صادق الود
09-04-2003, 01:07 PM
في العادة .. اللي يكتب موضوع وينتقد فيه وضع معين ..تلقاه ينسى نفسه
ويعتبرها خارج نطاق الموضوع اللي يتكلم فيه .. فهو ينظّرالناس ويقيمهم
ويعّد نفسه برا التقييم ..!! ولايهون بعض القراء .. اللي يرون الكاتب
خارج من دائرة الموضوع اللي يكتب فيه .. فإذا كان يتكلم عن الغباء
توقعوا إن الكاتب أذكى الأذكياء "وهو من جنبها".. وإذا كتب ينتقد
الدشرة وقلة الأدب ..قالوا بس .. هذا مَلك منّزل من السماء .. !!
وكذلك إذا كتب موضوع شرشح فيه الشيون قالوا : وخروا عن هالأطخم" ... تسمع يابعض الناس " !!!
*****
أنا عن نفسي راح أتكلم عن المصالة وثقل الدم .. ومن البداية أبعترف
لكم إن دمي ثقيل فعلاً "بس الحمدلله أخلاق" .. وفوق كذا كنت أعتقد إني أمصل ماخلق ربي على وجه الأرض .. وحتى دايم أسب نفسي وأشرشحها وكلما
راعيت لروحي بالمرايي "ترجم لهم يالدباب " .. قلت
(ياصبر الأرض عليك وعلى ثقل دمّك !!)) .. بكيفي ..أمون على روحي ..!!
***
كنت أضحك على كل نكتة -أو كاريكاتير أو مقال يسمّى ساخر- حتى لوكانت النكتة بايخة و بلا معنى ..بس مادام اللي قالها نكوتي وسمّوها نكتة "أوكاريكاتير" فأكيد إنها تضحّك .. مو بس تضحّك .. إلا تفطّس من الضحك ..
وإذا ماضحكت معناها إن البلا فيني واني أنا اللي ما أفهم!!
***
وكنت أحسد الناس اللي تلقاهم دايماً في صدارة المجلس ...
واللي إذا تكلموا ما أحد يقاطعهم وإذا خلصّوا متكلمين "بخّوها" كل اللي في المجلس
ضحكة .. كنت أحسبهم خفيفين دم فعلاً مع إني ما أدري وش يقولون ..ولا أدري وش يبون ؟! ولا كنت أدري إن الناس آخذينهم مضحاكة .. وياكثرهم أشباه جحا في هالزمان !!
ومع مرور الأيام وكثرة الإختلاط بالناس "خصوصاً العاهات منهم" بديت أرتّب أوراقي من جديد <-- يعنني يفتّ بلوت .. وأعيد تقيمي للناس ..ولنفسي ..
وبدت معنوياتي ترتفع رويداً رويداً..!!
صحيح إني ثقيل الدم اللي أنا خابره "الله لايغيّر علي ولا يحرمن مني"
لكن اكتشفت إني منيب آخر واحد في اللستة ... فاللستة بعدي طويلة
وطووويلة جداً .. بل إن بعض ثقيلين الدم ثقلّوا علينا
<-- لازال مرتّز
باللستة .. لدرجة إنها - أي اللستة- عجزت تشيلهم .. !!
واستقلّ الواحد منهم بلستة لحاله .. وصار عَلم في ثقل الدم ..!!
فيكفي إنك إذا بغيت تسب الواحد وترفع ضغطه إنّـك تشبهه بفلان الجميل
الأنيق الهلالي <-- مدحة .. العاقل المثقف الخلوق ...... اللي مشكلته الوحيدة إن دمّه ثقيل !!!
***
ثقل الدم يبدأ في الظهور من المراحل الأولى في العمر .. فالوغدان "ذا
تشلدرن" بالعادة دمهم خفيف وكل تصرفاتهم مقبولة عندنا وتدفعنا للضحك
وسعة الصدر .. خاصة ليا جاء الوغد ملكع " الوغد بفتح الغين" .. لكن اللي كتب عليه ربنا ثقل الدم .. تلقاه باين عليه من طفولته ..
فأي واحد يبي يلاعبه يبتلش به .. تلقاك تدغدغه ومع ذلك يصيح ؟!
تجيب له حلاو بقر .. ياكله بقراطيسه ثمن يرجع يصيح ؟!
تشيله تنزله توديه تجيبه ...ماينفع معه ؟! ..
وفوق الصياح وكتأكيد على ثقل الدم اللي فيه من صغره ..
تلقاه يوسخ نفسه في الأوقات الحرجة .. خاصة إذا كان فيه ضيوف ..
تلقاه ماسك نفسه لين تجي آخر ضيفه .. وإذا تأكد من هالشئ أطلق قنابله المسيلة لدموع الضيوف من الضحك .. والمضيّعة لوجه أمه ."
الله يذكر
عنتوري بالخير "..!!
تصرفات مثل هذي ألا تنبئ عن مقدم ثقيل دم لا يشق له غبار...!!!
***
من الأشياء اللافتة للإنتباه إن أغلب الدببه "أوالسمينين" دمهم خفيف ..
وهذا أكيد من رحمة ربي علينا وعليهم .. !! يعني بالله دب ويالله
تشيله الأرض .. وفوق كذا دمّه ثقيل ؟! وين نصرّفه بالله؟!
وهالشئ حيّر الناس وأثار إستغرابهم - كون الدب دمّه خفيف في الغالب - ونعتقد نحن الأطباء "ايه هيّن" إن سبب خفّة دم الدب عائدة إلى هالمشاوير اللي
يضربها الدم يومياً رايح جاي بين هالشحوم .. لذلك تلقى الدم لياقته عالية وخفيف ..
بينما النحيف دمه راكد ولايروح ولايجي .. وطبيعي إنه يكون ثقيل !!!
اجحدوها يالدببه عاد <-- منتب عاقل يالنحيف !!
***
ميزة ثقل الدم إنه مهوب مرتبط بسن أو منصب أو شكل أو بلد.. لكن متوزع
على كل الأصناف بالتساوي وبصراحة أتحفظ على سالفة الجنس شوي ..
لأن اللي أشوفه إن الحريم في الغالب تلقى دمهن خفيف مرة مرة .. وأخف دم من
الرجال " تكفوون لاتقولون احلف " !!!
***
أكبر مصيبة تواجهها مع ثقيل الدم إذا كان صاحب منصب أو مكانة أعلى منّك
وأنت مضطر تتعامل معه .. أكبر منك في العمر مثلاً .. أو رئيسك فيالعمل ..أو دكتور في الجامعه .. أو زوجتك <-- أنواع الإضطهاد !!..
أو موظف حكومي ولك عنده معاملة "مدقرّة" من سنة السبلة !!..
أو حتى سكيورتي في المواقف ؟!!
هالعاهات "المذكورات " أعلاه وغيرهم كثير ممن نواجههم في حياتنا اليوميّة يستغلون مكانتهم و حاجة الناس لهم بابتزازهم ودفعهم للضحك على ذباتهم اللي تغثّ الكبد أكثر من غثا طريق خريص على واحدٍ توّه جاي من القرايا!! وإن ماضحكت على ذباتهم الماصلة.. فأكيد ماراح تاخذ إجازة .. أو إنك بترسب .. أو بتتوقف معاملتك .. أو تبي توقف سيارتك هناااااااااك وتجي كعابّي !!!
فأحياناً أكون بحضرة أحدهم وألقاه يلقي الدعابات الماصلة والعالم تضحك
"لازم يعطونه على قد عقله ويدهنون سيره" .. وأنا بصراحة
- الله لايحدّكم على اللي أنحدّيت عليه - تلقاني أضحك له " أو عليه " وأقوول
له (( اقسم بالله ياشيخ إن دمّك عسل !!!! )) ..
لااا تعتقدون إني أجامله أو أدهن سيره .. كلااا واللهِ ماكذبتُ وأنا ابن الرومي "ترفّق يا هالأشهب .. قال ايش ؟ قال رومي "
بس اللي أقصده إن دمه ثقيل مثل العسل ... أو أثقل بعد !!!
***
ثقيل الدم ماعنده أي مشكلة في أنه يسوي ما لايخطر على بال أحد إن كان هالشي بيخلي الناس تضحك .. بغضّ النظر هل هو بيكسب الإحترام أو لا .. فهو يتجرأ على الدين وينكت فيه .. أو تجد كل نكته مختصه فيما بين السرّة والركبة حتى لو كان المجلس محترم ..!!
وقد يتخلى ثقيل الدم عن رجولته ويتقمّص دور المرأة في لبسها ومكياجها أو "......." كما هي الموضه في الوقت الحالي .. !!
أو يسوي حركات غريبة بوجهه أو بجسمه أقرب مالها حركات القرود "على طاري القرود .. يقولون ارتفع سعر الموز .. هو صدز ؟!"
فكلّه يهوون مادام الناس بتضحك له .... أو عليه !!
***
ثقلاء الدم إذا اجتمعوا و سمعوا ثقيل الدم الأكبر حقهم ... خلونا نقول مديرهم في العمل مثلاً ... سمعوه يتهيبل ويخربط بكلام
وعلمّهم "لاحظوا إنهم علمّهم" بعدين إنه نكته .. أو ضحك بعد ماقال هالهبال حقه كدلالة على إنها نكتة " الله من الذهانة بهم" .. تلقاهم يرددون الكلام اللي قاله حتى لوكان بايخ أو ما فهموا معناه ... !!
***
ورحم الله الشاعر القائل ..
سقط الثقيل من السفينة في الدجى *** فبكى عليه رفاقه وترحمّوا ...
المهم يوم أصبحوا الصبح جابته موجة وقالت خوذوا هالعلّة اللي ماينهضمُ !!
***
الحاجة اللي إكتشفتها مؤخراً إن ثقل الدم مهوب في البشر بس !! فالسيارة ممكن تكون ثقيلة دم .. تلقاها ماشية معاك زي الحلاوة .. وفي اليوم اللي يكون عندك موعد ضروري وإنت متأخر مرّة تجي تشغلها .. تلقاها ماتشتغل !!
أو تلقى الشبر كنفر !!! وكذلك الأقلام .. تلقاه يكتب ولا أروع وإذا انتصفت في الإختبار .. تلقاه ينشف .. ماتسمونه ثقل دم هذا ؟!!
وكذلك فيه شركات اشتهرت بثقل الدم اللي تجاوز الحدود ..!! تلقاها تحب تمزح مع المشتركين أنواع المزح الثقيل .. على سبيل المثال .. ولا نيب قايل اسم الشركة ... لا تصريحاً ولا تلميحاً ....
تلقا الواحد موقّف الخدمة عن تلفونه لسفر أو خلافه "يارب مايدرون إنها الإتصالات" ومايدري آخر الشهر إلا جايته فاتورة وش طولها وش عرضها ؟! ويوم يجي يراجعهم يقولون له - يمزحون طبعاً - هذي رسوم مكالماتك اللي إنت "ماكلمتها" .. ورسوم خدمة .. أو اعتبرها رسوم "عدم خدمة" أهم شي إدفع ... هاه هاه هاه ... !!
صدقوني دمهم خفيف .. بس إنتم ماتفهمون عليهم !!
***
حقنة ،،،،
{{{ أصعب شي تواجهه في المجالس العامة ، ثقيل الدم الجرئ ..اللي يحبّك ويعزّك ويغليك ويموت فيك وو........... يمون عليك !!!! }}}
الله يجيرنا وإياكم ..
وكل انغثاثة تسبد وأنتم بخير
========================
صادق الود
ويعتبرها خارج نطاق الموضوع اللي يتكلم فيه .. فهو ينظّرالناس ويقيمهم
ويعّد نفسه برا التقييم ..!! ولايهون بعض القراء .. اللي يرون الكاتب
خارج من دائرة الموضوع اللي يكتب فيه .. فإذا كان يتكلم عن الغباء
توقعوا إن الكاتب أذكى الأذكياء "وهو من جنبها".. وإذا كتب ينتقد
الدشرة وقلة الأدب ..قالوا بس .. هذا مَلك منّزل من السماء .. !!
وكذلك إذا كتب موضوع شرشح فيه الشيون قالوا : وخروا عن هالأطخم" ... تسمع يابعض الناس " !!!
*****
أنا عن نفسي راح أتكلم عن المصالة وثقل الدم .. ومن البداية أبعترف
لكم إن دمي ثقيل فعلاً "بس الحمدلله أخلاق" .. وفوق كذا كنت أعتقد إني أمصل ماخلق ربي على وجه الأرض .. وحتى دايم أسب نفسي وأشرشحها وكلما
راعيت لروحي بالمرايي "ترجم لهم يالدباب " .. قلت
(ياصبر الأرض عليك وعلى ثقل دمّك !!)) .. بكيفي ..أمون على روحي ..!!
***
كنت أضحك على كل نكتة -أو كاريكاتير أو مقال يسمّى ساخر- حتى لوكانت النكتة بايخة و بلا معنى ..بس مادام اللي قالها نكوتي وسمّوها نكتة "أوكاريكاتير" فأكيد إنها تضحّك .. مو بس تضحّك .. إلا تفطّس من الضحك ..
وإذا ماضحكت معناها إن البلا فيني واني أنا اللي ما أفهم!!
***
وكنت أحسد الناس اللي تلقاهم دايماً في صدارة المجلس ...
واللي إذا تكلموا ما أحد يقاطعهم وإذا خلصّوا متكلمين "بخّوها" كل اللي في المجلس
ضحكة .. كنت أحسبهم خفيفين دم فعلاً مع إني ما أدري وش يقولون ..ولا أدري وش يبون ؟! ولا كنت أدري إن الناس آخذينهم مضحاكة .. وياكثرهم أشباه جحا في هالزمان !!
ومع مرور الأيام وكثرة الإختلاط بالناس "خصوصاً العاهات منهم" بديت أرتّب أوراقي من جديد <-- يعنني يفتّ بلوت .. وأعيد تقيمي للناس ..ولنفسي ..
وبدت معنوياتي ترتفع رويداً رويداً..!!
صحيح إني ثقيل الدم اللي أنا خابره "الله لايغيّر علي ولا يحرمن مني"
لكن اكتشفت إني منيب آخر واحد في اللستة ... فاللستة بعدي طويلة
وطووويلة جداً .. بل إن بعض ثقيلين الدم ثقلّوا علينا
<-- لازال مرتّز
باللستة .. لدرجة إنها - أي اللستة- عجزت تشيلهم .. !!
واستقلّ الواحد منهم بلستة لحاله .. وصار عَلم في ثقل الدم ..!!
فيكفي إنك إذا بغيت تسب الواحد وترفع ضغطه إنّـك تشبهه بفلان الجميل
الأنيق الهلالي <-- مدحة .. العاقل المثقف الخلوق ...... اللي مشكلته الوحيدة إن دمّه ثقيل !!!
***
ثقل الدم يبدأ في الظهور من المراحل الأولى في العمر .. فالوغدان "ذا
تشلدرن" بالعادة دمهم خفيف وكل تصرفاتهم مقبولة عندنا وتدفعنا للضحك
وسعة الصدر .. خاصة ليا جاء الوغد ملكع " الوغد بفتح الغين" .. لكن اللي كتب عليه ربنا ثقل الدم .. تلقاه باين عليه من طفولته ..
فأي واحد يبي يلاعبه يبتلش به .. تلقاك تدغدغه ومع ذلك يصيح ؟!
تجيب له حلاو بقر .. ياكله بقراطيسه ثمن يرجع يصيح ؟!
تشيله تنزله توديه تجيبه ...ماينفع معه ؟! ..
وفوق الصياح وكتأكيد على ثقل الدم اللي فيه من صغره ..
تلقاه يوسخ نفسه في الأوقات الحرجة .. خاصة إذا كان فيه ضيوف ..
تلقاه ماسك نفسه لين تجي آخر ضيفه .. وإذا تأكد من هالشئ أطلق قنابله المسيلة لدموع الضيوف من الضحك .. والمضيّعة لوجه أمه ."
الله يذكر
عنتوري بالخير "..!!
تصرفات مثل هذي ألا تنبئ عن مقدم ثقيل دم لا يشق له غبار...!!!
***
من الأشياء اللافتة للإنتباه إن أغلب الدببه "أوالسمينين" دمهم خفيف ..
وهذا أكيد من رحمة ربي علينا وعليهم .. !! يعني بالله دب ويالله
تشيله الأرض .. وفوق كذا دمّه ثقيل ؟! وين نصرّفه بالله؟!
وهالشئ حيّر الناس وأثار إستغرابهم - كون الدب دمّه خفيف في الغالب - ونعتقد نحن الأطباء "ايه هيّن" إن سبب خفّة دم الدب عائدة إلى هالمشاوير اللي
يضربها الدم يومياً رايح جاي بين هالشحوم .. لذلك تلقى الدم لياقته عالية وخفيف ..
بينما النحيف دمه راكد ولايروح ولايجي .. وطبيعي إنه يكون ثقيل !!!
اجحدوها يالدببه عاد <-- منتب عاقل يالنحيف !!
***
ميزة ثقل الدم إنه مهوب مرتبط بسن أو منصب أو شكل أو بلد.. لكن متوزع
على كل الأصناف بالتساوي وبصراحة أتحفظ على سالفة الجنس شوي ..
لأن اللي أشوفه إن الحريم في الغالب تلقى دمهن خفيف مرة مرة .. وأخف دم من
الرجال " تكفوون لاتقولون احلف " !!!
***
أكبر مصيبة تواجهها مع ثقيل الدم إذا كان صاحب منصب أو مكانة أعلى منّك
وأنت مضطر تتعامل معه .. أكبر منك في العمر مثلاً .. أو رئيسك فيالعمل ..أو دكتور في الجامعه .. أو زوجتك <-- أنواع الإضطهاد !!..
أو موظف حكومي ولك عنده معاملة "مدقرّة" من سنة السبلة !!..
أو حتى سكيورتي في المواقف ؟!!
هالعاهات "المذكورات " أعلاه وغيرهم كثير ممن نواجههم في حياتنا اليوميّة يستغلون مكانتهم و حاجة الناس لهم بابتزازهم ودفعهم للضحك على ذباتهم اللي تغثّ الكبد أكثر من غثا طريق خريص على واحدٍ توّه جاي من القرايا!! وإن ماضحكت على ذباتهم الماصلة.. فأكيد ماراح تاخذ إجازة .. أو إنك بترسب .. أو بتتوقف معاملتك .. أو تبي توقف سيارتك هناااااااااك وتجي كعابّي !!!
فأحياناً أكون بحضرة أحدهم وألقاه يلقي الدعابات الماصلة والعالم تضحك
"لازم يعطونه على قد عقله ويدهنون سيره" .. وأنا بصراحة
- الله لايحدّكم على اللي أنحدّيت عليه - تلقاني أضحك له " أو عليه " وأقوول
له (( اقسم بالله ياشيخ إن دمّك عسل !!!! )) ..
لااا تعتقدون إني أجامله أو أدهن سيره .. كلااا واللهِ ماكذبتُ وأنا ابن الرومي "ترفّق يا هالأشهب .. قال ايش ؟ قال رومي "
بس اللي أقصده إن دمه ثقيل مثل العسل ... أو أثقل بعد !!!
***
ثقيل الدم ماعنده أي مشكلة في أنه يسوي ما لايخطر على بال أحد إن كان هالشي بيخلي الناس تضحك .. بغضّ النظر هل هو بيكسب الإحترام أو لا .. فهو يتجرأ على الدين وينكت فيه .. أو تجد كل نكته مختصه فيما بين السرّة والركبة حتى لو كان المجلس محترم ..!!
وقد يتخلى ثقيل الدم عن رجولته ويتقمّص دور المرأة في لبسها ومكياجها أو "......." كما هي الموضه في الوقت الحالي .. !!
أو يسوي حركات غريبة بوجهه أو بجسمه أقرب مالها حركات القرود "على طاري القرود .. يقولون ارتفع سعر الموز .. هو صدز ؟!"
فكلّه يهوون مادام الناس بتضحك له .... أو عليه !!
***
ثقلاء الدم إذا اجتمعوا و سمعوا ثقيل الدم الأكبر حقهم ... خلونا نقول مديرهم في العمل مثلاً ... سمعوه يتهيبل ويخربط بكلام
وعلمّهم "لاحظوا إنهم علمّهم" بعدين إنه نكته .. أو ضحك بعد ماقال هالهبال حقه كدلالة على إنها نكتة " الله من الذهانة بهم" .. تلقاهم يرددون الكلام اللي قاله حتى لوكان بايخ أو ما فهموا معناه ... !!
***
ورحم الله الشاعر القائل ..
سقط الثقيل من السفينة في الدجى *** فبكى عليه رفاقه وترحمّوا ...
المهم يوم أصبحوا الصبح جابته موجة وقالت خوذوا هالعلّة اللي ماينهضمُ !!
***
الحاجة اللي إكتشفتها مؤخراً إن ثقل الدم مهوب في البشر بس !! فالسيارة ممكن تكون ثقيلة دم .. تلقاها ماشية معاك زي الحلاوة .. وفي اليوم اللي يكون عندك موعد ضروري وإنت متأخر مرّة تجي تشغلها .. تلقاها ماتشتغل !!
أو تلقى الشبر كنفر !!! وكذلك الأقلام .. تلقاه يكتب ولا أروع وإذا انتصفت في الإختبار .. تلقاه ينشف .. ماتسمونه ثقل دم هذا ؟!!
وكذلك فيه شركات اشتهرت بثقل الدم اللي تجاوز الحدود ..!! تلقاها تحب تمزح مع المشتركين أنواع المزح الثقيل .. على سبيل المثال .. ولا نيب قايل اسم الشركة ... لا تصريحاً ولا تلميحاً ....
تلقا الواحد موقّف الخدمة عن تلفونه لسفر أو خلافه "يارب مايدرون إنها الإتصالات" ومايدري آخر الشهر إلا جايته فاتورة وش طولها وش عرضها ؟! ويوم يجي يراجعهم يقولون له - يمزحون طبعاً - هذي رسوم مكالماتك اللي إنت "ماكلمتها" .. ورسوم خدمة .. أو اعتبرها رسوم "عدم خدمة" أهم شي إدفع ... هاه هاه هاه ... !!
صدقوني دمهم خفيف .. بس إنتم ماتفهمون عليهم !!
***
حقنة ،،،،
{{{ أصعب شي تواجهه في المجالس العامة ، ثقيل الدم الجرئ ..اللي يحبّك ويعزّك ويغليك ويموت فيك وو........... يمون عليك !!!! }}}
الله يجيرنا وإياكم ..
وكل انغثاثة تسبد وأنتم بخير
========================
صادق الود