسيقار :

تكفى افتح الموضوع خلهم يردون :( :(

[الموسيقار]

نظرا للطلبات الكثيره

اللى جتنا وتطالب بفتح الموضوع:D :D

ونظرا لان الامير عضو غير عادي:D

(((لانه مشرف:p ))))


نبي نفتح الموضوع لمدة اسبوع ثاني:cool:


يالله يا مشرفنا انبسط:cool:


=================
=================

عندي لك سؤال:


وش تستفيد من الماسنجر:D ؟؟؟


ووش تسوي فيه:D ؟؟؟



تحياتي

[شرااااااااااره]

الــــــــــله ..,.
والله وطحت ياالامير .. محد قالك تخليه اسبوعين (takenoff)


يالله استلم الدفعه الرابعه (bored)

قاطعت منتجات امريكا والا لا؟؟

متى تحب تتفلسف؟؟ (smile2)

اذا شفت وحده حلوه في الشارع .. تغظ البصر ؟؟ والا تقعد اطالعها ؟؟(kh)

شو هو احلى موقع للحين شفته في النت؟

منو احسن قارئ قرآن عندك؟

لين متى بتم غلس؟؟ههههه (joke)

اذا كنت في الامتحان .. وصادفك سؤال صعب .. واللي عدالك كلهم مايعرفون الاجابه .. الا اللي قدامك مصري (smile2) .. وطبعا بدون كلام يعرف الاجابه .. بس مب راضي يعطيك.. شو تسوي ؟؟ (takenoff)

اذا ياك زكام شو اللي ينتفخ فيك بالضبط؟؟
خشمك
براطمك
جفونك
لسانك (joke)
والا شو بالضبط؟ :confused:


يالله تشاااااااااااااااو (bye)

بس لاتدعي علي !

[ابو الهنا توكلنا]

يا الامير هل انت تعرف احد في المقهى شخصيا؟؟؟؟


هل مرة في حياتك تعرفت على واحد معرفة شخصية عن
طريق الانترنت؟؟؟؟؟


الرجاء الاجابة............

[سعيدان]

و الله انك فاضي يالامير

[AzOz]

مدام الموضوع بيتقفل خلينا نسال .................




1- اش النادى الى تشجعه ؟



2- وشو رايك بذا المثل : قيمة كل امرىء ما يملكه ؟


3- تلعب بلووووووت ولا لا ؟


4- تتابع تفحيط ولا لا ؟


5- هل تحب طبخ الشغاله ولا لا ؟


6- مره وانت نايم وقمت مفزوع وشو تسوى ؟


7- اذا لحقتك دوريه توقف ولا لا ؟


8- اش رايك بالى يسال كثيييييييييير؟؟

(devel) (devel) (devel)





<==============يبغا يشوف الرد

[شرااااااااااره]

عزوز ...

يقولون اللي على راسه بطحه يحسس عليها .. وانا احس ان على راسي بطحه من سؤالك الاخير :(
انتوا شو عليكم ؟ خلونا انطلع روحه

والا شو رايكم ؟؟(kh)

[AzOz]

شرااااااااااره : زين انك فهمتيهاااااااااااااا






ههههههههههههههههههههههههههههههه(kh) (kh) :D :D

[شرااااااااااره]

عزوز ,...

يااخي انت مالك خص الرد على الامير مب انت :(

وبعدين انا متعمده الحركه هاهاهاها !!!

[ابو الهنا توكلنا]

خلاص خلاص خلاص

انت وياه وين حنا عايشين..............

[prince]

موضوع في قمة الروعة


ومافيي أكثر كلام

[أندلسية]

اذا أعطيناك مساحة فارغة .. حرة ..
لتقول شيئ في خاطرك ..
أو لتجيب سؤال .. تمنيت طرحه ..
بماذا تجيب ؟!

[_الأمــيـــــــر]

شراااره :D :D


قاطعت منتجات امريكا والا لا؟؟


لا وماعندي نيّه

متى تحب تتفلسف؟؟

دايم

اذا شفت وحده حلوه في الشارع .. تغظ البصر ؟؟ والا تقعد اطالعها ؟؟

هذا اذ شفت وحده حلوه

شو هو احلى موقع للحين شفته في النت؟

islamway.com

منو احسن قارئ قرآن عندك؟

السديس

اين متى بتم غلس؟؟ههههه

الين مايعدي هالاسبوع على خير وافتك منك


اذا كنت في الامتحان .. وصادفك سؤال صعب .. واللي عدالك كلهم مايعرفون الاجابه .. الا اللي قدامك مصري .. وطبعا بدون كلام يعرف الاجابه .. بس مب راضي يعطيك.. شو تسوي ؟؟

ادخل يدي بمخباتي واطلع البوك

اذا ياك زكام شو اللي ينتفخ فيك بالضبط؟؟
خشمك
براطمك
جفونك
لسانك
والا شو بالضبط؟

ينتفخ راسي

.................................................. .

عزوز





1- اش النادى الى تشجعه ؟


ما اشجع كوره


2- وشو رايك بذا المثل : قيمة كل امرىء ما يملكه ؟

غصبا علينا صح

3- تلعب بلووووووت ولا لا ؟

نطقطق

4- تتابع تفحيط ولا لا ؟

مبطين عنه

5- هل تحب طبخ الشغاله ولا لا ؟

الله يديم النعمه

6- مره وانت نايم وقمت مفزوع وشو تسوى ؟

اشرب مويه

7- اذا لحقتك دوريه توقف ولا لا ؟

ايه هيّن

8- اش رايك بالى يسال كثيييييييييير؟؟

قل له تراه مصخها
................................

اندو :

اذا أعطيناك مساحة فارغة .. حرة ..
لتقول شيئ في خاطرك ..
أو لتجيب سؤال .. تمنيت طرحه ..
بماذا تجيب ؟!

اتمنى من الجميع انه يجلس مع نفسه لو مره بالاسبوع

يصارح نفسه ... وش اللي راح يبقى لك بعد سنه او سنتين او عشر

يعني لو كل واحد مننا رجع .. وفكر بماضيه شوي

انا متأكد ان الغالبيه مننا راح يتذكر بالتأكيد ايام حلوه في عمره

ليش مانحاول بقدر استطاعتنا اننا نرجع مثل هالايام

ليش مايحاول كل واحد مننا انه يتقرب لاهله اكثر واكثر

ليش الدنيا ومشاغلها وحتى في ملذاتها

قاعده تبعدنا عن جونا الاسري ..

صدقوني هالتفكك اللي يصير وحنا ماندري عنه هو اكبر مرض يصيب المجتمع

ليش حنا فئة الابناء انانيين بالنسبه لاخواتنا ؟؟؟؟ !!!

الولد دايم يطلع ويتمشى ويروح ويجي

واخته المسكينه منطويه بالبيت ؟؟؟

انا ما اقول خل اختك تاخذ راحتها وتطلع وتمشى على كيفها

لكن حاول انك تعطيها جزء من وقتك

اجلس معها ... سولف معها ... انا اتحدى ان الاغلبيه

منكم مايجلس مع اخته الا بالكثير في الاسبوع مره

قس على ذلك اخوانك الصغار

ومن باب اولى واولى واولى امك وابوك

[MoTaYaM]

اف اف .. الرجال خش جو .. اتركوه .. اتركوه :) :D

[الموسيقار]

والحين ورى ما رديت على اسئلتي يا امير:mad:




ترى اصك الموضوع:D

<============== ما يدري انه يكلم مشرف عام:D

المهم


عندي سؤال اضافي غير اللى قبل:D



انت معارض لقيادة المراة كما اعلم

واستشهدت بشاهد غريب قلت لو ان الرجل دخل المطبخ مهوب مكانه والمراة تسوق مو مكانها وانا معك في كلامك 100%

بس فيه شيء محيرني:confused:

لو تلاحظ القنوات الفضائيه صباااحا تلقى الطباخين رجال:confused:
واللى يتدربون ويقدمون برامج رياضيه حريم:confused: (((ما الك الا هيفا:D )))

وش رايك بالكلام ذا ؟؟ ولو غيروا وخلو المطابخ للرجال والرياضه والكوره للحريم موب احسن:D ؟؟؟؟؟؟؟؟؟؟







تحيااااااااااااااتي

[أندلسية]

اجابتك تدعو للتفاؤل
يمكن هذي وصلة الدائرة الناقصة :) ..

يعطيك العافية ..

[ابو الهنا توكلنا]

افا يا الامير ما ترد على اسئلتي........................

[شميط حلّي]

لا ياشييييييييييييييييييييييييييخ ............

بالله يقالك تطقطق بلووووووت .....ايييييييييه هييييييييييين ....يالأمير
افلقني ياشيييييييييييييخ ....

اجل تلعب بلووووووووووت هاااااااااااااه .....ههههههههه
ياشيخ اذا لعبت بلوت ابطل العبها انا بعد كذا ....حدك الباصره والاونو ....وتخب عليك بعد.....(kh)

(joke) (joke) (joke)

[الموسيقار]

شميط


هههههههههههههههههههه


مية تسعات اجل(takenoff) (takenoff)



اقول


وش رايك تعطيه من ال6 وتحت يطقط فيه (takenoff)

اجل يطقطق اجل(takenoff)

[ورده]

مساء الخير يالأمــــــير

عندي سؤال واحد بس وياليت تجاوب عليه بكل صراحة

:D

لو واحد هاكر اخترق جهازك وانت قاعد تكتب في المنتدى على سبيل المثال

شو بتسوي ؟؟ :D

بتطفي الجهاز او بتترجى فيه او بتسوي فيها ثقيل او شوووووووووو


(shy)

[فتى الجزيرة]

ياانا بحجرلك باسئله ...... اخليك تكره المنتديات بكبرها :)




1/ الاكله المفضله .؟؟؟ --------> (مطاعم حكوميه والا اهليه)


2/ هل تتابع قناة الجزيرة ؟؟ (ايمان بنوره)(kh)


3/ يقولون انك ناجح في مجال دراستك :D ،، هل هاذا ينطبق عل مجال العاطفه :) ؟؟(kh)


4/ نرجع لايام التشات ---> وش كان اسمك هناك ؟؟


5/ مارأيك في مدينه الاحساء ؟؟ (love)












بس

[الموسيقار]

الموضوع مقفل نهائيا

مليان من الامير نبي ضيف جديد:D


انتظروا الامير يجي ويرد عليكم:D


والوعد الضيف الجديد