هذي والله الرحله المبروكه

[أمير الليل]

سلااامو عليكوووووووم

في يوم الخميس

في تمام الساعه الرابعه والنصف عصراً

كنت جالس انا والفوزان على الانترنت

طبعاً يوم خميس وفاضين لادراسه ولا هم ولا قلق

الموووووهم

كنا نحوس بين هالمنتديات

وندعبس

وضحك وهستره

يوم اخذنا شوي الا يوم وصلت رساله على جوال الفوزان

فتح الرجال الرساله

واثرها جايه من القهوجي :))

يقول فيها

(( الشوق بلوى
والمسافه بالاميال
وغير الرسايل مالقينا طريقه.. ))

شكله يحب الفوزان :shy:

المووووهم

قال الفوزان

امير وش رايك ندز للرياض

ونقابل العيال

انا طنت الفكره براسي

قلت والله فكره حلوه


قدااااااااااام

وبعد

بستغل الفرصه

وبخلص لي شغله هناك

عندي جهاز اوربيت دابلن تسبدي

قلت بروح ارجعه واخذ الفلوس التأمين اللي عندهم

<<<< طفران ماجتنا المكافأت من 5 شهور

والله وتوكلنا على الله

عبينا بنزين السياره

واشترينا مويه وببسي (( العايله الكبير ذاك))

<<<< مابقى الا تقول وش كنتوا لابسين

تدرون

لعيونكم بقول وش حنا لابسين

انا لابس بدله ترنج الخضراء القديمه حقت وزارة المعارف :lol:

والفوزان قميص نوم ابو طربوش

ونمسك الطريق السريع

نمشي 240 كلم

وسوالف وضحك

ونقول بنقابل فلان وعلان

ومتحمسين

ويوم بقى على الرياض تقريباً 150 كليو

دق جوال الفوزان

اثره القهوجي

الفوزان : هلا والله وغلا

القهوجي : هلا بك ... وش اخبارك

الفوزان : الحمد لله تمام .. انت وش اخبارك

القهوجي : انا بخير دامك بخير

الفوزان : اسمع انت وخشتك .. جهز القهوه الليله تراني جايك انا و أمير

القهوجي : وين جاييني لبيروت نجد :))

الفوزان : لا الرياض ... انت وينك لا تقول انك في بيروت ؟؟

القهوجي : ايه انا ماشي امس لبيروت

الفوزان : يلعن ابليسك .. طيب والامير لاتقول مخاويك

القهوجي : لا الامير ماخاواني

الفوزان : الحمد لله

القهوجي : بس تراه ماشي للشرقيه

الفوزان : وشو .... انت تمزح ولا صادق

القهوجي : لا والله صادق

الفوزان : اقول الشرهه مهب عليك على اللي يجيكم ثاني مره

(( وطراااااااااااخ سكر السماعه بوجهه ))

قلنا مو مشكله الامير والقهوجي اصلاً مانبيهم نبي نحصل الباقين

وصلنا للرياض وخلصت شغلي بدري

بس للاسف

قالوا لي تبي فلوسك كلمنا يوم السبت على الرقم اللي مسجل عندك بالفاتوره

وحنا نتفاهم معك

قلت يالله يالفوزان شكلهم بيجحدوني

خلنا نروح لكبينه ونكلم الشباب

الفوزان جواله زفت البطاريه

قال اصبر ياولد

خلنا اول شي نكوي ملابسنا اللي كنها اوراق متعفطه

ونحلق ونكشخ

قلت وبراسك يالله

ودينا ثيابنا وشمغنا للمغسله وكويناها

حتى اهلنا بالرياض جاحدينهم مادروا انا بالرياض خير شر :nope:

ورحنا نحلق

الموهم بعد كل هالزحمه وكل اللي صار

رحنا للكبينه

ونتصل على اول رقم

الامير

طبعاً حنا مكلمينه لاننا ماحنا مصدقين القهوجي دايم نصاب :r:

أمير الليل : هلا والله وغلا

الامير : هلا ومرحبتين

أمير الليل : وش اخبارك

الامير : الحمد لله تمام

أمير الليل : انت وينك وش هالازعاج اللي عندك وصوت الطيران عندك لايكون في حفلة وطقاقات

الامير : انا بمقهى كبر صالة بيتكم فيها اكثر من 700 تلفزيون كلها مرفوعه اصواتها على الاخر

أمير الليل : المقهى وينه بس ماعلي من التلفزيونات

الامير : بالشرقيه

أمير الليل : يعني كلام القهوجي صحيح

الامير : وش قالكم

أمير الليل : يقول انك بالشرقيه

الامير : ايه هو صادق

أمير الليل : اجل ضف وجهك :eek:

الامير : ياهلا والله مع السلامه <<< طايح وجهه بس ماوده يفضح نفسه عند اخوياه ))

========

قلنا وهذا الثاني وطاح بحسابه

قلنا ياولد من نكلم الحين

اييييييييييه

مافيه الا الموسيقار

ونكلم على اخينا بالله

أمير الليل : هلا والله وغلا

الموسيقار : هلا ومرحبتين

أمير الليل : وش اخبارك

الموسيقار : تمام الحمد لله ... من انت ماعرفتك

أمير الليل : انا امير يالاهبل <<< يمون

الموسيقار : هلا والله اميروووو .. علومك انت .. وش الدنيا بك

أمير الليل : الحمد لله تمام

الموسيقار : ليش تكلم من كبينه شكل جوالك مفصول

أمير الليل : لا والله بس متسلفته مني الحكومه هاليومين

الموسيقار : ههههههه الحال من بعضه انا **** منك (( تم التحرير من قبل شين النحس ))

أمير الليل : المهم بس لايكثر وينك فيه لا تقول منت بالرياض

الموسيقار : لا والله انا ببريده

أمير الليل : وش تقول <<< قفلت معه

الموسيقار : امس والله اتصلوا علي الشباب قالوا لي وش رايك نروح لبريده قلت يالله ومشينا

أمير الليل : يلعن ابليسكم مالنا بالطيب نصيب <<< يرفع به

الموسيقار : يارجال خيرها بغيرها

أمير الليل : اوكي اجل ماعطلك فمان الله

الموسيقار : ياهلا ومرحبا

========

وهذا الثاني طاح بحسابه

فكرنا قلنا من باقي ياولد من باقي

ايه لقيتها

وش رايك يالفوزان نكلم على شيون

رد علي وقال لالالالا فكنا منه

انا مادانيه وتبيننا نقابله ابي احوس الشغله واتوطى ببطنه اذا شفته :r:

قلت وبراسك

اجل ياولد من بقى

قالي وش رايك ندق على هاوي ابداع

قلت يالله

أمير الليل : هلا والله ابو ابداع

هاوي ابداع : هلا والله اميرووو

أمير الليل : وينك يادب

هاوي ابداع : والله معزوم على عشا باستراحه

أمير الليل : يووووووه طيب متى تطلع

هاوي ابداع : تقريباً حول الساعه 12.30

أمير الليل : حراام عليكم اوكي يالله انقلع <<<< مافي تفاهم

========

قال الفوزان خلاص مابقى الا واحد اللي هو غشــــام

قلت والله ونعم اتصل عليه

الفوزان : هلا غشام

غشام : هلا والله الفوزان

الفوزان : وينك ؟

غشام : والله انا جالس مع الشباب باستراحه بالثمامه

الفوزان : الحين انتم كلكم مامسكت معكم عزايم الا اليوم << قفلت الاخلاق

غشام : والله يابن الحلال ..... طوط طوط

وطرااااخ قفل السماعه

========

قلت ياولد مافي الا اللزقه الرومانسي

قال الفوزان هذاك لزقه انا حاذفن رقمه من مبطي وديليت بالمسنجر

قلت انا مخلي رقمه بالجوال لاني اطلبه فلوس ولاعطنياه من مبطي

مشتري كمبيوتري وجاحدني :ll: يقول من المكافأه ولا شفت شي للحين

وبينما حنا نتشاور دق جوالي وطلع الرومانسي قلت خذ كلمه مابي

اسمعه بيفقع راسي وانا بسوق شوي اول شي خلنا بنطلع من الكبينه

المهم طلعنا من الكبينه وركبنا السياره كلمه الفوزان

الفوزان : هلا والله ابو ناصر <<<< محتد يقولها بس الظروف

الرومانسي : هلاااااااااااا والله يالله حيه كيف الحال وش الاخبار وينك يالقاطع

((الفوزان وخر السماعه شوي والله الازعاج ))

الفوزان : والله بخير كيفك رمانسي باشا

الرومانسي : (( بدون مايسأله )) انا في النبهانيه عند ابو نسب

الفوزان بيتكلم عجز

الفوزان : ايه يابو ناصر

الرومانسي : عند نسيبي تمايم وعشاء وبحضرها

الفوزان : من الحين لزقه عشان ناسبتهم اقلقتهم ياوالله الازعاج

الرومانسي : لاوالله فضيحه ولهم حق وكذا وانت تعرف :shy:

عشان كذا انا رايح لبريده ادور عليكم واشتري شماغ

الفوزان : اهي احنا في الرياض ياوجهة النكبه

الرومناسي : وانا ابي ارجع وبكره ماشي لبيروت ثم الرياض

==== وهو قاعد يتكلم طحنا بتفتيش الفوزان حط الجوال على الطبلون وخلاه على الطبلون ====

الرومانسي : قرققرقرقرقررقرقرقررقررقررقرقرقرقررقرقررقررقررقررقر قررقررقررقررقرقررقرقرققرقرقرقررقرقرقررقررقررقرقرقر قررقرقررقررقررقررقرقررقررقررقررقرقررقرقرققرقرقرقرر قرقرقررقررقررقرقرقرقررقرقررقررقررقررقرقررقررقررقرر قرقررقر

========= انتيهنا من التفتيش ========

الفوزان : ايه يابو ناصر الله يعين <<<< يصرف

المهم ابو ناصر البطاريه تطفي ضعيفه يالله ضف وجهك
انتهت المكالمه

========

الساعه الحين تقريباً 11 بالليل

وحنا طفشانين

قلت ياولد المشوار وضربناه

خلنا بس نتمشى بالرياض بدل ماحنا منطقين بهالكبينه

والله ونفر بالرياض ماخلينا شارع الا لفينا فيه

والفوزان جنبي قافله اخلاقه

يقول لو شفت واحد منهم الحين توطيت في بطنه

ثم استرسل قائلاً <<< اذووب يا استرسل

الا وش رايك نتصل على شين الحلايا خلني اطلع حرتي فيه

قلت لا والله فكنا منه تراهو عاد لزقه من يفكنا منه:he:

========

ثم مسكنا الخط ورجعنا مره ثانيه ولا استفدنا شي من مشوارنا هذا

والله لا اخذت فلوس جهاز الاوربيت

ولا قابلنا احد من الشباب

ولا سوينا شي

الشي الوحيد اللي استفدناه

اننا حلقنا وكوينا ملابسنا :lol:

========

عاد رجعنا ومحزنين تقول بعزاء

والفوزان مانام زين امس

قال امير اسمح لي اباخذ غفوه

وصفط على جنب ونقز بالمرتبه الثانيه ونزل ثوبه عليه فنيله علاقي

قلت خذ راحتك يالذيب

<<<<< ارفع به

يوم اخذت شوي صحى الفوزان مفزوع

قلت ياولد وش فيك

قال امير عطني مويه انا غصيت بنفيخه

اثر الرجال يتحلم

قلت اقول لا يكثر شكلك شربت من الببسي واكلت من الفواكه و الجبن وسكرت

قال اقول : لايكثر بس وهات المويه <<<< قافله معه

عاد طول المشوار وهو منسدح وراء ورافع رجوله ومطلعها مع الدريشه

وكل نقطة تفتيش نمرها يمسكون يفتشونه ومايلقون الا فصفص

:ll: هذا اللي قاهرني ابي الفكه منه

========

اللي تحصلناه من رحلتنا المبروكه :-

* 4 مخالفات سرعه على طريق الرياض القصيم السريع

* الفوزان نسى قميص النوم عند المغسله يوم يطالبهم عند الفلوس الهندي( يضحك مبسوط )وهو يقول تراب يملى فمك من اليوم غسيل ماصارت هذي
:r:

* صرفنا مايقارب **** ريال مشوار

* الزيت اخذ حقه

* الكفرات تقطعت من الدوران بالشوارع

========

والحين انتم ياحقين الرياض

لاعاد تتصلون علي تقولون تعال

ثم والله لا اتفاهم معكم

========

هذا وصلى الله على سيدنا محمد وعلى اله وصحبه وسلم

========

وهذه كامل تفصيل الرحله المبروكه

تحياتنا لكم ضحايا الرحله

أمير الليل & الفوزان

محدثكم من بريده

<<<<<< تراهم موب قصمان :S:

أمير الليل

[أمير الليل]

8
8
8
8
8
اقول

لاتشرهون علي بالالوان تراني ماعرف انسق

اجل انا مثل اشراقة فجر ولا هين لين :e:

والله انهن فاضيات ورايقات

انا خربطت فوق وطلع معي اللي طلع

يوم شفتها

الا الالوان مهب يم بعض

كل لون بجهه :S:

اححمدوا ربكم اني حطيت لكم الوان علشان تعرفون تقرون الموضوع زين

بس اهم شي الاخلاق :e:

[البــــــــــرق]

ههههههههههههههههههههههههههه



والله حالتكم حاله




ههههههههههههههههههه



بس تصدقون الموسيقار ماعنده نيه يروح لبريده




بس انا لزمت عليه وراحت عليكم


يله خيره بغيره


هههههههههههههههههههه



تحياتي >>>>>>>>>>>>>.بروقي

[النـايــف]

مساكين يا امير الليل والفوزان


عز الله إني عازمكم عندي على الحاشي في بيروت


وكنتو ناويت تجون بس احسن انا اللي مسويها فيكم


انا قايل للعيال أنحشو ترى اللزقات جوكم :S:


بس ترى بيروت تسلم عليكم


ولازم تجون الخميس هذا ضروري


عشان اتفاهم معك يا امير الليل


انت وخشتك يوم توعد الريجيل وتنحاش


ومسوي فيها إنك تبي تعذر


تقول رايح ابي اخذ فلوسي من اوربت


بس مصيرك جايني في بيروت والله لجحدكم مثل العيال


ابي اقول رايح إلى بطاحه ههههههههههههههه

[الجساس]

هههههههههههههههه يامسكين ياامير الليل الا قل القصة حقيقيه؟

بس صراحه حالتكم تضحك هههههههههههههههههههههه

كل واحد يصرفكم
اجل ليه مانزلت للشرقيه صدقني بستقبلك في مطار الكورنيش الدولي بس ماعليك :S:
ولا في فندق المنتزه(ها تخبر) :S:

اجل كلهم معزومين ذيك الليله
هههههههههههههه

مشكور على القصة امير الليل
:))

[جمال الناصر]

أقول


أمير الليل





وش عندكم ذاك الليل ؟؟


تراني لقيت 20( مسد كول ) منك أنت والفوزان




<<=== توه يدري عن السالفة









أقول والله انا ماني راعي طلعات



حتى لو كنت في الرياض ما طلعت معكم




خبرك .. عقلنا خلاص




:S:









الرومانسي 2003

[طويلــة العمــر]

والله لو داقين علي :))

كان أوريكم الوناسة على أصووولها supp:

أخليكم تجون الرياض كل أسبوع :ee:

<<< منتب عاقلة يا الملاهي

:r:

بس انا في خاطري اشوف شي واحد

إلي هو

انا لابس بدله ترنج الخضراء القديمه حقت وزارة المعارف

والفوزان قميص نوم ابو طربوش


صورة بالله :eek:

[كحل النظــــر]

هههههههههههههه
من جد روعه الموضوع
أجل الشباب صرفوا أنفسهم كلهم
أما عن القسايم فأسلوني أنا أم سدره لحالها تكفي
كثروا من الجيات دام المواضيع بتطلع بالروعه هذي
تحياتي للجميع
أبووووووووووووماجد

[فلان بن علان]

ولا دقيتوا علي لوانكم داقين علي واعدتكم في قرموش الي جنب بيتنا واناقاعد عند عتبة الباب اعد السيارات الي تمر:ee:

[أمير الليل]

البرق

انت ملاحظ هالشي

بعدين تعال انت وخشتك

بس تصدقون الموسيقار ماعنده نيه يروح لبريده




بس انا لزمت عليه وراحت عليكم

ليش تلزم عليه :ll:

=============

النايف

الوعد قدام

بس مصيرك جايني في بيروت والله لجحدكم مثل العيال


ابي اقول رايح إلى بطاحه ههههههههههههههه

اذا بتروح لبطاحه

بنجحدك مرتن ثانيه ونروح للانسيات :e:

=============

جساس

انت تشوف دايم مجحودين :sad:

=============

الرومانسي

اها بس خل الخرطي عنك

تراني لقيت 20( مسد كول ) منك أنت والفوزان

شلون لقيت كل هالمكالمات وجوالاتنا الاثنين استقبال :nope:

خبرك .. عقلنا خلاص

والله ماتعقل ابد

انت فـ *** :S:

=============

نوف

شكلك شغاله ملاهي الحكير على غفله

بس تدرين بقولك شي صار معنا بالرحله علشان قلتي صوره

يوم وقفنا عند تفتيش ام سدره

شافونا مكشخين العساكر

قالوا لنا

هذا والله القهر هنود وراكبين ......... :ll:

ثم قالنا العسكري

بالله اقامتك انت وياه :eek:

قلت ياولد انتبه لنفسك

قال اوووووه سعوديين :shy:

معليش والله من لبسكم احسبنكم هنود منحاشين :ll:

قلت طيب لايكثر

نوف هذا العسكري يحسبنا هنود

لو جبت الصوره هنا

كان محد بيقعد بالمقهى

اذا بغى احد يرقد عياله يقول

بترقد ولا اجيبلك ذولا ويطلع صورتنا :S:

=============

أبو ماجد

خلاص كل اسبوع بنجيكم وبنكتب موضوع

<<< اخذها حلى مصدق نفسه الاخ :e:

=============

فلان بن علان

لو اننا داقين عليك بتعشينا بقرموش

انا اصلاً ما اتنازل اتعشى بمطعم اقل من كون زون :e:

[النـايــف]

لو اننا داقين عليك بتعشينا بقرموش

انا اصلاً ما اتنازل اتعشى بمطعم اقل من كون زون

الله يقلعك يا امير الليل

ذكرتني بحاجه صارت معي انا والرومانسي


:ll:

[البــــــــــرق]

نص مقتبس من رسالة : الرومانسي

==================

أقول


أمير الليل



وش عندكم ذاك الليل ؟؟


تراني لقيت 20( مسد كول ) منك أنت والفوزان

====================


ههههههههههههههههههههه



والله من جد حلوه مادريت عن السالفه



وهو قاعد يتكلم طحنا بتفتيش الفوزان حط الجوال على الطبلون وخلاه على الطبلون


هههههههههههههههههههه


نص مقتبس من رسالة : أمير الليل [QUOTE]


=============

الرومانسي

اها بس خل الخرطي عنك



شلون لقيت كل هالمكالمات وجوالاتنا الاثنين استقبال :nope:

==============





امير الليل على باله الرومانسي مايدري وين تصرف ذي يالرومانسي



ههههههههههههههه




تحياتي ................. بروقي

[الجساس]

امير الليل كان جيت الشرقيه ودقيت علي

اوه نسيت ان جوالي مفصول ماسددت فاتورتين :nope:

[أمير الليل]

النايف

هههههههههههههه

الله يرجك

ياحليل موقع رساله دوت كوم :r:

يابو 1000 :S:

=============

البرق

هذي وانا اخوك تصرف في بنك التنصيب العالمي :lol:

=============

جساس

جوالك مفصول احسن :r:

علشان افتك منك

كل يوم مرسل لي مسج وانا اصرفك اقولك جوالي مفصول :S:

[الجساس]

جساس

جوالك مفصول احسن

علشان افتك منك

اجل تفتك مني ها؟ :ll:


ههههههههه مصختها شوي في الردود خلاص ماابي اقلب الموضوع لشات عشان مايحذفون الموضوع( شفت كيف اقدرك واحب لك الخير):))

[أمير الليل]

جسااااااااااااس :ll:

ياويلك اذا انحذف الموضوع

نوف اخر مره :sad:

[القهوجي]

^
^^
^^^
^^^^
اقول ماسمعت احلام يوم تقول احــــســــــن :r:

ما عليك حبيب قلبي تعيش وتاكل غيرها

الا على فكره انا ناوي اروح لبيروت المره الجايه شــرايـــــك:wink:

والله انا رحت المره الي راحت وفليتها :r:

تعالو لبيروت هالمره بتلقوني انا والامير هناك


:ee:

[الموسيقار]

ههههههههههه

الله يقطع بليسكم

من زينكم مسويين تبي تخلونها مفاجأه لنا

ياخي دقوا قبلها بيومين علمونا

علشان ننحاش صح:S:

قصدي نجهز الذبايح وننبسط ونستانس:S:

ونقول للناس ترى امير والفوزان يبي يجوننا

ونقعد نرقص ونروح للملاهي من الوناسه

بس منيب اخذين جمال نبي نخليه عند الشغاله تنتبه له لا يضيع:r:


شفت كل ذا نسويه لو انتم قايلين لنا قبل
بس ماااااااااش



بعدين الاسبوع الجاي تعالوا وش وراكم

مرروا الامير والقهوجي ببيروت وسيروا علي بباريس

ونكمل الويك اند في مدريد وروما:wink:




معاني الكلمات:

بيروت: ========> خنشليله

باريس:=========> غبيره الشرقيه

مدريد وروما: المقاهي والثمامه:S:

[فلان بن علان]

طيب وحلب يالمسيقار ولا هذي الدخل المحدود:ee:

[أمير الليل]

القهوجي

بكره الوعد في بيروت

وياويلك اذا مارحت هناك انت والامير

ابجيكم في باريس

واعطيك انت وياه مخمسات اثركم في مدريد :2:

الموسيقار

وش نسوي وانا اخوك

بنسويها لكم مفاجأه علشان ماتذبحون ذبايح وتخسرون انفسكم :S:

بس ان شاء الله بعد اسبوعين الوعد في مدريد :e:

ولاتنسى تطلبون لي تفاحتين :r:

بس اهم شي خنشليله

هههههههههههههه

ياحبنيلك بس

فلان بن علان

لا حلب هذي دورها عند المعزا :S:

[القهوجي]

اقول يا شباب اعذروني والله بكره مرتبط

معزوم على عشاء في حلب :r:

امير الليل وش رايك تجلها الاسبوع الجاي :wink:

[مشعل السادس عشر]

اوووووووووووووه

وانا اقوووووول

وش في الشباب منتثرين
كأنهم سبحة منقطعة اللي هنا وهناك

والله لو كنت انا اللي هو انا داري انكم بتجون

كان والله مالكم اللي يطيب خاطركم


والله لادويكم مدريد وروما على قولتهم

واللي تحبونة من هالبناأأت

































بنات المذن




بس حقكم ماجاكم
تسمعون بالمفاجاءات
:r:

[أمير الليل]

القهوجي

انت اصلاً مالك داعي

اهم شي الامير :r:

ميشووو 16

الوعد بعد اسبوعين :wink:

[ساهرالليل]

ههههههههه الله يقطع أبليسك
أوالله الرحله المبروكه ..
لووووووووووول
ولايهمك أمير الليل القسايم عندي ماأمزح ..
<<---------- طق صدره وعند كلمته ..:wink:
كانك صادق عطني أرقامها بسرعه ..
أو أرسلها في رسالها خاصه ..
:ee:

[أمير الليل]

ياليل تعبت سهد

كفووووووووووو والله

قدها وقدووود يالذيب

بكره ارسلها على الخاص

<<<<< ماصدق خبر :S:

[جمال الناصر]

الله يذكرك يا ( كون زون ) بالخير



خخخخخخخخخخخخخخ




تحية لبعض الناس




:wink:

[النـايــف]

فيه واحد قليل أدب


الله يهديه ويصلحه


يحذف ردودي في الموضوع


بس حركه مالها داعي والله :ll:

[فلان بن علان]

لازم اذا كان ردك ماله داعي احذفه <========اقول انت صر مشرف وبعدين تكلم:yy:

[أمير الليل]

الرومانسي

لاتقهر النايف :r:

النايف

هذا واحد يمزح معك

بس مزحه ثقيل شوي :e:

فلان بن علان

:yy: