مواقف بنات ..بالمدرسه

[بنت التحلية]

هذا موضوع عن معنى كلمة فوبيا ,, اللي هي الخوف من المدرسه و المدرسات... وكلامها كله صحيح بس هذا الكلام كان قبل 5 سنين تقريبا


الطالبات ما قصروا فيهم .. بصراحه صاروا هالايام المدرسات هو اللي يماروسون كلمة فوبيا >>>>>لاحظوا كلمة يمارسون

خخخخخخخخ

صارت المدرسه ما تدخل على الفصل والا و طاقته الرجفه من الخوف

تخاف تغلط والا شي و يقوم التعليق و التطنز عليها

.

والا ما تدخل الا و متأكده ان سحاب تنورتها مسكر

ولازم تكون متزينه و كاشخه لا تجيها كلمه من هنا والا هناك

..
و خاصته المدرسات الجدد .. اللي توهم متخرجات (كله من السعوده ما سوت فينا خير)

.
-----------------------------------------------------------------------------
,

والله كانت ايام سعيده يوم كانت تدخل علينا مدرسه اللغه العربيه ( غير سعوديه) و يبدى الاستهبال بحصتها

.
-------------------------------------------------------------------------------

بذكر لكم مواقف حقيقه صارت في داخل مدراس البنات



كانت في ابلى توها متوظفه في المدرسه لغه انجليزيه و مستانسه بوضيفتها المهم اول حصه لها دخلت على الفصل .. لقت اللمبات مسكره و مافي بنات ...

(طبعا البنات موجودات بس متخبين تحت الادراج)

المهم توها داخله و هي مستانسه.... استغربت .. افتحت اللمبات

الا كل البنات في وقت واحد يطلعون من تحت الادراج و يقولون ببوووووووووووووووووه

طبعا الابلى تخرعه و صرخت هذيك الصرخه و من بعدها طلعت من الفصل و هي تصيح

و حلفت انها ما تدخل على هاللفصل مره ثانيه

.موقف ثاني صار نفس الشي لمدرسه اجنبيه

كانوا البنات منقهرين من هذي الابلى .. لانها ترفع الضغط و دايم تذم السعوديه و بنات السعوديه بس بشكل غير مباشر

المهم مره من المرات كانوا البنات رايحين المختبر (حصة علوم) يوم خلصت الحصه و رجعوا لفصلهم .. لقوا على طاولت الابلى كوبها الشاي ... وتحت الطاوله جزمتها و داخلها الشراب(الابلى رايحه تتوضأ عشان الصلاة)

طبعا البنات منقهرين منها و ودهم يسوون لها شي

توقعوا وش سووا

اخذوا شرابها و غطوووووه (غمسوه ) داخل كوب الشاي (على فكره كوب الشاي مليان)

..

رجعت الابلى من الحمام و يوم شافت المشهد شرابها داخل كوب الشاي

قالت ... عادي عادي و طلعت من الدرج شرابات ثانيه

على بالها تقهر البنات

.
موقف ثاني .. >>>>>>>هذا حنا مسوينه لمدرستنا الاحياء يوم كنا يثاني ثانوي

اتفقنا كل البنات اذا دخلت المدرسه .. نناظر رجولها .. جزمتها

المهم يوم دخلت المدرسه .. وحنا كلنا نناظر رجولها

كتبت موضوع الدرس و لفت على البنات ... والبنات يناظرون رجولها

مسكينه شكت بنفسها قامت تطالع في جزمتها

و ترجع تشرح ,,, و البنات الى الحين يطالعون برجولها

و هي كل شوي تناظر جزمتها ...... الى ان زهقت وقالت

في ايه في ايه.. مالكو بتبصوا كدا ليه... في حاقه؟؟

.والبنات ساكتين و يطالعون في رجولها..

مسكينه طلعت من الفصل و هي شاكه بنفسها

--------------------------------------------------------------------------------

مره فصل ثاني متوسط.. اتفقوا اذا دخلت اي معلمه عليهم.. يطلعون هذا الصوت امممممممم

من غير ما يفتحون فمهم (كل الفصل في وقت واحد) ..

المهم كل ما دخلت عليهم ابلى .. تشرح الدرس بس الصوت مزعجها .. و يقولون لها البنات ابلى ايش هذا الصوت .. مزعج ما نقدر نسمع... ايش رايك نغير الفصل

و مسكينه الابلى تقعد تجرجر البنات من فصل لفصل

.
و نفس فصل ثاني متوسط .. مره بنت عندهم مثلت انها تعبانه و ان حلقها يعورها و قاعده تكح (البنت هاديه و يصدقون فيها )

قالت لها الابلى ايش فيك ... تبين ماي؟؟

قالت لا ما احب الماي .. قالت الابلى للبنات .. بنات من عندها شي ينشرب

طلعت بنت بيبسي... ( البيبسي مرجوج و مخضوض ... هذي خطة البنات)

يوم اخذته البنت و فتحته طاااااااااااااااااش على الفصل و على وجه الابلى

مسكينه الابلى على بالها حادث غير متعمد

خخخخ

..ايييييييييييييييه صح نسيت هذا الموقف

على طاري الحصص النموذجيه و حضور المشرفه للحصه

مره جات ابلة الرياضايات و قالت بنات ابغاكم بكره تستعدون عشان بكره عندنا درس نموذجي

و يالتها ما قالت عشان تستعدون

تخيلوا ايش كان استعداد البنات

بنت يوم راحت البيت قالت لشغالتهم تصيد لها بريعصي ( برصي.. سحليه .. وزغه >>>جميع اللهجات

و يومخلصت الحصة اللي قبل حصة الدرس النموذجي فتحوا البريعي و هدوه بالفصل

وقام الصراخ و التمثيل

و تجمعوا ابلات المدرسه .. ايش السالفه؟؟

و قاموا يدورون البريعصي و البنات يصرخون

لين ضاعت حصة الدرس النموذجي .... و اضطرت معلمة الماده تاخذ حصة اضافيه و اخذت البنات مختبر المدرسه و شرحت لهم درس الحصة النموذجيه هناك

--------------------------------------------------------------------------------


مساكين هالمدرسات ... من جد صار عندهم خوف من البنات

و من جد صاروا يستخدمون كلمة فوبيا

.
في مواقف وااااجد بس اخاف طولت عليكم



ملاحظه ابي من كل واحد يقول وش احلى موقف صار له بأيام المدرسه..

.

تحياتي

[جمال الناصر]

ليه معكم سيارات ؟؟




============


انا اذكر مره كنا في الثانوية


وجيت بسيارتي ...



مالقيت موقف ......


وجلست افر بسيارتي لين طلع ابو عقاب ( الفراش )


بسيارتة وجيت ووقفت مكانه




ترى هالخطوه جيده ... انهم يحطون عندكم بمدارسكم مواقف ..


عشان تخف الزحمة بشوارع الرياض




==========================







الرومانسي:@": :@": :@": :@": :@":

[طويلــة العمــر]

حنا (( كان :( )) عندنا بنت أيام المتوسط

الظاهر إنها ضابطة ساعتها على غرينتش

فـ كانت لمن يبقى 10 ثواني من الحصة

تقول بنات ترى باقي ((10 )) بعدين كذا فجأة و الأبلة في عز الشرح

كل البنات

10
9
8
7
6
5
4
3
2
1
ترررررررررررررررررررررررررن <---- البنات يقولونها

و هي يا حياتي ما تشوف إلا غبار يتطاير .. و البنات طلعوا :nope:

---------------------------------------------------

و كان عندنا وحدة خبلة مخفة مادري وش تبي من الدنيا :confused:

ما تعرف وش معناة (( تزليب ))

فكنا نستخدمها معها في كللللللللللل شيييييييييي

أبلة ما فهمت تزليبة الدرس ..

أبلة لا تزلبين ..

أبلة أبغى أروح بتزليبة بسرعة للحمام ..

أبلة كم مرة نزلب في هالمسألة ..

أبلة صدق إنك ما تعرفين تزلبين ..

آخر شي قامت قالت : بنات خلاص انا بدي زلب يعني بدي زلب

مين المعلمٍة هون انا ولا انتو

يا حياتي :nope: أرحمها ..

-------------------------------------------------------------

سالفة (((امممممممممممممم))) حقتكم

حنا مرة سويناها .. لكن على أساس إن المدرسة مسكونة :rolleyes:

الخبلة ذي تقول : أعوز بالله !! أعوز بالله !!

<---- متسدحين من الضحك


----------------------------------------------------------------

تدرين إن في أبلة تحسب إن اسمي ((ساجدة ))

و ما عرفت إني نصابة إلا

يوم جت تبي تودينا للمديرة ..

قامت المشرفة الاجتماعية قالت :

ما شاء الله .. !!! نفس الوجيه كل مرة !! حنا ما تناقشنا في هالسالفة يا نوووووف <--- فضحتنا

و باقي القصة لا تعليق .. :fw:

---------------------------------------------------------------


على فكرة ،،
و منكــــــــــم نستفيد .. .. .. :ib:

[بنت التحلية]

ههههههههههههههههههههههههههههههههاي

مشكورين مره على مشاركتكم واقول لكم بعض من مواقفي بالمدرسه...

مره الحين طبعا جات المديره وقالت لازم تسون فصلكم عن اي شيء طبعا حنا محنا شغالات عندها قالت لازم قلنا اوكي والاستاذه حقتنا خبله قالت براحتكم قلنا نبي نسوي فصلنا عن (السجن):#: :#: قالت هووووو لا يا بنات حنا بنات الأولاد اهم الي يسون كذا وش خليتوا لهم قلنا بنسوي السجن ولا ماراح نسوي الفصل قالت بكيفكم بس بشرط تشيلونه بعدين قلنا اوكي...(تحزن صدقت نفسها):#: :#: المهم وحطينا ورق على كل الفصل وبخيناه بأسود وكتبنا عليه حروفنا وكلام بالأحمر كانك داخله بسجن وجبنا المسدسات والنظارات هذي الي يبيعونها عند الحجات..هههههههههههههه وقبل ماتجي تشوف الفصل قبلها اتفقنا ان بنت تجيب معها مثل العلبه قزاز صغيره جوتها ماده ريحتها شينه تلوع الكبد اذا كسرتيها...المهم والحين حنا نراقب قبل ماتجي بدقايق أخذتها من خويتي وكسرتها تحت الطاوله حقت الأستاذه وجلسنا ويوم دخلت قالت وش هالرحه قلنا والله ياأستاذه هذي من بدايه الدوام وخاصه تحت طاوله الأستاذه الله يعلم وش سوت اليوم:#: :11: :#: وحنا خلاص صطلنا من الضحك صارت المديره تناظر بالأستاذه وهي تحزن..:#: :#: :#:
===================

ومره وانا بثاني ثانوي انا وخوياتي يومها أتفقنا نجيب جوالاتنا كذا من الطفش...=====> كنا أشغب فصل بالمدرسه كلها لدرجه المدرسات يكرهونا
وجبناه و وحده من خوياتي من بنات جده جالسه جنب الدريشه وكلنا رحنا عندها وقلنا وش رايكم نكلم شاليهات نقول نحجز بأسم المديره والمدرسه ونعطيهم الرقم قلنا اوكي...و وحده من خوياتي تعرف تقلد صوت السودانيين المهم وكلمناه الرجال وحنا نضحك وقال اوكي كم فيلا تبون قلنا نبي 3 فيلا على البحر وتقدر تكلم المديره الحين واعطيناه رقم المدرسه وكل شيء..وبعدين أخذت الجوال وكان بعدها حصه جعرافيا أكرهها...وحطيت السماعات وفكيت شعري وكنت لابسه جاكيت وقاعده اسمع اغاني ويوم تكتب الشرح نقوم نرقص واذا التفتت نجلس المهم وطلعت ودخلت علينا أستاذه جديده حقت دين..:#: :#: :#: الاستاذه تجيب النوم من كلامها وفي يومها وحده من بنات الفصل اخوها البزر حط لها ثوم (طراطيع العيد) و وزعناه على الفصل وكل ماتكتب الشرح نرمي علينا ونسوي اصوات
سييييييييييييييييييييين.....(طععععععععععععععع) ونضحك ونتكلم سوداني معها وعطيناها رقم قلنا ياأستاذه لو دقيتي على هذا الرقم يطلع صوت مققبره يتكلمون وخافت وطلعت من الفصل تبكي..:#: :#:



<========== راعيه مقالب

[القهوجي]

وانا احسب بس الريجيل هم الي مبهذلين المدرسين ((عرابجه )) اثاري فيه بنات عرابجه ههههههههههه:he:

[بنت التحلية]

هههههههههههههههههههههههههههههاي:11: :11:

في هالزمن يالقهوجي حلال في المدرسين كل شيء بس والله يوم تتخرج وتتذكر ايام الدراسه تتمنى بس ترجعلها عشان ايامها مو للدراسه

<======= ما اعرف اشلون بترك خوياتي يوم التخرج:sad: :sad:

[شهرزاد]

ههههههههههه موضوع حلووو

وصراحه انبسطت عليه مررره (يوم جانى بالايميل )


وبالنسبه لى يوم كنا فى (الثانوى) كانت المواقف التسلطيه اكثر شى

على الاداريات فمره كانت داخله علينا المشرفه _كنا فى ثانى_ على

بالها تبى تشوف مشاكلنا وتسالنا من اللى مظايقنا بالمدرسه


المهم حنا استانسنا استلمنا المدرسات حش عندها يوم خلصنا منهم قالت طيب هذا كل اللى عندكم ؟؟

قامت بنت قالت لا والله فى مشكله بس مستحين نقولك اياها ...






عاد استانست المشرفه قالت لاعادى انا زى اختكم الكبيره و....و.....
من هالكلام...




جت هالبنت قالت المشكله هى





انتى ياستاذه
:#:


^
^
^
حرااااااااااااام عليها :he:

مسكينه انصدمت المشرفه بجد وصارت ماتعطينا وجه ابد :)




ومشكووووره بنت التحليه على هالمواقف بجد تنبسطين اذا تذكرتيها ..

[بنت التحلية]

مشكوره اختي على مشاركتك للموضوع:rolleyes: :rolleyes: ايه والله ايام محد يقدر ينساها أبد

وياكثر مواقفنا ومره رحنا رحله مع المدرسه هالسنه بثالث ثانوي بس أدبي بنروح زياره للجامعه بعدين نروح نفطر =======> مين قدنا:he: :he: مدرستنا تخلينا نروح نفطر المهم وتفقنا ناخذ كاميرا عشان نتصور
طبعا انتم عارفين فيها فلاش حنا نسوي اصوات عشان مايطلع صوت الكاميرا اذا طلع عشان كانت معنا أستاذه الدين:he: :he: المهم كان جنبنا وانيت (ياحبيني لك) فيه شباب 3 مرتزين قدام ويرقمونا وحنا طبعا ورى جالسين وحده من خوياتي كتبت في ورقه كلام وكتبت اسمها (عمشه) والدلع ( قموش) ورقم البيت كذب والجنسيه سودانيه وقطتها من الدريشه وحنا خلاص ضحك:he: :he: وسوينا مقالب بالمطعم وكرهونا يوم جابونا:he: :he: بس والله ونااااااااااااااااسه

[بنت التحلية]

:2: :2: :2: ههههههههههههههههههههههههه


تخسى الأستاذه تطقني والله لأطقه مثل ماتطقني اذا غلطانه لأ بس ماني غلطانه وتجي تطقني والله لأكسر ايدها هذا الي ناقص ابوي واهو ابوي مايطقني تجي هذي وتطقني...يا حياتي عليها:2: :2: :2: تحلم

[niga_sa22]

يا حبي لكم يا حقين عرابز كافيه لييين صارت في السالفة عربجة تتسابقون عليييييييييها

أجل كل ذا سويتوه بالمدرسات ذكرتوني بروحي يوم أتطاق معا مدير المدرسة في المتوسطة و أطلع و أكسر له جامة السيارة بطابوقة :he:

<<< قوي :wf:

أما عاااااااااد هي بلشة

جامة سيارته بثلاثمية ريال :vb: :win:


ما أوصكم مو تعلمون أحد :11:

سلااااااااموو :f:

[بنت التحلية]

ههههههههههههههههههههههههههههههههههاي

انتم يالأولاد تقدرون تكسرون السيارات:he: :he: :he:

<====== بس حنا يالبنات وش نسوي:( :( الله يخلي اللسان وبس بس تكسير لأ ومقالب ممكن:(