أمير الليل
24-09-2002, 12:23 AM
هذي قصة واحد من اخوياي كان بايعها ومخربها سبحان اللي هداه كنا في المرحله المتوسطه يعني زي ماتقول براءه بس نفهم الكفت زي مايقولون وكان خويي هذا يستعمل من وراي منشطات وهي ماتسمى بـ ( الابيض - القضوم )
وكنت اشوفه يوم مستانس ويوم ضايق خلقه ويوم يعطي خيط ويقط خيط ( يعني مفلت )
تخيلوا اعمارنا 14 أو 15 سنه ماكنا نتوقع ان احد يسوي سواته دليل انه عندنا كان اللي يدخن اكبر داشر عاد وشلون اللي يستعمل الحبوب هذي
وكان قليل الحضور يعني يدرس من بداية الاسبوع الا الثلاثاء والاربعاء مايدرسها او العكس
ومع هذا كان ينجح بتقدير جيد او جيد جدا
اثر الولد اذا جت الاختبارات ادهر واشوفه اذا قابلته ايام الاختبارات كل شي فيه يتحرك وينتفض نفض
وكان في اول سنين المتوسطه ( اول و ثاني )ماكن يسهر كثير ولكن في ثالث متوسط خربها صح
كان يواصل ثلاث ايام او اربعه او خمسه
تخيلوا عاد انتم ويجيك وجهه متعفط تقول قدر داعسته ترسله وشكله اسود تقول قرد وحركات يدينه ومغير يتلفت تقول مطرود
والله لو تشوفه ترحمه
وكان مهبل بالمدرسين وياكثر مشاكله
وعاد انا كشفته مره وهو معي استغربت حركاته ومن اموره
وطاحت منه مره قدامي حبوب وسالته عنها قال هذي حبوب حقت الضغط <<<<<< يحسبني ماعرف الحركات هذي
وقلتله يافلان تبي تمشيها علي تراني عارفك ودارسك
امورك مهب طبيعيه
هذي وشي ؟؟؟؟؟
وحشرته لين علمني
واذكر انه علمني قصه طريفه حصلت له عن امه
يقول (( كانت امي تدرس بمدرسه وكنت احط الحبوب في البيت ومره من المرات دخلت البيت بالليل تعبان سهران وابغى الفراااااااااش ومعي حبوب ابدسيها وازبنها ولا لقيت مكان الا في مستودع المطبخ وكانت الحبوب في كيسه وكانت تقريبا 6 حبات ورحت وفتحت الدولاب وحصلت ثلاجه الشاهي ( وفي روايه اخرى الزمزميه ) وحطيتها فيها ورحت وحطيت راسي
اثر امي بالصبح يوم بغت تروح للمدرسه اخذت ثلاجة الشاهي هذي لان القهوه كانت عليها وعبت الثلاجه شاهي وفيها حبوبي واخذتها للمدرسه
يوم جاء الظهر وصحيت من النوم ورحت ادور لي اكل ذابحني الجوع واشوف امي رايحه جايه انواع الادهار تطلع الدور الثاني وتنزل تحت وكل شوي شاطفتني ومغسلتن كل الملابس ومنظفه البيت كله وماخلت للخدامه فرصه تشتغل فيها
انا استغربت من الوضع هذا وبديت اشك ورحت وفتحت الدولاب وادور الثلاجه ماحصلتها
يوم التفت واثريها على الطاوله وانا افتحها واثر فيها شاهي اخذت المشخاله وقدر ورحت للمجلس وقفلت الباب ( على باله خرابيطه موجوده ) وانا اصب الشاهي بالقدر طلعت الكيسه فاااااااااضيه
عرفت ان الحبوب ذابت بالشاهي
واخذ لي بياله وعرفت ان الحبوب ذايبه
رحت لم امي وقمت اناظرها واضحك عليها
وقلتلها يمه ترا الثلاجه هذيك فيها الحبوب و ............. وعلمتها بالقصه كلها
خافت امي وقالت ودني للدكتور ووديتها لدكتور اعرفه وعلمته السالفه كلها وعطاها مهدئات
ورجعنا للبيت
ومن بكره امي قابلت المدرسات وقالتلها المديره ( الله يا ام فلان يازين قهوتك امس والله ماجلست من يوم رجعت من المدرسه نظفت البيت كله )
وبعض المدرسات يقولن حنا مانمنا طول الليل مادري وش جانا
وهي تعلمهن السالفه كلها
وهذي هي قصة خوينا مع امه
علمني فيها
وعقبها قمت انصحه عنها
وابشركم الرجال التزم الحين
وهذي نصايح من الرجال اللي جربها تقريبا 8 سنوات يعني فاهم الدنيا
(( يقول والله ماشفت منها غير الهلوسه والقلق
طفرت بي
وافتكيت من الامراض والاوجاع اللي كانت تجيني
والحمد لله انه ماراح عقلي
ويقول والله انه الى الحين فيني حركات بجسمي ماراحت من هذي البلاوي يعني حركة اليدين وبعض الالتفاتات
بعض الناس يقولون انها تضيع الوقت وتونس وتنفع وقت الاختبارات ووقت الدراسه
وقسم بالله ان مافيها الا المضره والله ماشفت التوفيق والراحه والحياة الا بعد ماتركتها
وشوفو من زود نكبتها سواتي بامي الله يكفينا شرها
واسال الله انه يكفيكم شرها وشر ماصنعت له ويهدي شباب المسلمين
هذا والله اعلم ))
انتهى كلام المجرب
وهذي القصه ماقلتها لكم الا لحرصي الشديد عليكم
والسلام خير ختام
وكنت اشوفه يوم مستانس ويوم ضايق خلقه ويوم يعطي خيط ويقط خيط ( يعني مفلت )
تخيلوا اعمارنا 14 أو 15 سنه ماكنا نتوقع ان احد يسوي سواته دليل انه عندنا كان اللي يدخن اكبر داشر عاد وشلون اللي يستعمل الحبوب هذي
وكان قليل الحضور يعني يدرس من بداية الاسبوع الا الثلاثاء والاربعاء مايدرسها او العكس
ومع هذا كان ينجح بتقدير جيد او جيد جدا
اثر الولد اذا جت الاختبارات ادهر واشوفه اذا قابلته ايام الاختبارات كل شي فيه يتحرك وينتفض نفض
وكان في اول سنين المتوسطه ( اول و ثاني )ماكن يسهر كثير ولكن في ثالث متوسط خربها صح
كان يواصل ثلاث ايام او اربعه او خمسه
تخيلوا عاد انتم ويجيك وجهه متعفط تقول قدر داعسته ترسله وشكله اسود تقول قرد وحركات يدينه ومغير يتلفت تقول مطرود
والله لو تشوفه ترحمه
وكان مهبل بالمدرسين وياكثر مشاكله
وعاد انا كشفته مره وهو معي استغربت حركاته ومن اموره
وطاحت منه مره قدامي حبوب وسالته عنها قال هذي حبوب حقت الضغط <<<<<< يحسبني ماعرف الحركات هذي
وقلتله يافلان تبي تمشيها علي تراني عارفك ودارسك
امورك مهب طبيعيه
هذي وشي ؟؟؟؟؟
وحشرته لين علمني
واذكر انه علمني قصه طريفه حصلت له عن امه
يقول (( كانت امي تدرس بمدرسه وكنت احط الحبوب في البيت ومره من المرات دخلت البيت بالليل تعبان سهران وابغى الفراااااااااش ومعي حبوب ابدسيها وازبنها ولا لقيت مكان الا في مستودع المطبخ وكانت الحبوب في كيسه وكانت تقريبا 6 حبات ورحت وفتحت الدولاب وحصلت ثلاجه الشاهي ( وفي روايه اخرى الزمزميه ) وحطيتها فيها ورحت وحطيت راسي
اثر امي بالصبح يوم بغت تروح للمدرسه اخذت ثلاجة الشاهي هذي لان القهوه كانت عليها وعبت الثلاجه شاهي وفيها حبوبي واخذتها للمدرسه
يوم جاء الظهر وصحيت من النوم ورحت ادور لي اكل ذابحني الجوع واشوف امي رايحه جايه انواع الادهار تطلع الدور الثاني وتنزل تحت وكل شوي شاطفتني ومغسلتن كل الملابس ومنظفه البيت كله وماخلت للخدامه فرصه تشتغل فيها
انا استغربت من الوضع هذا وبديت اشك ورحت وفتحت الدولاب وادور الثلاجه ماحصلتها
يوم التفت واثريها على الطاوله وانا افتحها واثر فيها شاهي اخذت المشخاله وقدر ورحت للمجلس وقفلت الباب ( على باله خرابيطه موجوده ) وانا اصب الشاهي بالقدر طلعت الكيسه فاااااااااضيه
عرفت ان الحبوب ذابت بالشاهي
واخذ لي بياله وعرفت ان الحبوب ذايبه
رحت لم امي وقمت اناظرها واضحك عليها
وقلتلها يمه ترا الثلاجه هذيك فيها الحبوب و ............. وعلمتها بالقصه كلها
خافت امي وقالت ودني للدكتور ووديتها لدكتور اعرفه وعلمته السالفه كلها وعطاها مهدئات
ورجعنا للبيت
ومن بكره امي قابلت المدرسات وقالتلها المديره ( الله يا ام فلان يازين قهوتك امس والله ماجلست من يوم رجعت من المدرسه نظفت البيت كله )
وبعض المدرسات يقولن حنا مانمنا طول الليل مادري وش جانا
وهي تعلمهن السالفه كلها
وهذي هي قصة خوينا مع امه
علمني فيها
وعقبها قمت انصحه عنها
وابشركم الرجال التزم الحين
وهذي نصايح من الرجال اللي جربها تقريبا 8 سنوات يعني فاهم الدنيا
(( يقول والله ماشفت منها غير الهلوسه والقلق
طفرت بي
وافتكيت من الامراض والاوجاع اللي كانت تجيني
والحمد لله انه ماراح عقلي
ويقول والله انه الى الحين فيني حركات بجسمي ماراحت من هذي البلاوي يعني حركة اليدين وبعض الالتفاتات
بعض الناس يقولون انها تضيع الوقت وتونس وتنفع وقت الاختبارات ووقت الدراسه
وقسم بالله ان مافيها الا المضره والله ماشفت التوفيق والراحه والحياة الا بعد ماتركتها
وشوفو من زود نكبتها سواتي بامي الله يكفينا شرها
واسال الله انه يكفيكم شرها وشر ماصنعت له ويهدي شباب المسلمين
هذا والله اعلم ))
انتهى كلام المجرب
وهذي القصه ماقلتها لكم الا لحرصي الشديد عليكم
والسلام خير ختام