أطرف..وأحرج موقف في العيد

[رغـــــده]

السلامو عليكووو كلياتكو

بما ان الموضوع متاخر عن وقته يعني جاالعيد وخلص

بس اعتبروه عيد الاضحى خخخخخخخخ

المهم يله نبدا

انا راح اكتب عدة مواقف عن فنانين حصلت لهم بالعيد

1- طاردتني الكلاب !
في احد الاعياد ذهبت لمعايدة احد اصدقائي من الامراء ...وعزمت على الكشخه بالبشت (على غير العاده)من اجل "تقويه"التهنئه..!وعندما وصلت القصر ترجلت ووقفت امام البوابه الخارجيه ظنا من انهم في المجلس الخارجي لكن اتضح لي انهم في المجلس الداخلي ولكن ذلك كان بعد فوات الاوان .. فللأسف الشديد كان اولاده "فالتين" الكلاب _ كلاب الحراسه _ في الحوش .. ويبدو انها استنكرتني فانا لست من اصحاب الدار .. لم يكن امامي بالطبع الا الهرب فكان هناك "سباق المائه متر"بيني وبين الكلاب للوصول للسياره .. وخلال هذا السباق "التاريخي" طارت الاشياء "الغاليه" ولزوم الكشخه "اللي تعبنا عليها" .. الشماغ والبشت و"الكنادر"..
الحمدلله .. "فزت انا" ووصلت لباب السياره قبل المتسابقين "الكلاب" _بثوان _ الذين كانوا ينبحون "وهم يركضون "لا ادري لماذا"!!!..ومن حسن حظي ان باب السياره كان مفتوحا مما جعلني "اقفز"مباشره على مقعد السياره واغلق الباب خلفي بسرعه هائله "لا" تدل ابدا على اني خائف من "كلاب" .. وايضا من حسن الحظ ان "زجاج"نافذة السياره كان مغلقا مما جعله يصد "الكلاب"عني اكثر , هربت بالسياره بعيدا حتى وصلت البيت .. في البيت.. اتصلت بصديقي الكبير فسال عني ولماذا لم آتي فقلت له: الله لايهينك "ياطويل العمر" رجع لي "بشتي" و"شماغي" و"كنادري" .. وحلفت بعدها ماأعيد على احد الا بالتلفون .. "لان التلفون ماتحرسه كلاب_ على ماأظن "!!
خالد سامي.


2- الخياط والهندي
_احرج موقف للعيد مر علي في حياتي ولن انساه ابدا حصل معي العام الماضي وقبل عيد الفطر المبارك بليله واحده . حيث كنت _ وقبل ايام من العيد _ ابحث عن خياط جيد لافصل عنده "ثيابا" للعيد...واشار علي عدد من نجوم الفن المشاهير والذين يهتمون باناقتهم وثيابهم كثيرا ان اذهب الى خياط "هندي" معروف لديهم وذكروا لي انهم لايفصلون ثيابهم الا عنده وان تفصيله غايه في الدقه والروعه..تحمست كثيرا فذهبت لخياط " المشاهير" الهندي .. وفصلت عنده "ثلاثة اثواب" دفعه واحده! وعدني بالانتهاء منها قبل العيد بليله واحده واتفقنا على ذلك ... وقبل العيد بليله واحده ذهبت لخياط "المشاهير " فطلبت ثيابي واخرجها لي واذا بالمفاجأه و"الصدمه"بالنسبة لي, حيث ظهرت الثياب مختلفه عن بعض وانا الذي فصلتها تفصيلا واحدا.. فاحد الثياب ظهر بدون "ياقه" مما جعلني احس بان عيدي هذه السنه سيكون"له طعم ومذاق مختلف" غير الذي اعتدت عليه ...
فايز المالكي.

3- ونسيت الشناط
في احد الاعياد كنت عازما على الذهاب للمنطقه الشرقيه مع العائله .. وتوكلنا على الله وسافرنا عن طريق البر.. ووصلنا الى هناك عصر ثاني يوم في العيد .. وبعد الوصول انزلنا "الشنط"وحقائب السفر ولكن عندما انتهينا من ذلك اكتشفت ان اهم شنطه والتي تحمل اغراضي الشخصيه واغراضي الخاصه بالعيد قد نسيتها في البيت بالرياض !!حينها احسست ان هذا العيد سيذهب من دون ان "اتهنى فيه"..واحترت في امري فكيف "اعيد"على الناس بدون "ثياب"و"جزمه جديده"و"شماغ جديد"والحمدلله لم يطل الامر على هذا الحال.. فقد اكتشفت ان احد معارفي في الرياض سياتي الى الشرقيه ,فاتصلت به حالا واخبرته بامري وطلبت منه ان يحضر الشنطه التي بها اغراضي من البيت و"هي جاهزه على كل حال"وفعل مااردت واتى للشرقيه لكن لسوء الحظ لم يصل صاحبنا الا صباح اليوم التالي .. فاخذتها بعد ان فات علي نصف يوم من العيد
يوسف الجراح.

منقوووووووووووووووووووول من احد المجلات

وانتم يله اعطونا مواقف مضحكه حصلت لكم بالعيد ومن ثم اكمل الباقي:)

بااااااااااااااااااااااااااااااااي:cool:

[عشق ليل]

مشكورة يا/ رغد على الموضوع

أما المواقف كثيرة ,,,, أنا إذا ما مر علي عيد فيه موقف أحس فيه شئ ناقص ,,

موقفي الأول كان في ليلة العيد وأنا عمري عشر سنوات ( يعني قبل العام ) ,,,, شريت قبل العيد بأيام نعول ( حذيان ـ بالسيرلانكي ) ,,
وخبيتها في غرفتي عشان عيال عمي ما يشترون مثلها ( ما أحب التقليد ) ,, وليلة العيد قلت أطلعها وأشوف شكلي بها ,, وتفاجأت النعول كلها يمين (يعني الرجل اليسار اغسل يدك ماهي معيدة معي )
,,,, واقعد طول الليل افرك في نعولي القديمة على بالي بألعب على عيال عمي وأقول لهم تراها جديدة ,,, :)


طبعاً الموقف الرسمي لكل عيد عندي هو إن أكبر المخدة وأنام والناس معيدين ,, وإذا جاء الظهر ورقدوا الناس قمت لحالي أعيد على الهنود ,,



أتمنى من الجميع المشاركة ,,

[أمير الليل]

هههههههههههههه

الله يرجك عشق ليل

اجل كلهن يمين

خخخخخخخخخخخ

طيب شوفو الموقف هذا

انا في كل عيد افصل ثوبين واحد البسه والثاني احتياط له

وفي واحد من الاعياد

قلت مالها داعي افصل اثنين

خسارة فلوس وبس <<<<< قعيطي :vb:

رحت وفصلت ثوب واحد

ولا انتبهت لثيابيي القديمه نظيفه ولا لا

احتياط بس

المهم

رحت وصليت العيد

ويوم رجعت جاني اخوي الصغير مستانس

ويتعلق علي ثوبي

سحب الثوب وانقطعت الازره

وانقطع الثوب من تحته

انا صراحه انصدمت :eek:

رحت ادور على اي ثوب ثاني البسه

لو قديم :sad:

ماحصلت :nope:

طبعا الاخلاق راحت فيها وقتها :GY:

بس وش اسوي

رحت ولبست قميص النوم

وسحبتها نووومه

بلا عيد بلا هم

وتحياتي

[رغـــــده]

مشكورين على المرور

عشق ليل:
اجل ماتحب التقليد وطلعت كلها يمنى هههههههههههههه
شكلك تبت بعد كذا صرت توريهم كل اغراض العيد ;)

امير الليل:
شفت القعاطه وش تسوي (على فكره القعاطه جمع قعيطي خخخخخ)
الغريب انك ماسويت لاخوك الصغير شي ولايمكن مسوي بس ماقلتلنا
على العموم مسامحينك ;)

[فلان بن علان]

موضوع حلو انا ماعندي شي اكتبه



مشكور وماقصرت
سلملم

[رغـــــده]

فلان بن علان:
مشكور على مرورك

[سحس]

مساء الخير
اختى الفاضلة
مشكورة على هذه المواقف

كنت صغير وخلال ايام عيد الاضحى المبارك

اشترينا خروف ( ضحية )

واخذت من والدى عشرة جنيهات لاشترى بها ملابس لعيد

و وانا خارج من البت وجدت الخروف
واذ به يهم يضربنى ضربا مبرحا

ولم يكتفى بذلك بل اكل العشرة جنيه

حسين


حسينhussainalbasha@hotmail.com

[رغـــــده]

سحس:

مشكور على مرورك

هههههههههههههههااااااااااااي قصتك جدا مضحكه

اجل اكل العشر جنيهات بعد صدق (شين وقوة عين)

لكن ماقلتلنا وش سويت؟

[Shiny]

هههههههههههههههههههههههه
اما الموقف حق خالد سامي شي خخخخخ

انا ما قد صار لي موقف ظريف مدري محرج ...ما اذكر الا اني تسممت مره خخخخخخخخخ

[رغـــــده]

shiny:
مشكور على مرورك

الله يكفينا شر التسمم قصدي(المطاعم)

[doody2211]

مشكورة أختي رغدة على النقل


وعلى فكرة ماقلتيلنا ايش من موقف حصلك في العيد ؟؟؟


من بدأ بالمكارم فليتمها هات ماعندك ولا نغششك ههههه


المهم المواقف الحرجة قد تكون كثيرة في حياة الإنسان

وبالأخص اذا كانت في العيد وفي وقت حرج !!!!!


وخاصةً الموقف اذا كان للشخص مع نفسه يهون بس اذا كان

وسط جمع من الناس كيف تكون الفشيلة ههههههههه


المهم أتذكر وانا في سن الخامسة عشر نزلت للحرم المكي

لصلاة العيد وطبعاً كاشخ بالغترة وخلافه يعني جديد في جديد

المهم بعد ماقضت الصلاة وانا خارج الحرم وفي طريق الرجعة بعد

الصلاة واذا الأرض فيها حب مطشوش للحمام تاكل منه وفي مكان

مرتفع قليلا , واذا بذيك الكشخة متوسدة الأرض وسط الناس ،


والعقال في جهة والغترة طاحة على وجهي والأسفلة لمع الثوب

تعال شوفوا وجهي والناس تقول سلامات وترفعني من الأرض

أتمنيت الأرض تنشق وتبلعني ههههههههه

ها كيف بس الموقف ؟؟؟؟؟؟؟؟؟


ختاماً أتمنى اني ماطولتها عليكم والله يكفيكم شر الطيحات

اللي على غفلة ومن غير ميعاد ،،،،،،،،،،



بااااااااااااااااااااااااااي

[رغـــــده]

حياك اخوي doody2211

بصراحه مااتذكر موقف معين

لكن موقفك بصراحه محرج <------ ياما طاحت عند الناس خخخخخخ

اكيد الوجه بدا يتقلب ملون (كوكتيل على غفله خخخخ)

[عبـــودي لا لا]

بسم الله على بركة الله نبدأ

رجاء خاص للي يقرون الرد يجهزون لهم فاين او فوطه علشان الصراحه الموقف شوي حزين مع إن الرد خلاف الموضوع بس من الحره اللي فين

راح اقولها بكل إختصار

في اول يوم العيد كان زواج واحد من الشباب أكيد رايح لزواج وانا مقهور ....

المهم الدعوه مو في الزواج الدعوه طول الله اعماركم

وانا رايح للعرس من النحاسه فيني والحظ االردي وقفت عند البقاله

المهم .. وأدق بصبعي لراعي البقاله واعطيه هرن ويحياتكم ابو هند طلع على وهو حمقان ..

أيس في انت ...

المهم ورد عليه بكل ثقه وأنا اقول بسرعه جيب واحد بيبسي.

رد علي بكل وحشيه : مافي بيبسي .


:win: أنا وقتها قلت لازم انزل واعلمه الأدب ..

:vb: وامسك ابو هنود ..آآآآآآآآآآآآآآآآآآآآآه .. وياليتني ما مسكته

cry: cry: cry: أسمحولي ياشباب ما أقدر أكمل