المساعد الشخصي الرقمي

مشاهدة النسخة كاملة : وشي هوايتك وانت صغير ؟؟؟؟؟

أمير الليل
25-09-2002, 12:47 AM
اهلين

بدون مقدمات ولا مؤخرات انا ابدخل بالموضوع بسرررررررعه

يالله كل واحد يقووووول هوايته يوم انه صغير طبعا الهوايه المهبوله

احم احم

انا يوم اني صغير كنت احب اتعلق بسياره الفليت
واحط خشتي داخل البخاخ اللي يطلع منه الفليت لين انسطل
همن انسدح بالشارع

:11: :11:

والثانيه احب المقناص بس مهو غزلان لا قطاوه
طردي وراهم بالنوافذ ويزيني لا مسكتها ادور فيها وانا معلقها من ذيلها

:vb: :vb:

سفير شكل هوايته يوم انه صغير كان رابط ثوبه في رقبته وكل يوم مسفح من فوق جدار على باله سوبرمان

:wf: :O:

اما قيقز كان احلا هوايه له يسرق الحمام والبط من بيت جيرانهم بالقايله

:#: :@":

امحق من هوايات


:wink: :nope: :2:


يالله عاد نبيكم تعلمونا هواياتكم وانتم صغار

وتحياتي لكم
هـــــولاكـــــو
25-09-2002, 01:22 AM
موضوع حلوو خخخخخ بس فضيحه... لنا كنا بزران
<<<< مسوي كبير كح حم
... انا طال عمرك كنت اممممم الاولى خلها فضيحه والثانيه بعد ..بقولكم الثالثه كنت مجنون شي اسمه حمام ... (احب الشي اللي فوق)..

تخياتي قصدي تجياتي ياربيي تحياتي
<<< بيرجع بزر
ALHAYEM
25-09-2002, 02:48 AM
امير وش تبي بالفضايح 000 :(
والله كنت احب اجلس تحت شكمان السياة و خاصة ايام الشتا لانه يطلع دخان من الشكمان :he: و تكون الريحة اقوى << خبرة 00 يووووووووووووووووه عذااااااااااب ( لين جاني الوالد الله يحفظه مرة و دبغني دبغ ما يعلم فيه الا رب العباد) وصرت اكهر حتى ريحت البنزين :(

يا عذااااااااابي
http://arab.6arab.com/miami..7abeeb-el-roo7.ram :he: <<< تحس قديم بقوة
التميمي ولد نجد
25-09-2002, 03:17 AM
صباح الخير
















والله يومي صغير هي موهب هوايه لكن "لقافه".....












كنت احب العن ابو خامس الغنم.اللي عند اخوالي..ياللله الله ياني كفرت فيهم...تصدقون امسك عصى وألينهم....تليييييين...وتحجييييييير..




لكن وقفت وايتي هذي...في يوم......



الظهر...العالم نايمه...وقت الجريمه دائماً الظهر...لانه حررررررررررررر والناااااس نايمه...!!


ادخل الحوش..طبعاً ريحته سماااااااد تشق خشم المزكوم...


وطبعاً بيدي العصا الشهيره عند الغنم...

والغنم كلهاااااا تلّتز في زاوية الحوش...وتناظرني بنظرات خوف وغضب واستحقار...


وكل خطوه اقرب بها...هم يلفون ويبعدون...


وبخطوه سريييييعه جداً....اللف انا وامحط الأخير محطه تخليه يزعق زي الخيل....!!!




لكن ذاك الظهر كان غير.....



مع كثر الغبار وكثر التمحيط والزعاق...ماشفت التيس الجديد المنظم للقافله...



وفجأه هدء الوضع...وجتني ام الركب....وما ان انقشع الغبار...و الريحه الصفنه...


الا وذيك النطحه اللي خلت مقفاي يلزق في بطني...



ومن عقبها...صارت هوايتي ... تجنب الغنم بانواعها
أمير الليل
25-09-2002, 12:51 PM
هولاكو ====== مشكور على الطله الحلوه

ابو سعود ===== والله ماشاء الله عليك خبره اما الاغنيه قديمه مو مره بس حلوه ومشكوووووور

التميمي ===== الله يرجك انواع حشر الغنم الله يعينها عليك

نبي الباقين يشاركونا بمواهبهم الحلوه

وتحياتي لكم
التميمي ولد نجد
25-09-2002, 06:32 PM
الله يهديك يا بو سعود على هالأهداء..



والله ثم والله ثم والله ثم والله دمعة عيني ونسيت النت مفتوح ساعه ونص غفيت من قوة الاغنيه ...

مشكور على تهييض الجروووح
ابوهايل
25-09-2002, 08:31 PM
السلام عليكم وطيب الله اوقاتكم بكل خير

هههههههههههههههههههههههههههههههههههههههههههههههههه هههههههههههههههههههههههههههااااااااااااااااااااااا ااي
لك يالتميمي
هههههههههههههههه
كله كوم ومشهد نظرات الغنم لك كوم

الله يسلمك

انا هوايتي كانت غريبه بعض الشيء

كنت احب اقطع لوز "ثمره مره الطعم لذيذة المذاق"!!!

المهم

طبعا بيتنا مافيه شجرة لوز ..... وش الحل ؟؟؟

الحل اني اعلق في جدران الناس اللي عندهم هذي الشجره المغريه

كل يوم فوق جدار ناس
يوم تجيني سبه وشتمه ويوم تجيني زبيريه على ظهري ويوم يسون لي كمين لكن كل هذا ما يمنع اني اقطف الثمره اللي احبها

ايام والله مافي امل تنعاد

شكرا لك يا امير الليل

ابوهايل
أمير الليل
25-09-2002, 08:44 PM
العفو اخوي الغالي ابو هايل

ويعلم الله ان ردك على موضوعي شرف لي

وبعدين وش الخمه ماتاكل الا اللوز عاد

دورلك اي شي ثاني متوفر عندك

وتحياتي لك
الضب المقنع
25-09-2002, 09:23 PM
انا كنت في الروضه وايا ...........



انا يوم كنت صغير كانوا اهلي يقولون لي يا بزر



:he: :win: :win: :p
شين الحلايا
25-09-2002, 10:12 PM
مــــصـــــاقـــيـــــل
سيــــــرين
25-09-2002, 10:19 PM
............. البكاء ...............

......... cry: cry: cry: cry: cry: cry: cry: cry: cry: cry: ...........
أمير الليل
25-09-2002, 11:51 PM
المهموم =====> طيب وانت بزر ماكانت لك هوايات ابد

شين الحلايا ==> الله يرجك مصاقيل مره وحده

سيرين =====> كلنا كنا نبكي

وتحياتي لكم
طويلــة العمــر
26-09-2002, 02:46 AM
أنا كنت أحب أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور















































أليييييييييييييييييييييييييييييييييييييييييييييييي يين





































ما أصــــــــــــــــقع بجدار و اطيح على الأرض و أفقد الوعي يومين
هاوي ابداع
26-09-2002, 04:43 AM
انا الصراحه كنت احب اشتري مغطاطت >>>>> شكلكم ماتعرفونها

لمهم واحطها بيدي من الكف الين تاصل الكوع واسوي نبيطه 4في6


واطلع كل عصر وادور العصافير واذا مالقيت تدورون وش اسوي


























ادور هذاك الهندي الي يحبه قلبك وووو طراااااااااااااااااااااااااااخ بالبيطه على راسه الا راسه مفتوح 10 بوصه وانحاش للبيت وبعدين اطلع الشارع واسوي نفس الحركه وعلى كذا كل يوم عاد يوم اتصفق ويوم اطلع ذيب وانحاش من الهنود
niga_sa22
26-09-2002, 11:06 AM
لووووووووووووووووووووووووووووووووووووووووووووووووو ووووووووووووووووول



كلكم مراجيج الله يزيدكم رج و لا عااااد نووف :
أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و أدور و
أفقد الوعي يومين الله يرجك من جد
أمير الليل
26-09-2002, 05:21 PM
ههههههههههههههه

يازين هواياتكم وانتم صغار

نوف تدور لين تصقع بجدار وتدوخ انتي هالحين دوختينا من كتابتك لادور ادور

اما سفير عاد

كيف النبيطه معك ابو الشباب طايح بتفليق الهنود الله يعينهم عليك