كان فناناً وأصبح بإذن الله شهيداً

[أسيــــــر الحب]

كان هذا الشاب صديقه الحميم هو العود لا يفارقه في الحل والترحال وفي أحد الأيام أراد الخروج إلى إحدى الدول العربية الفاسدة (.....) على قولته يبي يشم هوا اللي يشوفه يقول ما فيه بناشر أكثر ما كثر الله في السعودية مكاين الهوا
المهم خاله كان غني من رجال الأعمال بالرياض جاه الشاب ذا وطلب منه فلوس عشان يسافر تدرون وش قاله خاله :
قال أعطيك فلوس بشرط إنك تجلس في البيت خمس أيام
قعد يفكر خوينا ذا وقال خمس أيام جلسة بالبيت تهون بس المهم إني أطلع برا
اليوم الأول عدى وجاء الثاني والثالث والولد يقول سويت أنواع الكسرات والمقاطع عيت لا تروح الأيام يقول في عصر اليوم الثالث ناديت أخواني وعيال أخواني الصغار عندي بالغرفة عشان ألعبهم يقول قعدت ألعبهم يوم طفشت كمختهم (( يعني صفقهم وضربهم ))
ويقول بعد شوي سمعت صوت اهتز منه قلبي تدرون وشو هذا صوت الأذان
نزل تحت يبي يتوضأ ما عرف سأل أخوه اللي أصغر منه قال : الوضوء نفسه اللي بثاني ابتدائي ما تغير ؟؟؟؟؟؟
قال أخوه إيه أجل تبيه يكبر بعد.
يقول وتوضأت وصليت وحسيت براحة أول مرة أحس فيها من زمان بس ماودي أبين لأهلي إني مرتاح عشان ما يخلوني أصلي دايم
وصليت العشاء وبعدها طرت علي فكرة رهيبة ؟؟؟؟؟
رحت لأمي وقلت قوميني لصلاة الفجر وترى أبصلي بالمسجد (( مهب لله عشان إذا طلع يروح للزكرت ويهستر معهم وإذا إنتهت الصلاة رجع للبيت))
<<<<<<<<<<<< هذي الخطة مهب هو اللي جابها هذي فكرة إبليس اللعين
قالت : أمه بس خالك قايللك لا تطلع من البيت
رديت عليها : لا طاعة لمخلوق في معصية الخالق
أما سمعتي بالأعمى اللي جاء للرسول صلى الله عليه وسلم وقاله:ليس لي قائد يقودني قال الرسول له:أتسمع النداء قال: نعم، قال: أجب
يمه تبيني أطيع خالي واعصي الله حرام عليكم الكلام هذا ما يجوز.
قالت أمه خلاص بقومك للصلاة
يوم أذن الفجر جت العجوز تقومه للصلاة قام على طول
وطلع عند الباب يلتفت يمين ويسار ما لقي أحد من الزكرت الشلة الصايعة الضايعة
راح للمسجد تسنن الولد وجلس يحتري الإقامة يوم أقام المؤذن وقف أبو الشباب بالصف يوم شافه الإمام قال أنا أوريك والله لأمغطهم بسورة طويلة كبر الإمام وكبر خوينا معه الإمام قرأ آية نزلت دموع فناننا القدير والآية هي
(( أفحسبتم أنما خلقناكم عبثا وأنكم إلينا لا ترجعون ))
جاه إبليس وقاله: أفا تبكي الحين وأنت يوم الوليف فارقك ويوم الهوشات ويوم إنك بالسجن ويوم ..... ويوم..... ويوم.... ما بكيت
خوينا يقول عجزت لا أمسك الدموع نزلت غصب علي
يوم خلص الإمام الصلاة طلع على طول للبيت ودور أشرطة دينية ما لقى بالبيت كله راح لمه وقال يمه: عطيني فلوس أبشتري أشرطة من التسجيلات قالت أمه: بس خالك قايل لك لا تطلع من البيت
قال : ماعاد أبي أطلع برا قالت أمه : خلاص وعطته 500 ريال
راح للتسجيلات وأشترى أشرطة وإلتزم ( تطوع )
وبعدها خرج للجهاد وقتل هناك نسأل الله أن يتقبله شهيداً
تدرون من هذا الفنان السابق
إنه خالد عكش رحمه الله

مع تحيات

اخوك

أسير الحب