المساعد الشخصي الرقمي

مشاهدة النسخة كاملة : المشاركه الاولى .. قصيده

زرااار
27-01-2002, 02:47 AM
عندما ينظر العاشق الى قلبه ..
يقف حائراً !!
حزيناً !!
يملؤه اليأس ..
الى ان ينفجر باكياً ..
لالشي وانما لمواساة قلبه ..
ذلك القلب المليء بالمشاعر ..
التي لم تجد من يبادلها ..
والتي لم تجد من تسكنه ويسكنها !!
عندها ..
سيقول القلم كلمته ..
..
.
وسوف يصف الشعر الحدث ..
وهذا بالفعل .. ما حدث ..

اليكم قصيدة (heart) حديث القلب (heart)
والتي اتمنى ان تنال استحسانكم ..


كتبت الحرف والمعنى .. تركته بآخر اشعاري
................................ واحساسي هو احساسي .. في شكله ومضمونه
واصل الشعر بأبياته .. يترجم شوقي وافكاري
................................ وابياتي هي سلاحي .. مثل السيف مسنونه
تجرح من يعاديني .. ومن ينوي على انكاري
................................ وتطرب من يواسيني .. مثل الطير و لحونه
طويت الحب وبحوره .. وهذي قصة ابحاري
................................ ابرويها بقلم عاشق .. ونور العشق تدرونه
يطل ويغيب في لحظه .. مثل النجم للساري
................................ يحسب انه ملك قربه .. ويبادل نظرة عيونه
وهو غايب مدى عمره .. وابد ماجاب له طاري
................................ مكـانه دوم متعلي .. خلف الليـل وسكونـه
وانا خلّي عجزت القاه .. في حلّـي واسفـاري
................................ ادور بعالمي وحدي .. وشايل قلبي وشجونـه
تعبت الصبر ومليته .. وصرت البايع الشاري
................................ ادوّر من يسوم القلب .. وادوّر من يحدونه
متى ياشوق تجي وتحن .. وتحفظ كل اسراري ؟؟
................................ وتهديني حبيبة قلب .. تعشق ذاتي وجنووونه
تعاااال ارجوك وارحمني .. تعال اسكن وسط داري
................................ قبل لا ينكسر قلبي .. وكل الكـون يعزووونه

..
.

وســــــــــــلامتـــكم ،،،
~ مســـــيو ~
27-01-2002, 03:06 AM
صح لسانك أخوي وتسلم على هالابيات

وننتظر المزيد (good1)
ابونايف
27-01-2002, 04:20 AM
صح لسانك وتسلم

على هالابيات الجميله

ونامل منك التقدم وننتضر المزيد(good1) (devel)
شرااااااااااره
27-01-2002, 08:07 AM
تجنن الابيات والله تجنن
وانا خلّي عجزت القاه .. في حلّـي واسفـاري
................................ ادور بعالمي وحدي .. وشايل قلبي وشجونـه
تعبت الصبر ومليته .. وصرت البايع الشاري
................................ ادوّر من يسوم القلب .. وادوّر من يحدونه


صح لسانك والله :)
شين الحلايا
27-01-2002, 01:01 PM
زراااار...
يارائع ..
قصيدة في منتهى الروووعة
تعاااال ارجوك وارحمني .. تعال اسكن وسط داري
................................ قبل لا ينكسر قلبي .. وكل الكـون يعزووونه

الله يرد خطاك لدروب خلانك..
نــ العود ـاعم
27-01-2002, 01:18 PM
صح لسانك خويه زرااار على هالقصيده .. بصراحه ما عليها كلام:o
_الأمــيـــــــر
27-01-2002, 02:30 PM
هلا بشاعرنا ;)


صح لسانك زراااار (good1)

فعلا .. فعلا .. فعلا ... ابيات متميزه جدا

وانا متأكد لو الواحد اللي يقراها يركز فيها شوي

صدقني ليعطيها وسام التميز ... :)

أعدك ان شاء الله انها راح تكون من مواضيع المقهى المتميز ..


بالتوفيق يارب :) :) :)
بنت زايد
27-01-2002, 08:02 PM
تعبت الصبر ومليته .. وصرت البايع الشاري
................................ ادوّر من يسوم القلب .. وادوّر من يحدونه

ما بقول شي .. لاني مهما قلت ما بوفيك حقك يا شاعرنا ..
دايما ماشالله عليك مبدع ومتميز ..
تحيااااااااااااااتي لك (good1)
الموسيقار
28-01-2002, 12:55 AM
ما يحتاج اقول رايي فيك
انت عارفه يا مبدع

يجب ان يوضع تحت اسمك

لقبا يليق بك يا (((((ساحر الكلمة))):)


اللى اقوله انت (good1)



تحياتي لاغلى زراار :cool:
UAE_GIRL
28-01-2002, 04:09 AM
هذا البيت

تعبت الصبر ومليته .. وصرت البايع الشاري
................................ ادوّر من يسوم القلب .. وادوّر من يحدونه

كذاااااااااااااااا(good1)

تسلم يا الاخ زرااار


تحياتي

(heart) بنت الامارات (heart)

(good1)
المسافر
28-01-2002, 11:04 PM
صح لسانك


الحقيقه اقل شي اقوله انها

رووووووعه

واضح انك شاعر متمكن:)

ننتظر المزيد