أنا والنت وموقع جيران

[عشق ليل]

بقول لكم اليوم سالفتي مع النت والمعاناة اللي اعانيها فيه,,,,

بس افصلوا الاتصال اول

واللي ذكرني بمعاناتي في النت إن احد اصدقائي ارسل لي رسالة عشان انزل توقيع لي

في موقع جيران , المهم صديقي العزيز قال في رسالته أنت سجل في جيران وبعدها اتبع الخطوات

التالية لتنزيل التوقيع , المهم صبيت لي بيالة شاي وقطعت الاتصال عشان اتكي على الرسالة

وافهم ,,,,,وقلت في نفسي لازم افهم حاجة ولازم اسوي شي بنفسي ,,, ويوم قطعت الاتصال طارت الرسالة

مدري وين طست صراحه صابني انواع التحطيم ,,, وبعدها رحت لموقع جيران وجيت بطبق اسهل شي في الرسالة

وهو التسجيل ,,,, والتسجيل هذا الله لا يوريكم ضيع علي ساعتين مدري وين الله حاطني وكل مالقيت مستطيل فاضي

حطيت بريدي فيه ودقيت انتر ,,, صفحة جيران هذي لحالها فيها ست خانات لوضع البريد

ولا لقيت ولا كلمة عربي وعدها قلت في نفسي ما في امل اتعلم شي اذا التسجيل ما عرفت كيف باقي الشرح

في الرسالة اللي يجيلها كيلو :)

الموقف هذا ذكرني ببدايتي في النت يوم قررت فجأة اني ابيع الكيرم واشتري لي جهاز اقصاد

ونصحوني عيال حارتنا وقالوا هذي قفزة قوووووية اخاف تنصدم بالحضارة وتنقلب ويطلع الخطأ عليك مية بالمية

وقالوا شورنا عليك اشتر اتاري وبعدين بلايستيشن وبعدها طب في النت

بس قلت ماعلي شاريه شاريه ,,, ورحت طقيت لي جهاز بطئ جداً لو امشي على رجولي سبقته

وكان اول يوم لي في النت احوس في المستندات والاتصال شغال وماخذها مشاوير من سطح المكتب الى سلة المحذوفات إلى المستندات

لين طفشت ( بس كانت خمس ساعات مادريت عنها ) المهم اليوم الثاني زارني صديق عزيز وقال بدخلك شات وسولف انت مع الناس

وأنت واسلوبك قلت له يلااا وماقصر دخلني على الشات وعلمني كيف اكتب فيه ,,, وهبلت فيهم ذاك اليوم

كل كتاباتي س1 هـ1 ك1 وأنا في غمرة سعادتي قال لي واحد يادفني رقم (الاي بي) طالع !!!!


ما رديت عليهم المهم كررها وصار كل اللي في الغرفة يقولونها :( أنا تفشلت وقلت لهم : من وين طالع؟!!!!!

قامو يضحكون علي ,,, مالهم سيرة غير دفني و لـ (الاي بي) حسيت وجهي طاح من جد :( وجيت برقع الموضوع

وقلت لهم ياشباب سامحوني لو (الاي بي) حقي مضايقكم في شي ,,, بس اقسم لكم بالله مدري من وين طلع

وياليت اذا احد شافه وهو طالع برى يدخله لاني اخاف عليه من السيارات ,,,,,

وفيه وحده اسمها سارة رحمت حالي وجتني خاص وقالت عادي اخوي بس عشان لاحد يخترق جهازك او يعرف انت من وين

لا تخلي رقمك يطلع 00000 قلت : بس كذا !!!! إذا على الاختراق ولد ابوه اللي يقرب غرفتي 000 واللي ما يعرف أنا من وين

بكتبها لكم في العام 0000 وأنا من اليوم متفشل ودي اعرف وش اللي مسويه واخرتها رقم جهاز ( بس عسى مايدرون من الرقم انه اقساط )

وقالت ( سارة ) : برب قلت : والله ... ليه !!! قالت وش تحلف له , قلت :مدري بس اشك انك صاحية !! قالت: عوووع قلت : قلت لا انا دفني ما اعرف عووع

قالت : طس قلت : طس الله راسك ....

المهم هبلوني في الشات وكل شوي يطردوني وارجع وخاصة شخص يسمونه (اللورد ) ويقول انت بطئ في الكتابة

قلت طيب وش تبيني اسوي انتم تكتبون بسرعة واحد يقول كيف الحال والثاني يقول من وين الاخ والثالث

يقول صباح الخير والرابع يقول شكلي اعرفك وانا المخ عندي يهنق مقدر ارد على اكثر من واحد في نفس الوقت

واللي قاهرني اني انزل راسي اكتب رد وادور الحروف ويوم انتهي من الرد وانزله إلا وأنا لحالي بالغرفة

وقبل شوي كانوا سبعة مدري وين طسوا

وقلت لي قصيدة عصماء بهذه المناسبة :

أنا مدري وش الفارة
......ولا قد شفت أنا (الكيبورد)

يسموني فتى الحارة
.......وأنا ورطان مع ذا ( الوورد )

قهرني النت واسراره
......ولا ادري وش ( الباس بورد )

سمرت وناس سمـــارة
...... على الشات وحذفني ( اللورد)

قطعني ( اللورد ) من سارة
..... وقالي انت ( نوت ريكود )

صراحة شعرت بإحباط من الشاتات وجتني نصيحة من شخص خبير وقال نزل الماسنجر ودور لك واحد تسولف معه وتدرب

عليه لين الله يفرجها ياتمشي صح بالنت يترجع للكيرم قبل تفقد يدك حساسيتها للعب .

وماقصر علمني كيف اسوي بريد على الهوتميل وصرت فعلاً خبرة بريدات يعني كل مالقيت فرصة وفاضي سويت لي بريد جديد

والرقم السري دايماً هو نفسه , وصرت مرجع لكل عيال الحارة اللي يبي يسوي بريد لازم يجيني واسوي له بريد

لا وتغلى عليهم بعد ,,, واحيان تخمني واتفلسف واقول : لازم انزل برنامج سويتش عشان اسوي لك بريد

والريل بلاير عندي مليان رسايل ,,, عاد هم لازم يرفعون فيني ويقولون سمعنا إنك تسوي البريد في ثلاث ساعات

وانا ينتفخ راسي واقول هذا اول ياحبيبي الحين اسويه في ساعتين ورقم سري مميز بعد :)

أخيراً ترى كلامي ثلاث ارباعه صدق والربع الباقي حقيقي

وبعلمكم في الموضوع الجاي قصتي مع المنتديات :)

[ابوهايل]

السلام عليكم وطيب الله اوقاتكم بكل خير

اجل يحتاج سويتش عشان تسوي بريد

محتاجه يوم للضحك هذي لوحدها

ذكرتني بنفسي يوم بديت النت
سالني اخوي عندك بريد استحيت اقوله لا

قلت ايه قالي وش بريدك؟

انا ماعرف في النت الا كلمة yahoo
قلت له yahoo بريد كوم
ضحك وقالي زين
تعرف الماسنجر

قلت له انت قديم لاني وثقت ان كلامي الاول صح

قلت ايه يطلع لك ماسنجر شكله زين

يارجال انواع الاحراجات اله يستر علينا



شكرا لك يا عشق ليل
لقد سرقت قهقهتي :he:
وياهلا
______
ابوهايل

[الذاهبه]

اجل جيران ماعرفت له :win:

و عيال حارتكم محسبينك شي بالكمبيوتر :2:

هههههههههههههه وينهم مايدرون عنك:@":

ننتظر قصتك مع المنتديات :2:

http://limo711.jeeran.com/t7yati.gif

[أمير الليل]

هههههههههههههههههه

الله يرجك عشق ليل

واللي قاهرني اني انزل راسي اكتب رد وادور الحروف ويوم انتهي من الرد وانزله إلا وأنا لحالي بالغرفة

وقبل شوي كانوا سبعة مدري وين طسوا

:2: :2: :2:

اسرع بس

حنا ننتظر قصتك مع المنتديات

والله احس انها بتطلع هباااااااااااال

وتحياتي لك يالغالي

[فلان بن علان]

ياعاشق الليل ننتظر القصه من طق طق لسلام عليكم

[هديل]

عاشق الليل ماشاء الله عليك أذا

كذا في الشات أجل كيف المنتديات ؟؟

شوقتي بصراحه أنتظرك قصتك في المنتديات

أختك هديل.

[طويلــة العمــر]

تعرف تسوي إيميل برقم مميز ... :eek: :eek: :eek:

يا حركااااااااااات :cool:

<---- مبتدئة :p

مشكووووور على الموضوع الي يشقق :q::q::q:

[الجساس]

ههههههههههههههه بس عجبتني القفزة النوعية من الكيرم للنت وشقحت وتعديت الاتاري والبلايستيشن هههههههههههههههههه

تسلم علىا لقصة اولشعر الي فيها

ننتظر المزيد

[رغـــــده]

ههههههههههههههههههههههههههااااااي

الله يرجك اجل

(الاي بي) طالع !!!!

وقلت لهم ياشباب سامحوني لو (الاي بي) حقي مضايقكم في شي ,,, بس اقسم لكم بالله مدري من وين طلع

وياليت اذا احد شافه وهو طالع برى يدخله لاني اخاف عليه من السيارات ,,,,, <===== تلقيطه وتحطيم على مستوى خخخخخ

بانتظار قصة المنتدى

[عشق ليل]

مشكور / أخوي أبو هايل لمرورك


لا والخافي أعظم ,,,, بتطلع فضايح المنتديات ,,,


<<<<< جايب العيد في المنتديات


تقبل تحياتي

[عشق ليل]

أختي الذاهبة مشكورة ,,

أنا جبت قصة حياتي مع النت عشان لا أحد يشره علي ,,

يوم اسمي عشق ليل وتوقيعي دفني واطيح ,, لا وحاط بيتين لي باسم سهم المنايا

<<<< الأخ يشتغل في تسمية المواليد في الاحوال المدنية

انتظري بس قصة المنتديات


تقبلي تحياتي

[أندلسية]

بصراحة ..... تحفه ..

من جد موضوع رايق ..و يقلّب المواجع كلها .. هههه
<--- يدها تحكها تقول وش هببت أول ما تعلمت نت




اول يوم لي في النت احوس في المستندات والاتصال شغال وماخذها مشاوير من سطح المكتب الى سلة المحذوفات إلى المستندات
^
^
^
^
خطييييييير
ههههههههه

[أطيب عنيده]

هههههههههههههههههههههههههههههههههههههههههههههههههه ههههههههههههههههههههههههههههههههههههههههههههههه..

عشق ليل الله يوسع صدرك من جد ضحكتني..

بس ممكن تسوي لي ايميل؟؟

<=== تتمسكن هي وخشتها..

ههههههههههههههههههههههههههه بس بشر عسى رجعوا لك الاي بي؟؟ الله يرجك..

أطيب عنيــــــــــــــــــده..
(على فكره توقيعك يجنن مررررررررره كل مادخلت لازم اقراه )

[سيــــــرين]

وفيه وحده اسمها سارة رحمت حالي وجتني خاص وقالت عادي اخوي بس عشان لاحد يخترق جهازك او يعرف انت من وين

لا تخلي رقمك يطلع 00000 قلت : بس كذا !!!! إذا على الاختراق ولد ابوه اللي يقرب غرفتي 000 واللي ما يعرف أنا من وين



^

^

^

عامل خطير الاخ :@": :@":

الله يرجك عشق .. أذا بجيران والتشات هيك مسوي :wf: :wf:

في المنتديات شو مهبب :11: :11:

بأنتطار ما هببت في المنتديات :S: :S: والله يعين كل وحد تورط مع

هالنابغة في النت :q: :q:

تحياتي لك :2:

[الموسيقار]

هههههههههههههه

ياحليلك يا راعي النقله النوعيه

تتحدى كيرم:p

<<<<<<<< اصابع ذهبيه والخمسين ما تعوق:p :p


بس لا يضيق صدرك فيه مثلك كثير وانا اولهم

مسئلة الدوران بين المحذوفات والمستندات هذي احترااااااااف:2:


والله وطلعت خبير ايميلات يا ولد

ممكن واحد سفري الله لا يهينك بس عبي لي الماسنجر بالطريق:11:




تسلم يا منسم درجة اولى:2:

[هيّن..ليّن]

دفني واطيح = عشق ليل = سهم المنايا




حركتات والله منتب سهل :2:


من زمـــــــــــــــــــان ما ضحكت من قلب ....


:p <------------- بقوّووووووه ..


أما الآي بي ........... أنوااااااااااااااع البراءة :@": ....


تعرف تصرّف ما شاء الله عليك :2:...

(( وصرت فعلاً خبرة بريدات يعني كل مالقيت فرصة وفاضي سويت لي بريد جديد ...))

:O: :O: :O:


وأنا أقول ليش الأسماء السنعة مخلّصه:fw:............ اثرك تصفّي أوّل بأوّل :#:...........


بس ما قلت تقريبا كم عندك من بريد الحين :vb:؟؟؟؟؟؟

و وشلون تلحق عليهم :win: ؟؟؟؟؟؟
.
.
.
.
.

أنا اللي مموتني ضحك ذا الوجه :) اللي كل شوي رازّه .....

مطلّعك واحد بريـــــــــــــــــئ:po: ورايـــــــــــــــق:cool:...



تسلم والله على هالحركتات :2: .....

وبانتظار قصتك مع المنتديـــــــــــــــــــات ...

ســ:pـــلام ..