وش تنصحوني ؟

[راس مالها الحلم]

بصراحة ودي اشتري جوال :)
موب هذا المشكلة
بس انا من النوع
الي يتردد كثير
وفوق هذا
ما عندي خبرة في جوالات
خلوني اعطيكم نبذه عن جوالي الحالي :)
تعرفون جوال رايق 3310 او شئ مثل كذا
هو بزاااته :) .. وله سنتين من شريته
وازيدكم من شعر بيت :)
شاشة منشرخه .. وخنادق في كل مكان :)
وش تنصحوني اشتري ...
بس يكون السعر اقل من 900 ريال .. من باب ما جاء في التوفير :)
ويفضل نوكيا ... بس مو شرط
انا حاطه عيني على ليزر ( مدري كم رقمة ) شرايكم فيه ؟
.
.
.
ادوني اقتراحاتكم :)

[شموخ]

من ناحيتي ..
إذا كنت تبي جهاز عملي .. الرهيب 2000
اما ..
تبي تكشخ وتسوي ولد نعمة .. المسكت

[القاتل]

احسن جهاز هو هو هو هو هو هو ملاك

[مشفر]

تبغي جهاز .. حلووووووووووو :)

اريكسون الجديد .. بس الظاهر غالي شوي :)

اما اذا تبغي جهاز عملي و رخيص ,, لا يطيح من عينك الرهيب سواء 2000 او 2001 :)

تحياتي مشفر :)

[راس مالها الحلم]

مشكورين جميعا :)
رهيب مشكلة انه عند الجميع :) .. وانا ما احب هذا شئ
المسكت .. صار قبيح بعيني و ولا يستوفي الشروط ( اقل من 900 ):)
اريكسون الجديد عند اختي .. حلو بس انا ما احب اريكسون وايضا لا يستوفي الشروط
ملاك .. هو النورس ؟؟ ( مدري من وين يجيبون ها الاسامي :) .. احس انه شايب فاضي ) .. انا حاطة عليه عيني هو الثاني ..

بس ما قلتوا لي وشرايكم بليزر .. ما تعرفون عنه شئ :) ؟

[شيخ الشباب]

السلام عليكم

ودي أعرف وشلون حاطه عينك على النورس وهو فوق ال1500

وعن الليزر

هو جوال حلو بس ما يخزن فوق الثمان رسايل

وإذا كانت الرسائل الانجليزية فوق ال70 حرف يقطعها لرسالتين

ما يسجل الصوت

ما فيه راديو

بس بالمقابل هو ضد الصدمات

وضد المويه

يقيس درجة الحرارة

شاشته مميزة (لونها برتقالي راااااااااااااااايق)

تقدرين ترسمين فيه

فيه شاشات توقف تملأ الشاشة (مب زي العنيد بس في النص)

فيه قفل أرقام أتوماتيكي وتقدرين تحطين عليه حماية

يعني إذا انسرق جوالك أو خليتيه في أي مكان محد بيقدر يستخدمه

يخزن سبع نغمات وفيه وصلة آي آر