بين الـ ق و الـ ف .. قــف .. ( قرقعه + فنقزه = مالها داعي ) ..

[ساهرالليل]

.. بسم الله الرحمن الرحـــــيم ..

بين الــ ق والــ ف ..
قـــــ ....... فــــــ .
قـــــ ... فــــ .
قــــــف ..
حرفين لنا عليهم كـــــلام ..
تحت كل واحد منهم كم كلمه ..

نبدأ بحرف القـــــــــاف ..

قـــبــصه ..
سلاح ذري له نتائج سيئه ..
هو عادة يستخدم من البنات القشرررررر ..
وصفته كالتالي ..
اصبعي الابهام والسبابه يجمعون مع بعض وفرررررررك ..
وتكون نتائجه باهره اذا كان مع اماكن حساسه ..:sad:
قد تحدث بعض المضاعفات مثل احمرار الجلد وبعدين ازررررق ..

نـــوف ..:S:
هلااااااااا خير انشاءالله :nope: قصدي:c:

قــنــعـه ..
هو سلاح لايقل خطورة عن اللي ^^^ ترا مهوب نوف اللي قبلها:wink:
وصفته كالتالي ..
تبرز الأصبع الوسطى بشكل ظاهر مقلوب مع ثني الاصبع ..
وبعدين خــبطه سريعه على الدميجه ..:e:
من أكثر ضحاياه البزران ..:nope:

قــوطــــي ..
علبه حديديه لكنها استخدمت لبعض الألعاب الترويحيه ..
خصوصا من البنات شبرا قمرا.. وخطه <----- مااعرف وش معناها:c:

قــذلـه ..
حركه بالشعر كانوا يصلحونها البنات سابقا ..
خســــــــاره ..
البنات اليوم يكبون بيبسي على شعورهم علشان تتجعد ..:eek:

قــعــس ..
وفي روايه قــعيــس ..
حشره صغيره لكنها نشيطه ..
شكلها اقرب مايكون لجيب تايوتا نوع ربع مصندق ..
يتواجد بكثره فوق الطعوس .. ميزته انه داعس مايوقف ..
حشره غير مؤذيه غالبا ومكافحه ( شاطره ) ..

قــعـــره ..
حشره صغيره ..
لكنها دكتوراه مع مرتبة الشرف بالنكبات ..
شكلها قريب جدا من النمله .. لكن حجم أكبر عائلي نوع سيدان ..
اذا واجهتك مشاكل مع ^^ وكنت معزوم ..
بسررررعه قل عندي مكالمه مهمه بالجوال ولاتتفلسف ..
أقرب حمام .. وأنصحك تــــجـــطـــل ..
<------------ ياخزياه وش هالكلام:shy:
على طول تمصلخ وشف شغلك بسرعه ..

قــمــطــه ..
وفي روايه مالك داعي ..
وفي روايه أخرى كان مالي ..
هو مصطلح بتشديد الميم ..
يطلق عادة على اللي مسوي زحمه وحس أنه في موقف لايحسدعليه.
وخيارات التراجع أصبحت صعبه ..
من ضمن نتائجها الكثيره التي تتلقاها -------------> التصفيق والبقوس ..

حرف الفـــاء ..

فــداغــه ..
هي صفه تطلق على اللي مايجمع ..
وبمعنى أوضح قليل الفهم ..

فــركــه ..
بتشديد الــراء ..
مشهد سيــنـمـائي تعرض له الكثيرين ..
لكنه يحتاج الى مهارات مقاربه لأمكانيات الســلوقي ..:S:

فــســـحـه ..
من أجمل اللحظات للطلبه والطالبات ..
لكنها قد تستخدم استخدامات غير حضاريه ..
<--------- أها كلهم شطـــار ..

فــلــقــه ..
بتشديد اللام ..
هو الوضع الذي ينتج بعد تلقي الأنسان صدمه كهرومغناطيسيه ..
وبصفه أعمق ..
هو أن تكون ماسك طريقك لالك ولاعليك ..
وفجأة تتلقى خبطه عنيفه على الدميجه = الرأس ..
فورا ..
أدفن راسك بقهوه مطحونه <------ :nope: مدري ليش ..
............... ^^^^^^^ مجربها أول خطوات الاسعاف الأوليه ..
قد ينتج عنها أنتفاخ وهو مايطلق عليه صــعرررررررور ..
الفكس دوره محوري ولاغنى عنه ..:e:

فشــيله ..
هي مرتبه متقدمه بالكسحه والأحراج ..
ويصاحبها تغيرات بالوجه زي كذا -------------->:shy:

فـــــول ..
أكله شعبيه محبوبه ..
لكن لها عواقب وخيمه في المجتمعات اللي تثقل منها ..

كلمات تبدأ بحرف القاف ..
قربه .. قزازه .. قشره .. قسيمه .. قشطه .. قناره ( شبيه الريح أقصد العجرا :sad: ) .. قضيه .. قاز .. قرد ..

كلمات تبدا بحرف الفاء ..
فاره .. فرخ .. فساله .. فصل = أقضب الباب مانبيك .. فحطه .. فزعه .. فكوك .. فرامل ..

ماودي اطول عليكم وأعلق علي اللي فوق ^ ^ لكم الخيار اذا يبي
احد يعلق أو يضيف كلمات من عنده ..

حنا قلنا لكم قـــــف ..
الحين نقولكم مشكورين ..
و عسى ما ق ف ل ن ا ه ا معكم ..
أتمنى أنها تعجبكم وتحوز على رضـــاكم ..

ياليل تعبت سهد ..

[الجساس]

قـــبــصه ..
سلاح ذري له نتائج سيئه ..
هو عادة يستخدم من البنات القشرررررر ..
وصفته كالتالي ..
اصبعي الابهام والسبابه يجمعون مع بعض وفرررررررك ..
وتكون نتائجه باهره اذا كان مع اماكن حساسه ..
قد تحدث بعض المضاعفات مثل احمرار الجلد وبعدين ازررررق ..


صادق والله اني اذكر وانا صغير قبل 10 سنوات تقريبا كان عندنا بنت خالي قرصتها تعور :e:



فـــــول ..
أكله شعبيه محبوبه ..
لكن لها عواقب وخيمه في المجتمعات اللي تثقل منها ..
ممكن توضح اكثر من هالشعب؟ :S:(يبي يوهقه)

ومشكور على الموضوع ياليل تعبت السهد

[سد الغلا]

والله من الهبال

:lol::lol::lol:

[ساهرالليل]

لوووووووووول أبو عبدالرحمن ..
تقبصك بنت ولا يقبصك واحد حرش:wink:
بلاش احراجات ..
ودي أقول منهم بس أخاف يطلع لي واحد خواله من طنطا ..:S:
هلا وغلا ..

.

.


.


.


.


سد الــغلا ..
بعضا مما عندكم:S:
هلا وغلا أخوي ..

[طويلــة العمــر]

لوووووووووووووول

ما شاء الله تبارك الله ... قاموس

طيب ورى ما حطيت كل الحروف ؟؟

الناس ودها تتثقف :he:

تعليقات بسيطة على كم كلمة :

قبصة ==> لو تدوور العالم .. ما تلقى ولد يقبص أحسن من بنت .. مستحيييييل

قنعة ===> شكراً على التوضيح .. تراهم ما يصدقوون .. على طول يفهمون غلط :e:

قوطي ===> تفريج كربة هالاختراع .. كثير ما يلقون كورة .. و يلا قوطي

فسحة ===> زوالها قد يؤدي إلي انتهاء كثير من مشاكل المجتمع <<< الله بس العالم وش يصير فيها

يعطيك العافية :)) ... و سيــّر علينا أكثر :c:

لمن أشوف موضوع مهوب منقول .. أحس إن الدنيا بخييير <<< أمانة ما رحمتوها :e:

[جمال الناصر]

ههههههههههههه



ياليل تعبت سهد



روقنا ياهوووو


بلاش كلمات حساسة



ترا الخط الأحمر بيولع ويرجع يطفي



وبعدين فكونا من سوالف البنات



ترا ملينا :r:













الرومانسي

[القهوجي]

ههههههههههههه

والله قاموس رهيـــــــــب


شكراً لك اخي ياليل تعبت سهد :))

[طويلــة العمــر]

باااااااااااك

طيب وش رايك بـ ذي :

الفزعة :

هي مجموعة من الأشخاص يقومون بضرب واحد دون معرفة السبب .. !

:he:

[سد الغلا]

^
^

^
^

^
^
والله من خفه الدم

[ساهرالليل]

نــــــوف ..
لوووووووووول
الله يخلف <------ مالت عليه لو انه دكشنري E أصرف ..:LL:
نقطه عــــ السطر ..
قولي قسنب بالله متى آخر مره قبصتي وليش ..

^
^
^
^
^

واحد أطخم فوق يقول أنه كانت تقبصه بنت خالته يوم أنه صغير ..:eek:

لاتفهمونا غلط ..
نمزح ونصرقع وننكت وهذا حدنااااااااا ياهوووووه ^^ ياراعي البعير..:am:


سوكلن ..:ee:

[لمــ سحرية ـــسة]

:yy:

موضوع متعوب عليه فعلالالالالا :))

أحسنت فكل الكلمات مستعمله في أيامنا هذه :am:

[ساهرالليل]

هلا وغلا القهوجي ..
ياخي شكرا ..
أي قاموس الله يسلمك ..
كلها كم كلمه حافظينها يوم حنا في لاس فيجاس ..:S:



ش و ك ل ن :wink:

[ساهرالليل]

هههههههههههه الرومانسي ..
ياخي أنا من يوم شفت البعير اللي معجبك وأنا غاسلن يدي ..:S:
لووووووووووووووووول
أقول لاأوصيك أعلف زين ترا أم رقيبه حولك ..:))
بس شوري عليك ..
لاتقرب حوله والله ين عضك أن تروح ملح ..:eek:

عيني بعينك ..:ee:

[ساهرالليل]

نــــوف ..:))
صح ..
لكن فيه شرح يمكن يوضح الفزعه أكثر ..
يعني مثلا مثلا ..
لو أنك تسوقين سياره ..
وأنتي ماشيه على طريق مثلا مثلا طريق المطار ولقيتي الرومانسي يلوح بيده الكريمه وسيارته مبنشره ..:nope:
اذا وقفتي وساعدتيه تعتبر ( فـــزعه )
واذا ماساعدتيه حقه وماجاه يشتري كفرات زي الناس ..:sad:

سوكلن للفزعات نـــوف ..
:ee:

[أمل الغد]

ما أحلى الفسحه هههههههههههههههههههه
مروق ياليل :c: :))

[ساهرالليل]

هلا فيك لمسه سحريه ..
تسلم ..
مادام انك عارفهم ..
^ ^ ^ فيه كم كلمه فوق خلنا نشوف وش عندك ..:))

.


.

على فكره فيه كم كلمه نسيناها ..
قحطه ( مايندي والله لو تبي ذنب = بخيل ) ..
قــطـه ( مانيب دافع لحالي ) ..
فمـتو <-------- أنواع المسرحيات على جية رمضان ..
وغيرها ...