سالفتن مهيب صاحيتن مرتن بالحيييل لا تصير عجاز ادخل واقرا

[أمير الليل]

السلام عليكم ورحمة الله وبركاته

هذي يا جماعة الخير سالفه صارت لي منذ مبطي

بس الي الان حازه بخاطري وهاااااااااكم السالفه

مره من المراير كنت العب في الحاره

جاني ولد حارتنا وكان محلق كابوريا

وقالي :ليه ما تحلق مثلي كابوريا تراها مره حلوه (عاد هذاك الوقت منهو اللي يحلق كابوريا وخرواا عنه )

المهم هالولد جلس يفر راسي ليييييين اقتنعت (امحق من ولد حاره)

بعد تفكير وتمحيص قررت اني احلق كابوريا (والله لو انك بتبني عماره ما فكرت كل هالتفكير)


وقلت يا ولد مالك الا الحلاق

واروح له قلت يا صديق حلق كابوريا والله

ويحلقني وجلس نص ساعه في شعري

واول ما خلصت جلست اطالع في المرايه منيب مصدق انه انا طالع مزيوون
وانا راجع للبيت كنت احاول اختفي عن الانظار عشان المعجبين ما يتجمهرون علي <<<<<<مهوب عاقل توم ولد كروز

المهم وصلت للبيت وانا راسي منتفخ من قدي يحلق كابوريا

وادخل للبيت اهلي استغربوا قالوا من هالمزيون اللي داخلن علينا

وريتها كل اهلي حتى الشغاله بعد

واذ فجأه اسمع صوت زئير الاسد( اللي اهو ابوي)

اول ما شافني قال:عمى وجع جعلك للصمرقع و ..... و .....الخ وكان وقتها الشر طالع من عيونه

قلت له وش رايك بالحلاقه

قال: اقووووول انقلع حلق مثل الاوادم رح شل هالشعر اللي فوق راسك تسنك مكنسه

وانا وقتها ما بعد وريت عيال الحاره الحلاقه كنت ابي اقهرهم لان هذاك الولد اللي كان محلق كابوريا نقلوا من الحاره يعني مافيه الا انا اللي محلقها

وقفلت مع ابوي وقال اقول حلللق موووووووووووس(يعني قرعه) وهذي الحلاقه اللي ما أواطنها

وجلست افكر وش اسوي وطبت في راسي فكره مهيب صاحيه الا واهي....

اني احلق اختي معي وانتقم اشد انتقام

وكان وقتها اختي صغيره ماتدري وش الطبخه

خذتها للحلاق وقلت له اثنين موس سفري وحلقنااااا وهالحلاق ماغير يدربي راسه ويحلق

والله ويحلقنا موس طلع راسي تسنه كيوي وراس اختي تسنه كمثري(معفط واخضر) كنت لابس طاقيه عشان ماحد يشوفني

وادخل للبيت واستقبلني ابوي قال هااااه حلقت؟؟ قلت ايه الله لا يوفق العدو

والمشكله اهلي ماكانوا يدرون اني محلق اختي اول ما شافها ابوي

قال::ما شاء الله من انت ولده (يحسبه واحد من عيال الجيران)

قالت اختي بابا شف اخوي وش سوا فيني اللللللللللله حلووه

تحسبنا نلعب الله لا يعطيها العافيه
ابوي جته ام العبيد وصار الشرر ينبت براسه

وتقول ابليس راكبه وكان اطرف(يعني اقرب) شي يمه بيالة شاهي

انا شفت يمسكها واطلق ساقي واسابق الريح

لكن كانت يد ابوي اسرع من ساقي

وطرررراااااااااااااااخ تصمخ هالبياله في دمجتي وعقبها شفت الدنيا حمراا مادري اهو من الدم ولا من جدار البيت<<<<<< يبي يعلمكم ان لون جدار بيتهم احمر كأنهم يحمضون افلام

وسمعت صقعت البياله براسي وصار راسي مورم تسنه كوره بلاستيك

وانا وقتها كنت منسدح (اي ملقى) على الارض

وجا ابوي وطب على بطني وووووووو.......

ماله داعي اكمل لكم وش دخلكم ابو وولده يصلحون مع بعض

انتهى كلامه رحمه الله

:vb: :win: :O: :wf:

[سيــــــرين]

http://arabcafe.jeeran.com/11.gif http://arabcafe.jeeran.com/11.gif


... لحظة :

ههههههههههههههههههههههههههههههههه

ههههههههههههههههههههههههههههههههه

ههههههههههههههههههههههههههههههههه

ههههههههههههههههههههههههههههههههه

ههههههههههههههههههههههههههههههههه

ههههههههههههههههههههههههههههههههه

والله أنك تستاهل أكثر من كدا :win: :vb: :win: :vb:

الله يرجك شو دخل أختك الصغيرة بالموضوع .. مو حرام عليك:@":

والله قليل اللي سوا الوالد فيك :GY:

أمير :11: ما عندك صورة لك وأنت حالق كابوريا :he: :he:

بس الموضوع روعة والاروع منه الحلق على الصلعة :wink:

تحياتي لك :2:

[أمير الليل]

سيرين

انتبهي لا تموتين من الضحك

وبعدين يوم تقولين وش دخل اختك

بعد انا وش دخلني يوم يقول ابوي حلق :nope:

اما الصوره

موجوده اكييييييييد

بس اخاف احطها وينحاشون كل اللي في المقهى

وانا ماودي اخسرهم <<<<< عاش مصرف

[عشق ليل]

أمير المجرم

وش دخل اختك حراااام عليك


الحين من زين الجو يوم تحك راس المسكينه مووس

اقول الله لا يوليك ضعوف بس :)


هههههههه تسلم على القصة الحلوة وياليتك تكمل الاكشن اللي في أخر القصة

[أمير الليل]

انا اشوف الموضوع منور

اثاريك مارن عليه

تسلم حبيب البي على تسميتك لي بالمجرم :mad:

وتحياتي لك يالغالي

[الجساس]

هههههههههههههههههههههههههههههههههههههههه الله يرجك ياامير الليل اجل كابوريا ها؟ وتبي تزعط فيها ههههههههههههههههههههههههههههههههههههه الزعطة مانفعتك ههههههههههههههههههه قلعتك تستاهل هههههههههههههههه وحلقت لاختك بعد وش ذنبها؟ هههههههههههههههههه بس الطق الي جا من ابوك لك حلو ( واحد يحب الشر):2: :win: هههههههههههههههههههههه مشكور على موضوعك امير الليل

[أمير الليل]

العفو اخوي المتميز

ومشكوور على مرورك يالغالي

ولا تحرمنا من طلتك

[الذاهبه]

ههههههههههههههههههههههههههههههههههههههه

هههههههههههههههههههه تستااااااااهل ماجاك

وزين سوا فيك دادك

احلى شي الكيوي ياهي ضحكتني هههههههههههههههه



http://limo711.jeeran.com/t7yati.gif

[أمير الليل]

الذاهبه

ليش استاهل

انا ماسويت شي غلط

بس الكيوي

والله حركه

ولا انتي وش رايك

ومشكوووووره على مرورك

وتحياتي

[AzOz]

<------ سوي سيزر :11: بس لا تخليها واضحه :2:




<<<<<<<< والله صارت لي قصه اخس من كذا :p


رحت للحلاق 4 مرات في يوم واحد وكل مره :he:

اغير الحلاق عشان ما يضحك علي وفى النهايه :O:

طلعت بدون شعر :wf:


سلملم اذا تبي القصه اقولك بعدين :2:

[أمير الليل]

ههههههه

الله يرجك عزوز

اجل اربع مرات تروح للحلاق وبيوم واحد

عطنا سالفتها هذي

نبي نضحك عليك كالعاده :he: :11:

مشكوور يالغالي على مرورك

[الجساس]

عزوز نبي قصتك( واحد ملقوف يبي يوهقك) :11:
امير الليل: عاد كالعاده صار الاخ مضحكة ههههههههههههههههه
حياكم الله

[AzOz]

انقلع انت وياهـ


<------------- صار قوي :11:


بس طلعتوا ما تستاهلون :p


كنت بقول القصه بس بطلت :O:

[الفاظي]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههااااااااااااااااااااااااا ااااااااااااىىىىىىى
زين ما سويت هذا هو الانتقام والا بلاش
رررررررررررررررررررررررررررروووووووووووووووووعه

[أمير الليل]

المتميز

عزوز مشهور بالشي هذا

عزوز

والله وطلعت قوي احلى :@":

الفاظي

مشكووور على مرورك يالغالي