جني
25-01-2002, 01:56 AM
بسم الله الرحمن الرحيم
السلااااام علييييكم
كيف الحال .. عساكم بخير
في يوم من الأيام كنت قطو
أنا ساكن بالثقبه واسمي قرفاش
وخويي اسمه قريليش
انا امي اسمها ام قرفاش و ابوي اسمه ابو قرفاش <-- بشر امك
و انا وحيد امي وابوي وهم معتمدين علي بكل شي
اما قريليش عنده اخو حمش كبير واسمه خريش
وامه متوفيه -الله يرحمها- وابوه حي لكنه زي ابوي مسكين ما يقدر يسوي شي
انا ساكن قريب من شواية الخليج و قريليش جيراننا
هذا وصف مختصر للوضع الراهن انا وقريليش ((يمديكم على الراهن ))
شووووح فووووح قوووووح خووووح
هذا صوت امي و ابوي لا جاو يقوموني الصباح
وزين اذا قمت
عاد هم وش يبون مني الصباح ؟
كل هذا عشان الفطور
المهم أقوم من النوم واروح أغسل وجهي من الماي اللي من بواليع الشارع -عزكم الله-
و أروح عند بيت قريليش و أقعد أنتظره
و نروح مع بعض عند شواية الخليج
أول شي نتمشى و نلعب لعبة الغميمه خخخخخ
و حنا نلعب الا ذاك الفار و نروح نلحق فيه و نلحق فيه ونمسكه
الفار : تكفون لا تذبحوني
انا : الا بنذبحك و بنزطك
الفار : وش سويت انا حيوان زيي زيكم
انا : بس انت لحمك طري و لزيز
الفار : ايه غصبن عنك
قريليش : وش يقول انا ذابحه ذابحه
الفار : لا تكفون
انا : تدري اني كنت بخليك بس يوم قلت غصبن عنك انا ذابحك
و يمسكه قريليش من ذيله ويثبته و انا امسك راسه واعفطه عفطتن مبرحتن
و اقطع راسه و أزطه و يجي قريليش بعد ما قطع ذيله ياكله مثل الاندومي
و يوم جينا نبدأ بالكرش و مص العظام الا يجي شليويح
وحنا حطينا رجولنا وخلينا له الفار اللي تعبنا من أجل الحصول عليه
شليويح هذا قطو أسود ومن عرابجة الثقبه
و رحنا عند زبالة شواية الخليج و لقينا لك عظام وكبد دجاج من اللي يحبه قلبك
وناخذه وكل واحد انقلع بيته و رحنا نفطر مع العايله و الحمد لله افطرنا
ويجي ابوي يقول لا أوصيك على اللي مدري وش <--- ترى ابوي خبل خخخخخخ
المهم يوم افطرنا قعدنا نشوف سبيس تون ((ايه افلقني ))
يوم افطرنا قمت أهمٌز ابوي ((أهمٌز = أدلٌك ))
وكل شوي قال لي يمين يسار فوق تحت وانا ما يفكر فيني و بالتعب
قررت اني اجحده ولا أهمزه و اللي تبي تسويه سوٌه <--- ابوك يالقرارات
عاد انا يوم قمت الا ابوي يسحبني من خشتي ويقول كمل التهميز
و قمت أكمل التهميز <--- وين القرار ? هع
و قعدت اهمٌز فيه الين ما نام
و يوم جا وقت الغدا رحت أجيب غدا و رحت عند بيت قريليش و اناديه الا يطلع لي اخوه خريش
خريش : هااا وش تبي
انا : ابببييي قررريييللل يييي شششش
خريش : وش تبي فيه
انا : نننررر ووووح نجيب غغدداا
خريش : اييييه اصبر
و يجي قريليش و نروح نتمشى و ندور فار ولا لقينا و رحنا نتقاوم كخخخخ
والله اني سبقته بس هو مهوب راضي يعترف
و يجي قريليش ويقول لي وش رايك نروح مطعم الديره اللي عند الشارع العام ؟
ترى عندهم أكل "شي"
انا قلت قداااام
و رحنا بالطريق ونلاقي فلبينيين معهم كلب
و يهدون الفلبينيين الكلب و يلحقنا و حنا مافيه الا ركض و ركض
عاد انا وقريليش دخلنا من داعوس ضيق ولا قدر الكلب يدخل و ارتحنا وصار وجهنا كذا -->
و رحنا عند مطعم الديره و رحنا عند زبالتهم اللي بالزاويه ونلاقي بروستد
وشوي الا يجي قطو أقشر ويحجرنا بالزاويه
القطو الأقشر : وش مجيبكم حارتنا
انا : نبي ناخذ اكل
القطو الأقشر : ما عندكم بحارتكم مطعم
انا : الا فيه شواية الخليج و أحسن مطعم هو مطعم حارتنا
القطو الأقشر : أجل وشوله جاي حارتنا ما دام عندكم مطعم
انا : نبي بروستد
القطو الأقشر : حنا ما نبيكم تاخذون من مطاعمنا
انا : لا يكون مسجله باسم ابوك <--- قوي
القطو الأقشر : لا مافيه
انا : الا فيه
القطو الأقشر : لا تخليني ألعن خيرك الحين
انا : لا تكفى طقني .. انقلع بس
[center]قووووش كععع طرااح اسطع <--- طراقات و تبقيس على وجهي
و نتيجة الهوشه :-
1- جرح في الكرش
2- صرت عور يعني عين وحده
3- فلقه براسي
و يشيلني قريليش و يوديني المشتشفى ويعالجوني و يخيطون كرشتي وراسي و قلعوني برا المستشفى
بس المشكله قريليش الملعون ما صار له شي بس مرتز وقت الهوشه ولا يفزع بعد
ومن حزني الشديد قلت :-
الله ياخذ قريليش و مطعم الديره .. والأقشر جعله النوم بلا قوم
عشت انا بعد هالمطعم بحيره .. وجعلي للسلامه دوم مهوب يوم
<------- رومنسي
لكن قريليش ما قصر جابني المستشفى وصار سنايدي و نشمي
وجا العصر و رحنا عند زبالة شواية الخليج وناخذ الاكل ونروح كل واحد بيته
يوم رحت البيت قالو وش فيك متأخر و وش في عينك مفقوعه
قلت لهم السالفه وقالو لي أحسن من قال لك تروح عند حارة الدشير و السمرمد
و تغدينا وقال لي ابوي ترى اليوم بيجي عمك وبنته من أمريكا
قلت له طيب وش دخلني ؟
الا زبيريه على راسي <--- قطاوه وعندهم زبيريه خخخخخ
قال ابوي لازم تزين بيتنا <-- زباله سموها بيت هع
و قال الله الله بزبالة شواية الخليج جيب كل مافيها
انا جلست وقت القيلوله <--- وش تناظرون?! ايه قيلوله
الا يجيني قريليش و يطق الباب و يقول خلنا نتمشى
قلت له وش قالو لك ضبان نتمشى بعز القايله ؟!
قلت له العصر نطلع
و قعدت أهمٌـز ابوي و تعبت منه الين ما نام
و امي قاعده تزين بذا البيت
جا العصر ويجيني قريليش و نطلع
و تقاومنا لكن هالمره صدق سبقني قريليش
و قعدنا نتمشى ومسكنا ذاك الفار النعيمي <--- فار ونعيمي كخخخخخ
عاد هذا الفار زعاطه من اولها وش عليه ولد نعمه
و عفطت الراس و قشعت والدينه قشعتن مبرحتن
و زي العاده قريليش ياكل العكره<-- يحسبه ضب
و يوم جينا ناكل الكرش و مص العظام
-
-
-
-
-
-
-
-
-
-
-
-
-
لقيناها طريه ولزيزه وكلناها
و قلت لقريليش عن عمي وبنته وانهم بيجون
قال طيب وش اسوي لك
قلت له ما احبك ما احبك
و جا يحب راسي
قلت له تراني أحب بنت عمي حب جنوني
قال لي انا ماعرف جنوني انا خابر ان انواع الحب هي :-
1- مصري ويجيك أصفر ويخلي يدك نصراويه أو أبيض وهذا هو الزين
2- شمسي وهذا يطلعونه من وردة تباع الشمس و يجيك مالح أو غير مالح والمالح عز الطلب
3- حساوي وهذا يجيك ملون وخرابيط ودايم يجيك خربان
قلت له انطم لا اشوتك بوز يا الخبل
قال وت يو سبيك
قلت له وش عندك يا ابو عنقليزي
قال انطم
قلت له خلاص ما ابي اطول السالفه على اعضاء الاقلاع
وقعدنا نتمشى و نتمشى و نتمشى الا نلاقي بيت و مسوين عزيمه
وقلت لازم آخذ هالأكل عشان العشى ببيتنا حق عمي
و أروح أحتري متى يقطون الأكل عند الزباله
و لما خلصت رحت آخذ الأكل الا تجيك قطوتين من قطاوه العز
لعننا اصل اصلهم و خذنا الأكل كله <--- عندهم عضلات
و رحت البيت و قريليش راح بيته
يوم رحت البيت رحنا نزين فيه و شبينا فيه بخور من ذا الريحه
و بعد ساعه يجي عمي و بنته و سلمنا عليهم
عاد عمي هذا بياع سمك بامريكا و عصبي و اسمه ابو جوري
يعني جوري هي بنت عمي وحبيبتي
انا اشوف جوري تناظرني نظرات احتقار وش عليها ؟! امريكيه ما عليها شرهه
وقعدنا دقيناها سوالف و دردشه و تشات خخخخخخ
و جا وقت العشا و قعدت جنب جوري
و انا قاعد أتلصق فيها أبي أشبك بس مهيب راضيه
و بعد العشا رحت برا و قال عمي انقلعي يا جوري برا عندي سالفه مع عمس
و طلعت الا تلقاني برا [center/]
انا : هلا جوري
جوري -باحتقار : هلا قرفاش
انا : وش فيس علي ؟
جوري : وجهك كله فلقات ولا يعجبني
انا : قلت لها سالفة الفلقات
جوري : يا حرام كل هذا صار فيك
انا : ايه والله
جوري : والله حنٌـيت عليك
انا : شكرا
جوري : عفوا
انا : وش في ابوس عصبي كذا ؟
جوري : والله اني اكرهه و ودي اهاجر عنه
انا : حتى انا
جوري : وش رايك نهاجر نروح أي مكان ثاني ؟
انا : قداااام
[center]و رحنا نتمشى بالثقبه و بغت تصدمنا ددسن بس الله ستر
قمنا رحنا عند أحد ذا العروس حقت اعيال النعمه
و يوم جاو يطلعون الا بنت صغيره مبين من وجهها انها بنت نعمه
و تقول حق امها شوفي ذيك القطوه الصغيره ابي آخذها واخليها مع القطو حقي اللي من امريكا
جوري يوم اسمعت هالكلام وانه امريكي على طول راحت تحتك عندهم وأنها أليفه
وخذوها على طول وانا بقيت الحالي و المشكله يوم شالوها مدت لسانها علي
و من الحزن قلت :-
جوري ليه الخيانه
حبيتك وحبيت كل مافيك
ودي افلقك باستكانه
و أكسر كل عظمه فيك
خخخخخخخخخخخخخخخخخخخخخخ
وبعدين رجعت البيت الا لقيت الوالد و عمي
-
-
-
-
-
-
-
-
-
-
داعستهم سياره و ميتين و انا مستانس هع هع
و اروح عند قريليش و ططلعنا ولقينا اخو قريليش المطوع ميت وجنبه شليويح العربجي
و شليويح جانا يصيح <--- غريبه
و يقول انا علمته انه يسكر و يشرب ويسكي <--- سمرمدي ما عليه شرهه
و قريليش مستانس وراح يبشر ابوه كخخخخخخخخخخ
و قلت لقريليش وش رايك تخلي امي تتزوج ابوك
قال والله حركه نصير ببيت واحد
قلت لأمي و اسكتت
ويقول المثل "لا انطمت الحرمه معناها موافقه "
و قال قريليش لابوه وقال قدام <--- عربجي ابو قريليش
و تزوجو وصرنا انا وقريليش اخوان <--- مضيع
الموضوع مهوب منقول واللي بيقول ولد الجن اللي بالاقلاع كاتبه اقول له انا ولد الجن و اللي يقول وش يثبت انك ولد الجن اقول له شوف الايميل و اللي يقول وش يثبت انه ايميلك اقول له تلايط :D خخخخخ
السلااااام علييييكم
كيف الحال .. عساكم بخير
في يوم من الأيام كنت قطو
أنا ساكن بالثقبه واسمي قرفاش
وخويي اسمه قريليش
انا امي اسمها ام قرفاش و ابوي اسمه ابو قرفاش <-- بشر امك
و انا وحيد امي وابوي وهم معتمدين علي بكل شي
اما قريليش عنده اخو حمش كبير واسمه خريش
وامه متوفيه -الله يرحمها- وابوه حي لكنه زي ابوي مسكين ما يقدر يسوي شي
انا ساكن قريب من شواية الخليج و قريليش جيراننا
هذا وصف مختصر للوضع الراهن انا وقريليش ((يمديكم على الراهن ))
شووووح فووووح قوووووح خووووح
هذا صوت امي و ابوي لا جاو يقوموني الصباح
وزين اذا قمت
عاد هم وش يبون مني الصباح ؟
كل هذا عشان الفطور
المهم أقوم من النوم واروح أغسل وجهي من الماي اللي من بواليع الشارع -عزكم الله-
و أروح عند بيت قريليش و أقعد أنتظره
و نروح مع بعض عند شواية الخليج
أول شي نتمشى و نلعب لعبة الغميمه خخخخخ
و حنا نلعب الا ذاك الفار و نروح نلحق فيه و نلحق فيه ونمسكه
الفار : تكفون لا تذبحوني
انا : الا بنذبحك و بنزطك
الفار : وش سويت انا حيوان زيي زيكم
انا : بس انت لحمك طري و لزيز
الفار : ايه غصبن عنك
قريليش : وش يقول انا ذابحه ذابحه
الفار : لا تكفون
انا : تدري اني كنت بخليك بس يوم قلت غصبن عنك انا ذابحك
و يمسكه قريليش من ذيله ويثبته و انا امسك راسه واعفطه عفطتن مبرحتن
و اقطع راسه و أزطه و يجي قريليش بعد ما قطع ذيله ياكله مثل الاندومي
و يوم جينا نبدأ بالكرش و مص العظام الا يجي شليويح
وحنا حطينا رجولنا وخلينا له الفار اللي تعبنا من أجل الحصول عليه
شليويح هذا قطو أسود ومن عرابجة الثقبه
و رحنا عند زبالة شواية الخليج و لقينا لك عظام وكبد دجاج من اللي يحبه قلبك
وناخذه وكل واحد انقلع بيته و رحنا نفطر مع العايله و الحمد لله افطرنا
ويجي ابوي يقول لا أوصيك على اللي مدري وش <--- ترى ابوي خبل خخخخخخ
المهم يوم افطرنا قعدنا نشوف سبيس تون ((ايه افلقني ))
يوم افطرنا قمت أهمٌز ابوي ((أهمٌز = أدلٌك ))
وكل شوي قال لي يمين يسار فوق تحت وانا ما يفكر فيني و بالتعب
قررت اني اجحده ولا أهمزه و اللي تبي تسويه سوٌه <--- ابوك يالقرارات
عاد انا يوم قمت الا ابوي يسحبني من خشتي ويقول كمل التهميز
و قمت أكمل التهميز <--- وين القرار ? هع
و قعدت اهمٌز فيه الين ما نام
و يوم جا وقت الغدا رحت أجيب غدا و رحت عند بيت قريليش و اناديه الا يطلع لي اخوه خريش
خريش : هااا وش تبي
انا : ابببييي قررريييللل يييي شششش
خريش : وش تبي فيه
انا : نننررر ووووح نجيب غغدداا
خريش : اييييه اصبر
و يجي قريليش و نروح نتمشى و ندور فار ولا لقينا و رحنا نتقاوم كخخخخ
والله اني سبقته بس هو مهوب راضي يعترف
و يجي قريليش ويقول لي وش رايك نروح مطعم الديره اللي عند الشارع العام ؟
ترى عندهم أكل "شي"
انا قلت قداااام
و رحنا بالطريق ونلاقي فلبينيين معهم كلب
و يهدون الفلبينيين الكلب و يلحقنا و حنا مافيه الا ركض و ركض
عاد انا وقريليش دخلنا من داعوس ضيق ولا قدر الكلب يدخل و ارتحنا وصار وجهنا كذا -->
و رحنا عند مطعم الديره و رحنا عند زبالتهم اللي بالزاويه ونلاقي بروستد
وشوي الا يجي قطو أقشر ويحجرنا بالزاويه
القطو الأقشر : وش مجيبكم حارتنا
انا : نبي ناخذ اكل
القطو الأقشر : ما عندكم بحارتكم مطعم
انا : الا فيه شواية الخليج و أحسن مطعم هو مطعم حارتنا
القطو الأقشر : أجل وشوله جاي حارتنا ما دام عندكم مطعم
انا : نبي بروستد
القطو الأقشر : حنا ما نبيكم تاخذون من مطاعمنا
انا : لا يكون مسجله باسم ابوك <--- قوي
القطو الأقشر : لا مافيه
انا : الا فيه
القطو الأقشر : لا تخليني ألعن خيرك الحين
انا : لا تكفى طقني .. انقلع بس
[center]قووووش كععع طرااح اسطع <--- طراقات و تبقيس على وجهي
و نتيجة الهوشه :-
1- جرح في الكرش
2- صرت عور يعني عين وحده
3- فلقه براسي
و يشيلني قريليش و يوديني المشتشفى ويعالجوني و يخيطون كرشتي وراسي و قلعوني برا المستشفى
بس المشكله قريليش الملعون ما صار له شي بس مرتز وقت الهوشه ولا يفزع بعد
ومن حزني الشديد قلت :-
الله ياخذ قريليش و مطعم الديره .. والأقشر جعله النوم بلا قوم
عشت انا بعد هالمطعم بحيره .. وجعلي للسلامه دوم مهوب يوم
<------- رومنسي
لكن قريليش ما قصر جابني المستشفى وصار سنايدي و نشمي
وجا العصر و رحنا عند زبالة شواية الخليج وناخذ الاكل ونروح كل واحد بيته
يوم رحت البيت قالو وش فيك متأخر و وش في عينك مفقوعه
قلت لهم السالفه وقالو لي أحسن من قال لك تروح عند حارة الدشير و السمرمد
و تغدينا وقال لي ابوي ترى اليوم بيجي عمك وبنته من أمريكا
قلت له طيب وش دخلني ؟
الا زبيريه على راسي <--- قطاوه وعندهم زبيريه خخخخخ
قال ابوي لازم تزين بيتنا <-- زباله سموها بيت هع
و قال الله الله بزبالة شواية الخليج جيب كل مافيها
انا جلست وقت القيلوله <--- وش تناظرون?! ايه قيلوله
الا يجيني قريليش و يطق الباب و يقول خلنا نتمشى
قلت له وش قالو لك ضبان نتمشى بعز القايله ؟!
قلت له العصر نطلع
و قعدت أهمٌـز ابوي و تعبت منه الين ما نام
و امي قاعده تزين بذا البيت
جا العصر ويجيني قريليش و نطلع
و تقاومنا لكن هالمره صدق سبقني قريليش
و قعدنا نتمشى ومسكنا ذاك الفار النعيمي <--- فار ونعيمي كخخخخخ
عاد هذا الفار زعاطه من اولها وش عليه ولد نعمه
و عفطت الراس و قشعت والدينه قشعتن مبرحتن
و زي العاده قريليش ياكل العكره<-- يحسبه ضب
و يوم جينا ناكل الكرش و مص العظام
-
-
-
-
-
-
-
-
-
-
-
-
-
لقيناها طريه ولزيزه وكلناها
و قلت لقريليش عن عمي وبنته وانهم بيجون
قال طيب وش اسوي لك
قلت له ما احبك ما احبك
و جا يحب راسي
قلت له تراني أحب بنت عمي حب جنوني
قال لي انا ماعرف جنوني انا خابر ان انواع الحب هي :-
1- مصري ويجيك أصفر ويخلي يدك نصراويه أو أبيض وهذا هو الزين
2- شمسي وهذا يطلعونه من وردة تباع الشمس و يجيك مالح أو غير مالح والمالح عز الطلب
3- حساوي وهذا يجيك ملون وخرابيط ودايم يجيك خربان
قلت له انطم لا اشوتك بوز يا الخبل
قال وت يو سبيك
قلت له وش عندك يا ابو عنقليزي
قال انطم
قلت له خلاص ما ابي اطول السالفه على اعضاء الاقلاع
وقعدنا نتمشى و نتمشى و نتمشى الا نلاقي بيت و مسوين عزيمه
وقلت لازم آخذ هالأكل عشان العشى ببيتنا حق عمي
و أروح أحتري متى يقطون الأكل عند الزباله
و لما خلصت رحت آخذ الأكل الا تجيك قطوتين من قطاوه العز
لعننا اصل اصلهم و خذنا الأكل كله <--- عندهم عضلات
و رحت البيت و قريليش راح بيته
يوم رحت البيت رحنا نزين فيه و شبينا فيه بخور من ذا الريحه
و بعد ساعه يجي عمي و بنته و سلمنا عليهم
عاد عمي هذا بياع سمك بامريكا و عصبي و اسمه ابو جوري
يعني جوري هي بنت عمي وحبيبتي
انا اشوف جوري تناظرني نظرات احتقار وش عليها ؟! امريكيه ما عليها شرهه
وقعدنا دقيناها سوالف و دردشه و تشات خخخخخخ
و جا وقت العشا و قعدت جنب جوري
و انا قاعد أتلصق فيها أبي أشبك بس مهيب راضيه
و بعد العشا رحت برا و قال عمي انقلعي يا جوري برا عندي سالفه مع عمس
و طلعت الا تلقاني برا [center/]
انا : هلا جوري
جوري -باحتقار : هلا قرفاش
انا : وش فيس علي ؟
جوري : وجهك كله فلقات ولا يعجبني
انا : قلت لها سالفة الفلقات
جوري : يا حرام كل هذا صار فيك
انا : ايه والله
جوري : والله حنٌـيت عليك
انا : شكرا
جوري : عفوا
انا : وش في ابوس عصبي كذا ؟
جوري : والله اني اكرهه و ودي اهاجر عنه
انا : حتى انا
جوري : وش رايك نهاجر نروح أي مكان ثاني ؟
انا : قداااام
[center]و رحنا نتمشى بالثقبه و بغت تصدمنا ددسن بس الله ستر
قمنا رحنا عند أحد ذا العروس حقت اعيال النعمه
و يوم جاو يطلعون الا بنت صغيره مبين من وجهها انها بنت نعمه
و تقول حق امها شوفي ذيك القطوه الصغيره ابي آخذها واخليها مع القطو حقي اللي من امريكا
جوري يوم اسمعت هالكلام وانه امريكي على طول راحت تحتك عندهم وأنها أليفه
وخذوها على طول وانا بقيت الحالي و المشكله يوم شالوها مدت لسانها علي
و من الحزن قلت :-
جوري ليه الخيانه
حبيتك وحبيت كل مافيك
ودي افلقك باستكانه
و أكسر كل عظمه فيك
خخخخخخخخخخخخخخخخخخخخخخ
وبعدين رجعت البيت الا لقيت الوالد و عمي
-
-
-
-
-
-
-
-
-
-
داعستهم سياره و ميتين و انا مستانس هع هع
و اروح عند قريليش و ططلعنا ولقينا اخو قريليش المطوع ميت وجنبه شليويح العربجي
و شليويح جانا يصيح <--- غريبه
و يقول انا علمته انه يسكر و يشرب ويسكي <--- سمرمدي ما عليه شرهه
و قريليش مستانس وراح يبشر ابوه كخخخخخخخخخخ
و قلت لقريليش وش رايك تخلي امي تتزوج ابوك
قال والله حركه نصير ببيت واحد
قلت لأمي و اسكتت
ويقول المثل "لا انطمت الحرمه معناها موافقه "
و قال قريليش لابوه وقال قدام <--- عربجي ابو قريليش
و تزوجو وصرنا انا وقريليش اخوان <--- مضيع
الموضوع مهوب منقول واللي بيقول ولد الجن اللي بالاقلاع كاتبه اقول له انا ولد الجن و اللي يقول وش يثبت انك ولد الجن اقول له شوف الايميل و اللي يقول وش يثبت انه ايميلك اقول له تلايط :D خخخخخ