راعي الأبل
09-02-2003, 02:34 AM
السلام عليكم هذي اول مشاركه لي وهي عباره عن سلسلة مذكراتي وأتمنى ان تعجبكم :)
نصيحه:
أنصح الجميع يطفون الانترنت على شان مايصرف عليكم وتجلسون تسبون فيني .
اليوم يوم غريب صار معي المهم راح ادخل في السالفه على طول
أتصل علي (مدحت) وقالي تعالي البيت .
أنا : طيب بجيك بعد الغدا !!
مدحت: لا تعال الحين
انا : طيب دقايق مسافة الخط وأكون عندك.
الزبده بالطريق داعس الطبلون وما خليت اشاره تسلم مني
قلت يمكن الرجال تعبان ويبيني اوديه المستشفى.
على فكرة نسيت أقولكم أن (مدحت) مضروب فيوزاته يعني بين قوسين خبل.
لمن وصلت عند باب بيتهم تو أصبعي الصغير بيطق الجرس
الا و(مدحت) فتح الباب بكل قوته.
مدحت وهو يبتسم: وينك ياحلو تأخرت
أكلم نفسي وأقول أنا لله وش يبي ذا؟
أنا : خير يا مدحت وش فيه؟
مدحت: تعال اقلط وبقولك سر.
بصراحه أنا أنقهرت لما قالي سر حسيت وقتها اني بزر.
مدحت : درب يأهل البيت.
المشكله عايش الحاله الله يستر.
ولمن وصلنا للمجلس وجلسنا نشرب بها للبن (مدحت) حاطها في برادة شاهي.
أنا : خير أيش هو السر؟
مدحت وقطرات اللبن على شنبه : أي سر؟
أنا : هما تقولي ان في سر بتقوله لي عند باب؟
سكت ( مدحت) وجلس يطالع في جدران مجلسهم كأن اول مره يجلس فيه
مدحت: دقايق وجاي.
أنا :تفضل.
خلونا نتكلم عن مدحت لين ما يجي
على كلام ابوه يقول انه انسان على العموم
أول شي بوصفه لكم علشان تتخيلون شكله :
وجهه طويل، وعينه اليسره طالعه فوق شوي،خشمه صغير يعني انه حلو
شفته اللي فوق متقدمه قدام 2 سنتيمتر ، وأذانيه تشطف كتوفه ،
انا الي اعرفه أن شعر الراس يجيك ناعم او خشن اومتعرج اما هولا
جامع كل الميزات قذلته ناعمه والجوانب متعرجه ومن ورى خشن
مدري هو مسويها على باله قصه ، تراه جلف يصلح للفزعات .
أششششش جا مدحت
مدحت وهو مسرع : اسف طولت عليك .
أنا : لا عادي
ما يدري كنا نحش فيه المسكين.
انا : هااا وش عندك؟
جلس مدحت يطالع في الأرض ويهز راسه انا وقتها خفت قلت الرجال مسوي
جريه فجأه طالع فيني وعينه اليسره نعسانه
أنا : ايش فيك تكلم
وهو يطالع فيني رجّع ضهره ورى ووجلس يطالع فيني
ونظراته فيها حقد ، بني وبينكم أنا خفت ترى والله شكله يخوف .
المهم بعد 45 دقيقه صمت رفع يده اليمين فوق واشر على المروحه وانا طالعت
فوق وقلت له
أنا : ايش فيك ؟
قام وحرك نفس اليد عرفت من حركته انه يبيني اطالع للمروحه
انا طالعت مالقيت شي المهم هو جلس يطالع في المروحه لين ما نساها
والله الا الحين ماني عارف ايش هو شاف .
انا : مدحت انا بمشي تبي شي ؟
قام وهز راسه فوق تحت يعني يبي شغله مني
أنا : خير !!
مدحت بصوت منخفض : دقيقه اجلس
وجلست وانا متضايق وتندمت اني جيته والعن خويي (أبو ساري)
اللي عرفني عليه ، المهم جلسنا نطالع في بعض
ومدحت قام يتثاوب وانا شفت شي غريب داخل فمه وهو يتثاوب ماله داعي اقوله
انا : يالله مدحت بخليك تنام الحين وبجيك بعدين
مدحت : لا تروح نام عندي تكفى
انا لله وش يبي ذا والله قمت اشك بنفسي
المهم كسر خاطري المسكين ما عنده أحد في البيت قلت يارجال خربانه خربانه
قمت وتلثمت بالشماغ
وقلت له
انا : مدحت رح جب مخده
بعد ربع ساعه جاب مخده مكتوب عليها تصبح على خير مدري من وين جابها
وحطيت راسي وهو جا نام جمبي وحط وخشته عند وجهي
وانا اسوي نفسي نايم كل ما أفتح عيني احصله يطالع فيني وأسكر عيني بسرعه
وأفكر مع نفسي وأقول هذا أيش يبي بالضبط المهم بعد فتره فتحت عيني لقيته نام على الجمبه الثاني
قلت الحمد لله انا أستناه ينام علشان أهج الزبده جلست تقريبا دقيقتين أشوي الا اسمع شخيره تقول كأنه
واحد مخلص علبة سن توب وأقوم اطالع فيه طلع فعلا يشرب سن توب موزيه
علشان ما أشوفه رجعت وحطيت راسي وجلست افكر هو أيش يبي بالضبط بالعربي ما جاني نوم
انا : مدحت يا مدحت قم
مدحت قام مفجوع مسوي فيها نايم الرجال
وأشر لي بيده عرفت من حركته انه يقول ايش فيه؟
أنا : لالا ولى شي أرجع كمل نومك!!!
رجع (مدحت) لنومته كأنه وهو راجع سمعته يقول شي بصوت منخفض حسيت وقتها انه يسبني !!
المهم جلست تقريبا ساعه ونصف لين ما تأكدت أن (مدحت) نام ، قمت وتوني بتسحب للباب الا وأيده
تكلبشت برجلي ومن قوة المسكه 3 ساعات ما أحس برجلي ألي قاهرني زياده انه مايتكلم وهو ماسكني لين أخيراً ما فكني ورجعت لفراشي وانا فيني الصيحه ، يالله وش اسوي الحين وشلون
الا جتني فكره غريبه وما تمشي الا على مدحت بس وهي اني ما قلت للوالده اني بنام برا البيت
والا انا محد سال فيني ولا احد درى عني الحمد لله منب بزر
بس ولما خفت رجلي من مسكت المجنون قمت اسب في قلبي وانادي بصوتي
انا : مدحت
سوا نفسه ما سمعني وقام يقول ماما مسوي فيها يحلم
قمت وشلت جزمه الله يكرمكم زي حقت الجيش مدري من وين طلعت وحذفته مع ضهره وبكل ما اوتيت من قوه
الا واشوف الرجال بين قوسين المجنون يدور حول الفراش تقول دجاجه مذبوحه
انا خفت وقلت يالله خير وش فيه الا شوي اسمعه يتمتم ويقول ماما ... بابا .. لا تغدغوني
انا في ذيك الساعه تعرفون لما الواحد طلعت في راسه نخله قليل الي يجيه الاحساس هذا
وقلت اقوم الحين امشي اخاف يسوي لي نفس الي سواها اول مره
بس الحين هو نايم تقول ميت والله حاله يالله الفكه بس متى
قمت انادي اصارخ اسب العن والله الرجال ميت بس عايش في الحلم اسمع كلام غريب وسب غريب
وبعد ما حسيت اني بسير مجنون من القاعد اشوفه واسمعه قلت في نفسي اقول قم انحاش بس والله ما جلست اكثر من كذا
وابدا اخطط واسوي خطه للهروب وهي ارفع ثوبك وامسك نعولك الله يكرمكم وادعس واقوى ما اعطاك الله من سرعه
وقلت واحد اثنين والثالث الا وانا في الشارع واسمع مدحت يصارخ كنه يحترق وانا فرحان بس متضايق من داخل والله اسمع صراخه كنه واحد ماخذين منه شي واسمع سب واشوف الجيران بدو يطلعو انا كملت طريقي كني واحد زيهم سمع الصوت ومسوي نفسه منزعج او مستغرب وهزيت
راسي قدامهم وقلت لا حول الله وركبت موتري ومشيت ومهدي وفي قلب شي غريب واقول ليه كان يصارخ الخبل والله حاله غريبه قمت وابغى اتصل في خويي ابو ساري وادور الجوال الا والجوال عند الخبل مدحت نسيته عنده وفي ذيك الساعه انقهرت قهر من قوته قمت اعض رجلي
وقلت الحين وش السوات ارجع للخبل ذا والا اكمل مشواري للبيت والا اروح عند ابو ساري يمكن يعرف شي عن الي قاعد يسير الحين
الحين بالله لو واحد مكاني ويش يسوي عندك احد الاختيارات الثلاثه ؟؟؟؟
بعد تفكير عميق
قلت يارجال لو كملت طريقي ورحت للبيت بتنتهي السالفه .
ولو رحت عند أبو ساري أكيد بخلي السالفة تكبر وانا ماني فاضي وجع راس .
قلت مافي الا اروح عند مدحت وأشوفه ليه يصارخ ؟؟
بعد 5 دقايق وصلت عند حارة مدحت وكان وقتها 4 العصر المهم لقيت الحاره في سكون تام
أستغربت من ذا السكون الغريب أيش اللي صار ؟؟؟
وقفت عند باب مدحت وادق الجرس والخبل ما يرد بعد فتره طلعلي من فوق الصطح يأشرلي
يبيني أروحله،المهم طلعت فوق ولقيت 60 شخص من الحارة محتجزهم مدحت وكان معه مسدس
من عام الفيل أبو فتحتين مدري من وين جايبه؟؟
أنا : مدحت هدي أعصابك نزل المسدس انا بعطيك اللي تبيه !!!
مدحت : قلهم ليه يوقفون عند باب بيتنا ؟؟
لما قالي كذا
كان ودي أفسخ حذياني أكرمكم الله ولزقها في خشمه
بالله يا جماعه فيه في الدنيا واحد مثل ذا الخبل
أنا : مدحت خل الشباب يروحون بيوتهم
واحد من الرهائن وسيم : الله يخليك مدحت أبي اروح البيت
مدحت جاته العبرات يطالع في الوسيم ونزلت قصدي طاحت منه دمعه تغسل فيها سيارتين من كبرها .
قام مدحت وكل العاده يأشر بالمسدس يعني اطلعوا برى.
وألا الرهائن قامت تهج كأنهم في الابتدائي طالعين من المدرسة
جلست انا ومدحت لحالنا فوق السطح ومدحت أخذله زاويه وجلس فيها وكأنه ندمان على شي
رحت له وخذيت منه المسدس بكل هدوء وكلمته
أنا :مدحت الله يرحم والديك قلي أيش فيك ، يمكن اقدر أساعدك انا مستعد أسوي لك أي شي
بس تكلم تراك تعبتني اليوم معاك ؟
مدحت بصوت منخفض : أمس كنت ...
أخيرا تكلم
أنا : أيوه كمل
مدحت : تكلم من أنت ؟؟؟
أنا : لا تشيل هم كمل السالفه انت !!
مدحت بصوت عالي : أمس كنت عند عيال خالي نلعب (ستاي بلوشن)
أنا : (بلاي ستيشن)
مدحت : طالعني بنص عين وقالي : خلني اكمل السالفه
انا : تفضل
مدحت : وجلسنا نلعب بلاااااااااااي ستاشن وقلتلهم حطوا الكوره
قالوا لا
مدحت بصوت عالي : ليش ماحطوا الكوره ؟؟؟؟؟
انا في حالة دهشه :يعني الحين انت مسوي الزحمه ذي كلها
علشان بلاي ستيشن والكوره؟؟؟
مدحت قام يطالعني ومستحي
أنا : قم قم قامت عصبك الشرها ماهي عليك الشرها على اللي عرفني فيك .
وكنت بطلق عليه بالمسدس اللي كان معه
وأكتشف انه لعبه
وقمت اضحك زي المجنون وجات على بالي هذي القصيده اللي تقول:
آهاات من طول العناا طاولتني
............................ونفسي من الفرقا وحالي صخيفه
جارت علي من الفراق وقصتني
...........................غزت ولكن مانـــوت بالنــــكيفه
بهـــمومها اللي شفت منها كوتني
.......................... هذا الذي خلى حيــاتي معـــيفه
باكر يروعني وانا فيه فـــتني
......................... واقول ليت الغيب يبخل بحيــفه
خيل السعااده بالهوى خالفتني
......................... خالفت معها عيـــد قلبــي وريفه
وهبت هوبٍ بالنيا عطشتني
........................ وكم غالي(ن) قبلي ظما من وليفه
ليت الليالي عن غرمي نهتني
.......................ولا بدا زرع الأمـــل منك هيــــفه
ولا انها في غايتي خيرتني
..................... واختاار انا مربااع قلبي وصيفه
خلن جيوشه بالمحبه غزتني
.....................وانا اسيرٍ للعيون العــــــــــفيفه
اغلى هجوسٍ طول الأيام جتني
................... هاك الهجووس اللي تجيني بطيفه
الماضيات بغيبها ماانصفتني
..................والمقبلات ارجي عدلـــها خليــــفه
اتبع ظنون بالهوى ماشفتني
....................احسب حمولي بالمحبه خفيــــــفه
واليوم ظالمة المحبة طوتني
...................طي الورق يــــوم انطوى به خريفه
واشباح ياسي بالهموم اعترتني
..................وانا علي اسبااب صدك كلــــــــيفـــه
واشيل حتفي راضيٍ فوق متني
.................. . واروح ونفسي من حياتي معيـــفه
واقول للي بالجفا عــــذبــــتني
..................عسى الشقا ..من بيننا بالــــنصيـــفه
شربت من فيض الشقا واشبعتني
.................دنيا مع الآحــــزان ضدي حلــــــيفه
وسلامتكم
من تأليف: أبو منيف
•¤(L)©~®§][©][أبو منيف][©][§®~©(L)¤•
نصيحه:
أنصح الجميع يطفون الانترنت على شان مايصرف عليكم وتجلسون تسبون فيني .
اليوم يوم غريب صار معي المهم راح ادخل في السالفه على طول
أتصل علي (مدحت) وقالي تعالي البيت .
أنا : طيب بجيك بعد الغدا !!
مدحت: لا تعال الحين
انا : طيب دقايق مسافة الخط وأكون عندك.
الزبده بالطريق داعس الطبلون وما خليت اشاره تسلم مني
قلت يمكن الرجال تعبان ويبيني اوديه المستشفى.
على فكرة نسيت أقولكم أن (مدحت) مضروب فيوزاته يعني بين قوسين خبل.
لمن وصلت عند باب بيتهم تو أصبعي الصغير بيطق الجرس
الا و(مدحت) فتح الباب بكل قوته.
مدحت وهو يبتسم: وينك ياحلو تأخرت
أكلم نفسي وأقول أنا لله وش يبي ذا؟
أنا : خير يا مدحت وش فيه؟
مدحت: تعال اقلط وبقولك سر.
بصراحه أنا أنقهرت لما قالي سر حسيت وقتها اني بزر.
مدحت : درب يأهل البيت.
المشكله عايش الحاله الله يستر.
ولمن وصلنا للمجلس وجلسنا نشرب بها للبن (مدحت) حاطها في برادة شاهي.
أنا : خير أيش هو السر؟
مدحت وقطرات اللبن على شنبه : أي سر؟
أنا : هما تقولي ان في سر بتقوله لي عند باب؟
سكت ( مدحت) وجلس يطالع في جدران مجلسهم كأن اول مره يجلس فيه
مدحت: دقايق وجاي.
أنا :تفضل.
خلونا نتكلم عن مدحت لين ما يجي
على كلام ابوه يقول انه انسان على العموم
أول شي بوصفه لكم علشان تتخيلون شكله :
وجهه طويل، وعينه اليسره طالعه فوق شوي،خشمه صغير يعني انه حلو
شفته اللي فوق متقدمه قدام 2 سنتيمتر ، وأذانيه تشطف كتوفه ،
انا الي اعرفه أن شعر الراس يجيك ناعم او خشن اومتعرج اما هولا
جامع كل الميزات قذلته ناعمه والجوانب متعرجه ومن ورى خشن
مدري هو مسويها على باله قصه ، تراه جلف يصلح للفزعات .
أششششش جا مدحت
مدحت وهو مسرع : اسف طولت عليك .
أنا : لا عادي
ما يدري كنا نحش فيه المسكين.
انا : هااا وش عندك؟
جلس مدحت يطالع في الأرض ويهز راسه انا وقتها خفت قلت الرجال مسوي
جريه فجأه طالع فيني وعينه اليسره نعسانه
أنا : ايش فيك تكلم
وهو يطالع فيني رجّع ضهره ورى ووجلس يطالع فيني
ونظراته فيها حقد ، بني وبينكم أنا خفت ترى والله شكله يخوف .
المهم بعد 45 دقيقه صمت رفع يده اليمين فوق واشر على المروحه وانا طالعت
فوق وقلت له
أنا : ايش فيك ؟
قام وحرك نفس اليد عرفت من حركته انه يبيني اطالع للمروحه
انا طالعت مالقيت شي المهم هو جلس يطالع في المروحه لين ما نساها
والله الا الحين ماني عارف ايش هو شاف .
انا : مدحت انا بمشي تبي شي ؟
قام وهز راسه فوق تحت يعني يبي شغله مني
أنا : خير !!
مدحت بصوت منخفض : دقيقه اجلس
وجلست وانا متضايق وتندمت اني جيته والعن خويي (أبو ساري)
اللي عرفني عليه ، المهم جلسنا نطالع في بعض
ومدحت قام يتثاوب وانا شفت شي غريب داخل فمه وهو يتثاوب ماله داعي اقوله
انا : يالله مدحت بخليك تنام الحين وبجيك بعدين
مدحت : لا تروح نام عندي تكفى
انا لله وش يبي ذا والله قمت اشك بنفسي
المهم كسر خاطري المسكين ما عنده أحد في البيت قلت يارجال خربانه خربانه
قمت وتلثمت بالشماغ
وقلت له
انا : مدحت رح جب مخده
بعد ربع ساعه جاب مخده مكتوب عليها تصبح على خير مدري من وين جابها
وحطيت راسي وهو جا نام جمبي وحط وخشته عند وجهي
وانا اسوي نفسي نايم كل ما أفتح عيني احصله يطالع فيني وأسكر عيني بسرعه
وأفكر مع نفسي وأقول هذا أيش يبي بالضبط المهم بعد فتره فتحت عيني لقيته نام على الجمبه الثاني
قلت الحمد لله انا أستناه ينام علشان أهج الزبده جلست تقريبا دقيقتين أشوي الا اسمع شخيره تقول كأنه
واحد مخلص علبة سن توب وأقوم اطالع فيه طلع فعلا يشرب سن توب موزيه
علشان ما أشوفه رجعت وحطيت راسي وجلست افكر هو أيش يبي بالضبط بالعربي ما جاني نوم
انا : مدحت يا مدحت قم
مدحت قام مفجوع مسوي فيها نايم الرجال
وأشر لي بيده عرفت من حركته انه يقول ايش فيه؟
أنا : لالا ولى شي أرجع كمل نومك!!!
رجع (مدحت) لنومته كأنه وهو راجع سمعته يقول شي بصوت منخفض حسيت وقتها انه يسبني !!
المهم جلست تقريبا ساعه ونصف لين ما تأكدت أن (مدحت) نام ، قمت وتوني بتسحب للباب الا وأيده
تكلبشت برجلي ومن قوة المسكه 3 ساعات ما أحس برجلي ألي قاهرني زياده انه مايتكلم وهو ماسكني لين أخيراً ما فكني ورجعت لفراشي وانا فيني الصيحه ، يالله وش اسوي الحين وشلون
الا جتني فكره غريبه وما تمشي الا على مدحت بس وهي اني ما قلت للوالده اني بنام برا البيت
والا انا محد سال فيني ولا احد درى عني الحمد لله منب بزر
بس ولما خفت رجلي من مسكت المجنون قمت اسب في قلبي وانادي بصوتي
انا : مدحت
سوا نفسه ما سمعني وقام يقول ماما مسوي فيها يحلم
قمت وشلت جزمه الله يكرمكم زي حقت الجيش مدري من وين طلعت وحذفته مع ضهره وبكل ما اوتيت من قوه
الا واشوف الرجال بين قوسين المجنون يدور حول الفراش تقول دجاجه مذبوحه
انا خفت وقلت يالله خير وش فيه الا شوي اسمعه يتمتم ويقول ماما ... بابا .. لا تغدغوني
انا في ذيك الساعه تعرفون لما الواحد طلعت في راسه نخله قليل الي يجيه الاحساس هذا
وقلت اقوم الحين امشي اخاف يسوي لي نفس الي سواها اول مره
بس الحين هو نايم تقول ميت والله حاله يالله الفكه بس متى
قمت انادي اصارخ اسب العن والله الرجال ميت بس عايش في الحلم اسمع كلام غريب وسب غريب
وبعد ما حسيت اني بسير مجنون من القاعد اشوفه واسمعه قلت في نفسي اقول قم انحاش بس والله ما جلست اكثر من كذا
وابدا اخطط واسوي خطه للهروب وهي ارفع ثوبك وامسك نعولك الله يكرمكم وادعس واقوى ما اعطاك الله من سرعه
وقلت واحد اثنين والثالث الا وانا في الشارع واسمع مدحت يصارخ كنه يحترق وانا فرحان بس متضايق من داخل والله اسمع صراخه كنه واحد ماخذين منه شي واسمع سب واشوف الجيران بدو يطلعو انا كملت طريقي كني واحد زيهم سمع الصوت ومسوي نفسه منزعج او مستغرب وهزيت
راسي قدامهم وقلت لا حول الله وركبت موتري ومشيت ومهدي وفي قلب شي غريب واقول ليه كان يصارخ الخبل والله حاله غريبه قمت وابغى اتصل في خويي ابو ساري وادور الجوال الا والجوال عند الخبل مدحت نسيته عنده وفي ذيك الساعه انقهرت قهر من قوته قمت اعض رجلي
وقلت الحين وش السوات ارجع للخبل ذا والا اكمل مشواري للبيت والا اروح عند ابو ساري يمكن يعرف شي عن الي قاعد يسير الحين
الحين بالله لو واحد مكاني ويش يسوي عندك احد الاختيارات الثلاثه ؟؟؟؟
بعد تفكير عميق
قلت يارجال لو كملت طريقي ورحت للبيت بتنتهي السالفه .
ولو رحت عند أبو ساري أكيد بخلي السالفة تكبر وانا ماني فاضي وجع راس .
قلت مافي الا اروح عند مدحت وأشوفه ليه يصارخ ؟؟
بعد 5 دقايق وصلت عند حارة مدحت وكان وقتها 4 العصر المهم لقيت الحاره في سكون تام
أستغربت من ذا السكون الغريب أيش اللي صار ؟؟؟
وقفت عند باب مدحت وادق الجرس والخبل ما يرد بعد فتره طلعلي من فوق الصطح يأشرلي
يبيني أروحله،المهم طلعت فوق ولقيت 60 شخص من الحارة محتجزهم مدحت وكان معه مسدس
من عام الفيل أبو فتحتين مدري من وين جايبه؟؟
أنا : مدحت هدي أعصابك نزل المسدس انا بعطيك اللي تبيه !!!
مدحت : قلهم ليه يوقفون عند باب بيتنا ؟؟
لما قالي كذا
كان ودي أفسخ حذياني أكرمكم الله ولزقها في خشمه
بالله يا جماعه فيه في الدنيا واحد مثل ذا الخبل
أنا : مدحت خل الشباب يروحون بيوتهم
واحد من الرهائن وسيم : الله يخليك مدحت أبي اروح البيت
مدحت جاته العبرات يطالع في الوسيم ونزلت قصدي طاحت منه دمعه تغسل فيها سيارتين من كبرها .
قام مدحت وكل العاده يأشر بالمسدس يعني اطلعوا برى.
وألا الرهائن قامت تهج كأنهم في الابتدائي طالعين من المدرسة
جلست انا ومدحت لحالنا فوق السطح ومدحت أخذله زاويه وجلس فيها وكأنه ندمان على شي
رحت له وخذيت منه المسدس بكل هدوء وكلمته
أنا :مدحت الله يرحم والديك قلي أيش فيك ، يمكن اقدر أساعدك انا مستعد أسوي لك أي شي
بس تكلم تراك تعبتني اليوم معاك ؟
مدحت بصوت منخفض : أمس كنت ...
أخيرا تكلم
أنا : أيوه كمل
مدحت : تكلم من أنت ؟؟؟
أنا : لا تشيل هم كمل السالفه انت !!
مدحت بصوت عالي : أمس كنت عند عيال خالي نلعب (ستاي بلوشن)
أنا : (بلاي ستيشن)
مدحت : طالعني بنص عين وقالي : خلني اكمل السالفه
انا : تفضل
مدحت : وجلسنا نلعب بلاااااااااااي ستاشن وقلتلهم حطوا الكوره
قالوا لا
مدحت بصوت عالي : ليش ماحطوا الكوره ؟؟؟؟؟
انا في حالة دهشه :يعني الحين انت مسوي الزحمه ذي كلها
علشان بلاي ستيشن والكوره؟؟؟
مدحت قام يطالعني ومستحي
أنا : قم قم قامت عصبك الشرها ماهي عليك الشرها على اللي عرفني فيك .
وكنت بطلق عليه بالمسدس اللي كان معه
وأكتشف انه لعبه
وقمت اضحك زي المجنون وجات على بالي هذي القصيده اللي تقول:
آهاات من طول العناا طاولتني
............................ونفسي من الفرقا وحالي صخيفه
جارت علي من الفراق وقصتني
...........................غزت ولكن مانـــوت بالنــــكيفه
بهـــمومها اللي شفت منها كوتني
.......................... هذا الذي خلى حيــاتي معـــيفه
باكر يروعني وانا فيه فـــتني
......................... واقول ليت الغيب يبخل بحيــفه
خيل السعااده بالهوى خالفتني
......................... خالفت معها عيـــد قلبــي وريفه
وهبت هوبٍ بالنيا عطشتني
........................ وكم غالي(ن) قبلي ظما من وليفه
ليت الليالي عن غرمي نهتني
.......................ولا بدا زرع الأمـــل منك هيــــفه
ولا انها في غايتي خيرتني
..................... واختاار انا مربااع قلبي وصيفه
خلن جيوشه بالمحبه غزتني
.....................وانا اسيرٍ للعيون العــــــــــفيفه
اغلى هجوسٍ طول الأيام جتني
................... هاك الهجووس اللي تجيني بطيفه
الماضيات بغيبها ماانصفتني
..................والمقبلات ارجي عدلـــها خليــــفه
اتبع ظنون بالهوى ماشفتني
....................احسب حمولي بالمحبه خفيــــــفه
واليوم ظالمة المحبة طوتني
...................طي الورق يــــوم انطوى به خريفه
واشباح ياسي بالهموم اعترتني
..................وانا علي اسبااب صدك كلــــــــيفـــه
واشيل حتفي راضيٍ فوق متني
.................. . واروح ونفسي من حياتي معيـــفه
واقول للي بالجفا عــــذبــــتني
..................عسى الشقا ..من بيننا بالــــنصيـــفه
شربت من فيض الشقا واشبعتني
.................دنيا مع الآحــــزان ضدي حلــــــيفه
وسلامتكم
من تأليف: أبو منيف
•¤(L)©~®§][©][أبو منيف][©][§®~©(L)¤•