طرق في فن النذالة ((للبنات))

[الراسي]

تم إعلان الحرب على الشباب إللي مطفشين خواتهم وأهلهم...


<<<اللي يسمعه يقول ماهو مطفش مامتو

وخصوصا اللي ما يودوهم ولا يطلعوهم






فرصتكم يابنات ..........

اذا طلبتي من اخوك انه يوديك السوق ورفض لانه راح يطلع مع اصحابه ....لا تزعلي وقولي له جزاك الله خير ..روحي غرفتك والهي نفسك باي شي ( الموضو ع مارح يعدي بالساهل .. اليك الانتقام ...اختاري اي وسيله للانتقام من الوسائل الاتيه:

1- روحي لمزيل الروائح حق اخوك قبل مايستحمى وافتحي غطاه وحطي فيه استون مزيل المناكير وعصير ليمون وصرافه ....ورديه مكانه...هذا وجهي اذا قدر ينزل يده ويمشي طبيعي ...

2- روحي للصندل او الجزمه ( الله يكرمكم ) اللي يحب يلبسها اخوك دايما وكلي لبان علبه كامله طلعيها من فمك وحطيها في الجزمه من تحت ومن جوا ....قرف على اصوله...

3- روحي للقلم الباركر اللي يلبسه اخوك مع الثوب وطلعي الحديدده اللي جوا وغطيسيها في الحبر ورديها مكانها ...لما ترجعي القلم لمحله سيبيه مفتوح ..يعني جاهز للكتابه....وطبعا اخوك رح يكون مستعجل وماينتبه له ...وينزل الحبر على ثوبه ....قمه القهر

4- خذي فرشته حقت الشعر وغطسيها في مويه الحنه او في مويه مخلوطه ببيضه نيه ....لا تتركي الفرشه مببلله مره ..لا خليها رطبه بس ..اخوك طبعا حيطلع من الحمام ( اعزكم الله ) ويمشط شعره وهو مبلول كالعاده ..شوفي الريحه اللي حتطلع ...كمحاوله للمساعده لاظهار حسن النيه اعرضي عليه انك تستشوري له شعره ...سدي خشمك ...

5- خذي الجوال وفرغي البطاريه يعني العبي فيه لين الشحن ماينتهي ..ولا بغى يخرج من البيت قولي له جوالك بطاريته فارغه ..خذ بطاريتي ....كرم اخلا ق من جد

6- خذي مفتاح سيارته وخبيه ..واذا سال عنه قولي انك شفتيه مع اصغر طفل في العيله وياريت يكون عمره سنه او سنه ونصف ...طبعا مايقدر يخاصمه ولا يضربه على العكس حيتحايل عليه ويحاول يوصله المعلومه باي طريقه ...وانتي اضحكي عليه بس لا يشوفك ..قومي دوري المفتاح معاه لاتفرحي بانتصارك مو وقته ...في النهايه ينصل على اصحابه علشان يمروا عليه ...هنا اساليه اذا محتاج فلوس ( ايه لا تبخلي عليه ولاتقولين لي ماعندك ..جيب السبع ما يخلى .. وفي النهايه كله لصالحك ) اعرضي عليه من 100 الى 300 في الغالب هو رح يرفض ماله وجه ...ماوداك السوق وكمان ياخذ منك فلوس ؟؟.......

7- قبل ما يطلع من البيت خذي مفتاح غرفته بعد مايقفلها ...حاولي تحصلي على المفتاح ضروري ...لا رجع من السهر ه طبعا يبي ينام ..يدور على المفتاح في الميداليه مارح يلقاه ..اكيد حيتوقع انه ناسيه او مضيعه برا ...طبعا ماله مكان ينام فيه الا الكنبه ....روحي صحيه وقولي له نام في غرفتي انا ماني نايمه ....قممه في الكرم والاخلاق ....هنا من جد انتي كسرتي خاطره ...وضميره اكيد حيصحى ..ممكن مايبين لك لكن ثاني يوم راح يجيك بنفسه ويقلك اي سوق تبغين...

اذا كان مايبغى يوديكي علشان يبغى ينام .....اليك الحلول :

1 -روحي لسكينه الكهرباء واطفيها عن البيت كله ....واجري له وقولي في ريحه ماس وانا طفيت الكهربا
هنا ممكن يكمل نومه في الحر والزهق ..( عادي المهم انك طفشتيه )
او يروح يجيب كهربائي وياريت يكون هندي ...طبعا اي نوم اللي رح يجي بعد القعده مع هندي .....اول مايخلص الحقيه بكوب نسكافه او قهوه تركي ....مارح يعترض ..سيبيه وروحي عنه ...رح يجيك وعيونه اربع اربع ويقوللك اي سوق تبين تروحين له ....

2 - جيبي البزران اللي في البيت وخليهم يلعبون عند غرفته وزوديهم بالالعاب اللي لها صوت ...وروحي قعدي جدتك على التلفزيون وطلعي في الصوت علشان تسمع ...وياريت يكون البرنامج مضارب الباديه

اذا كان مايبي يخرجك علشان يبي يشوف مباره او اي شي ...

1- اطلعي انتي والشغاله السطح وخذي معاكي مفك ..روحي لذراع الدش وفكي مسماره وحركي الصحن ....ونادي الشغاله تنظف تحته وانتي ابعدي ....طبعا لا طلع اخوك حيشوف الشغاله عنده ...انتي مالك دخل بس

حلول على الماشي يعني ثقاله دم وبس مالها سبب:

1- اذا شفتيه يقرا جريده خذي عود كمبودي اصلي وعوديه وحطيه في كفوفه من جوا وكثري العود لاتبخلي ...روحي بعيد وراقبيه حتلاقيه رامي الجريده بطول ايده ...ليه؟؟؟؟؟ لان يده صارت سوداء من حبر الجريده ..

2- خذي جواله والعبي فيه المهم حسسيه ان في احد مسكه وقرا الرسايل ..( اقول لا تقراين الرسايل عيب احترمي خصوصيته ) ..هنا رح يركبه ميت عفريت ..اذا سالك قولي انك شفتي جواله مع الوالد او الوالده ...

3- اذا شفتيه قاعد على النت اجلسي جنبه .....واذا كان يتفرج فلم اجلسي معاه اتفرجي ....صدقين حيسبلك الغرفه بكبرها لكي ....

4- اذا طلعتي سيارته مع العيله اركبي ورا وكبي علبه مويه كامله بس لايدري عنك ...صدقيني مارح يطب سيارته الا بعد اسبوع ...

5- اذا طلعتي السياره اسرقي اشرطه كاسيت واحد بس في كل مره علشان مايحس فيكي ...

6- كل مايشتري شي جديد وياخذ رايك عيبي فيه وقولي مو حلو ...مطلعك اسمر ..مضعفك مره ...اللونين مولايقه على بعض ...النظاره مطلعتك كانك جراده ...

7- كل ماتشوفينه اوهميه ان وزنه زاد او نقص ( على حسب انتي شوفي اخوك وش عقدته )..

تحذير هام :

مهما بلغت درجه الصفاء بينك وبين اخوك في يوم من الايام لا تبلغيه بخططك هذه بئر تشرب منه لاترمي فيه حجار

:ee:

[عذبة الصوت]

ويييييين يالراسي ....:S:


خلاص ولايهمك من بكره مسويتها ....




على شان القا نفسي في الشارع :e:

[nedawi]

Great ideas:S:

لكن اخوي مريض حاليا:sad:
وقلبي مايطاوعني
:e:
8
8
8
8
الي ذبحنا طيبتنا
والا بيني وبينك هالافكار قديمه
ماينخاف علينا في النذاله شئ
لكن وين تلقى القلب الي يطاوعك




تحياتي لك اخوي
:he:

[LoveSick]

السلام عليكم ....

الاخ الراسي , كيف حالك يا اخي ؟؟؟

طيب عندي سؤال , اذا كان اخوها مثلا حبيب و وافق يوديهم للسوق بدون اي اعتراض هل ممكن تطبيق الخطط السالف ذكرها ؟

و سؤال ثاني , طيب اللي اخوها مثلا ما يحط مزيل رائحة ولا يتروش اصلا وش تسوي ؟؟ هل فيه خطة بديلة ؟؟

و سؤال ثالث , معليش :S: : طيب فرضا البنت لقت اخوها ما يلبس لا جزمة ولا صندل , يلبس زبيرية مثلي وش تسويله ؟؟ العلك واضح في الزبيرية ..... بس تصدق ؟؟ ... العلك يبي يخلي الزبيرية تثبت في الرجل و بالعكس راح ينبسط مع العلك .:ee:


و سؤال رابع الله لا يهنك : اذا كان اخوها ما يشل قلم اصلا , لا باركر ولا غير ه , الرجال يحب يبصم وش راح يكون الحل معه ؟؟؟ هاه ؟؟:S: ...


سؤال خامس ولا عليك امر : طيب الي اخوها شعره سايح مثلي ( ذا شعره زبدة مهوب شعر , و اذا كان شعره زبدة فا راسه مقلى ) , ما يحتاج يكده - اي يسرحة بلغة البنيات - وش في نظرك الخطة البديلة ؟؟؟


سؤال سادس عزالله مقامك : الي اخوها ما طلع جوال ( موبايل ) ولا يستخدم الا بيجر , وش راح يكون الحل معه ؟؟ هاه


و سؤال رقم سبعة و انت بكرامة : طيب اللي اخوها ما عنده غرفة مثلي , عادة ينام في المخزن ولا في الصالة ولا عند المسبح (عشان تحسون انه ولد نعمة ) وش راح يكون الحل معه ؟؟؟


.....

بالالنسبة للخطط الي اضفتها :
الخطة الاولى : اختي الحبيبة , ما اعتقد اني راح اجيب كهربائي اذا طفى كهرب بيتنا لاني خبير في السباكة :S: قصدي في الكهرب

الخطة الثانية ما اعتقد تزبط لنفس السبب في الخطة رقم سبعة الله يكرمكم ...


نص مقتبس :
" اذا كان مايبي يخرجك علشان يبي يشوف مباره او اي شي ...

1- اطلعي انتي والشغاله السطح وخذي معاكي مفك ..روحي لذراع الدش وفكي مسماره وحركي الصحن ....ونادي الشغاله تنظف تحته وانتي ابعدي ....طبعا لا طلع اخوك حيشوف الشغاله عنده ...انتي مالك دخل بس "

مع احترامي لهذه الخطه الا انها ممكن يصير لها عواقب وخيمة , و اعتقد ان الشباب يعرفون وش قصدي , يعني واحد شاب وش حليله و شعره سايح مثلي و صار بالحاله في السطح مع الشغالة يا ترا ماهو الخطر المحدق بهذا الشاب ؟؟؟:)):)):))

انا من رايي انها تلغى هالخطة ....

حلول على الماشي خخخخخخخخخخخخخخخخخخخخخخ

1- اما بالنسبة لقراية الجرايد فا اعتقد ان الانترنت قايمة بالواجب ....
2- .............................


3- اذا كان على النت يقفل الباب م احد يدخل عنده :))


4- ما اعتقد الن الموية تبي تاثر في ريحة سيارتي , راح تضيح الريحة هههههههههههههههههههههه ....



5- طيب الي اخوها يستخدم سيديات في السيارة , ما عنده كست ( هوندا اكورد مرتبتين ) ما اعتقد انها تبي تقدر تاخذ السيديات ...خخخخخخخخخخخخخخخخخخخخخخخخ



6- والله مشكلة , ما اعتقد اني ابي اخذ رايها في شي , بالله عليك , مقاضيي كلها ما تعرفها البنيات عشان اخذ رايها فيها , تبيني اسالها وش رايها في لون الشوزن ولا شكل الزبيريات ؟؟ الزبيريات شكلها واحد من يوم عرفناها ههههههههههههههههههههه


7- انا من يوم عرفت الدنيا و انا وزني ثابت , 95 ( مديل كرلا ) ههههههههههههههههههههههههه ..... ما اعتقد انها تبي تلعب علي بسهولة ,,,


ههههههههههههههههههههههههههههههههههههههههه


عموما اخي العزيز الراسي , اتمنى انك تكون في المرة الجاية ارسى من كذا و تجيب خطط عملية اكثر , و عموما نشكرك على جهودك ل مساندة المراة في قضاياها , خصوصا قضية السوق الي ارقة المجتمع النسوي لدينا , و يقال ان هذه القضايا سوف تناقش في هيئة الامم و مجلس الامن , و ممكن يصوتون عليها قريبا :r:


اسف اذا كنت استخفيت دمي زيادة عن الزوم
ههههههههههههه

[الراسي]

على العموم جربي يا عذبة الصوت

وما عاش من يرميك في الشارع بيتي اللي هو بيتك مفتووووووووووووح

لك ياااااااااا عيوني


أخت ROSE شكراااااااااااا على مرورك

[المنسي]

موشــــي..............
:S:

[ساهرالليل]

_____
______
_______
________

يسوونها :2::2:
ضروري التفتيش تفتيش يعني تفتيش :nope:

________
______
_____
____

[ليبتـون]

لا اوصلها السوق اصرف :e:

[سد الغلا]

الراسي والله من جد مالك حق بالمرة ؟؟؟؟؟؟؟؟

ليش كل هذا حب للبنات!!!!!!!!!:r:

[ابو كاظم]

افا ثم افا ثم افا يالراسي كذا انت بتقلب البنات ضدنا بس الحمد لله السواق موجود وعندي اخويه سنه خامس يعني محرم ويوديهم اما انا ف مريح:ee: