قصيدة التوجد [الأرشيف] - المقهى العربي

ابونايف

27-01-2002, 04:08 AM

ياعين وين الي ربيعج وجوده ***وينه وانا ويني وهووين ياعين

مدري متى يالعين تلفي وفوده***نعمل حفل والبذل عشره بعارين

حفل ليامنا شبكنا عقوده***يجذب جميع الي مع الخط سارين

ونقول فرحه بعد غيبه وعوده***عزيز واهله في وجوده عزيزين

سنين مايعرف بلاد يروده***امره بحكم الغيب مهمب داريـــــــن

عنه العلوم ليانشدنا لدوده***صم بكم ترجع بليا عناويــــــــــــن

سؤالنا متى تجينا ردوده***لوهو ورا اليابان والاوراالصــــــــــــــين

حتى الرجل يتعب ويبذل جهوده***والمال لويخسر ميات وملايين

ويرتاح قلب يشتكي من لهوده***يونس ينوشه مثل حد السكاكين

وضو تزايد جوف قلبي وقوده***حرارته خطر تنوش الشرايـــــــــــين

وصبرت لين الصبر عداحدوده***ياما صبرت ايام وشهور وسنــــــين

واليوم احس ان العزوم مهدوده***معاد لي قوه على الصبر يامعين

وجدي وجود الي يردد وجوده***من حسرته ينوح نوح المحازيــــــن

كبير سن ادنات حاجه تكوده***وماتواعياله في اسبوع متقافيـــــن

صبره نفذ والحزن الاكبر يسوده***وصارو بني عمه عليه متواصيــن

فرحوا بعد مبناه طاحت حيوده***ونسيوا منول في ذراه متذريــــين

اوجد رجل مامعه غير ذوده***ومن ردي حظه وزعه لدياييــــــــــــن

وبقى وهمه في حياته يذوده***واصغار بيته للعطايا متحريـــــــــــــن

يشكون من جوع الشتا مع بروده***جوعا ولوعا في الشتا ومتعريين

ناس من الحاجه للاخرى محدوده***حدتهم الحاجه لمد الغنيــــــين

ووجدي وجود الي برجله اقيوده***حكمه عشر واربع وشهر وعامين

وقع بمشكلت مهيب محموده***حفره وفيها دهوروه الرديــــــــــين

على الذي دمر طموحي فقوده***ولاادري عن المفقود يذكرلنا وين

عليه جفني مااهتنا في رقوده***اسهر لياشفت المخاليق غافين

ومع السهر همن يجمع جروده***وجوله على حسب الطلب مستعدين

جمع حشد ضدي سريع حشوده***وهجم هجوم الي على القوم غازين

كل يصيح وينتخي في جدوده***اناوجمع الهم حرب ومياديـــــــــــن

لين الصباح تبين بيضه وسوده***ثم انسحب واوعد وقال الوعدديــن

قام يتوعدني وكثر وعوده***وعاينت فيه وقلت حرر فلسطيــــــــــن

ان كان ماصارت جموعك شروده***حارب عدو الله وناصر هل الدين

مالك ورايه دين تطلب قصوده***ياهم مدري غم منك متوذيـــــــــــن

اشكي على حلال كل معقوده***ربي يبدل حزة العسر بالليـــــــــن

منشي السحاب الي ترزم رعوده***وبرقه يلوح وهل وبله وداديـــــــن

واحيا هشيمن يابسات فنوده***عقب اليباس اصبح سوات البساتين

الفضل له والملك والجودجوده***لعفوه عباده عند بيته ملبيـــــــــــن

من اثنى على فضله بخيره يزوده***لطاعته نخضع سجودن مصلين

يارب مانفسي لفضلك جحوده***الفضل اللك لامرك عبادك مطيعين

عبدك وتعلم عن خفايا سدوده***سر وعلن تدري بمايعمله زيــــن

ماتنفعه دنياه والاصدوده***الابعفوك يوم عرض الموازيـــــــــــــــــن

اطلبك من فضلك غريبي تعوده***وافرح ومعي يفرحون المحيبــــن

اكبر فرح وعبادربي شهوده***لله رفعناايدينا مستغيثيـــــــــــــــــن

نطلب كرم مجري ذعاذيع نوده***ربن بحكمه غابت الشمس وتبين

ويالعين وين الي ربيعج وجوده***الي عليه الدمع الازرق تهليـــــن

الشاعر
31: 31: سبتي بن حمود المجيدير 23

~ مســـــيو ~

27-01-2002, 07:16 PM

تسلم أخوي بالصراحه القصيده روعه للشاعر الكبير المعروف

سبتي وياليت تزيدنا بقصائده الغزليه لأن لديه الكثير الكثير

(good1)

بنت زايد

27-01-2002, 07:54 PM

هلا اخوي ابو نايف ..

تسلم على هالاختيار الرائع ..http://www.theunholytrinity.org/cracks_smileys/contrib/ruinkai/biggthumpup.gif

تحياااااااااااااتي لك (good1)

UAE_GIRL

28-01-2002, 04:16 AM

ما اقدر اقول عن القصيده

غير

انها

كذاااااااا(good1)

تسلم

تحياتي

(heart) بنت الامارات (heart)

(good1)

ابونايف

29-01-2002, 12:55 AM

تسلم اخوي smu

تسلمين اختي بنت زايد

تسلمين اختي بنت الامارات

وشرفني توقيعكم والله ماقصرتو

ومااقدراقول عنكم

الاكذاااااااا
(good1)

مثل ماقلت بنت الامارات

ولكم تحياتي(heart)