إحتــــراف وإلا إنحـــراف

[المنقهر من]

بسم الله الرحمن الرحيم وبه نستعين

الموضوع الي رايح اكتب عنه اليوم مهم جدا وفي غاية الاهمية الا وهو الاحتراف

يعني مع الاسف وبالاسف وللاسف والاسف كل الاسف [ شكلي مسختها ]

ومما يثير الاستغراب الشديد ان الاحتراف لدينا هنا في المملكة مطبق على اللاعبين قبل ان يطبق على الاداريين

وهذا مع الاسف اكبر غلطة وسبب من اسباب انتكاسة الكرة السعودية او بالاصح الرياضة السعودية

باللهي عليكم قولوا لي كيف يمكن يتعامل اداري هاوي مع لاعب محترف



انا بس ودي افهم وشلون

اكثر من نجم خسرتهم الرياضة السعودية بسبب تعامل الاداريين السيئ مع اللاعبين

الى متى سنظل على هذه الحاله

لما جانا اداري متميز مثل الاستاذ الخلوق واللاعب المتميز سابقا الا وهو فهد المصيبيح وانا اقول هذا الكلام على سبيل المثال

يعامل الاعبين بطريقة احترافية فعلا حتى ماهو الاعبين بس

انا مااذكر [ واتمنى اني اكون غير مخطئ ] انه مرة من المرات تهجم على التحكيم ولا سبه ولا شفناه تلفظ على مدرب ولا تهجم على لاعب بكلام سيء

وبعد هذا كله نجد صحافتنا [ الي مانقول الا الله يصلحها ويهديها ] تحاربه وتهاجمه وتنتقده وليش ؟؟؟؟؟؟؟؟
علشانه يتعامل مع اللاعبين باسلوب احترافي
وعلشانه يطبق نظام الاحتراف بحذافيره

ربما يكون فهد المصيبيح قاسيا او بالاحرى كان قاسيا [ لانه الان لايعمل في احد الاندية ] على الاعبين بعض الشيء

ولكني اصدقكم القول ترى والله العظيم مايصلح مع لاعبينا [ بعضهم ماهو كلهم ] الا الحزم والشدة

يعني لاعب مايحضر التمارين الصباحية
او حتى يدخن [ والعياذ بالله ]
ويسهر في الليل [ اكيد في الليل اجل في النهار ]
وتبيه يقابله بابتسامة على وجهه

لابد ان يطبق نظام الاحتراف على الجميع كي لايضيعوا نجومنا على ايدي ادرايين هواة

واخيرا وليس اخرا يجب ان يطبق نظام الاحتراف على الكل والجميع كما يطبق على اللاعب والمدرب يطبق ايضا على الاداري

وهذا والموضوع طويل جدا بس حبيت والله اشير له ولو اشارة بسيطة

وشاكر لكم على قراءة الموضوع واستقطاع جزء من وقتكم الثمين لقرائته

مع كل الشكر والتقدير

اخوكم / المنقهر من

وعلى دروب الخير نلتقي:2:

[المنقهر من]

بسم الله الرحمن الرحيم وبه نستعين

الموضوع هذا استكمالا للموضوع السابق عن الاحتراف
اليوم رايح اتكلم عن جزئية اخرى في الموضوع

يااخوان عددوا لي باللهي عليكم كم ندوة اقيمت لمناقشة الاحتراف
يعني انه يكون فيه ندوة في احد اندية المملكة الي[ ماشاء الله تبارك الله ماهنا اكثر منها ] تتناقش الاحتراف ، تعرف به ، توضح فوائده ، تكشف عن سلبياته وايجابياته، الاستماع لوجهات نظر الناس والمتواجدين في الندوة .

باللهي عليكم كم ندوة بالصفات الي ذكرت او على الاقل بربع ماذكرته اقيمت

انا ماأقول انه مافيه ندوات اقيمت نهائيا ، بس اقول انه فيه بس عدد قليل جدا يكاد لايعد على اصابع اليد [الواحدة ليست الاثنتين ]

ان كان فيه شخص يلقى عليه اللوم او بالاصح مجموعة اشخاص وليس شخص يلقى عليه اللوم فهي لجنة الاحتراف بالاتحاد السعودي لكرة القدم ؟؟؟؟؟؟؟؟؟!!!!!!


التي مع الاسف الشديد مقصرة تقصير واضح في هذا الجانب

مع انه جانب مهم
اهميته تكمن في انه توعوي بالدرجة الاولى وتعريفي ايضا
ترى ماهو للاعبين والمدربين والادرايين بس حتى حنا يالجماهير من ابسط حقوقنا ان حنا نعرف نظام الاحتراف ما له وما عليه بالتفصيل [ والتفصيل الممل بعد ]

بس من وين ياحسرة ؟؟؟؟؟؟؟؟؟؟؟؟؟؟

ياجماعة الخير

لاعبنيا مع الاسف غير مطبقين لنظام الاحتراف
وانا لما اقول تطبيق نظام الاحتراف مانيب قاعد اتكلم مع بزران انا قاعد اتكلم من جد تطبيق النظام [ بحذافيره ]

ان كان كلامي غلط
فقولوا لي ؟؟؟؟؟؟؟؟؟؟؟؟

وش سبب الفرق الواسع بين اللاعب السعودي [ وعلشان مايزعل علينا اللاعبين السعوديين خلينا نقول اللاعبين العرب او الخليجين ]
مع اللاعبين من اوروبا وامريكا الجنوبية

انتم قولوا وش السبب ؟؟؟؟؟؟؟؟؟؟؟؟؟؟!!!!!!!!!!!!!!!

وسلامتكم

وعلى دروب الخير نلتقي

اخوكم / المنقهر من

:@":

[فتى الجزيرة]

مشكور اخوي وبالفعل موضوع لابد من طرحه من قبل الجهات المعنية بذلك ،، لان حال الكرة السعودية من سيئ الى اسوأ ..

ويجب ان يفهم الاعب والاداري معنى الاحتراف المعنى الصحيح ... واتمنى التوفيق للكرة السعودية

رابط قد يفيدك في الموضوع (http://www.arabscafe.com/vb/showthread.php?s=&threadid=11538)

[المنقهر من]

مشكور اخوي وجزاك الله خير وكثر الله من امثالك ولساني عاجز عن شكرك
ومشكور ايضا على الرابط الحلو اللي بدون ادنى شك ساعدني مساعدة كبير

اخوك / المنقهر من

[عايش زمانه]

اخوي المنقهر من .... دعني اقولها صراحة عندنا في الاندية السعودية من لاعبيين واداريين لا يعلمون من الاحتراف الا الجانب المادي فقط !!! ..


الله يستر من خمس سنين جاية وش بيكون حال لعيبتنا ...!!


:)

[ابوخالد الفاهم]

السلام ان امكن

جزاك الله خير على طرح الموضوع في هذه الفتره والله انه موضوع رائع ومييز وانشالله توصل الفكره الا المسولين عنها
والبحث فيها
وشكرا
اخوك ابو خالد الفاهم

[المنقهر من]

بسم الله الرحمن الرحيم وبه نستعين

اخواني الاعزاء ..........
ايها الاحباب .......
ياجماعة الخير ............

فيه سؤال يتطارح مع نفسه ؟؟؟؟؟؟؟؟؟؟

في ظل نظام الاحتراف المطبق في المملكة العربية السعودية منذ [ 10 سنوات على ماأعتقد ] !!!!!!!!!

كم من مدرب اشرف على تدريب منتخبنا السعودي الاول لكرة القدم [ او حتى المنتخب الاولمبي ومنتخب الناشئين ]؟؟؟؟؟؟؟؟؟؟

وايضا نفس السؤال يطرح على الاندية ؟؟؟ كم عدد الذين اشرفوا على تدريب الاندية السعودية ؟؟؟؟؟؟؟؟؟؟؟؟

الارقام مفجعة ، وتجيب الصمرقع

مع الاسف الشديد دوري زي الدوري حقنا يطبق نظام الاحتراف ، وانديته كذلك !!!

تنتشر في جنباته عادة طرد المدربين [ وليس مرة او مرتين او عشر بل اكثر من ذلك بكثير ] ؟؟؟؟؟؟؟؟؟؟؟؟

كيف نطور كرتنا السعودية او بالاحرى رياضتنا السعودية ونحن لانسمح للمدربين سواء الاجانب او المدربين الوطنيين البقاء في المنتخب او النادي سنة او على الاقل سنتين ؟؟؟؟؟؟؟؟؟؟؟


مع ان القاعدة المتبعة في الدول المتقدمة كروياً ، ان المدرب يبقى في ناديه على اقل تقدير مدة لاتقل عن 5 سنوات او حتى اكثر ؟؟؟؟؟؟

وحنا عندنا هينا مع الاسف الشديد ان قعد المدرب عندنا شهر او شهرين فيالله لك الحمد والشكر زين يابن الحلال انه بس قعد ولو انشاء الله شهر او شهرين [ المهم بس انه قعد ]؟؟؟؟؟؟؟؟؟؟

على فكرة

هذا ماهو كلامي انا

هذا كلام رؤساء الاندية او المسؤولين عن الرياضة السعودية الي كل شوي طاردين لهم مدرب

وعلشان ويش

علشان انه خسر مباراة او بطولة ؟؟؟؟؟؟؟؟؟؟؟؟

ياجماعة الخير ، مدرب مانشستر يونايتد الحالي جلس مع النادي مدة طويلة جدا [ مع الاسف مااتذكرها حاليا ، لكنها طويلة جدا ]

النادي او المنتخب الي يبغى بطولة ، يجب ان ينشد الاستقرار في فريقه [ ماهوب كل اسبوع طارد له مدرب علشان مباراه خسرها الفريق]؟؟

من الظلم والله العظيم من الظلم الحكم على مدرب من خلال مدة بسيطة او نتيجة خسارة بطولة ، يجب ان يعطوا المدربين فرصة طويلة ، وليست طويلة فقط الا وطويلة جدا بعد

البطولات ماتجي بعد يوم او يومين او سنة او سنتين ، ماتجي الا بعد تظافر جهود الاعبين مع المدرب وايضاً لاانسى الادارة كذلك ...؟؟؟

وبعدين فيه نقطة نسيت اقولها

ماتلاحظون ان في حالة خسارة اي مباراة [ او مباراة مهمة وحساسة ] تلقى الملامة دائما على المدرب او الحكم ؟؟؟؟؟؟؟؟

ماعمرنا سمعنا اداري او لاعب من الفريق صرح للإعلام بأنه مسؤول ويتحمل المسؤولية ؟؟؟؟؟؟؟؟؟؟

ياجماعة الخير [ للمرة العاشرة اقولها ] المدرب دوره في انه يضع التكتيك المناسب للمباراة والتشكيلة المناسبة وايضا اختيار الاعبين وتهيئتهم بدنيا ونفسيا للمباراة ؟؟؟؟؟؟؟

اذا قام المدرب وعمل بكل ماسبق ان قلته وفي النهاية خسر المباراة نجي نلومه ؟؟؟؟؟؟!!!!!!!

ليش مانلوم اللاعبين الي تهيئت لهم اكثر من فرصة قدام المرمى وضيعوها ليش مانلوم الادارة ليش وليش وليش ؟؟؟؟؟؟؟

بس فيه نقطة اخرى كنت رايح انساها [ ماعليش تحملوني انا انسى هالايام واجد ]

والله اذا كان المدرب سيء لدرجة لاتطاق ولاعاد منه ادنى فايدة ، وقد خسر الفريق بسبب تخبطاته وتكتيكه السيء مع الفريق !!!!!
او تصرفاته [ اذا كانت له تصرفات سيئة مع الجهاز الاداري او اللاعبين ] ؟؟؟؟؟؟

من الممكن ان نقوم باإلغاء عقده ونقوله اطلع من غير مطرود

بس مع ملاحظة ان المدرب قد تمت محاسبته من قبل ، وايضا تمت مسائلته [ والله ليش الفريق مايلعب زين ، ليش اللاعبين مثلا مايحضرون للتدريبات ، في المباراة الماضية كان فيها اخطاء والله ليش يالمدرب سويت كيذا وكيذا ] يعني باختصار تتم مسائلته

بس بشرط الله يعافيكم ان عقوبة الغاء عقد المدرب او بمعنى اخر طرده تكون هي آخر الحلول

وسؤال اخير ؟؟؟؟؟؟؟؟

هل جميع ماقلته سابقا يحدث في دوري محترف ؟؟؟؟؟؟؟

والسلام ختام

اخوكم / المنقهر من

:win:

[أمير الليل]

الاخ الغالي والعزيز المنقهر من

موضوعك راااااائع جدا

ويجب مناقشته

انا معك بكل ماقلت سابقا

اندية السعوديه ماتطبق نظام الاحتراف

والدليل على هذا

ماحدث قبل فتره

عندما ذهب نادي الحزم الى حائل لمقابلة الجبلين هناك

ماذا حصل هناك

اسنأجرت ادارة نادي الجبلين استراحه

وعزمو فيها لاعبين واداريي فريق الحزم

وسهرو هناك حتى ساعه متأخره من الليل

وش يدلك عليه هذا

يدل على تخلف في اندية السعوديه

هذا غير اشياء واجد لا اتذكرها الان

اما من ناحية المدربين

انت تقول مدرب مانشستر له فتره طويله

الفتره هذي تقريبا 12 سنه اذا ماني غلطان

طيب

مانيب قايل انديه

المنتخب السعودي خلال الفتره هذي

كم تعاقد مع مدرب

انا اتوقع انها 20 مدرب

لانهم بالسنه الواحده يكون للمنتخب مدربين

على طاري المدربين

منتخب المانيا

منذ بداية المنتخب الالماني

تدرون كم تعاقدو مع مدرب

9 مدربين فقط لاغير

انا ماقول من فتره

اقول منذ بدايته

وش يدل عليه هذا

يدل على تطبيق الاحتراف في الاخراج على اصوله

اما عندنا

قل على الدنيا السلام

اشكرك اخوي

وان شاء الله لي رجعه مره اخرى

تحياتي لك

[عايش زمانه]

يجب ان يلعم الجميع ان المدرب لا يشكل الا 30% من مجريات نتايج المباريات والاشياء الادارية تمثل 10 % وتركيز الاعب في المبارة يشكل 60% لتغيير شكل اللعب ....


فالاعب يعتبر الاساس في هذا الموضوع ... واتمنى ان محترفينا يفهمون هذا الوضع




عايش زمانه

[المنقهر من]

بسم الله الرحمن الرحيم وبه نستعين

يعني انا عارف اني مسختها وطولت الموضوع الى مالانهاية ولكن لأن الموضوع ذو أهمية خاصة عندي [ وأنا متأكد أنه كذلك لديكم ] سأحاول أن ألقي الضوء عليه قدر الإمكان ............

لاعب لايحضر التمارين الصباحية [ وأن حضرها يحضرها على قولتنا من غير نفس ]

تجد هذا اللاعب في كثير من الأحيان ، رايح فيها [ بالهواجيس والسرحان ، تلقاه كثير من الاحيان يهوجس ، يفكر في أمور بعيدة كل البعد عن الكرة وعن ناديه ويمكن حتى عن منتخبه ]

مشاكله كثيرة مع الجهاز الإداري [ بشكل خاص ] ، والجهاز التدريبي [ بشكل عام ] ، وفي بعض الأحيان [ أقول بعض وليس كل ] مع زملائه اللاعبين ............

سنقول انه لاعب سيء ، لاعب مهمل ] لاعب لايستحق الانضمام إلى هذا النادي الكبير ، هذا لاعب خائن خان ناديه الذي أنشأه وصنع له النجومية ، وهذا وهذا وهذا وهذا وهذا .....................الى أخره مما سوف نقوله تجاه هذا اللاعب

ولكن انتظروا دقيقة [ اربطوا حزام الأمان وشبلاكم طايرين :D ]

اللاعب هذا اللي سبيناه [ ومافيه شيء شين في هالدنيا ماحطيناه فيه ]

استعدوا للصدمة [ وخلكم رابطين حزام الأمان زين ]

هاه مستعدين

أكيد

جواب نهائي :confused:

خلاص أقول أجل

تخيلوا معي

أنه لم يستلم راتبه الشهري من 7 أشهــــــــــر أو أكثر من ذلك قد تصل في كثير من الاحيان إلى سنة الا شهرين

ومو اللاعب هذا بس يمكن الفريق بكامله

ومو الفريق بكامله بس يمكن الجهاز الإداري والطبي والتدريبي حتى فراش النادي نفس الشيء تلقاه مااستلم راتبه :eek:

باللهي عليكم هل هذا يحصل في نادي يطبق نظام الانحراف؟؟؟؟؟؟؟؟؟؟

عفوا قصدي الاحتراف؟؟؟؟؟؟؟؟؟؟؟؟

الظاهر انهم يظنون ان اللاعب جدار ولا باب ولا مكيف مايحس ولا يشعر وانه فاقد الاحساس

لو كانوا مايظنون هالشيء هذا كان عطوه راتبه اول باول ، ولا بس الاجنبي هو اللي ياخذ راتبه [ على داير مليم ] وفوقه حبه على الراس

هاللاعب هذا ماعنده أطفال يكد عليهم؟؟؟؟؟؟؟؟؟؟؟؟؟؟؟؟

ماعنده مصاريف بيته وأهله ؟؟؟؟؟؟؟؟؟؟؟؟؟؟؟؟

فواتير الكهرباء الماء الهاتف ، هل سوف يسددها النادي عنه ؟؟؟؟؟؟؟!!!!!!!!

مانبي النادي يسدد شيء بس نبيه يعطي هاللاعب حقه

هم يظنون ان اللاعب عليه ان يؤدي ماعليه في الملعب وبعدين [ وشوفوا بعدين هاذي كم تقعد لها ؟؟؟؟؟؟ ] يعطى اللاعب حقه !!!!

ياجماعة الخير ، ترى والله العظيم حرام

يعني نادي يجيب بطولات ويحقق انجازات ويرفع رؤوس مشجعيه ومحبيه ، نكافئه بأننا لانسلم له راتبه

والله شيء عجيب

ولا أبشركم ماهو شيء عجيب بس الا شيء غريب ، ومايصير الا لنا حنا في السعودية من بد دول العالم كلها

ولا شوفوا في اوروبا إذا تأخر النادي في دفع مستحقات لاعبيه وش يسوون

ترى والله العظيم ماعندهم [ بطلنا نلعب خلاص هونا عطونا رواتبنا ونلعب لكم ان شاء الله عشرة اشواط ، بس انتم عطونا رواتبنا ] هذا في اوروبا ، وحنا وين وأوروبا وين؟؟؟؟؟؟!!!!!!

ونحن هنا إذا زعل اللاعب وقال ترى مانيب لاعب يجيك هالإدراي ويقول [ ترى إذا مالعبت ولاحضرت التدريبات سنخصم من مرتبك ] الله أكبر ياهالمرتب ، أصلاً أنتم سلمتوه لي علشان تخصمون منه !!!!! عطيتوني جزء منه على الأقل

يخصمون من مرتبه وهو مابعد استلمه !!!!!!

للأسف هذا هو حالنا مع الاحتراف الذي يطبق في وادي وانديتنا في وادي آخر

وللحديث بقية

وعلى دروب الخير نلتقي

اخوكم / المنقهر من

للتواصل عبر العناوين البريدية التالية :
azoz100@hotmail.com
او
miamido2000@yahoo.com

[فتى الجزيرة]

ينقل للميزة