اليوووووم المشؤؤؤؤؤم !!!!

[سد الغلا]

حياكم الله ...


في ذاك اليوم المشؤم يوم اني اشتغل على النت في الكمبيوتر جاه بلى وقام يطفي بلحاله ويخبص مدري تقول لبسه جني..

المراد وانا انقز لواحد من الربع :r: واقعد اطق الباب ساعة لما فتح لي وهو فاق خشته متر في مترين يتثاوب ياجعلها تلطس..

والله واقوله من هاك الكلام الزين، وهو يرد بشين نفس – اخلص وش تبي- ..

يشين السرج على البقر :lol: – يعني يشين الخبل اذا منه تعلم شي..

وارد واقوله : سلامتك مغير عندي برامج زينه ما مثلها توها جايتني ودي تشوفها ان جازلك شي خذه..

- بيني وبينكم لو ما قلت كذا كان ما جا هو وكرشته –:wink:

وهو يجيك يدربي هالراس ويشغل الكمبيوتر وماغير يبرطم ويرفع هالحواجب ونزل العيون ويمش خشمه..وتاليتها يلتفت بخشته المباركه ويقول كمبيوترك فيه فيروس...

انا يوم سمعت الفيروس طار ت عقلي وقلت في نفسي اكيد هذا هو الجمره الخبيثه اللي اسمه السارس اللي يقولون انه خطير.

هاه يالحبيب وش السوات.. وهويرد بعد ما كمل بيالت الشاهي – وده يعالجونه-

وما صدقت بس متى مسك الباب .. الا انا اللي انقز واتلطم لا يعديني ..

واتل الكمبيوتر واصندقه في غمارت الددسن ..واحط رجلي وهالكمبوتر مغير يصفقه جال حوض الددسن يمين ويصفقه يسار من الطيران..

والا انا اللي اصل اسعاف مستشفى ((احم احم )) واللبق الشاص قدام الباب ، وانزل طاير زبيرياتي وحده في غمارت الجمس والثانيه عند باب المستشفى..

واول ما لقيت هاك التستر والا انا اللي اقول سارس مريض فيه خبيثه ..وهي يوم سمعت هرجي ويمرعلى وجهها جميع طبقات اللون الأسود ..وهي تحط رجلها وتنادي كم واحد ويجيبون النقاله ..

والله انا اللي اركض وهم وراي لين وصلنا الكرسيدا وهم يناظرون في الغماره و في الحوض ..وينشدوني وينه..

وانا اللي اقول عمن يعميهم ماشافوه ..والله انهم كمخ وانا اشر لهم عليه..

ويناظرونه ويناظروني ويقولون مهبول ولا مالقيت شغل..وارد عليهم : ابد يالربع السالفه سذا وسذاك..

يوم طاح التختور على ظهره من الضحك..ويالله يجيبون مويه ويكبونها عليه لين صحى..ويرد علي ويقول: ايه يابني دا فيروس كمبيوتر بيعلقوه بالمبيدات بتاعت الكمبيوتر..

وانا اللي اطمن راسي..واقول عادي تراي داري بس قصدي شفت ما عندكم شغل وشكلكم مالين قلت واسع صدوركم.. :e:

واحط رجلي وافرك........................ولا يردني الا الصيدليه البيطريه..

والقى هاك الزول اللي ياله تشوف سنونه اذا ابتسم.. :S:

واقوله : عطني اقوى مبيدات كمبيوتر عندك ...

ويرد الزول : ايه مبيدات كمبيوتر ايه.....ما فيه يازول شي اسمه مبيدات كمبيوتر..

وانا اقول في نفسي ياجعل هالزول للفضخ ..وين طحت بها السوداني ما عنده سالفه وتلقى حياة امه ما شاف كمبيوتر..

وامسكه واتله من يده واسحبه للكابرس>>>>>>>>> والله الولد معه انواع الدداسن :lol: ووريه الكمبيوتر ...واقول ذا يامال العمى..

وهو يقلبه يمين ويسار ويقول : شنو دا...اول مره اشوف حيوان بها الشيكل..

- ياوالله اللي بلشت فيه –

الا وانا واياه ندربي روسنا ويجي هاك الرجال ويخش عرض ويقول : كم مسيوم..

قلت : وشو ... قال : الكمبيوتر>>>>> شريطي الولد

-الا وابو الشباب يشوفنا نقلب هالكمبيوتر يحسبني ابا ابيعه للزول-

قلت له : لا ابد ما تشوف شر ماغير عليه قل صح فيه فيروس وجبته للزول ابيه يدور له علاج..

الا وهو ياخذني على جنب ويقول لي اسمع لا يلعب عليك هالسوداني ويقول انه فاهم بالكمبيوتر..ان سان عندك مشكله شف المحل الفلاني تراهم راعين كمبيوترات وفاهمين فيها..

- الا وابو الشباب يحسبني جايبه للزول ابيه يصلح لي فيه شي ولا درى اني ابي مبيد للفيروس-

يوم سمعت كلامه ودريت وش السالفه ...وارد عليه : لا داري بس عندي شغل هينا وقلت اناظر وش يقول الزول.

وانا اللي اقفي ولا يردني راعي المحل اللي قال....

واخيراً تمت معالجته وازالة الفيروس منه...

واقدرت ارجع وبربر معكم من جديد..

واللي عنده اسئله بالدور..........................

الصز مليت وانا اكتب..من عقب العصر ولا خلصت الا من امس المغرب....



وسلامتكم... :ee:


ادري انكم مافهمتوا شي بس وش اسوي هاذا اللي صار :S:

[سد الغلا]

والله بصراحه

طحتوا من عيني :ll:

اللي قرا ماقدر يحط تعليق

ايه مااحد يعرفني والا كان رد علي من زمان :e:

[ابو أيمن]

معقوووله يا سد الغلا اذا ما احد رد انا راح ارد
خليك كذا دايما مع الكلام الحلو
:)

[سد الغلا]

ابو ايمن تسلم ومشكور على المجامله

الباقين >>>>>>>>>:yy:

[شين الحلايا]

نص مقتبس من رسالة : سد الغلا
حياكم الله ...


في ذاك اليوم المشؤم يوم اني اشتغل على النت في الكمبيوتر جاه بلى وقام يطفي بلحاله ويخبص مدري تقول لبسه جني..


خخخخخخخخخخخ عساه جاء على المقاس :r:



واتل الكمبيوتر واصندقه في غمارت الددسن ..واحط رجلي وهالكمبوتر مغير يصفقه جال حوض الددسن يمين ويصفقه يسار من الطيران..

والا انا اللي اصل اسعاف مستشفى ((احم احم )) واللبق الشاص قدام الباب ، وانزل طاير زبيرياتي وحده في غمارت الجمس والثانيه عند باب المستشفى..

واول ما لقيت هاك التستر والا انا اللي اقول سارس مريض فيه خبيثه ..وهي يوم سمعت هرجي ويمرعلى وجهها جميع طبقات اللون الأسود ..وهي تحط رجلها وتنادي كم واحد ويجيبون النقاله ..

والله انا اللي اركض وهم وراي لين وصلنا الكرسيدا وهم يناظرون في الغماره و في الحوض ..وينشدوني وينه..


وانا اللي اقول عمن يعميهم ماشافوه ..والله انهم كمخ وانا اشر لهم عليه..

ويناظرونه ويناظروني ويقولون مهبول ولا مالقيت شغل..وارد عليهم : ابد يالربع السالفه سذا وسذاك..

يوم طاح التختور على ظهره من الضحك..ويالله يجيبون مويه ويكبونها عليه لين صحى..ويرد علي ويقول: ايه يابني دا فيروس كمبيوتر بيعلقوه بالمبيدات بتاعت الكمبيوتر..

وانا اللي اطمن راسي..واقول عادي تراي داري بس قصدي شفت ما عندكم شغل وشكلكم مالين قلت واسع صدوركم.. :e:

واحط رجلي وافرك........................ولا يردني الا الصيدليه البيطريه..

والقى هاك الزول اللي ياله تشوف سنونه اذا ابتسم.. :S:

واقوله : عطني اقوى مبيدات كمبيوتر عندك ...

ويرد الزول : ايه مبيدات كمبيوتر ايه.....ما فيه يازول شي اسمه مبيدات كمبيوتر..

وانا اقول في نفسي ياجعل هالزول للفضخ ..وين طحت بها السوداني ما عنده سالفه وتلقى حياة امه ما شاف كمبيوتر..

وامسكه واتله من يده واسحبه للكابرس >>>>>>>>> والله الولد معه انواع الدداسن :lol: ووريه الكمبيوتر ...واقول ذا يامال العمى..


:ee:
:S:

هالحين شاص والا ددسن والا جمس والا كرسيدا والا كابرس؟؟ شكلك تكثّر من جرعه الحشيش :c:
.
.
.
إذا تتعب لاتكتب وبعدين تعوّرك يدّك
عوافي على الموضوع ,,
:ee:

[راعي قهاوي]

والله ان موضوعك زبيط

تشليخ على كيف كيفك

الا ليش مابعت الفياغرا حقتك للحين ؟

يمدحون الديانا ياخي

[سد الغلا]

شين الحلايا

والله مادري بس المهم اللي صااااار ركبت اخر شي على لومينا 2003 عليها سفتي :S::S:

راعي قهاوي

زبيط

تشليخ

الديانا

اكفششششششششششش يازينك ساكت >>>>>>>> الله يذكر الشات بالخير :r: