*** (( انـا و اصــالــة)) ***

[مشعل السادس عشر]

السلام عليكم ورحمة الله
كيف الحال
أولا طف الاتصال
وصلح من القهوة زلال
وصرف أم العيال
وعطها ريال
عشان تصير رايق البال
(تصلح غنية يغنيها جواد)

هذي السلافة اللي هي أنا وأصالة طول الله عماركم على طاعة إن شاء الله
دقت علي أصالة بالغلط مرة تبي مدري منهو المراد اني قلت لها آسف أنتي غلطانة
ودقايق جتني رسالة من نفس الرقم قلت في نفسي أكيد غلطت مرة ثانية (على نياتة الحبيب)
واسحب عليها دبل ثقيل وأعطيها سيفون (الأخ معكوس)
المهم
دقت علي بعدها بيوم وتسلم علي سلام معرفة وتنشد عن أحوالي وعن شيباني(ماي فاذر اند ماذر)
وقالت :أبي أتعرف عليك
قلت :هـــــاه خير إن شاء الله إنا عيال حوامل قصدي حمايل ما نتعرف على حدا.
قامت تضحك قالت: أنت أكيد مرة مرتبك شديد ما عرفتني
قلت: لا والله للأسف ماعرفتش
قال: أنا أصالة
قلت:وش أصالة ؟ مالش ابو؟؟
قالت: أنا أصالة نصري الفنانة السورية
قلت:ششششششششششششششششش
هلا777777777777 واللـــــــــــه(عفوية)
(الاخو يقدر شي أسمة أصالة)

قالت: هلا فيك
قالت: أنت من السعودية ؟؟؟
قلت: هاه وش دراش؟
طيب ما فيه اتصال بصديق هيهيه
قالت: الله يرجك شـو دمك خفيف
قلت: شارب فيمتو ع الصبح
قال: شو صار دمك تقيل
قلت: مأكل زبادي بالقايلة
قال: بــس عـــاد
قلت: إن شاء الله
(شوي استعيد أعصابي وحالتي النفسية ماعدا إلا هذي تنفخ علي)
قلت لها: خير إن شاء الله لا صرت فنانة تنفخين؟؟
قال: اوليه ؟؟ شو اللي صار دحنا بنستهبل ونتغشمر معاك
قلت : اها بس لا يكثر وش تبين
قالت: صحيح ما قلتلي شو اسمك ؟
قلت: معاش مشعل السادس عشر
قالت: تأبرني مشعل دنا طالبتك طلبة إن شاء الله ما تردها ليش
قلت: (وش تبي المصلحجية) آمـــري إن لك يا أصالة
قالت: عاني طالبتك إن تغني معي دويتو
قلت مقاطعا لها: شششششششششششش إن اغني ؟؟
شششششششش من زين صوتي اللي كأنة شكمان جمس موديلة55 واكح كحة
ألين قالت أصالة:أه ه آ ه ه ألين أغمى عليها
ويم صحت قالت: يا محلا صوتك دنتا بتزكرني بصوت عبد الحليم حافظ أيام شبابة
قلت:اها يس لا يكثر
قالت: عن جد
قلت: لاعن جد ولا عن أب شيليها من راسك
قالت: افا والله
قلت: اسمحيلي يالغرام
قالت: طيب طيب
قلت: طيب الله فالك
قالت: انتم يا لشباب قصايدكم حلووة
تقولونها من واقع تجربة
وآبي وحدة من قصايدك الحلوة
قلت:وش دراش إني شاعر؟؟
قالت: أصلا أنا حضرت لك أمسية شعرية وكنت متنكرة عشان
محدش يعرفن
قلت: طيب وأي وحدة ؟
قالت:اذا جيت للرياض بكرة أقولك عشان تقولها قدامي
قلت: وش عندك بالرياض ؟
قالت: بسوي أغنية بلحن نجدي
قلت: مافي شي أسمة لحن نجدي!!
قالت: معرفشي انتو بتسمونها اية!!
قلت : العرضة
قالت: بس عليك نوور
قلت: طيب وبن ؟
قالت: بفندق المملكة
قلت: أي غرفة ؟
قالت: الله يسامحك !!! أنا بجناح
قلت: طيب أي جناح اليمين ولا اليسار ؟؟
قامت تضحك !!!! لبش مدري ضحكت معها (لبش ؟؟؟ مدري )

ـــــــــــــــــــــــ

المهم ويجي بكرة مدري كيف جاء بالسيارة ولا بسكوتر
روحوا اسألوة لحسة صح !!
وأروح للحلاق من بعد الظهر وارووح احلق الشوشة المنفوشة
وزبط السكسوكة
وبعدها رحت لشارع السويلم أدور عطور على كيف كيفك ب10ريال
وأروح لـ تي شوز أدور لي نعلة أم مصبع والقاهن غاليات قلت يا ولد مالك ومال الغلا رح اشتر زبيرية يا مال الزبيريات كلها
باقي الحين الملبس وش البس
بدلة ولا ثوب

احترت في أمري
قلت يا ولد رح لشارع العطايف أروح لمكتبة خلني اشتري دفترابو20 بربع ريال واشققة ورقة ورقة
ثوب بدلة ثوب بدلةثوب بدلة ثوب بدلةثوب بدلة ثوب بدلةثوب بدلة ثوب بدلةثوب بدلة ثوب بدلةثوب بدلة ثوب بدلة
الأخ الكريم يعرف وش يطلع آخر شي
بعد20ورقة يطلع بدلة
المهم طلع الدفتر ناقص وطلع لي ثوب
رحت للمعيقلية برج ج بشتري ثوب دلتن اللي أقلقونا بة MBC-FM(وداعا للخياطين - زمن التفصيل انتهى وين انتهى قم طير بس)
وأتذكر الصروال اللي انقلب لونة وشريت صروال حنتوش ومعها فنيلة لازم نطقم
والشماغ اللي ما ألبسة ألا بالجامعة توة جديد مع العقال والطاقية

خلصت وقلت يا ولد خلني أطق لي كاس كوكا كوكي من التحلية
عشان ما نام عندها ولا انعس قدامها(فشيلة الله يقطع العدو
المهم وامسك طريق الملك فهد
وانتو خابرين هالطريق أنواع الوناسة ما تغير ألا الأول والثاني وبس
المهم وأنا ماشي الدنيا قدامي صارت حمراء اللون
كلهم كعوا فرامل
وش أسوي وش أسوي! ماذا تعمل يا ميشو؟؟؟؟؟
قلت خلني اسحب جلنط
(ترى الفرامل ما هيب خربانة وموجودة)
والله وتهدي السيارة
وشوي زحفت يمين ! واكسر الطارة يسار وراحت يسار وأبي أعدلها ولفيت يمين ثانية
ألا الوضع خرج من عندي

وتدور السيارة وتدور السيارة

وش أسوي ! وش أسوي
يا ويلي
اليني مشغل شريط عبد الله رشاد تدور الارض وتروح ناس وتجي ناس
وأغير الشريط وأحط الشريط الثاني ألا هي طقاقة عليهم عليهم
ومير السيارة راحت تهج على السيارات الثانية
ومير أبدل الشريط على طول واحط هذاك الشريط وطلع حق العسكرية
إلى الأمام سر
واحد
اثنين
ثلاثة
.
..
...
.
صطوب
ألا هالسيارة سمعت الكلام
وأنا ماشي في حفظ الله ومنزل القزازة والمثلث مفتوح
تخبرون يا لله من زين براد ربي
وشوي وأنا ماشي بالطريق شفت كفر يمشي لحالة
قعدت اضحك
ههههههههههههههههههههه
وش يسوي الكفر لحالة
قربع قع طاخ طيخ طوخ قع طخطاخ

[مشعل السادس عشر]

وأوقف السيارة ألا الكفر صار كفري
واقفل السيارة وهي مشتغلة
والحق الكفر

يا اسود
يا جنط يا ثور يا تبن ارجع
ألا الكفر الماخوذ ما يدري وين يروح مع المخرج ولا مع الرئيسي

وصقع بلوحة المخرج وأروح لة وامسكة مع اذنة وأتكلم علية وهو ساكت لأنة عارف وش خطاءة
المهم وارجع للسيارة وابي اركب الكفر بس
مفتاح العجل
داخل السيارة
والسيارة مقفولة
وش السواة؟؟؟
وش تسوي يا ميشو؟؟؟
وش ميشو يا مشيعل وتدلع عمرك بها لحالة!!
واقعد أحط يدي على خدي مدري خدي على يدي
وتمر سيارات ويمر معها باص مدارس ويوقف عندي
انزلوا اثنين
قال الأول:خدمة
قلت: مالها لزمة
قال الثاني: وش فيك
قلت: شوفت عينك السيارة مقفولة والمفتاح داخل
قالو: بس !!!!
قلت : وهي هوينة
قالو: آنت فاتح المثلث؟؟
قلت: ايــه بس ما تقدر يدك تاصل المفتاح!
قالوا: يا ذكي أنت دخل يدك وافتح الباب قم خذ المفتاح
قلت: صح والله فكرة
الله يجزاكم خير
انتو ويين تدرسون
قالوا: مستشفى المجانين
قلت لهم: كفك
قالو: اسحب ملفك
أنا: ههههههههه(جروة على خشمة
يالله مع السلامة
(مجانين أذكى مني وأنا اخو فريال)

واركب الكفر وأروح لشارع التحلية ألا المحلات سكروا لصلاة العشاء
وش تسوي يا مشيعل (خلني أغيرها )
(أولاك ميشو شو بتعمل دلؤقتي)
يا شين السرج على الغزلان

قلت: ما بدهاش ناخذ فرتين على شاني زيرو زيرو(يسمع بالشانزليزية)
والله وأشوف البط يمشي (قوات الأمن الخاصة )
يمشون ورا بعض يمسكون أي واحد سيارتة فخمة ويركبون سيارتة وتشوفهم وتضحك عليهم
صار موقف لي معهم مدري لهم معي بعدين اقولة
المهم صلينا
وأروح للكوفي شوبات ويجي هذاك العامل وصار من ربع نفر كويس
واطلب منه كوكي كوما
ولا فهم اللي ابية (يحق له من ربع نفر كويس)قلت: جب اللي فية قطعة من شدوق البنات
قال: اها أنا في معلوم أنتا في هوبي ؟؟
قلت: هوبي ولا كتكات!! سقها بس
اخلص علي أصالة تحتريني

ويجيب الكوكي كوما
وأعطية فـلـــ حار100%ــــفـل
ويتشقق الولد
ويبي يحبني كأني مبشرة بقدوم بقرتة من الهند
وارفض رفضا تاما
وانتو خابرين الريحة اللي في هالكشة
واقعد اتجغم الكوكي كوما وارتشف منة رشفات إلى أن انتهى وأنا عند الفندق
وأبي أرقى السيارة مع الطلعة وتطفي
وأحاول
مرة
وتنين
وتلات
وفشلت المحاولات
كل ماهنا تطفي
ألين هذا الجمس اللي بيرقي
وأروح في عجلة من أمري واركب الواير بالسيارة وأربطة بالجمس
ويروح يرقى وأرقى وراة( من قدي )توني بنزل
ألا الوضع ماهو في صالحي الجمس بيكمل المشوار
وقعدت بالسيارة وأنا وراة وراة غصبن عني
ألين وقف عند إشارة
قلت: بروح أفك الواير ألا الخمس صار جنبة مسكيما المسكينة
بيتجاكر وياة بيصير تحدي
والإشارة فتحت ولا ما فتحت
ألا الخمس منطلق
وتعديت المسكيما
وأروح امسك خط رحت اكبس لراعي الخمس اقولة افتح الخط
ونوقف عند الإشارة الثانية
ويجيني راعي المسك يما وقال تبيع المستورة
قلت: ليش؟
قال: ما شاء الله فيها عزم !
قلت:يا رجال (أبي أصرفة )ممم
قلت: زين لبق يمين وبجيك
قال: خلاص
المهم الرجال شفته لبق
ضربت بوري لراعي الخمس ان الإشارة فتحت وانتو خاابرين الماطفيق ويروح ألا الإشارة فاتحة
للمسار الثاني وبغيت آكلها بس ربك ستر
ألا راعي الخمس مسك الدايري
وش السواة أنا عندي موعد
قلت: يا ولد ما بدهاش
والله وارفع رجلي وادفش القزازة القدامية دفشة
واطرحها أرضا
واطلع راسي مع القزازة واانسدح فوق الكبوت على بطني

وأفك الواير


ألا بغيت اتشنقل (أسوي دبل كية) بس صرت متمسك بالشبك السيارة

الخمس اختفى

والسيارة شوي وتوقف

وان فوق الكبوت ولا اقدر ارجع


ومدري وش السواة

وتمنيت يجي الباص يمر ثانية
ويعطوني نصيحة على الطاير


واللي يشوفني يقول كأني اللي في فلم تيتانك ومديت يدي بالهواء
(والله أنها وناسة )
قلت يا ولد خلني أحرك الدر كسون برجلي
وأدق إشارة بيدي اليمين فوق تحت فوق تحت

وشوي ألا راعي المسك يما توة جاي ويصقع السيارة من ورا ألا وهي تخمس
وأنا مدري وش أسوي ا أني مسكت التمثال عشان ما أطيح


من شافنا قال يلعبون فتحي يا وردة
سكري يا وردة
هينا وردة
تتات
هينا وردة
تتات
(هيـــــــة وين ولا تفشلنا )
ودوران حتى اني قلت بس ولا وقفت؟؟؟
قلت: صطوب stop ولا وقفت
قلت: ثلج ووقفت السيارة

بس بقي مشكلة ثانية إن عيوني علقت دوران
قلت: مافية ألا حل واحد
هو إني أعيد التشغيل
( نصيحة لكل حاجة إذا علق عليك شي اعد التشغيل)
والله وأغمض عيوني بقووووة
وافتحها
والله وتصير زي العسل
(شفتو نصيحة كايفة )
وأروح أشوف السيارة
ألا جايتها حكة بسييييطة
والمسكيما المسكينة صار قوطي ببسي
قصدي سفن آب لان لونها عشبي

قلت: يا ولد ماني فاضي لوجع الراس قلت خلني أروح للفندق
وراعي المسك يما المسكينة يصارخ
وأنا عاد اقولة خلاص انتهى دورك بالمشهد انقلع
وأروح للفندق
والبق تحت مالي كلام القزازة مكسورة والموتر مش حيرقى الطلعة

وارقي الاصن صير(اللفت)
وأنا في الصالة
وأعاين الساعة ألا هي الساعة 10
قلت يا ولد ارجع مالها داعي
ألا هذيك اللي جاية تركض
وش ذي اللي بتفجر ومير أنا أنحاش
أنا اركض
وهي تركض
قلت يا ولد أركد وشف من يكون هذا
ألا هي أصالة أنا اعرفها بس هي ما تعرفني
قالت: آهلين ميشو16 كيفك
قلت: اية من أنتي وش دراش
قالت: أنا أصالة
انت معلمني انك مركب تقويم
أنا: طيب ومافية ألا أنا مركب تقويم
قال: لا بس أنت قلت لي إن معك سبحة لونها فوشي
قلت: هاه صح عليتش

قالت:جيت بوأتك
قلت: أنا تأخرت عليك صح؟
قالت: ولا يهمك كل تأخيرة فيها خيرة
هلا الطيارة مشيت وأنابقعد الليلة هون عندكو
قلت: حياتش الله
قالت: الله مير يبتزيك ويسلمك
وامشي أنا وياها مدري ياها وأنا؟؟؟
وهي حاطة يدها في يدي خايفة أني انحاش على نياتها الطيبة
ورحنا متوجهين للقاعة اللي بتغني فيها
علشاني
قالت: ميشو تكفى غني معاي بس هالليلة ......واقطع كلامها بتلك النظرة
(هذيك اللي تعرفونها)
وسكتت وقالت : عم امزح معاك !!
وقامت على المنصة وقامت تغني
وكانت عيونها في أغنية تغنيها علي معجبة فيني
واسمعهم كل واحد يهمس للثاني: يحظة يحظة !!
ويدقني واحد وقال: يحظك أصالة تشوفك
وقلت: ما جبتو شي جديد
وانتهى دورأصالة
وجت فرقة الكتشب والمايونيز
وقاموا يغنون
اسلي هاه
اسهليها
اهايه
قالت أصالة: أبيك ترقص وياي
قلت: خلاص جيبوا لي السيف
وجابوة وقمت العب وياها العرضة وهي تعايني بنظرة إعجاب أكثر من اللي قبل
وجاء وقت البوفية المفتوح
وقت البلشة
لأني اسمع بة ولا اعرفة
وقعدت احوق لي من كل حاجة
وقعدت على الطاولة ألا جنبي قاعدة تبسم وقالت: هاي
قلت: باي
ضحكت وقالت: شو دمك خفيف!!
قلت:ما جبتي شي جديد(مأخذ مقلب في نفسة أنة ينكت)
قالت: كيفك؟
قلت: بخير
(وأنا أتعشى ومعطيها أشكل)
قالت: ما عرفتني
قلت: ألا أنتي اللي عشاش بارد تعشي وخلي السوالف بعدين بارد
قالت: أناNouf
أليني توني ماكل قطعة بروست وأغص بها
ألا Nouf جابت الكاس
واشرب ألا هو خل
الله يقلعش يا Noufاشرب من الببسي
قالت لي: الحمد لله على السلامة سووري ماكان قصدي
قلت: كل هذا وماكان قصدك
وأشيل صحني وأنا ماد بوزي شبرين
وأروح لطاولة ثانية
ألا الطاولة فيها أشكال سبق أن شفتها
مدري في منفوحة
أو البطحاء؟

أو مكافحة التسول
ماني فاكر؟؟

ألا هذيك اللي تضحك وأناظرها

..
...
.

[مشعل السادس عشر]

...
.


ألا هي أثير الورد

عليها ضحكة كأنها تفحيطة جمس79
ومعها شلة الفنكة الزهرية
الذاهبة وغنووجة و ريوف و reema



وانقهر وأقول في نفسي (ماهوب مخلين الواحد في حالة)

وكلها صفقة ألا البودي ستار
جايين وقلت ضفهم

وبأقل من ثانية اختفوا

ألا أصالة مقبلة

قلت: وينش يالخاملة
قالت: سووري يالله نمشي يا ميشو؟؟
قلت : على وين؟
قالت: للجناح عشان الموضوع!!
قلت: ايــــــــة خلاص أنا بكمل العشاء وبجيك
قالت: أنا معك
قلت: وعندي مشوار صغير بروح لة
قالت: معك رجلي على رجلك
قلت: لا عيب
قالت: ألا
قلت:لا
قالت: ألا
قلت:لا
...
....
..
.
وأقول: ألا
قالت: لا
قلت:ألا
قالت: لا
قلت:لألا بهواك اجل روحي
وتروح(شوفوا الذكاء)
وأروح لبيت الراحة
وصدق من قال أنة بيت الراحة

وبعد ما خلصت وارتحت

رحت للاستقباليشن بسألة عن جناح أصالة
وقلت: أصالة فين؟
قال: أصالة هيناهوه ألو مين؟؟
أنا: ألو ميشو
الموظف : ميشو مين أألو مين بتكلم اووه
وأعطيه على علباه وقلت: اخلص وينها فية
قال: إنشاء الله رح من هونيك ولف من دونيك
ألا البودي ستارز حقين أصالة جايين يدوروني
وودوني لاصالة
وادخل الشقة
وألقى أصالة غيرت الفستان

ولابسة هذيك الجلابية كأنها خيارة اخضر وابيض

لا ووش مسوية بشعرها

حاطة قرنييين

هههههههه

والله ايام القرنين راحت

وقامت تقول لي قصة حياتها
(جاني النوم طلعت مسلسل مكسيكي)
>
<
>
(بصراحة مفعول الكوكاموكي بداء يتسرب)

وقالت: يالله يا ميشو
شنف اذناي بالقصيد
قلت:طيب
بس بشرط هي قصيدة وحدة وعقبها بمشي وراي جامعة بكرة
قالت: مليت مني
قلت: ما عاش من مل منك
قالت: اوكي
قلت:

احمممم

قالت: آه ه ه ه ه

قلت: تو القصيدة

قالت: اوة سووري

قلت: ولا يهمك

احم حم

احبك حب توم لملاحق جيري
احبك ولا ادري وش مصيري
واحبك حب عدنان ولينة
وأتمشى وياك بالسفينة
وحب بباي لزيتونة
اللي هي في حبها مجنونة
واحبك حب كبتن ماجد للكورة
وكل مصايبة تمر علية مستورة

وسلامتش

قالت: صح لسانك

قلت: لسانش طيب
قالت: بغنيها
قلت: مالي شغل كلمي مدير اعمالي وتفاهمي وياة
بس أنا بمشي
قالت: اوكي


طيب مع السلامة


وأروح منها

وأنا غاسل يدي منها أنا كنت اقدرها
وصارت ماش والله

وانتو وش رأيكم؟ بها

[الموسيقار]

ههههههههههههههههههههههههههههههههاي
هههههههههههههههههههههههه

خطير يا ميشو

والله اثرك خطير

لك اسبوع مزعجنا بالاعلان

اثرى الموضوع متعوووب عليه من جد:S:

ههههههههههههههه الله يرجك يا المهوي


مع اني يوم شفتك قلت دلخ وسبيكه :S:بس ولو طلعت خفيف دم:lol:<<<<< يرد حقت القطاوه


الأخ الكريم يعرف وش يطلع آخر شي
بعد20ورقة يطلع بدلة
المهم طلع الدفتر ناقص وطلع لي ثوب

ههههههههههههههههههههههه
لا تصرف الا قل ما عندك بدله:S:





MBC-FM(وداعا للخياطين - زمن التفصيل انتهى وين انتهى قم طير بس)

فيه واحد منهم اسمه مشعل:S: لا يصير انت






قلت: ايــه بس ما تقدر يدك تاصل المفتاح!
قالوا: يا ذكي أنت دخل يدك وافتح الباب قم خذ المفتاح
قلت: صح والله فكرة
الله يجزاكم خير
انتو ويين تدرسون
قالوا: مستشفى المجانين
قلت لهم: كفك
قالو: اسحب ملفك
أنا: ههههههههه(جروة على خشمة
يالله مع السلامة
(مجانين أذكى مني وأنا اخو فريال)


هههههههههههههههههههههههههه
اذكر الرومانسي قال لي انك مقدم على المستشفى بس رفضوك
يقولون ما تصلح لنا:lol::lol::lol:




من شافنا قال يلعبون فتحي يا وردة
سكري يا وردة
هينا وردة
تتات
هينا وردة
تتات
(هيـــــــة وين ولا تفشلنا )
ودوران حتى اني قلت بس ولا وقفت؟؟؟
قلت: صطوب stop ولا وقفت
قلت: ثلج ووقفت السيارة



ههههههههههههههههههه اجل حركه ((ستوب)) وثلج

ياحبك لا العاب البنات:lol::lol::lol:

باقي الباص الباص البصيصه
اليوم العيد اتعشينا,,

هي كذا؟؟:e:



الموضوع ررررررررررررهيب
بس طوووويل
يعني يمكن مو كلن يقرءه
لا يفوتكم ترى الموضوع يستاااهل
قسم بالله خطير

ومميز بقووووووووه

تثبيت وختم يا سعادة المشرفييين :S:

[جمال الناصر]

ميشو انا ماني على جهازي بالبيت



واعذرني لأن موضوعك مشوااااااااااااااااااااار



ابعد من الشفا :S:



بس لي رجعه لأنك مزعجنا على هالموضوع من اسبوعين





اوكي




سي يو بعد عمري

[فلان بن علان]

مشكور ميشو الموضوع متعوب عليه بس كان قلت لاصاله لازم تحط صورتك في البومها الجديد ..:))

[الذاهبه]

كنت أعاين اللي بالشبكه
<<<<< ماتترك عادتها:he:

إلا وأشوف ضيف يقرا ( أنا وأصاله )
وأنا من أسبوع متحمسه علييييييييييييييييييييه
<<<<<<< الدعايه أثرت عليها http://smilies.sofrayt.com/%5E/_950/help.gif

موضوعك http://smilies.sofrayt.com/%5E/9/biggthum.gif ههههههههههههههههههههههههههههههههههههههههه:))


أجل شايفنا بمنفوحه
خخخخخخخخخخخخخخخخخخخخخخخخخخخخخخخخخخخخخخخخخخ منفوحه بعينك

وانقهر وأقول في نفسي (ماهوب مخلين الواحد في حالة)
الله أعلم من اللي جالس يتلزق فيناhttp://smilies.sofrayt.com/%5E/3/dont.gif



الحين كل ذا التعب اللي تعبته أصاله..وكل ذا التلزق..وكل ذي الشاعريه اللي توهمناها فيك ...http://smilies.sofrayt.com/%5E/_950/cleverman.gif
والنتيجه هذي...
احبك حب توم لملاحق جيري
احبك ولا ادري وش مصيري
واحبك حب عدنان ولينة
وأتمشى وياك بالسفينة
وحب بباي لزيتونة
اللي هي في حبها مجنونة
واحبك حب كبتن ماجد للكورة
وكل مصايبة تمر علية مستورة
هههههههههههههههههههههههههههههههههه

والله موضوعك مميز ومتعوب عليه يعطيك العافيه شعلوله باشا


تحياتي،،

[مشعل السادس عشر]

:احم احم
8
l l
l l
l l
كبر راسة:ee::ee:


بصراحة يا سباب القصة هذي كنت قايلها من سنة ونص

وذكرني واحد بها

وقلت خلني اكتبها لعيونكم

وجرى عليها بعض التمليحات

وسقوط بعض الصفحات

[مشعل السادس عشر]

الموسيقار :
معليش على الازعاج
وينك من زمان


باقي الباص الباص البصيصه
اليوم العيد اتعشينا,,

هي كذا؟؟

تصدق اني فاعد اتذكر الباقي ونسيتة

ومالها داعي اقول لخواتي العبوها قدامي

وبعدين انتهت موضتها

وبعدين ان كنت انا سبيكة فأنت رقية (متأثر بابو كروة)
:yy:

وبعدين الرومانسي
اصلا انا ماعلمتة اني رايح
هناك

وش دراك <<<<<<( فضح عمرة )<<< دلخ اصلي:e:

[شين الحلايا]

قوّة ..وابداع.. .واقلاع ..وزحيف ...
هذا المواضيع وإلا بلاش :)


مثبّت ليأخذ حقّه من القراءة ...ولعيون موسي:wink:

[مشعل السادس عشر]

الرومانسي


هلا وهلا


حياك الله


ولا تطول احتريييك

[مشعل السادس عشر]

فلان بن علان


هلابك

الساللفة صارت بعد ما طبعو الغلاف
ووزع الشريط:eek:

[مشعل السادس عشر]

الذاهبة








اتمنى بس اروح مكان مالقاك فية



انتي لو افتح الجهاز القاك فية :eek:



بسم الله



ولا على ماقالو الامثال

اللي النمل<<<< (بعض الناس:ll:) يدور السكر<<<<< (انا)





ههههههه:)):))

[مشعل السادس عشر]

شين الحلايا

:shy::shy::shy:



خلني ابلع ريقي



كل هذا في موضوع زي هذا:c:

:2::2:




مشكور والله وما تقصر حبيب البي
:wink::wink:

[فلان بن علان]

8
8
8
8
قهر ياخي :))

[التميمي ولد نجد]

اصبر . . اصبر . .

تسجيل حضور . . ما بعد قريته ..!

[مشعل السادس عشر]

هلا والله

فلان بن علان


انت تقولة

الشكوى على الله :e:

********
*******
******
*****
***
**
*



هلا التميمي ولد نجد
يا بعد نجد كلها


سجل حضور وسجل خروج

بس اهم شي لا تحرمنا طلتك وردك

[الساهيه]

هههههههههههههههههههههههههههههههههههه
هههههههههههههههههههههههههههههههههه
موضوع يستاهل التثبيت بس فيه طلب اخوي مشعل
سو اعلان للي نظرهم ضعيف يلبسون نظاراتهم قبل يقرونه علشان بتتعب عيونهم من طول
عيوني احولت منه هههههههههههههههههههههههههههههه
على فكره وش رايك تشارك ببرنامج الكذاب الي في الام بي سي هههههههههه امزح معك

[فلان بن علان]

:ee:8
8
8
ماتعرف تمزح

[مشعل السادس عشر]

:he:هلا والله بالساهية

بالله متى يجي هذا البرنامج :2:<<< واحد مصدق:nope:


مشكورين


هلا فلان علان

يا رجال عساك سالم:yy:

[العفريت الأزرق]

نص مقتبس من رسالة : مشعل السادس عشر

قلت: يا ولد ما بدهاش
والله وارفع رجلي وادفش القزازة القدامية دفشة
واطرحها أرضا
واطلع راسي مع القزازة واانسدح فوق الكبوت على بطني



**************************

واللي يشوفني يقول كأني اللي في فلم تيتانك ومديت يدي بالهواء
(والله أنها وناسة )

...
.


هلاوغلا بك يامشعل صطعش الله يقطعك زاد انفقع علي الكفر وانا في الدائري من قزازه اثره من القزازه حقتك وبعد اثرك من الي يتأثرون من الأفلام بين وبينك الفلم حقك يصلح ان يمثله توم كروز و نيكول كدمان طبعن مع الفارق الي بينك وياخشتك وبين توم وخشت أصاله ونيكول وسلملم:)):)):)):))

[ريوف]

هلو

آ سفه ميشو على التأخير


عن جد موضوعك بيوتيفول
كان ودي اقتبس لكن وش اقتبس ووش أخلي ...

واقول وش رايك بشلتنا
أكيد نشبه البنات اللي جالسات في غنية عبد الله الرويشد ( ياملفت الأنظار )هههههههههههه

ماقصرت واتمنى لك حياه حلوه مع اصله وغيرها ...

[مشعل السادس عشر]

سلام على الطاير

طــــــــاط


هلا بالعفريت الازرق

اجل القزازة جتك
احسن:wink: انا فاضي لك ذاك اليوم والا تبي تعرف وين انا رايح:c:

وش توم كروز ونيكول كيدمان
مهوب شي عندنا
لاني كنت عايشها




طاط طاط
طيواط


هلا ريوف لاتأخير ولا حاجة

أصلا انتي لس البودي ستارز فاكينك لانك تعضين
هههههه



يا نصابة اصلا الرويشد ماجاء
لانة كان بطنة ماخلاة يتعدى بيت الراحة
ههههههههه





طيواط

[ابو كاظم]

ههههههههههههههههههههه الله يقطع سوالفك والله انها نكته

[مــــهـــــا]

ههههههههههههااااااااااااي



:yy::yy::yy:

[مشعل السادس عشر]

طاط طيط طوط


طيواط

هلا ابو كاظم هلا بهالطلة :)):))

وينك لمبتك طافية من مدة:c:


ولا ما قطعوا عنك الكهرب:wink:

الله يقلع ابليسك:r:

هههههههههه



طيواط



مــــهـــــا



هلا والله



ليش لا تعليق:ll: انا الحين صاير:eek::eek:

مدري كيف افهمها بالله عيدي الشرح :c:شوي

:yy:



طيواط



حياكم الله

[المغناطيس]

لا لا لا لا لا لا لا لا لا
وش هالموضوع بصراحة قمة الروعة
بستاهل الاعلان عنه في اذاعة الرياض(مسوي فيها شايب

[مشعل السادس عشر]

اهلين
مغناطيسو خالو


تو الاعلان تسمعة؟

:yy:


الموضوع قد لة اسبوعين:e:

[Osamah]

والله متعووووووووب عليه يا ولد والله متعوب ,,

منتب سهل ,, والله الشفا عندها مواهب وحنا ما نعرف !!

[جمال الناصر]

هع هع هع


الدب وصل





طاااااااااااااااااااااااااااااااااااااااااااااااط



ياخي الشفا فيها مواهب



بس ما تتحدا الروضة :r:





يمديكم ياهل الشفا :ee: ؟؟؟





لوووووووووووووووووووووول



ميشو حبيب ألبي



ياخي انت مالقيت الا اصاله




ياخي شف نوال مشعلاني




والا باسكال حداد







ياكثر الشقر في السعودية




<<=== فاهم خطا




:S:









صراحه ميشو


موضوع متعوب عليه



بس من جد


ماضنيت احد قراه :e:






لكن وربي


اني راح اقراه بس مهوب الان



خلني افصل النت




واحفظ الصفحه




واصير زهقان وفاضي ما عندي شغل





تخبر عاد انت



هالعطله انواع الفضاوة



24 ساعه نت ونوم ودانه



:wink:






بس يمدحون خط المطار





لوووووووووووووووووول





اقول سلامه حبيبي




قل لنا سالفتك انت وفيروز ... يوم تتقابلون في الاصانصير حق مستشفى الملك خالد الجامعي





طااااااااااااااااااااااااااااااااااااااااااااااااط




:ee:











هع هع هع هع هع هع









"""""""""""""""""""""""""""""""""""""""""""""""""""""""""""""""""""""""""""""
روميو ----> رومان -----> رومانس ----> رومانسي ----->الرومانسي
"""""""""""""""""""""""""""""""""""""""""""""""""""""""""""""""""""""""""""""



ومعليش لأني عرّضت الصفحه عليكم



بس انا احب التخريب



لووووووووووووووووووووول


يا

جمووووووووووووووول

[مشعل السادس عشر]

طيواط

















هلا سلامة

والحمدلله على السلامة

وليش المواهب بس عندكم
شوف اول مثال

الرومانسي

[مشعل السادس عشر]

الرومانسي

اهلا فيك

اجل ما قريت الموضوع:ll::ll:





















انزين انزين

لا ونسوي شركة متحدة على ايش يا بابا؟؟:yy:

[ابوهايل]

السلام عليكم وطيب الله اوقاتكم بكل خير

ضحكتني انت واصاله

وانا مابدي اضحك

:lol:

اجل تقول للكفر يا اسود :lol: والله غلطتك ما شريت العصى معه >>>يسمع في المتنبي :S:

تحياتي لك يا مشعل السابع عشر -1 =16 :S:

كذا المواضيع ولا ابوها منتديات

بس تصدق كل ما اقول اني خلصت الموضوع وافرح يطلع لي الرد الجديد واكمل الموضوع>>>يلعن ابو الصراحه هههههههه

حبيب قلبي
الله يسعدك مثل ما اسعدتنا

وياهلا
______
ابوهايل

[فتى الجبيل]

غريبة كني قاري نفس الموضوع انا واصالة في منتدى شنان
لاكن مشكور على تعبك في الكتابة




احلى تحية من الجبيل الصناعية

[مشعل السادس عشر]

هلا والله بــ ابو هايل

لي الشرف والله بقراءتك للموضوع
وزاد الشرف يوم رديت

واهم شي انت انبسط

اصدقك وانا اخوك اصدقك


وتصبح على خير

[مشعل السادس عشر]

:lol:نص مقتبس من رسالة : فتى الجبيل
غريبة كني قاري نفس الموضوع انا واصالة في منتدى شنان
لاكن مشكور على تعبك في الكتابة




احلى تحية من الجبيل الصناعية




يخوي لا تفضحنا مالها داعي

وبعدين الناس يقولون اني صفر طعس :wink:

داخل منتدى شنان

ويبوي اي كتابة اللي يخلي النسخ واللصق
:)):))





بس لا تعلم احد:c:

:ee:


عط الواحد على قد عقلة

[فتى الجبيل]

فيه شيء اسمه رسايل خاصّة لو سمحت ..
.
.
شين الحلايا

[فتى الجبيل]

.

[مشعل السادس عشر]

فتي الجبيل

:yy:

نطلب من المشرفين يتجققون من الاي بي للردين

ونشوف
:yy:

[الجنيرال]

وش الساااااااااااااااااااااااااالفه يااااااااااااااااااشباب:2:

[مشعل السادس عشر]

الجنرال

كيف الحال:r:

[طويلــة العمــر]

تسجيل حضور .. متأخرررر !!

معليش .. بس عشان كان ودي أحط لك رد بمستوى الموضوع الزاحف ..

ماقدرت .. طوييييييل أقتبس إيش ولا إيش ؟؟ :e:

لكن يعطيك ألف ألف عافية

لو إن شيون ما ثبته قبلي .. كان حطيته لك ..

على العموم تستاهل

7

7

7

http://www.arabscafe.com/acimg/jokes.jpg

[مشعل السادس عشر]

نص مقتبس من رسالة : o0o Nouf o0o
والرد على كل فقرة مباشرة

تسجيل حضور .. متأخرررر !!

ولايهمك مافيش حرمان

معليش .. بس عشان كان ودي أحط لك رد بمستوى الموضوع الزاحف ..

اصلا الموضوع مكانة مازحف :nope:

ماقدرت .. طوييييييل أقتبس إيش ولا إيش ؟؟ :e:

اووووة اقتباس اكتبي انظر الى اعلاة ويكفي:lol:

لكن يعطيك ألف ألف عافية

ويعطيك مليون ( الف × الف) عافية ومازولا
لو إن شيون ما ثبته قبلي .. كان حطيته لك ..

على العموم تستاهل

7

7

7

http://www.arabscafe.com/acimg/jokes.jpg




شكرا
:S:

[الساحر2003]

مرحبا..

مشكور اخوي مشعل على الموضوع..

تحياتي..

السا2003حر

:ee::ee:

[فلان بن علان]

مشعل اخبارك تمام اقول ماذا فعلت بثاني يوم دراسي:))

[مشعل السادس عشر]

هلا بك الساحر 2003

حياك الله

وش تشكرني على شي ما تدري وش فية؟:S:
:ee:

[مشعل السادس عشر]

فلان بن علان
كيف الحال
:r: