المساعد الشخصي الرقمي

مشاهدة النسخة كاملة : الصوره القضيه ( موضوع لايفوتكم )

Osamah
20-02-2002, 07:26 PM
يوم كنت برابع ابتدائي ( قبل 9 سنوات ) تقريبا ..
كنت طالب مجتهد كعادتي , واحسن ما كان يميزني صفتين ..

رقم واحد .. اني لامن طلعت من المدرسه اعلق هالشنطه اللي عليها صوره ( نعمان ) على ظهري واقضب السيسان .. وخشتي بالارض , لا ااذي احد ولا اضارب احد ..
رقم ثنين .. اذا طلعت بالسيكل ال16 بعد العصر ادور في سوق الحريم تدرون ليش ؟؟؟؟؟؟؟؟؟ ماني قايلكم ( اسرار خاصه )
المهم ..
في احد الديئات .. وبينما كنت امارس هوايتي بالدوجه خلال ازقة السوق , واذا بتلك الفتاة التي تكبرني ب 10 سنوات ... لأني وقتها كنت بزر , واذا بها تقزقزني فما كان مني الا ان ارتعدت وارتجف ووليت هاربا ..
وبعد فتره وجيزه .. قابلتها مرره اخرى في محل ( كل شي بريالين )
واذا بها تمسك على يدي مسكة قوية .. وتقول لي : انت اخو فلانه ؟؟
قلت اي فلانه ؟؟ قالت اللي تدرس بالثانوية الخامسة والاربعون بعد المائه .. قلت : لا شكلك مشبهه يالاخت .. قالت لا انت ( ريّان )
قلت والله ماني ريان ولا عثمان
المهم قالت انا معي صورتك ...
انذهلت ... وتعجبت .. قلت خليني اشوفها ..
واذا بها تدخل يدها في جيبها ( بين الـنـــ...........) وتخرج كيسا ازرقا
قد اكل عليه الدهر وشرب ..
وتطلع اوراق .. وتطلع الصوره .. والقيت نظره على الصوره واذا بها صورتي .. انا .. ياللهول .. يا ماي قاد .. انها صورتي وانا في اول ابتدائي ..
قلت ؟؟ وببرائه الطفل : وش تبين فيها شايلتها معك ..
قالت انا كان لي اخو يشبهك , ومات في حادث سيكل اليم ..اه اه هئ
( انظروا الى حيلة الذئب الماكر للحمل الوديع )
انا لاشعوريا بدت دموعي اربع اربع ....
قلت خلاص خلى الصوره معك وتذكري اخوك فيها ..
قالت هي : طييب ليش يوم ان الله ميسر علينا وصرت انت هنا بحارتنا ..
ليش ما اقابلك كل احد هنا بالسوق او اعزمك تلعب اتاري عندنا في البيت .. ( طبعا عرض مغري .. الدعوه فيها اتاري - ام يد اللي تقل قير هايلكس ) المهم ..
وبكل براءة الطفوله .. وافقت على ذلك العرض .. وصرت كل عصرية اقول للاهل انا رايح لصديقي حسام العب كوره ... وروح لأم الشباب هذي اسنتر عندهم بالبيت العب اتاري - وهي تقول لأمها انه اخو صديقتي ..
المهم استمر الحال فتره ... ولاحظت انها من يوم اجلس الين اروح تمقلني وتطالعين بأعجاب شديد ..
اثاري البنت واقعه في غرامي وانا ما دريت ..
بعد مده صارحتي ... وزعلت انا وقلت انتي وقحه وغبيه وحماره ..
ليش تكذبين على وتقولين اني اشبه اخوك اللي مات وتلعبين بعواطفي الجياشه .. انت انسانه انانيه وما تحبين الا نفسك وبس ..
وقمت وطلعت بعد ان انتزعت الصوره من يدها ..
ويوم وصلت باب البيت قالت وقف .. تكفى خل لي باقي ذكرى ..
خل لي الصوره .. قلت لها ... معصي ( هيهات هيهات )
.. وجلست تصيح ( وتترجي فيا .. وتبكي عليا .. مش هانسى يــ ..)
وبعد الرفض والرفس .. اخذت تجر الصوره مني ( تشد الصوره مني )
ويالله يالله بعد استخدام القوه المخزونه في داخل كل رجل انتزعت الصوره منها وصفعتها صفعة قويه .. سالت على اثرها الاوديه والشعاب
......
ورجعت للبيت ركض .. والصوره في يدي وقد سلمت الا من بعض اثار الشد والتمصيع الخفيفه ووجهي احمر من الركض ..
وكانت هذه الصوره .. اعز ما املك لانها ردت لي اعتباري من تلك التحرشات الغير مقبوله من قبل الذئبات البشريه اللواتي يتحرشن بكل فتى وسيم ( مثلي وشرواي )......


( ارفاق مع الموضوع - صورة زنكو غرافيه للصوره القضيه )
فت فوته
20-02-2002, 07:36 PM
:( :( معقوله في ناس بهذي الدناءه .. يتحرشون بوليد صغيرون و سيم :D .. تسلم اخوي مشاركه رائعه .. و عجبتني طريقة السرد .. و خلو بالكم من عيالكم
_الأمــيـــــــر
20-02-2002, 09:19 PM
ههههههههه :D ههههههههههه :D هههههههههههههههاي (takenoff) (takenoff)

الله يقلع بليسك (takenoff) (takenoff)

من جد ماكنت ناوي اقراها كلها

بس يوم قريت البدايه اعجبتني :D

نعنبو دار بليسك يوم اني بالابتدائي كنت اقزقز رنا بنت جارتنا

السودانيه .. وكانت معطيتني اشكل

من زينها هي وبراطمها ..

<<< عقب ماكفخك ابوها :D :D

وانت جايتك النعمه وعايفها :(
قيــــــــــقز
21-02-2002, 09:21 AM
شرواك الطيب هههههههههههههههههههه انجرت ضحك الله يرجك والله مزيون بس صورة فت فوتة غطت عليك :)
Osamah
21-02-2002, 09:02 PM
مشكورين ولكن ,, هذي قصه واحد وسيم لايك مي :D :D مع ان هناك شباب وسيمين كثار لهم اكثر من سالفه ويا هالتحرشات
بس ديرو بالكم من انفسكم ان كنتم وسيمين مثلي :D
ترى الزمن تغير (joke)

وشكرا لكم جميعاااااااااااااااااااااااااااااااااااااااااااااا ااااااااااااااااا(good1)
رايق
22-02-2002, 05:14 AM
صورة اي بوكيمون هذي ؟





على فكره يا وسيم .. عندي بلاي ستيشن 3 ... ماودك تجي عندنا (kh)
Osamah
28-02-2002, 10:22 PM
ماحنا بحقين بلاي ستيشن

الحين تطورنا
فلان بن علان
02-03-2002, 08:38 PM
مشكور اخوي على الموضوع الحلو وانا معجب بطريقة القائك للموضوع
شموخ
02-03-2002, 09:54 PM
متاكد انها بنت .. مو شئ ثاني (amazed)
ما قالوا لك ..
ان الوسيمين وهم صغار خطر يطلعون للشارع .. :cool:
LoveSick
03-03-2002, 08:34 PM
السلام عليكم ...

الاخ لويس ابو عكرة سلمه الله منكل شر و من كل عيون الحاسدين .. ما شالله تبارك الله لا ننضلك بعد , اخاف يجي فيك حبة شباب في خشمك تقول نضلوني بعد ..
يا شباب ..فيه كريم جديد يبيض و يصفي البشرة .. مجرب على التماسيح ..بس الى الان ما جربناه على الضبان ..بالله يا ابو عكرة ممكن تدهن ام الشباب " مسز عكرة " ..

و بعدين وينك مطلع الصورة منه ؟؟ ياخي عليها وصخ ..وشو ذا ؟؟؟ (takenoff) ..

المهم انها جت سليمة "سليمة ولا سليم " (takenoff) و الحمد لله على السلامة ..

ترا يا شباب اهم شي الاخلاق.. لا احد يزعل ..
الجنــرال
03-03-2002, 10:19 PM
انــا اشهـــد

انتبـــه لا يــاخذونك وانـت بشبــابك===(يبيها من الله):D :p

موضوع الصراحة (good1) كذا
مشعل الليل
04-03-2002, 01:04 PM
طيب يا اخي الكريم اذا كنت تعتبر نفسك وسيم ..... اجل انا وش اقوووول

** مع ان القصة صراحة ماعجبتني الا ان طريقة سردها كانت رائعة ..

تسلم على الموضوع ....

** الحقيقة الذئاب البشرية كثيرون ..... صدقوني حتى الذئاب يستحون
والحر تكفيه الاشــــــ ......
المسافر
04-03-2002, 04:53 PM
هههههههههههههههههههه

الله يرجك يا لويس

لا وفرحان بالصوره حاطها بالرد بعد(happy)

موضوع حلللللو(good1)