المساعد الشخصي الرقمي

مشاهدة النسخة كاملة : قصيدة بعنوان ( حكم القدر )

جمال الناصر
10-03-2002, 11:23 AM
حكم القدر
ضـاعت علـى كـف اللـيالي امـانيـك ... والـلي بغـيته صاـر صعبٍ منـاله
ماكنت احسب حساب هذي وهاذيك ... حـكم القدر لاصار ما مـن بداله
يـابو عـيـون وسـاع ماكـثر خطـاويـك ... علـى حبـيـبك وانت يازيـن داله
ليت الـهوى ماجـاب فـي البال طاريك ... اشغلت قلب اللي يحبك وباله
ذيك اللـيالي كنـت حبـك ومـغـليك ... لكـنّ قلبي عــاف حـب النـذاله
كنـت ارسـمك حلـمي واردد غناويك ... ماعاد فاد الحلم واللي سعاله
ارجـوك لاتـطري على البـال مــابيـك ... واللي حصل يازين حكم العداله


مع تحيات : الرومانسي

جميع حقوق النشر محفوظة لدى (المقهى العربي)
wawa
10-03-2002, 11:29 AM
حلوة

مشكور يا الرومنسي
بنت زايد
10-03-2002, 01:02 PM
هلا اخوي الرومانسي ..
قصيدة راااائعة .. من كل جوانبها ..
بس لو سمحت لي اعلق على الشطر الثاني من البيت السادس ..
اللي هو :
كنـت ارسـمك حلـمي واردد غناويك ... ماعاد فاد الحلم واللي سعاله

كلمة ما عاد فاد .. لو تبدل كلمة فاد بـ ( يفيد ) يكون المعنى اصح ..

كنـت ارسـمك حلـمي واردد غناويك ... ماعاد يفيد الحلم واللي سعاله

والسموحة ان جان انا غلطانه في ملاحظتي ..

تقبل خالص تحياتي ,..
وبانتظار جديدك دائما ..(bye)
زرااار
10-03-2002, 02:21 PM
ابداع يالرومانسي ..
قصيده في قمة الجمال والروعه ..
والاهم من ذلك هو الاحساس الذي يضيء هذه الكلمات ..
من الاعماق عزيزي نشكرك ..
وننتظر بتلهف ابداعك القادم

الفين تحيه ارسلها .. لحضرة معاليك
.................................... تسبق حروفها .. ذكر رب الجلاله
اهني انا حروفك.. ولاهانت مساعيك
.................................... كنها سيل المطر .. وحنا نتراواله
ياعازفاً لحن الهوى .. بالحب اناجيك
.................................... اناجي شعورك.. وادور على ظلاله
كتبت فالحب .. يالرومانسي واهنيك
.................................... اهني كفوفه وشلون عاد اقواله ؟؟
جعل المحبه دوم .. في قربك تناديك
.................................... هذا دعى بحول.. اللي يصلى له


الف تحيه وشكر يالرومانسي (heart)
صالح
10-03-2002, 02:22 PM
بسم الله ..


صح لسانك اخوي الرومانسي .. وبصراحة أعجبني انتقاد بنت زايد اعتقد انها معها حق ؟؟ وعلى العموم بقى القصيدة رااااائعة ..




صالـح
مشفر
10-03-2002, 03:35 PM
شوفوا انا ما اعرف لا بالشعر ولا اكتب شعر :)
بس عندي ملاحظة :)

اعتقد بأن (فاد) هي الصحيحة .. و اذا كتبت ( يفيد ) كأنه انكسر ..:)

مدري يمكن اكون غلطان بس هذا لاحظت لما قريت البيتين :)
فاد ماشيه مع السياق و يفيد فيها شويه ثقل على اللسان :)

و الف الف شكر يالرومانسي :) على الكلمات .. صح لسانك :)

تقبل تحياتي أخوك مشفر .. :)
ABO-SAUD
10-03-2002, 07:14 PM
كلمات جميله واتمنالك التوفيق انشاء الله .........................
جمال الناصر
10-03-2002, 11:03 PM
اشكركم كلكم mrxx وبنت زايد زراااااااااااار وصالح ومشفر وابو سعود

واقول مشكورين على الملاحظة .. ولكن يا عزيزتي يابنت زايد
اذا حولنا ( ماعاد فاد ) الى (ماعاد يفيد ) ينكسر الوزن كما يقول اخي مشفر .. الا ان كنتي تبينها ( ماعد يفيد ) تستقيم يفيد
ولا يظهر معنى( عد ) والمعنى في (ماعاد فاد ) باقي ويعني لم يعد يفيد الحلم واللي سعاله ...
ومشكورين ... وايد وايد

مع تحيات الرومانسي
المغرم
11-03-2002, 12:35 AM
هلا اخوي الرومانسي ..
قصيدة راااائعة .. من كل جوانبها ..
بس لو سمحت لي اعلق على الشطر الاول من البيت الخامس
اللي يقول

ذيك اللـيالي كنـت حبـك ومـغـليك ... لكـنّ قلبي عــاف حـب النـذاله


انا اقول لو تبدل حبك بكلمه احبك تكون الكلمه اصح

والسموحه انكان انا غلطان في ملا حظتي
وشكرررررررررررررررررررررررا
الموسيقار
11-03-2002, 02:39 AM
كلمات اكثر من راااااااااااااائعه يالرومانسي



ابداع يتزايد باستمرررررررررررررار


تحياتي لك
المسافر
11-03-2002, 04:29 PM
قصيدة رائعة يالرومانسي;)


وكلمات جميلة:)


ننتظر منك المزيد


:)
الجنتل
11-03-2002, 05:16 PM
قصيده رائعه

ولكن من وجهة نظري المتواضعه
انا اشوف ان بنت زايد على حق
لأن كلمة (ماعاد) يجي بعدها فعل
مضارع.
ويكون راكب مع الجمله واسهل للنطق

تحياتي
جمال الناصر
11-03-2002, 10:55 PM
والله وجهات رأيكم على راسي ولكن هذا مزاجي هههههههههههههههههههههههههههه
لاتزعلون ... ولكن رضى الناس غاية لا تدرك .. ولو سويت زي ماتقولون كان غيرت القصيده كلها ...

شاكرا اهتماماتكم اموووووووووووووووه لكم
جمال الناصر
14-03-2002, 03:41 AM
فور افري بدي كلكم اكثر من رائعين تمنياتي بالمزيد والنجاح